ନମଶ୍ଚଂଦ୍ରାଯ ସୋମାଯେଂଦଵେ କୁମୁଦବଂଧଵେ |
ଵିଲୋହିତାଯ ଶୁଭ୍ରାଯ ଶୁକ୍ଲାଂବରଧରାଯ ଚ || ୧ ||
ତ୍ଵମେଵ ସର୍ଵଲୋକାନାମାପ୍ଯାଯନକରଃ ସଦା |
କ୍ଷୀରୋଦ୍ଭଵାଯ ଦେଵାଯ ନମଃ ଶଂକରଶେଖର || ୨ ||
ଯୁଗାନାଂ ଯୁଗକର୍ତା ତ୍ଵଂ ନିଶାନାଥୋ ନିଶାକରଃ |
ସଂଵତ୍ସରାଣାଂ ମାସାନାମୃତୂନାଂ ତୁ ତଥୈଵ ଚ || ୩ ||
ଗ୍ରହାଣାଂ ଚ ତ୍ଵମେକୋଽସି ସୌମ୍ଯଃ ସୋମକରଃ ପ୍ରଭୁଃ |
ଓଷଧୀପତଯେ ତୁଭ୍ଯଂ ରୋହିଣୀପତଯେ ନମଃ || ୪ ||
ଇଦଂ ତୁ ପଠତେ ସ୍ତୋତ୍ରଂ ପ୍ରାତରୁତ୍ଥାଯ ଯୋ ନରଃ |
ଦିଵା ଵା ଯଦି ଵା ରାତ୍ରୌ ବଦ୍ଧଚିତ୍ତୋ ହି ଯୋ ନରଃ || ୫ ||
ନ ଭଯଂ ଵିଦ୍ଯତେ ତସ୍ଯ କାର୍ଯସିଦ୍ଧିର୍ଭଵିଷ୍ଯତି |
ଅହୋରାତ୍ରକୃତଂ ପାପଂ ପଠନାଦେଵ ନଶ୍ଯତି || ୬ ||
ଦ୍ଵିଜରାଜୋ ମହାପୁଣ୍ଯସ୍ତାରାପତିର୍ଵିଶେଷତଃ |
ଓଷଧୀନାଂ ଚ ଯୋ ରାଜା ସ ସୋମଃ ପ୍ରୀଯତାଂ ମମ || ୭ ||
ଇତି ଚଂଦ୍ର ସ୍ତୋତ୍ରମ୍ |