શ્રી કૃષ્ણ ઉવાચ |
સુલભો ભક્તિયુક્તાનાં દુર્દર્શો દુષ્ટચેતસામ્ |
અનન્યગતિકાનાં ચ પ્રભુર્ભક્તૈકવત્સલઃ || ૧
શનૈશ્ચરસ્તત્ર નૃસિંહદેવ
સ્તુતિં ચકારામલ ચિત્તવૃતિઃ |
પ્રણમ્ય સાષ્ટાંગમશેષલોક
કિરીટ નીરાજિત પાદપદ્મમ્ || ૨ ||
શ્રી શનિરુવાચ |
યત્પાદપંકજરજઃ પરમાદરેણ
સંસેવિતં સકલકલ્મષરાશિનાશમ્ |
કલ્યાણકારકમશેષનિજાનુગાનાં
સ ત્વં નૃસિંહ મયિ દેહિ કૃપાવલોકમ્ || ૩ ||
સર્વત્ર ચંચલતયા સ્થિતયા હિ લક્ષ્મ્યા
બ્રહ્માદિવંદ્યપદયા સ્થિરયાન્યસેવી |
પાદારવિંદયુગળં પરમાદરેણ
સ ત્વં નૃસિંહ મયિ દેહિ કૃપાવલોકમ્ || ૪ ||
યદ્રૂપમાગમશિરઃ પ્રતિપાદ્યમાદ્યં
આધ્યાત્મિકાદિ પરિતાપહરં વિચિંત્યમ્ |
યોગીશ્વરૈરપગતાઽખિલદોષસંઘૈઃ
સ ત્વં નૃસિંહ મયિ દેહિ કૃપાવલોકમ્ || ૫ ||
પ્રહ્લાદભક્તવચસા હરિરાવિરાસીત્
સ્તંભે હિરણ્યકશિપું ય ઉદારભાવઃ |
ઊર્વો નિધાય ઉદરં નખરૈર્દદાર
સ ત્વં નૃસિંહ મયિ દેહિ કૃપાવલોકમ્ || ૬ ||
યો નૈજભક્તમનલાંબુધિ ભૂધરોગ્ર-
-શૃંગપ્રપાત વિષદંતસરીસૃપેભ્યઃ |
સર્વાત્મકઃ પરમકારુણિકો રરક્ષ
સ ત્વં નૃસિંહ મયિ દેહિ કૃપાવલોકમ્ || ૭ ||
યન્નિર્વિકાર પરરૂપ વિચિંતનેન
યોગીશ્વરા વિષયવીત સમસ્તરાગાઃ |
વિશ્રાંતિમાપુર વિનાશવતીં પરાખ્યાં
સ ત્વં નૃસિંહ મયિ દેહિ કૃપાવલોકમ્ || ૮ ||
યદ્રૂપમુગ્રમરિમર્દન ભાવશાલી
સંચિંતનેન સકલાભવભીતિહારી | [અઘવિનાશકારિ]
ભૂત જ્વર ગ્રહ સમુદ્ભવ ભીતિનાશં
સ ત્વં નૃસિંહ મયિ દેહિ કૃપાવલોકમ્ || ૯ ||
યસ્યોત્તમં યશ ઉમાપતિમગ્રજન્મ
શક્રાદિ દૈવત સભાસુ સમસ્તગીતમ્ |
શ્રુત્વૈક સર્વશમલપ્રશમેકદક્ષં [શક્ત્યૈવ]
સ ત્વં નૃસિંહ મયિ દેહિ કૃપાવલોકમ્ || ૧૦ ||
શ્રીકૃષ્ણ ઉવાચ |
ઇત્થં શ્રુત્વા સ્તુતિં દેવઃ શનિના કલ્પિતાં હરિઃ |
ઉવાચ બ્રહ્મ વૃંદસ્થં શનિં તં ભક્તવત્સલઃ || ૧૧ ||
શ્રીનૃસિંહ ઉવાચ |
પ્રસન્નોઽહં શને તુભ્યં વરં વરય શોભનમ્ |
યં વાંછસિ તમેવ ત્વં સર્વલોક હિતાવહમ્ || ૧૨ ||
શ્રી શનિરુવાચ |
નૃસિંહ ત્વં મયિ કૃપાં કુરુ દેવ દયાનિધે |
મદ્વાસરસ્તવ પ્રીતિકરઃ સ્યાદ્દેવતાપતે || ૧૩ ||
મત્કૃતં ત્વત્પરં સ્તોત્રં શૃણ્વન્તિ ચ પઠન્તિ ચ |
સર્વાન્ કામન્ પૂરયેથાઃ તેષાં ત્વં લોકભાવન || ૧૪ ||
શ્રી નૃસિંહ ઉવાચ |
તથૈવાસ્તુ શનેઽહં વૈ રક્ષો ભુવનસંસ્થિતઃ |
ભક્ત કામાન્ પૂરયિષ્યે ત્વં મમૈકં વચઃ શૃણુ || ૧૫ ||
ત્વત્કૃતં મત્પરં સ્તોત્રં યઃ પઠેચ્છૃણુયાચ્ચ યઃ |
દ્વાદશાષ્ટમ જન્મસ્થાત્ ત્વદ્ભયં માસ્તુ તસ્ય વૈ || ૧૬ ||
શનિર્નરહરિં દેવં તથેતિ પ્રત્યુવાચ હ |
તતઃ પરમસંતુષ્ટો જયેતિ મુનયોવદન્ || ૧૭ ||
શ્રી કૃષ્ણ ઉવાચ |
ઇદં શનૈશ્ચરસ્યાથ નૃસિંહ દેવ
સંવાદમેતત્ સ્તવનં ચ માનવઃ |
શૃણોતિ યઃ શ્રાવયતે ચ ભક્ત્યા
સર્વાણ્યભીષ્ટાનિ ચ વિન્દતે ધ્રુવમ્ || ૧૮ ||
ઇતિ શ્રી ભવિષ્યોત્તરપુરાણે શ્રી શનૈશ્ચર કૃત શ્રી નૃસિંહ સ્તુતિઃ |