ഭജേ വിശേഷസുംദരം സമസ്തപാപഖംഡനമ് |
സ്വഭക്തചിത്തരംജനം സദൈവ രാമമദ്വയമ് || ൧ ||
ജടാകലാപശോഭിതം സമസ്തപാപനാശകമ് |
സ്വഭക്തഭീതിഭംജനം ഭജേ ഹ രാമമദ്വയമ് || ൨ ||
നിജസ്വരൂപബോധകം കൃപാകരം ഭവാഽപഹമ് |
സമം ശിവം നിരംജനം ഭജേ ഹ രാമമദ്വയമ് || ൩ ||
സദാ പ്രപംചകല്പിതം ഹ്യനാമരൂപവാസ്തവമ് |
നിരാകൃതിം നിരാമയം ഭജേ ഹ രാമമദ്വയമ് || ൪ ||
നിഷ്പ്രപംച നിര്വികല്പ നിര്മലം നിരാമയമ് |
ചിദേകരൂപസംതതം ഭജേ ഹ രാമമദ്വയമ് || ൫ ||
ഭവാബ്ധിപോതരൂപകം ഹ്യശേഷദേഹകല്പിതമ് |
ഗുണാകരം കൃപാകരം ഭജേ ഹ രാമമദ്വയമ് || ൬ ||
മഹാസുവാക്യബോധകൈര്വിരാജമാനവാക്പദൈഃ |
പരം ച ബ്രഹ്മ വ്യാപകം ഭജേ ഹ രാമമദ്വയമ് || ൭ ||
ശിവപ്രദം സുഖപ്രദം ഭവച്ഛിദം ഭ്രമാപഹമ് |
വിരാജമാനദൈശികം ഭജേ ഹ രാമമദ്വയമ് || ൮ ||
രാമാഷ്ടകം പഠതി യഃ സുഖദം സുപുണ്യം
വ്യാസേന ഭാഷിതമിദം ശൃണുതേ മനുഷ്യഃ |
വിദ്യാം ശ്രിയം വിപുലസൌഖ്യമനംതകീര്തിം
സംപ്രാപ്യ ദേഹവിലയേ ലഭതേ ച മോക്ഷമ് || ൯ ||
ഇതി ശ്രീവ്യാസ പ്രോക്ത ശ്രീരാമാഷ്ടകമ് |