નામસ્મરણાદન્યોપાયં ન હિ પશ્યામો ભવતરણે |
રામ હરે કૃષ્ણ હરે તવ નામ વદામિ સદા નૃહરે ||
વેદોદ્ધારવિચારમતે સોમકદાનવસંહરણે
મીનાકારશરીર નમો હરિ ભક્તં તે પરિપાલય મામ્ || ૧ ||
મંથાનાચલધારણહેતો દેવાસુર પરિપાલ વિભો
કૂર્માકારશરીર નમો હરિ ભક્તં તે પરિપાલય મામ્ || ૨ ||
ભૂચોરકહર પુણ્યમતે ક્રીઢોદ્ધૃતભૂદેશહરે
ક્રોઢાકાર શરીર નમો હરિ ભક્તં તે પરિપાલય મામ્ || ૩ ||
હિરણ્યકશિપુચ્છેદનહેતો પ્રહ્લાદાઽભયધારણહેતો
નરસિંહાચ્યુતરૂપ નમો હરિ ભક્તં તે પરિપાલય મામ્ || ૪ ||
બલિમદભંજન વિતતમતે પાદોદ્વયકૃતલોકકૃતે
વટુપટુવેષ મનોજ્ઞ નમો હરિ ભક્તં તે પરિપાલય મામ્ || ૫ ||
ક્ષિતિપતિવંશસંભવમૂર્તે ક્ષિતિપતિરક્ષાક્ષતમૂર્તે
ભૃગુપતિરામવરેણ્ય નમો હરિ ભક્તં તે પરિપાલય મામ્ || ૬ ||
સીતાવલ્લભ દાશરથે દશરથનંદન લોકગુરો
રાવણમર્દન રામ નમો હરિ ભક્તં તે પરિપાલય મામ્ || ૭ ||
કૃષ્ણાનંત કૃપાજલધે કંસારે કમલેશ હરે
કાળિયમર્દન કૃષ્ણ નમો હરિ ભક્તં તે પરિપાલય મામ્ || ૮ ||
ત્રિપુરસતી માનવિહરણા ત્રિપુરવિજયમાર્ગનરૂપા
શુદ્ધજ્ઞાનવિબુદ્ધ નમો ભક્તાં તે પરિપાલય મામ્ || ૯ ||
શિષ્ટજનાવન દુષ્ટહર ખગતુરગોત્તમવાહન તે
કલ્કિરૂપપરિપાલ નમો ભક્તાં તે પરિપાલય મામ્ || ૧૦ ||
નામસ્મરણાદન્યોપાયં ન હિ પશ્યામો ભવતરણે
રામ હરે કૃષ્ણ હરે તવ નામ વદામિ સદા નૃહરે || ૧૧ ||