ভজে ৱিশেষসুংদরং সমস্তপাপখংডনম্ |
স্ৱভক্তচিত্তরংজনং সদৈৱ রামমদ্ৱযম্ || ১ ||
জটাকলাপশোভিতং সমস্তপাপনাশকম্ |
স্ৱভক্তভীতিভংজনং ভজে হ রামমদ্ৱযম্ || ২ ||
নিজস্ৱরূপবোধকং কৃপাকরং ভৱাঽপহম্ |
সমং শিৱং নিরংজনং ভজে হ রামমদ্ৱযম্ || ৩ ||
সদা প্রপংচকল্পিতং হ্যনামরূপৱাস্তৱম্ |
নিরাকৃতিং নিরামযং ভজে হ রামমদ্ৱযম্ || ৪ ||
নিষ্প্রপংচ নির্ৱিকল্প নির্মলং নিরামযম্ |
চিদেকরূপসংততং ভজে হ রামমদ্ৱযম্ || ৫ ||
ভৱাব্ধিপোতরূপকং হ্যশেষদেহকল্পিতম্ |
গুণাকরং কৃপাকরং ভজে হ রামমদ্ৱযম্ || ৬ ||
মহাসুৱাক্যবোধকৈর্ৱিরাজমানৱাক্পদৈঃ |
পরং চ ব্রহ্ম ৱ্যাপকং ভজে হ রামমদ্ৱযম্ || ৭ ||
শিৱপ্রদং সুখপ্রদং ভৱচ্ছিদং ভ্রমাপহম্ |
ৱিরাজমানদৈশিকং ভজে হ রামমদ্ৱযম্ || ৮ ||
রামাষ্টকং পঠতি যঃ সুখদং সুপুণ্যং
ৱ্যাসেন ভাষিতমিদং শৃণুতে মনুষ্যঃ |
ৱিদ্যাং শ্রিযং ৱিপুলসৌখ্যমনংতকীর্তিং
সংপ্রাপ্য দেহৱিলযে লভতে চ মোক্ষম্ || ৯ ||
ইতি শ্রীৱ্যাস প্রোক্ত শ্রীরামাষ্টকম্ |