লঙ্কাযাং শাঙ্করীদেবী কামাক্ষী কাঞ্চিকাপুরে |
প্রদ্যুম্নে শৃঙ্খলাদেবী চামুণ্ডী ক্রৌঞ্চপট্টণে || ১ ||
অলম্পুরে জোগুলাম্বা শ্রীশৈলে ভ্রমরাম্বিকা |
কোল্হাপুরে মহালক্ষ্মী মুহুর্যে একবীরিকা || ২ || [মাহুর্যে]
উজ্জযিন্যাং মহাকালী পীঠিক্যাং পুরুহূতিকা |
ওঢ্যাযাং গিরিজাদেবী মাণিক্যা দক্ষবাটকে || ৩ ||
হরিক্ষেত্রে কামরূপা প্রযাগে মাধবেশ্বরী |
জ্বালাযাং বৈষ্ণবীদেবী গযা মাঙ্গল্যগৌরিকা || ৪ ||
বারাণস্যাং বিশালাক্ষী কাশ্মীরেষু সরস্বতী |
অষ্টাদশ সুপীঠানি যোগিনামপি দুর্লভম্ || ৫ ||
সাযঙ্কালে পঠেন্নিত্যং সর্বশত্রুবিনাশনম্ |
সর্বরোগহরং দিব্যং সর্বসম্পত্করং শুভম্ || ৬ ||
ইতি অষ্টাদশ শক্তিপীঠ স্তোত্রম্ |