শ্রী কৃষ্ণ উৱাচ |
সুলভো ভক্তিযুক্তানাং দুর্দর্শো দুষ্টচেতসাম্ |
অনন্যগতিকানাং চ প্রভুর্ভক্তৈকৱত্সলঃ || ১
শনৈশ্চরস্তত্র নৃসিংহদেৱ
স্তুতিং চকারামল চিত্তৱৃতিঃ |
প্রণম্য সাষ্টাংগমশেষলোক
কিরীট নীরাজিত পাদপদ্মম্ || ২ ||
শ্রী শনিরুৱাচ |
যত্পাদপংকজরজঃ পরমাদরেণ
সংসেৱিতং সকলকল্মষরাশিনাশম্ |
কল্যাণকারকমশেষনিজানুগানাং
স ত্ৱং নৃসিংহ মযি দেহি কৃপাৱলোকম্ || ৩ ||
সর্ৱত্র চংচলতযা স্থিতযা হি লক্ষ্ম্যা
ব্রহ্মাদিৱংদ্যপদযা স্থিরযান্যসেৱী |
পাদারৱিংদযুগলং পরমাদরেণ
স ত্ৱং নৃসিংহ মযি দেহি কৃপাৱলোকম্ || ৪ ||
যদ্রূপমাগমশিরঃ প্রতিপাদ্যমাদ্যং
আধ্যাত্মিকাদি পরিতাপহরং ৱিচিংত্যম্ |
যোগীশ্ৱরৈরপগতাঽখিলদোষসংঘৈঃ
স ত্ৱং নৃসিংহ মযি দেহি কৃপাৱলোকম্ || ৫ ||
প্রহ্লাদভক্তৱচসা হরিরাৱিরাসীত্
স্তংভে হিরণ্যকশিপুং য উদারভাৱঃ |
ঊর্ৱো নিধায উদরং নখরৈর্দদার
স ত্ৱং নৃসিংহ মযি দেহি কৃপাৱলোকম্ || ৬ ||
যো নৈজভক্তমনলাংবুধি ভূধরোগ্র-
-শৃংগপ্রপাত ৱিষদংতসরীসৃপেভ্যঃ |
সর্ৱাত্মকঃ পরমকারুণিকো ররক্ষ
স ত্ৱং নৃসিংহ মযি দেহি কৃপাৱলোকম্ || ৭ ||
যন্নির্ৱিকার পররূপ ৱিচিংতনেন
যোগীশ্ৱরা ৱিষযৱীত সমস্তরাগাঃ |
ৱিশ্রাংতিমাপুর ৱিনাশৱতীং পরাখ্যাং
স ত্ৱং নৃসিংহ মযি দেহি কৃপাৱলোকম্ || ৮ ||
যদ্রূপমুগ্রমরিমর্দন ভাৱশালী
সংচিংতনেন সকলাভৱভীতিহারী | [অঘৱিনাশকারি]
ভূত জ্ৱর গ্রহ সমুদ্ভৱ ভীতিনাশং
স ত্ৱং নৃসিংহ মযি দেহি কৃপাৱলোকম্ || ৯ ||
যস্যোত্তমং যশ উমাপতিমগ্রজন্ম
শক্রাদি দৈৱত সভাসু সমস্তগীতম্ |
শ্রুত্ৱৈক সর্ৱশমলপ্রশমেকদক্ষং [শক্ত্যৈৱ]
স ত্ৱং নৃসিংহ মযি দেহি কৃপাৱলোকম্ || ১০ ||
শ্রীকৃষ্ণ উৱাচ |
ইত্থং শ্রুত্ৱা স্তুতিং দেৱঃ শনিনা কল্পিতাং হরিঃ |
উৱাচ ব্রহ্ম ৱৃংদস্থং শনিং তং ভক্তৱত্সলঃ || ১১ ||
শ্রীনৃসিংহ উৱাচ |
প্রসন্নোঽহং শনে তুভ্যং ৱরং ৱরয শোভনম্ |
যং ৱাংছসি তমেৱ ত্ৱং সর্ৱলোক হিতাৱহম্ || ১২ ||
শ্রী শনিরুৱাচ |
নৃসিংহ ত্ৱং মযি কৃপাং কুরু দেৱ দযানিধে |
মদ্ৱাসরস্তৱ প্রীতিকরঃ স্যাদ্দেৱতাপতে || ১৩ ||
মত্কৃতং ত্ৱত্পরং স্তোত্রং শৃণ্ৱন্তি চ পঠন্তি চ |
সর্ৱান্ কামন্ পূরযেথাঃ তেষাং ত্ৱং লোকভাৱন || ১৪ ||
শ্রী নৃসিংহ উৱাচ |
তথৈৱাস্তু শনেঽহং ৱৈ রক্ষো ভুৱনসংস্থিতঃ |
ভক্ত কামান্ পূরযিষ্যে ত্ৱং মমৈকং ৱচঃ শৃণু || ১৫ ||
ত্ৱত্কৃতং মত্পরং স্তোত্রং যঃ পঠেচ্ছৃণুযাচ্চ যঃ |
দ্ৱাদশাষ্টম জন্মস্থাত্ ত্ৱদ্ভযং মাস্তু তস্য ৱৈ || ১৬ ||
শনির্নরহরিং দেৱং তথেতি প্রত্যুৱাচ হ |
ততঃ পরমসংতুষ্টো জযেতি মুনযোৱদন্ || ১৭ ||
শ্রী কৃষ্ণ উৱাচ |
ইদং শনৈশ্চরস্যাথ নৃসিংহ দেৱ
সংৱাদমেতত্ স্তৱনং চ মানৱঃ |
শৃণোতি যঃ শ্রাৱযতে চ ভক্ত্যা
সর্ৱাণ্যভীষ্টানি চ ৱিন্দতে ধ্রুৱম্ || ১৮ ||
ইতি শ্রী ভৱিষ্যোত্তরপুরাণে শ্রী শনৈশ্চর কৃত শ্রী নৃসিংহ স্তুতিঃ |