ભજે વિશેષસુંદરં સમસ્તપાપખંડનમ્ |
સ્વભક્તચિત્તરંજનં સદૈવ રામમદ્વયમ્ || ૧ ||
જટાકલાપશોભિતં સમસ્તપાપનાશકમ્ |
સ્વભક્તભીતિભંજનં ભજે હ રામમદ્વયમ્ || ૨ ||
નિજસ્વરૂપબોધકં કૃપાકરં ભવાઽપહમ્ |
સમં શિવં નિરંજનં ભજે હ રામમદ્વયમ્ || ૩ ||
સદા પ્રપંચકલ્પિતં હ્યનામરૂપવાસ્તવમ્ |
નિરાકૃતિં નિરામયં ભજે હ રામમદ્વયમ્ || ૪ ||
નિષ્પ્રપંચ નિર્વિકલ્પ નિર્મલં નિરામયમ્ |
ચિદેકરૂપસંતતં ભજે હ રામમદ્વયમ્ || ૫ ||
ભવાબ્ધિપોતરૂપકં હ્યશેષદેહકલ્પિતમ્ |
ગુણાકરં કૃપાકરં ભજે હ રામમદ્વયમ્ || ૬ ||
મહાસુવાક્યબોધકૈર્વિરાજમાનવાક્પદૈઃ |
પરં ચ બ્રહ્મ વ્યાપકં ભજે હ રામમદ્વયમ્ || ૭ ||
શિવપ્રદં સુખપ્રદં ભવચ્છિદં ભ્રમાપહમ્ |
વિરાજમાનદૈશિકં ભજે હ રામમદ્વયમ્ || ૮ ||
રામાષ્ટકં પઠતિ યઃ સુખદં સુપુણ્યં
વ્યાસેન ભાષિતમિદં શૃણુતે મનુષ્યઃ |
વિદ્યાં શ્રિયં વિપુલસૌખ્યમનંતકીર્તિં
સંપ્રાપ્ય દેહવિલયે લભતે ચ મોક્ષમ્ || ૯ ||
ઇતિ શ્રીવ્યાસ પ્રોક્ત શ્રીરામાષ્ટકમ્ |