જગજ્જાલપાલં કચત્કંઠમાલં
શરચ્ચંદ્રફાલં મહાદૈત્યકાલમ્ |
નભો નીલકાયં દુરાવારમાયં
સુપદ્માસહાયં ભજેઽહં ભજેઽહમ્ || ૧ ||
સદાંભોધિવાસં ગલત્પુષ્પહાસં
જગત્સન્નિવાસં શતાદિત્યભાસમ્ |
ગદાચક્રશસ્ત્રં લસત્પીતવસ્ત્રં
હસચ્ચારુવક્ત્રં ભજેઽહં ભજેઽહમ્ || ૨ ||
રમાકંઠહારં શ્રુતિવ્રાતસારં
જલાંતર્વિહારં ધરાભારહારમ્ |
ચિદાનંદરૂપં મનોહારિરૂપં
ધૃતાનેકરૂપં ભજેઽહં ભજેઽહમ્ || ૩ ||
જરાજન્મહીનં પરાનંદપીનં
સમાધાનલીનં સદૈવાનવીનમ્ |
જગજ્જન્મહેતું સુરાનીકકેતું
દૃઢં વિશ્વસેતું ભજેઽહં ભજેઽહમ્ || ૪ ||
કૃતામ્નાયગાનં ખગાધીશયાનં
વિમુક્તેર્નિદાનં હરારાતિમાનમ્ |
સ્વભક્તાનુકૂલં જગદ્વૃક્ષમૂલં
નિરસ્તાર્તશૂલં ભજેઽહં ભજેઽહમ્ || ૫ ||
સમસ્તામરેશં દ્વિરેફાભકેશં
જગદ્બિંબલેશં હૃદાકાશદેશમ્ |
સદા દિવ્યદેહં વિમુક્તાખિલેહં
સુવૈકુંઠગેહં ભજેઽહં ભજેઽહમ્ || ૬ ||
સુરાલીબલિષ્ઠં ત્રિલોકીવરિષ્ઠં
ગુરૂણાં ગરિષ્ઠં સ્વરૂપૈકનિષ્ઠમ્ |
સદા યુદ્ધધીરં મહાવીરવીરં
ભવાંભોધિતીરં ભજેઽહં ભજેઽહમ્ || ૭ ||
રમાવામભાગં તલાવિષ્ટનાગં
કૃતાધીનયાગં ગતારાગરાગમ્ |
મુનીંદ્રૈઃ સુગીતં સુરૈઃ સંપરીતં
ગુણૌઘૈરતીતં ભજેઽહં ભજેઽહમ્ || ૮ ||
ઇદં યસ્તુ નિત્યં સમાધાય ચિત્તં
પઠેદષ્ટકં કંઠહારં મુરારેઃ |
સ વિષ્ણોર્વિશોકં ધ્રુવં યાતિ લોકં
જરાજન્મશોકં પુનર્વિંદતે નો || ૯ ||
ઇતિ શ્રીમત્પરમહંસ સ્વામિ બ્રહ્માનંદ વિરચિતં શ્રી હરિ સ્તોત્રમ્ ||