ജയ കാമേശി ചാമുംഡേ ജയ ഭൂതാപഹാരിണി |
ജയ സര്വഗതേ ദേവി കാമേശ്വരി നമോഽസ്തു തേ || ൧ ||
വിശ്വമൂര്തേ ശുഭേ ശുദ്ധേ വിരൂപാക്ഷി ത്രിലോചനേ |
ഭീമരൂപേ ശിവേ വിദ്യേ കാമേശ്വരി നമോഽസ്തു തേ || ൨ ||
മാലാജയേ ജയേ ജംഭേ ഭൂതാക്ഷി ക്ഷുഭിതേഽക്ഷയേ |
മഹാമായേ മഹേശാനി കാമേശ്വരി നമോഽസ്തു തേ || ൩ ||
ഭീമാക്ഷി ഭീഷണേ ദേവി സര്വഭൂതക്ഷയംകരി |
കാലി ച വികരാലി ച കാമേശ്വരി നമോഽസ്തു തേ || ൩ ||
കാലി കരാലവിക്രാംതേ കാമേശ്വരി ഹരപ്രിയേ |
സര്വശാസ്ത്രസാരഭൂതേ കാമേശ്വരി നമോഽസ്തു തേ || ൪ ||
കാമരൂപപ്രദീപേ ച നീലകൂടനിവാസിനി |
നിശുംഭശുംഭമഥനി കാമേശ്വരി നമോഽസ്തു തേ || ൫ ||
കാമാഖ്യേ കാമരൂപസ്ഥേ കാമേശ്വരി ഹരിപ്രിയേ |
കാമനാം ദേഹി മേ നിത്യം കാമേശ്വരി നമോഽസ്തു തേ || ൬ ||
വപാനാഢ്യമഹാവക്ത്രേ തഥാ ത്രിഭുവനേശ്വരി |
മഹിഷാസുരവധേ ദേവി കാമേശ്വരി നമോഽസ്തു തേ || ൭ ||
ഛാഗതുഷ്ടേ മഹാഭീമേ കാമാഖ്യേ സുരവംദിതേ |
ജയ കാമപ്രദേ തുഷ്ടേ കാമേശ്വരി നമോഽസ്തു തേ || ൮ ||
ഭ്രഷ്ടരാജ്യോ യദാ രാജാ നവമ്യാം നിയതഃ ശുചിഃ |
അഷ്ടമ്യാം ച ചതുര്ദശ്യാമുപവാസീ നരോത്തമഃ || ൯ ||
സംവത്സരേണ ലഭതേ രാജ്യം നിഷ്കംടകം പുനഃ |
യ ഇദം ശൃണുയാദ്ഭക്ത്യാ തവ ദേവി സമുദ്ഭവമ് |
സര്വപാപവിനിര്മുക്തഃ പരം നിര്വാണമൃച്ഛതി || ൧൦ ||
ശ്രീകാമരൂപേശ്വരി ഭാസ്കരപ്രഭേ
പ്രകാശിതാംഭോജനിഭായതാനനേ |
സുരാരിരക്ഷഃസ്തുതിപാതനോത്സുകേ
ത്രയീമയേ ദേവനുതേ നമാമി || ൧൧ ||
സിതാസിതേ രക്തപിശംഗവിഗ്രഹേ
രൂപാണി യസ്യാഃ പ്രതിഭാംതി താനി |
വികാരരൂപാ ച വികല്പിതാനി
ശുഭാശുഭാനാമപി താം നമാമി || ൧൨ ||
കാമരൂപസമുദ്ഭൂതേ കാമപീഠാവതംസകേ |
വിശ്വാധാരേ മഹാമായേ കാമേശ്വരി നമോഽസ്തു തേ || ൧൩ ||
അവ്യക്തവിഗ്രഹേ ശാംതേ സംതതേ കാമരൂപിണി |
കാലഗമ്യേ പരേ ശാംതേ കാമേശ്വരി നമോഽസ്തു തേ || ൧൪ ||
യാ സുഷുമ്നാംതരാലസ്ഥാ ചിംത്യതേ ജ്യോതിരൂപിണീ |
പ്രണതോഽസ്മി പരാം വീരാം കാമേശ്വരി നമോഽസ്തു തേ || ൧൫ ||
ദംഷ്ട്രാകരാലവദനേ മുംഡമാലോപശോഭിതേ |
സര്വതഃ സര്വഗേ ദേവി കാമേശ്വരി നമോഽസ്തു തേ || ൧൬ ||
ചാമുംഡേ ച മഹാകാലി കാലി കപാലഹാരിണീ |
പാശഹസ്തേ ദംഡഹസ്തേ കാമേശ്വരി നമോഽസ്തു തേ || ൧൭ ||
ചാമുംഡേ കുലമാലാസ്യേ തീക്ഷ്ണദംഷ്ട്രേ മഹാബലേ |
ശവയാനസ്ഥിതേ ദേവി കാമേശ്വരി നമോഽസ്തു തേ || ൧൮ ||
ഇതി ശ്രീ കാമാഖ്യാ സ്തോത്രമ് |