ଜଯ କାମେଶି ଚାମୁଂଡେ ଜଯ ଭୂତାପହାରିଣି |
ଜଯ ସର୍ଵଗତେ ଦେଵି କାମେଶ୍ଵରି ନମୋଽସ୍ତୁ ତେ || ୧ ||
ଵିଶ୍ଵମୂର୍ତେ ଶୁଭେ ଶୁଦ୍ଧେ ଵିରୂପାକ୍ଷି ତ୍ରିଲୋଚନେ |
ଭୀମରୂପେ ଶିଵେ ଵିଦ୍ଯେ କାମେଶ୍ଵରି ନମୋଽସ୍ତୁ ତେ || ୨ ||
ମାଲାଜଯେ ଜଯେ ଜଂଭେ ଭୂତାକ୍ଷି କ୍ଷୁଭିତେଽକ୍ଷଯେ |
ମହାମାଯେ ମହେଶାନି କାମେଶ୍ଵରି ନମୋଽସ୍ତୁ ତେ || ୩ ||
ଭୀମାକ୍ଷି ଭୀଷଣେ ଦେଵି ସର୍ଵଭୂତକ୍ଷଯଂକରି |
କାଲି ଚ ଵିକରାଲି ଚ କାମେଶ୍ଵରି ନମୋଽସ୍ତୁ ତେ || ୩ ||
କାଲି କରାଲଵିକ୍ରାଂତେ କାମେଶ୍ଵରି ହରପ୍ରିଯେ |
ସର୍ଵଶାସ୍ତ୍ରସାରଭୂତେ କାମେଶ୍ଵରି ନମୋଽସ୍ତୁ ତେ || ୪ ||
କାମରୂପପ୍ରଦୀପେ ଚ ନୀଲକୂଟନିଵାସିନି |
ନିଶୁଂଭଶୁଂଭମଥନି କାମେଶ୍ଵରି ନମୋଽସ୍ତୁ ତେ || ୫ ||
କାମାଖ୍ଯେ କାମରୂପସ୍ଥେ କାମେଶ୍ଵରି ହରିପ୍ରିଯେ |
କାମନାଂ ଦେହି ମେ ନିତ୍ଯଂ କାମେଶ୍ଵରି ନମୋଽସ୍ତୁ ତେ || ୬ ||
ଵପାନାଢ୍ଯମହାଵକ୍ତ୍ରେ ତଥା ତ୍ରିଭୁଵନେଶ୍ଵରି |
ମହିଷାସୁରଵଧେ ଦେଵି କାମେଶ୍ଵରି ନମୋଽସ୍ତୁ ତେ || ୭ ||
ଛାଗତୁଷ୍ଟେ ମହାଭୀମେ କାମାଖ୍ଯେ ସୁରଵଂଦିତେ |
ଜଯ କାମପ୍ରଦେ ତୁଷ୍ଟେ କାମେଶ୍ଵରି ନମୋଽସ୍ତୁ ତେ || ୮ ||
ଭ୍ରଷ୍ଟରାଜ୍ଯୋ ଯଦା ରାଜା ନଵମ୍ଯାଂ ନିଯତଃ ଶୁଚିଃ |
ଅଷ୍ଟମ୍ଯାଂ ଚ ଚତୁର୍ଦଶ୍ଯାମୁପଵାସୀ ନରୋତ୍ତମଃ || ୯ ||
ସଂଵତ୍ସରେଣ ଲଭତେ ରାଜ୍ଯଂ ନିଷ୍କଂଟକଂ ପୁନଃ |
ଯ ଇଦଂ ଶୃଣୁଯାଦ୍ଭକ୍ତ୍ଯା ତଵ ଦେଵି ସମୁଦ୍ଭଵମ୍ |
ସର୍ଵପାପଵିନିର୍ମୁକ୍ତଃ ପରଂ ନିର୍ଵାଣମୃଚ୍ଛତି || ୧୦ ||
ଶ୍ରୀକାମରୂପେଶ୍ଵରି ଭାସ୍କରପ୍ରଭେ
ପ୍ରକାଶିତାଂଭୋଜନିଭାଯତାନନେ |
ସୁରାରିରକ୍ଷଃସ୍ତୁତିପାତନୋତ୍ସୁକେ
ତ୍ରଯୀମଯେ ଦେଵନୁତେ ନମାମି || ୧୧ ||
ସିତାସିତେ ରକ୍ତପିଶଂଗଵିଗ୍ରହେ
ରୂପାଣି ଯସ୍ଯାଃ ପ୍ରତିଭାଂତି ତାନି |
ଵିକାରରୂପା ଚ ଵିକଲ୍ପିତାନି
ଶୁଭାଶୁଭାନାମପି ତାଂ ନମାମି || ୧୨ ||
କାମରୂପସମୁଦ୍ଭୂତେ କାମପୀଠାଵତଂସକେ |
ଵିଶ୍ଵାଧାରେ ମହାମାଯେ କାମେଶ୍ଵରି ନମୋଽସ୍ତୁ ତେ || ୧୩ ||
ଅଵ୍ଯକ୍ତଵିଗ୍ରହେ ଶାଂତେ ସଂତତେ କାମରୂପିଣି |
କାଲଗମ୍ଯେ ପରେ ଶାଂତେ କାମେଶ୍ଵରି ନମୋଽସ୍ତୁ ତେ || ୧୪ ||
ଯା ସୁଷୁମ୍ନାଂତରାଲସ୍ଥା ଚିଂତ୍ଯତେ ଜ୍ଯୋତିରୂପିଣୀ |
ପ୍ରଣତୋଽସ୍ମି ପରାଂ ଵୀରାଂ କାମେଶ୍ଵରି ନମୋଽସ୍ତୁ ତେ || ୧୫ ||
ଦଂଷ୍ଟ୍ରାକରାଲଵଦନେ ମୁଂଡମାଲୋପଶୋଭିତେ |
ସର୍ଵତଃ ସର୍ଵଗେ ଦେଵି କାମେଶ୍ଵରି ନମୋଽସ୍ତୁ ତେ || ୧୬ ||
ଚାମୁଂଡେ ଚ ମହାକାଲି କାଲି କପାଲହାରିଣୀ |
ପାଶହସ୍ତେ ଦଂଡହସ୍ତେ କାମେଶ୍ଵରି ନମୋଽସ୍ତୁ ତେ || ୧୭ ||
ଚାମୁଂଡେ କୁଲମାଲାସ୍ଯେ ତୀକ୍ଷ୍ଣଦଂଷ୍ଟ୍ରେ ମହାବଲେ |
ଶଵଯାନସ୍ଥିତେ ଦେଵି କାମେଶ୍ଵରି ନମୋଽସ୍ତୁ ତେ || ୧୮ ||
ଇତି ଶ୍ରୀ କାମାଖ୍ଯା ସ୍ତୋତ୍ରମ୍ |