સ્કન્દ ઉવાચ |
યોગીશ્વરો મહાસેનઃ કાર્તિકેયોઽગ્નિનન્દનઃ |
સ્કન્દઃ કુમારઃ સેનાનીઃ સ્વામી શઙ્કરસમ્ભવઃ || ૧ ||
હે સ્વામિનાથ કરુણાકર દીનબન્ધો
શ્રીપાર્વતીશમુખપઙ્કજપદ્મબન્ધો |
શ્રીશાદિદેવગણપૂજિતપાદપદ્મ
વલ્લીશનાથ મમ દેહિ કરાવલમ્બમ્ || ૧ ||
દેવાદિદેવસુત દેવગણાધિનાથ [નુત]
દેવેન્દ્રવન્દ્ય મૃદુપઙ્કજમઞ્જુપાદ |
દેવર્ષિનારદમુનીન્દ્રસુગીતકીર્તે
વલ્લીશનાથ મમ દેહિ કરાવલમ્બમ્ || ૨ ||
નિત્યાન્નદાનનિરતાખિલરોગહારિન્
તસ્માત્પ્રદાનપરિપૂરિતભક્તકામ | [ભાગ્ય]
શ્રુત્યાગમપ્રણવવાચ્યનિજસ્વરૂપ
વલ્લીશનાથ મમ દેહિ કરાવલમ્બમ્ || ૩ ||
ક્રૌઞ્ચાસુરેન્દ્રપરિખણ્ડનશક્તિશૂલ-
-પાશાદિશસ્ત્રપરિમણ્ડિતદિવ્યપાણે | [ચાપાદિ]
શ્રીકુણ્ડલીશધરતુણ્ડશિખીન્દ્રવાહ
વલ્લીશનાથ મમ દેહિ કરાવલમ્બમ્ || ૪ ||
દેવાદિદેવ રથમણ્ડલમધ્યવેદ્ય
દેવેન્દ્રપીઠનગરં દૃઢચાપહસ્તમ્ |
શૂરં નિહત્ય સુરકોટિભિરીડ્યમાન
વલ્લીશનાથ મમ દેહિ કરાવલમ્બમ્ || ૫ ||
હીરાદિરત્નમણિયુક્તકિરીટહાર [હારાદિ]
કેયૂરકુણ્ડલલસત્કવચાભિરામમ્ |
હે વીર તારક જયાઽમરબૃન્દવન્દ્ય
વલ્લીશનાથ મમ દેહિ કરાવલમ્બમ્ || ૬ ||
પઞ્ચાક્ષરાદિમનુમન્ત્રિતગાઙ્ગતોયૈઃ
પઞ્ચામૃતૈઃ પ્રમુદિતેન્દ્રમુખૈર્મુનીન્દ્રૈઃ |
પટ્ટાભિષિક્ત હરિયુક્ત પરાસનાથ
વલ્લીશનાથ મમ દેહિ કરાવલમ્બમ્ || ૭ ||
શ્રીકાર્તિકેય કરુણામૃતપૂર્ણદૃષ્ટ્યા
કામાદિરોગકલુષીકૃતદુષ્ટચિત્તમ્ |
સિક્ત્વા તુ મામવકલાધર કાન્તિકાન્ત્યા
વલ્લીશનાથ મમ દેહિ કરાવલમ્બમ્ || ૮ ||
સુબ્રહ્મણ્યાષ્ટકં પુણ્યં યે પઠન્તિ દ્વિજોત્તમાઃ |
તે સર્વે મુક્તિમાયાન્તિ સુબ્રહ્મણ્ય પ્રસાદતઃ || ૯ ||
સુબ્રહ્મણ્યાષ્ટકમિદં પ્રાતરુત્થાય યઃ પઠેત્ |
કોટિજન્મકૃતં પાપં તત્ક્ષણાદેવ નશ્યતિ || ૧૦ ||
ઇતિ શ્રી સુબ્રહ્મણ્યાષ્ટકમ્ |