ଵିଶ୍ଵେଶ୍ଵରାୟ ନରକାର୍ଣଵତାରଣାୟ
କର୍ଣାମୃତାୟ ଶଶିଶେଖରଧାରଣାୟ |
କର୍ପୂରକାନ୍ତିଧଵଲାୟ ଜଟାଧରାୟ
ଦାରିଦ୍ର୍ୟଦୁଃଖଦହନାୟ ନମଃ ଶିଵାୟ || ୧ ||
ଗୌରୀପ୍ରିୟାୟ ରଜନୀଶକଲାଧରାୟ
କାଲାନ୍ତକାୟ ଭୁଜଗାଧିପକଙ୍କଣାୟ |
ଗଙ୍ଗାଧରାୟ ଗଜରାଜଵିମର୍ଦନାୟ
ଦାରିଦ୍ର୍ୟଦୁଃଖଦହନାୟ ନମଃ ଶିଵାୟ || ୨ ||
ଭକ୍ତିପ୍ରିୟାୟ ଭଵରୋଗଭୟାପହାୟ
ଉଗ୍ରାୟ ଦୁଃଖଭଵସାଗରତାରଣାୟ |
ଜ୍ୟୋତିର୍ମୟାୟ ଗୁଣନାମସୁନୃତ୍ୟକାୟ
ଦାରିଦ୍ର୍ୟଦୁଃଖଦହନାୟ ନମଃ ଶିଵାୟ || ୩ ||
ଚର୍ମାମ୍ବରାୟ ଶଵଭସ୍ମଵିଲେପନାୟ
ଫାଲେକ୍ଷଣାୟ ମଣିକୁଣ୍ଡଲମଣ୍ଡିତାୟ |
ମଞ୍ଜୀରପାଦୟୁଗଲାୟ ଜଟାଧରାୟ
ଦାରିଦ୍ର୍ୟଦୁଃଖଦହନାୟ ନମଃ ଶିଵାୟ || ୪ ||
ପଞ୍ଚାନନାୟ ଫଣିରାଜଵିଭୂଷଣାୟ
ହେମାଂଶୁକାୟ ଭୁଵନତ୍ରୟମଣ୍ଡିତାୟ |
ଆନନ୍ଦଭୂମିଵରଦାୟ ତମୋମୟାୟ
ଦାରିଦ୍ର୍ୟଦୁଃଖଦହନାୟ ନମଃ ଶିଵାୟ || ୫ ||
ଗୌରୀଵିଲାସଭଵନାୟ ମହେଶ୍ଵରାୟ
ପଞ୍ଚାନନାୟ ଶରଣାଗତକଲ୍ପକାୟ |
ଶର୍ଵାୟ ସର୍ଵଜଗତାମଧିପାୟ ତସ୍ମୈ
ଦାରିଦ୍ର୍ୟଦୁଃଖଦହନାୟ ନମଃ ଶିଵାୟ || ୬ ||
ଭାନୁପ୍ରିୟାୟ ଭଵସାଗରତାରଣାୟ
କାଲାନ୍ତକାୟ କମଲାସନପୂଜିତାୟ |
ନେତ୍ରତ୍ରୟାୟ ଶୁଭଲକ୍ଷଣ ଲକ୍ଷିତାୟ
ଦାରିଦ୍ର୍ୟଦୁଃଖଦହନାୟ ନମଃ ଶିଵାୟ || ୭ ||
ରାମପ୍ରିୟାୟ ରଘୁନାଥଵରପ୍ରଦାୟ
ନାଗପ୍ରିୟାୟ ନରକାର୍ଣଵତାରଣାୟ |
ପୁଣ୍ୟେଷୁ ପୁଣ୍ୟଭରିତାୟ ସୁରାର୍ଚିତାୟ
ଦାରିଦ୍ର୍ୟଦୁଃଖଦହନାୟ ନମଃ ଶିଵାୟ || ୮ ||
ମୁକ୍ତେଶ୍ଵରାୟ ଫଲଦାୟ ଗଣେଶ୍ଵରାୟ
ଗୀତପ୍ରିୟାୟ ଵୃଷଭେଶ୍ଵରଵାହନାୟ |
ମାତଙ୍ଗଚର୍ମଵସନାୟ ମହେଶ୍ଵରାୟ
ଦାରିଦ୍ର୍ୟଦୁଃଖଦହନାୟ ନମଃ ଶିଵାୟ || ୯ ||
ଵସିଷ୍ଠେନ କୃତଂ ସ୍ତୋତ୍ରଂ ସର୍ଵଦାରିଦ୍ର୍ୟନାଶନମ୍ |
ସର୍ଵସମ୍ପତ୍କରଂ ଶୀଘ୍ରଂ ପୁତ୍ରପୌତ୍ରାଦିଵର୍ଧନମ୍ || ୧୦ ||
ଇତି ଶ୍ରୀଵସିଷ୍ଠ କୃତ ଦାରିଦ୍ର୍ୟଦହନ ସ୍ତୋତ୍ରମ୍ |