હનુમન્નંજનીસૂનો મહાબલપરાક્રમ |
લોલલ્લાંગૂલપાતેન મમારાતીન્નિપાતય || ૧ ||
મર્કટાધિપ માર્તાંડમંડલગ્રાસકારક |
લોલલ્લાંગૂલપાતેન મમારાતીન્નિપાતય || ૨ ||
અક્ષક્ષપણ પિંગાક્ષ દિતિજાસુક્ષયંકર |
લોલલ્લાંગૂલપાતેન મમારાતીન્નિપાતય || ૩ ||
રુદ્રાવતાર સંસારદુઃખભારાપહારક |
લોલલ્લાંગૂલપાતેન મમારાતીન્નિપાતય || ૪ ||
શ્રીરામચરણાંભોજમધુપાયિતમાનસ |
લોલલ્લાંગૂલપાતેન મમારાતીન્નિપાતય || ૫ ||
વાલિપ્રમથનક્લાંતસુગ્રીવોન્મોચનપ્રભો |
લોલલ્લાંગૂલપાતેન મમારાતીન્નિપાતય || ૬ ||
સીતાવિરહવારાશિભગ્ન સીતેશતારક |
લોલલ્લાંગૂલપાતેન મમારાતીન્નિપાતય || ૭ ||
રક્ષોરાજપ્રતાપાગ્નિદહ્યમાનજગદ્વન |
લોલલ્લાંગૂલપાતેન મમારાતીન્નિપાતય || ૮ ||
ગ્રસ્તાશેષજગત્સ્વાસ્થ્ય રાક્ષસાંભોધિમંદર |
લોલલ્લાંગૂલપાતેન મમારાતીન્નિપાતય || ૯ ||
પુચ્છગુચ્છસ્ફુરદ્વીર જગદ્દગ્ધારિપત્તન |
લોલલ્લાંગૂલપાતેન મમારાતીન્નિપાતય || ૧૦ ||
જગન્મનોદુરુલ્લંઘ્યપારાવારવિલંઘન |
લોલલ્લાંગૂલપાતેન મમારાતીન્નિપાતય || ૧૧ ||
સ્મૃતમાત્રસમસ્તેષ્ટપૂરક પ્રણતપ્રિય |
લોલલ્લાંગૂલપાતેન મમારાતીન્નિપાતય || ૧૨ ||
રાત્રિંચરતમોરાત્રિકૃંતનૈકવિકર્તન |
લોલલ્લાંગૂલપાતેન મમારાતીન્નિપાતય || ૧૩ ||
જાનક્યા જાનકીજાનેઃ પ્રેમપાત્ર પરંતપ |
લોલલ્લાંગૂલપાતેન મમારાતીન્નિપાતય || ૧૪ ||
ભીમાદિકમહાવીરવીરાવેશાવતારક |
લોલલ્લાંગૂલપાતેન મમારાતીન્નિપાતય || ૧૫ ||
વૈદેહીવિરહક્લાંતરામરોષૈકવિગ્રહ |
લોલલ્લાંગૂલપાતેન મમારાતીન્નિપાતય || ૧૬ ||
વજ્રાંગનખદંષ્ટ્રેશ વજ્રિવજ્રાવગુંઠન |
લોલલ્લાંગૂલપાતેન મમારાતીન્નિપાતય || ૧૭ ||
અખર્વગર્વગંધર્વપર્વતોદ્ભેદનસ્વર |
લોલલ્લાંગૂલપાતેન મમારાતીન્નિપાતય || ૧૮ ||
લક્ષ્મણપ્રાણસંત્રાણ ત્રાતતીક્ષ્ણકરાન્વય |
લોલલ્લાંગૂલપાતેન મમારાતીન્નિપાતય || ૧૯ ||
રામાદિવિપ્રયોગાર્ત ભરતાદ્યાર્તિનાશન |
લોલલ્લાંગૂલપાતેન મમારાતીન્નિપાતય || ૨૦ ||
દ્રોણાચલસમુત્ક્ષેપસમુત્ક્ષિપ્તારિવૈભવ |
લોલલ્લાંગૂલપાતેન મમારાતીન્નિપાતય || ૨૧ ||
સીતાશીર્વાદસંપન્ન સમસ્તાવયવાક્ષત |
લોલલ્લાંગૂલપાતેન મમારાતીન્નિપાતય || ૨૨ ||
ઇત્યેવમશ્વત્થતલોપવિષ્ટઃ
શત્રુંજયં નામ પઠેત્સ્વયં યઃ |
સ શીઘ્રમેવાસ્તસમસ્તશત્રુઃ
પ્રમોદતે મારૂતજપ્રસાદાત્ || ૨૩ ||
ઇતિ શ્રી હનુમાલ્લાંગૂલાસ્ત્ર સ્તોત્રમ્ |