ശ്രീ കൃഷ്ണ ഉവാച |
സുലഭോ ഭക്തിയുക്താനാം ദുര്ദര്ശോ ദുഷ്ടചേതസാമ് |
അനന്യഗതികാനാം ച പ്രഭുര്ഭക്തൈകവത്സലഃ || ൧
ശനൈശ്ചരസ്തത്ര നൃസിംഹദേവ
സ്തുതിം ചകാരാമല ചിത്തവൃതിഃ |
പ്രണമ്യ സാഷ്ടാംഗമശേഷലോക
കിരീട നീരാജിത പാദപദ്മമ് || ൨ ||
ശ്രീ ശനിരുവാച |
യത്പാദപംകജരജഃ പരമാദരേണ
സംസേവിതം സകലകല്മഷരാശിനാശമ് |
കല്യാണകാരകമശേഷനിജാനുഗാനാം
സ ത്വം നൃസിംഹ മയി ദേഹി കൃപാവലോകമ് || ൩ ||
സര്വത്ര ചംചലതയാ സ്ഥിതയാ ഹി ലക്ഷ്മ്യാ
ബ്രഹ്മാദിവംദ്യപദയാ സ്ഥിരയാന്യസേവീ |
പാദാരവിംദയുഗളം പരമാദരേണ
സ ത്വം നൃസിംഹ മയി ദേഹി കൃപാവലോകമ് || ൪ ||
യദ്രൂപമാഗമശിരഃ പ്രതിപാദ്യമാദ്യം
ആധ്യാത്മികാദി പരിതാപഹരം വിചിംത്യമ് |
യോഗീശ്വരൈരപഗതാഽഖിലദോഷസംഘൈഃ
സ ത്വം നൃസിംഹ മയി ദേഹി കൃപാവലോകമ് || ൫ ||
പ്രഹ്ലാദഭക്തവചസാ ഹരിരാവിരാസീത്
സ്തംഭേ ഹിരണ്യകശിപും യ ഉദാരഭാവഃ |
ഊര്വോ നിധായ ഉദരം നഖരൈര്ദദാര
സ ത്വം നൃസിംഹ മയി ദേഹി കൃപാവലോകമ് || ൬ ||
യോ നൈജഭക്തമനലാംബുധി ഭൂധരോഗ്ര-
-ശൃംഗപ്രപാത വിഷദംതസരീസൃപേഭ്യഃ |
സര്വാത്മകഃ പരമകാരുണികോ രരക്ഷ
സ ത്വം നൃസിംഹ മയി ദേഹി കൃപാവലോകമ് || ൭ ||
യന്നിര്വികാര പരരൂപ വിചിംതനേന
യോഗീശ്വരാ വിഷയവീത സമസ്തരാഗാഃ |
വിശ്രാംതിമാപുര വിനാശവതീം പരാഖ്യാം
സ ത്വം നൃസിംഹ മയി ദേഹി കൃപാവലോകമ് || ൮ ||
യദ്രൂപമുഗ്രമരിമര്ദന ഭാവശാലീ
സംചിംതനേന സകലാഭവഭീതിഹാരീ | [അഘവിനാശകാരി]
ഭൂത ജ്വര ഗ്രഹ സമുദ്ഭവ ഭീതിനാശം
സ ത്വം നൃസിംഹ മയി ദേഹി കൃപാവലോകമ് || ൯ ||
യസ്യോത്തമം യശ ഉമാപതിമഗ്രജന്മ
ശക്രാദി ദൈവത സഭാസു സമസ്തഗീതമ് |
ശ്രുത്വൈക സര്വശമലപ്രശമേകദക്ഷം [ശക്ത്യൈവ]
സ ത്വം നൃസിംഹ മയി ദേഹി കൃപാവലോകമ് || ൧൦ ||
ശ്രീകൃഷ്ണ ഉവാച |
ഇത്ഥം ശ്രുത്വാ സ്തുതിം ദേവഃ ശനിനാ കല്പിതാം ഹരിഃ |
ഉവാച ബ്രഹ്മ വൃംദസ്ഥം ശനിം തം ഭക്തവത്സലഃ || ൧൧ ||
ശ്രീനൃസിംഹ ഉവാച |
പ്രസന്നോഽഹം ശനേ തുഭ്യം വരം വരയ ശോഭനമ് |
യം വാംഛസി തമേവ ത്വം സര്വലോക ഹിതാവഹമ് || ൧൨ ||
ശ്രീ ശനിരുവാച |
നൃസിംഹ ത്വം മയി കൃപാം കുരു ദേവ ദയാനിധേ |
മദ്വാസരസ്തവ പ്രീതികരഃ സ്യാദ്ദേവതാപതേ || ൧൩ ||
മത്കൃതം ത്വത്പരം സ്തോത്രം ശൃണ്വന്തി ച പഠന്തി ച |
സര്വാന് കാമന് പൂരയേഥാഃ തേഷാം ത്വം ലോകഭാവന || ൧൪ ||
ശ്രീ നൃസിംഹ ഉവാച |
തഥൈവാസ്തു ശനേഽഹം വൈ രക്ഷോ ഭുവനസംസ്ഥിതഃ |
ഭക്ത കാമാന് പൂരയിഷ്യേ ത്വം മമൈകം വചഃ ശൃണു || ൧൫ ||
ത്വത്കൃതം മത്പരം സ്തോത്രം യഃ പഠേച്ഛൃണുയാച്ച യഃ |
ദ്വാദശാഷ്ടമ ജന്മസ്ഥാത് ത്വദ്ഭയം മാസ്തു തസ്യ വൈ || ൧൬ ||
ശനിര്നരഹരിം ദേവം തഥേതി പ്രത്യുവാച ഹ |
തതഃ പരമസംതുഷ്ടോ ജയേതി മുനയോവദന് || ൧൭ ||
ശ്രീ കൃഷ്ണ ഉവാച |
ഇദം ശനൈശ്ചരസ്യാഥ നൃസിംഹ ദേവ
സംവാദമേതത് സ്തവനം ച മാനവഃ |
ശൃണോതി യഃ ശ്രാവയതേ ച ഭക്ത്യാ
സര്വാണ്യഭീഷ്ടാനി ച വിന്ദതേ ധ്രുവമ് || ൧൮ ||
ഇതി ശ്രീ ഭവിഷ്യോത്തരപുരാണേ ശ്രീ ശനൈശ്ചര കൃത ശ്രീ നൃസിംഹ സ്തുതിഃ |