akhilāgamasaṁstutaṁ ajādidēvavanditam |
akhaṇḍamaṇḍalākāraṁ anēkajanasēvitam || 1 ||
anādyantasvayambhūtaṁ āśāpāśavimōcakam |
ānandakānanādhīśaṁ caivānandapradāyakam || 2 ||
ihalōkaspr̥hānēkaparipūrakasvāminam |
īśitvādyaṣṭasiddhinaṁ indriyagrāmadaivatam || 3 ||
uragarājabhūṣaṇaṁ uḍurājavibhūṣitam |
ūrdhvaliṅgaṁ umākāntaṁ uruduḥkhavimōcakam || 4 ||
mahōjjvalasvarūpaṁ ca tripuṇḍrāṅkitamastakam |
annapūrṇāviśālākṣīnāthaṁ gaṅgādharaṁ vibhum || 5 ||
bhāvanāmātrasantuṣṭahr̥dayaṁ hr̥dayēśvaram |
bhūtabhavyabhavannāthaṁ bhavarōgaharaṁ haram || 6 ||
mahāśmaśānadēvēśaṁ bhuktimuktiphalapradam |
mahōkṣavāhanārūḍhaṁ mr̥gahastaṁ mahēśvaram || 7 ||
ugraṁ bhīmaṁ mr̥ḍaṁ śarvaṁ sarvaiśvaryapradāyakam |
nandīśvarādisaṁstutaṁ trinētraṁ tāṇḍavēśvaram || 8 ||
viśvēśaṁ viśvarūpaṁ ca viśvakāraṇamavyayam |
viṣakaṇṭhaṁ virūpākṣaṁ vīrabhadrapriyaṁ śivam || 9 ||
mahādēvaṁ mahēśānaṁ mahanīyaguṇākaram |
śrīmaṇikarṇikēśaṁ ca śrīmādhavapriyaṁ prabhum || 10 ||
mahādēvīsamāyuktaśarīraṁ paramēśvaram |
mr̥tyuñjayaṁ mr̥ḍānīśaṁ mahābhayanivārakam || 11 ||
bhaktamānasarōvaravihārāsaktaḥ śūlinam |
bhavaduḥkhavibhañjakaṁ bhaktavarapradāyakam || 12 ||
gaṅgāsnapitasarvāṅgaṁ bilvapatrādipūjitam |
nānālaṅkārasamyuktaṁ divyagandhānulēpitam || 13 ||
trayīvēdyaṁ trilōkēśaṁ tāpatrayaprabhañjakam |
tripurasundarīrūpaṁ tryambakaṁ tripurāntakam || 14 ||
vārāṇasīpurādhīśaṁ vararudrākṣadhāriṇam |
vyālayajñōpavītinaṁ vyāghracarmavibhūṣitam || 15 ||
surāsuranamaskr̥taśrīmaccaraṇapaṅkajam |
sadaikarasarūpaṁ ca sadānaṭanatatparam || 16 ||
satyajñānātmakaṁ sōmaṁ sōmasūryāgnilōcanam |
kālabhairavamīśānaṁ kālāgnirudramīśvaram || 17 ||
śuddhakaivalyarūpaṁ ca śuddhavidyāpradāyakam |
śāntaṁ padmāsanasthaṁ ca śrīkaṇṭhaṁ candraśēkharam || 18 ||
girīśaṁ girijāpatiṁ paśupāśavimōcakam |
yajñēśaṁ nīlagrīvaṁ ca yōgihr̥tpadmavāsinam || 19 ||
kōṭisūryasamaprabhaṁ candrakōṭisuśītalam |
jāgratsvapnasuṣuptīnāṁ sākṣībhūtaṁ cidātmakam || 20 ||
sarvavyāpakadēvēśaṁ viśvanāthamaharniśam |
sadaivaliṅgarūpaṁ taṁ parānandaparātparam || 21 ||
aṣṭōttaraikaśivanāma samanvitaṁ yat
stōtraṁ paṭhanti manujā bhuvi bhaktiyuktāḥ |
samprāpya laukikasukhāni paraṁ labhantē
dēhāvasānasamayē śiva samprasādāt || 22 ||
iti śrī kāśīviśvanātha aṣṭōttaraśatanāma stōtram ||