ଇଂଦ୍ର ଉଵାଚ |
ନମସ୍ତେଽସ୍ତୁ ମହାମାଯେ ଶ୍ରୀପୀଠେ ସୁରପୂଜିତେ |
ଶଂଖଚକ୍ରଗଦାହସ୍ତେ ମହାଲକ୍ଷ୍ମି ନମୋଽସ୍ତୁ ତେ || ୧ ||
ନମସ୍ତେ ଗରୁଡାରୂଢେ କୋଲାସୁରଭଯଂକରି |
ସର୍ଵପାପହରେ ଦେଵି ମହାଲକ୍ଷ୍ମି ନମୋଽସ୍ତୁ ତେ || ୨ ||
ସର୍ଵଜ୍ଞେ ସର୍ଵଵରଦେ ସର୍ଵଦୁଷ୍ଟଭଯଂକରି |
ସର୍ଵଦୁଃଖହରେ ଦେଵି ମହାଲକ୍ଷ୍ମି ନମୋଽସ୍ତୁ ତେ || ୩ ||
ସିଦ୍ଧିବୁଦ୍ଧିପ୍ରଦେ ଦେଵି ଭୁକ୍ତିମୁକ୍ତିପ୍ରଦାଯିନି |
ମଂତ୍ରମୂର୍ତେ ସଦା ଦେଵି ମହାଲକ୍ଷ୍ମି ନମୋଽସ୍ତୁ ତେ || ୪ ||
ଆଦ୍ଯଂତରହିତେ ଦେଵି ଆଦ୍ଯଶକ୍ତି ମହେଶ୍ଵରି |
ଯୋଗଜେ ଯୋଗସଂଭୂତେ ମହାଲକ୍ଷ୍ମି ନମୋଽସ୍ତୁ ତେ || ୫ || [ଯୋଗଜ୍ଞେ]
ସ୍ଥୂଲସୂକ୍ଷ୍ମମହାରୌଦ୍ରେ ମହାଶକ୍ତେ ମହୋଦରେ |
ମହାପାପହରେ ଦେଵି ମହାଲକ୍ଷ୍ମି ନମୋଽସ୍ତୁ ତେ || ୬ ||
ପଦ୍ମାସନସ୍ଥିତେ ଦେଵି ପରବ୍ରହ୍ମସ୍ଵରୂପିଣି |
ପରମେଶି ଜଗନ୍ମାତର୍ମହାଲକ୍ଷ୍ମି ନମୋଽସ୍ତୁ ତେ || ୭ ||
ଶ୍ଵେତାଂବରଧରେ ଦେଵି ନାନାଲଂକାରଭୂଷିତେ |
ଜଗତ୍ସ୍ଥିତେ ଜଗନ୍ମାତର୍ମହାଲକ୍ଷ୍ମି ନମୋଽସ୍ତୁ ତେ || ୮ ||
ମହାଲକ୍ଷ୍ମ୍ଯଷ୍ଟକଂ ସ୍ତୋତ୍ରଂ ଯଃ ପଠେଦ୍ଭକ୍ତିମାନ୍ନରଃ |
ସର୍ଵସିଦ୍ଧିମଵାପ୍ନୋତି ରାଜ୍ଯଂ ପ୍ରାପ୍ନୋତି ସର୍ଵଦା || ୯ ||
ଏକକାଲଂ ପଠେନ୍ନିତ୍ଯଂ ମହାପାପଵିନାଶନମ୍ |
ଦ୍ଵିକାଲଂ ଯଃ ପଠେନ୍ନିତ୍ଯଂ ଧନଧାନ୍ଯସମନ୍ଵିତଃ || ୧୦ ||
ତ୍ରିକାଲଂ ଯଃ ପଠେନ୍ନିତ୍ଯଂ ମହାଶତ୍ରୁଵିନାଶନମ୍ |
ମହାଲକ୍ଷ୍ମୀର୍ଭଵେନ୍ନିତ୍ଯଂ ପ୍ରସନ୍ନା ଵରଦା ଶୁଭା || ୧୧ ||
ଇତି ଶ୍ରୀ ମହାଲକ୍ଷ୍ମ୍ଯଷ୍ଟକମ୍ ||