ততো যুদ্ধপরিশ্রাংতং সমরে চিংতযা স্থিতম্ |
রাৱণং চাগ্রতো দৃষ্ট্ৱা যুদ্ধায সমুপস্থিতম্ || ১ ||
দৈৱতৈশ্চ সমাগম্য দ্রষ্টুমভ্যাগতো রণম্ |
উপাগম্যাব্রৱীদ্রামমগস্ত্যো ভগৱানৃষিঃ || ২ ||
রাম রাম মহাবাহো শৃণু গুহ্যং সনাতনম্ |
যেন সর্ৱানরীন্ ৱত্স সমরে ৱিজযিষ্যসি || ৩ ||
আদিত্যহৃদযং পুণ্যং সর্ৱশত্রুৱিনাশনম্ |
জযাৱহং জপেন্নিত্যমক্ষয্যং পরমং শিৱম্ || ৪ ||
সর্ৱমংগলমাংগল্যং সর্ৱপাপপ্রণাশনম্ |
চিংতাশোকপ্রশমনমাযুর্ৱর্ধনমুত্তমম্ || ৫ ||
রশ্মিমংতং সমুদ্যংতং দেৱাসুরনমস্কৃতম্ |
পূজযস্ৱ ৱিৱস্ৱংতং ভাস্করং ভুৱনেশ্ৱরম্ || ৬ ||
সর্ৱদেৱাত্মকো হ্যেষ তেজস্ৱী রশ্মিভাৱনঃ |
এষ দেৱাসুরগণাঁল্লোকান্ পাতি গভস্তিভিঃ || ৭ ||
এষ ব্রহ্মা চ ৱিষ্ণুশ্চ শিৱঃ স্কংদঃ প্রজাপতিঃ |
মহেংদ্রো ধনদঃ কালো যমঃ সোমো হ্যপাং পতিঃ || ৮ ||
পিতরো ৱসৱঃ সাধ্যা হ্যশ্ৱিনৌ মরুতো মনুঃ |
ৱাযুর্ৱহ্নিঃ প্রজাপ্রাণ ঋতুকর্তা প্রভাকরঃ || ৯ ||
আদিত্যঃ সৱিতা সূর্যঃ খগঃ পূষা গভস্তিমান্ |
সুৱর্ণসদৃশো ভানুর্হিরণ্যরেতা দিৱাকরঃ || ১০ ||
হরিদশ্ৱঃ সহস্রার্চিঃ সপ্তসপ্তির্মরীচিমান্ |
তিমিরোন্মথনঃ শংভুস্ত্ৱষ্টা মার্তাংড অংশুমান্ || ১১ ||
হিরণ্যগর্ভঃ শিশিরস্তপনো ভাস্করো রৱিঃ |
অগ্নিগর্ভোঽদিতেঃ পুত্রঃ শংখঃ শিশিরনাশনঃ || ১২ ||
ৱ্যোমনাথস্তমোভেদী ঋগ্যজুঃসামপারগঃ |
ঘনৱৃষ্টিরপাং মিত্রো ৱিংধ্যৱীথীপ্লৱংগমঃ || ১৩ ||
আতপী মংডলী মৃত্যুঃ পিংগলঃ সর্ৱতাপনঃ |
কৱির্ৱিশ্ৱো মহাতেজা রক্তঃ সর্ৱভৱোদ্ভৱঃ || ১৪ ||
নক্ষত্রগ্রহতারাণামধিপো ৱিশ্ৱভাৱনঃ |
তেজসামপি তেজস্ৱী দ্ৱাদশাত্মন্নমোঽস্তু তে || ১৫ ||
নমঃ পূর্ৱায গিরযে পশ্চিমাযাদ্রযে নমঃ | [পশ্চিমে গিরযে]
জ্যোতির্গণানাং পতযে দিনাধিপতযে নমঃ || ১৬ ||
জযায জযভদ্রায হর্যশ্ৱায নমো নমঃ |
নমো নমঃ সহস্রাংশো আদিত্যায নমো নমঃ || ১৭ ||
নম উগ্রায ৱীরায সারংগায নমো নমঃ |
নমঃ পদ্মপ্রবোধায মার্তাংডায নমো নমঃ || ১৮ ||
ব্রহ্মেশানাচ্যুতেশায সূর্যাযাদিত্যৱর্চসে |
ভাস্ৱতে সর্ৱভক্ষায রৌদ্রায ৱপুষে নমঃ || ১৯ ||
তমোঘ্নায হিমঘ্নায শত্রুঘ্নাযামিতাত্মনে |
কৃতঘ্নঘ্নায দেৱায জ্যোতিষাং পতযে নমঃ || ২০ ||
তপ্তচামীকরাভায ৱহ্নযে ৱিশ্ৱকর্মণে |
নমস্তমোঽভিনিঘ্নায রুচযে লোকসাক্ষিণে || ২১ ||
নাশযত্যেষ ৱৈ ভূতং তদেৱ সৃজতি প্রভুঃ |
পাযত্যেষ তপত্যেষ ৱর্ষত্যেষ গভস্তিভিঃ || ২২ ||
এষ সুপ্তেষু জাগর্তি ভূতেষু পরিনিষ্ঠিতঃ |
এষ এৱাগ্নিহোত্রং চ ফলং চৈৱাগ্নিহোত্রিণাম্ || ২৩ ||
ৱেদাশ্চ ক্রতৱশ্চৈৱ ক্রতূনাং ফলমেৱ চ |
যানি কৃত্যানি লোকেষু সর্ৱ এষ রৱিঃ প্রভুঃ || ২৪ ||
এনমাপত্সু কৃচ্ছ্রেষু কাংতারেষু ভযেষু চ |
কীর্তযন্ পুরুষঃ কশ্চিন্নাৱসীদতি রাঘৱ || ২৫ ||
পূজযস্ৱৈনমেকাগ্রো দেৱদেৱং জগত্পতিম্ |
এতত্ত্রিগুণিতং জপ্ত্ৱা যুদ্ধেষু ৱিজযিষ্যসি || ২৬ ||
অস্মিন্ ক্ষণে মহাবাহো রাৱণং ত্ৱং ৱধিষ্যসি |
এৱমুক্ত্ৱা তদাঽগস্ত্যো জগাম চ যথাগতম্ || ২৭ ||
এতচ্ছ্রুত্ৱা মহাতেজা নষ্টশোকোঽভৱত্তদা |
ধারযামাস সুপ্রীতো রাঘৱঃ প্রযতাত্মৱান্ || ২৮ ||
আদিত্যং প্রেক্ষ্য জপ্ত্ৱা তু পরং হর্ষমৱাপ্তৱান্ |
ত্রিরাচম্য শুচির্ভূত্ৱা ধনুরাদায ৱীর্যৱান্ || ২৯ ||
রাৱণং প্রেক্ষ্য হৃষ্টাত্মা যুদ্ধায সমুপাগমত্ |
সর্ৱযত্নেন মহতা ৱধে তস্য ধৃতোঽভৱত্ || ৩০ ||
অথ রৱিরৱদন্নিরীক্ষ্য রামং
মুদিতমনাঃ পরমং প্রহৃষ্যমাণঃ |
নিশিচরপতিসংক্ষযং ৱিদিত্ৱা
সুরগণমধ্যগতো ৱচস্ত্ৱরেতি || ৩১ ||
ইতি আদিত্য হৃদযম্ |