ನಾಮಸ್ಮರಣಾದನ್ಯೋಪಾಯಂ ನ ಹಿ ಪಶ್ಯಾಮೋ ಭವತರಣೇ |
ರಾಮ ಹರೇ ಕೃಷ್ಣ ಹರೇ ತವ ನಾಮ ವದಾಮಿ ಸದಾ ನೃಹರೇ ||
ವೇದೋದ್ಧಾರವಿಚಾರಮತೇ ಸೋಮಕದಾನವಸಂಹರಣೇ
ಮೀನಾಕಾರಶರೀರ ನಮೋ ಹರಿ ಭಕ್ತಂ ತೇ ಪರಿಪಾಲಯ ಮಾಮ್ || ೧ ||
ಮಂಥಾನಾಚಲಧಾರಣಹೇತೋ ದೇವಾಸುರ ಪರಿಪಾಲ ವಿಭೋ
ಕೂರ್ಮಾಕಾರಶರೀರ ನಮೋ ಹರಿ ಭಕ್ತಂ ತೇ ಪರಿಪಾಲಯ ಮಾಮ್ || ೨ ||
ಭೂಚೋರಕಹರ ಪುಣ್ಯಮತೇ ಕ್ರೀಢೋದ್ಧೃತಭೂದೇಶಹರೇ
ಕ್ರೋಢಾಕಾರ ಶರೀರ ನಮೋ ಹರಿ ಭಕ್ತಂ ತೇ ಪರಿಪಾಲಯ ಮಾಮ್ || ೩ ||
ಹಿರಣ್ಯಕಶಿಪುಚ್ಛೇದನಹೇತೋ ಪ್ರಹ್ಲಾದಾಽಭಯಧಾರಣಹೇತೋ
ನರಸಿಂಹಾಚ್ಯುತರೂಪ ನಮೋ ಹರಿ ಭಕ್ತಂ ತೇ ಪರಿಪಾಲಯ ಮಾಮ್ || ೪ ||
ಬಲಿಮದಭಂಜನ ವಿತತಮತೇ ಪಾದೋದ್ವಯಕೃತಲೋಕಕೃತೇ
ವಟುಪಟುವೇಷ ಮನೋಜ್ಞ ನಮೋ ಹರಿ ಭಕ್ತಂ ತೇ ಪರಿಪಾಲಯ ಮಾಮ್ || ೫ ||
ಕ್ಷಿತಿಪತಿವಂಶಸಂಭವಮೂರ್ತೇ ಕ್ಷಿತಿಪತಿರಕ್ಷಾಕ್ಷತಮೂರ್ತೇ
ಭೃಗುಪತಿರಾಮವರೇಣ್ಯ ನಮೋ ಹರಿ ಭಕ್ತಂ ತೇ ಪರಿಪಾಲಯ ಮಾಮ್ || ೬ ||
ಸೀತಾವಲ್ಲಭ ದಾಶರಥೇ ದಶರಥನಂದನ ಲೋಕಗುರೋ
ರಾವಣಮರ್ದನ ರಾಮ ನಮೋ ಹರಿ ಭಕ್ತಂ ತೇ ಪರಿಪಾಲಯ ಮಾಮ್ || ೭ ||
ಕೃಷ್ಣಾನಂತ ಕೃಪಾಜಲಧೇ ಕಂಸಾರೇ ಕಮಲೇಶ ಹರೇ
ಕಾಳಿಯಮರ್ದನ ಕೃಷ್ಣ ನಮೋ ಹರಿ ಭಕ್ತಂ ತೇ ಪರಿಪಾಲಯ ಮಾಮ್ || ೮ ||
ತ್ರಿಪುರಸತೀ ಮಾನವಿಹರಣಾ ತ್ರಿಪುರವಿಜಯಮಾರ್ಗನರೂಪಾ
ಶುದ್ಧಜ್ಞಾನವಿಬುದ್ಧ ನಮೋ ಭಕ್ತಾಂ ತೇ ಪರಿಪಾಲಯ ಮಾಮ್ || ೯ ||
ಶಿಷ್ಟಜನಾವನ ದುಷ್ಟಹರ ಖಗತುರಗೋತ್ತಮವಾಹನ ತೇ
ಕಲ್ಕಿರೂಪಪರಿಪಾಲ ನಮೋ ಭಕ್ತಾಂ ತೇ ಪರಿಪಾಲಯ ಮಾಮ್ || ೧೦ ||
ನಾಮಸ್ಮರಣಾದನ್ಯೋಪಾಯಂ ನ ಹಿ ಪಶ್ಯಾಮೋ ಭವತರಣೇ
ರಾಮ ಹರೇ ಕೃಷ್ಣ ಹರೇ ತವ ನಾಮ ವದಾಮಿ ಸದಾ ನೃಹರೇ || ೧೧ ||