ହଯଗ୍ରୀଵ ଉଵାଚ |
ଶୃଣୁ ଦ୍ଵାଦଶନାମାନି ତସ୍ଯା ଦେଵ୍ଯା ଘଟୋଦ୍ଭଵ |
ଯଦାକର୍ଣନମାତ୍ରେଣ ପ୍ରସନ୍ନା ସା ଭଵିଷ୍ଯତି || ୧ ||
ପଂଚମୀ ଦଂଡନାଥା ଚ ସଂକେତା ସମଯେଶ୍ଵରୀ |
ତଥା ସମଯସଂକେତା ଵାରାହୀ ପୋତ୍ରିଣୀ ଶିଵା || ୨ ||
ଵାର୍ତାଲୀ ଚ ମହାସେନାପ୍ଯାଜ୍ଞାଚକ୍ରେଶ୍ଵରୀ ତଥା |
ଅରିଘ୍ନୀ ଚେତି ସଂପ୍ରୋକ୍ତଂ ନାମଦ୍ଵାଦଶକଂ ମୁନେ || ୩ ||
ନାମଦ୍ଵାଦଶକାଭିଖ୍ଯ ଵଜ୍ରପଂଜର ମଧ୍ଯଗଃ |
ସଂକଟେ ଦୁଃଖମାପ୍ନୋତି ନ କଦାଚନ ମାନଵଃ || ୪ ||
ଏତୈର୍ନାମଭିରଭ୍ରସ୍ଥାଃ ସଂକେତାଂ ବହୁ ତୁଷ୍ଟୁଵୁଃ |
ତେଷାମନୁଗ୍ରହାର୍ଥାଯ ପ୍ରଚଚାଲ ଚ ସା ପୁନଃ || ୫ ||
ଇତି ଶ୍ରୀବ୍ରହ୍ମାଂଡପୁରାଣେ ଲଲିତୋପାଖ୍ଯାନେ ସପ୍ତଦଶୋଧ୍ଯାଯେ ଶ୍ରୀ ଵାରାହୀ ଦ୍ଵାଦଶନାମ ସ୍ତୋତ୍ରମ୍ |