জটাধরং পাংডুরংগং শূলহস্তং কৃপানিধিম্ |
সর্ৱরোগহরং দেৱং দত্তাত্রেযমহং ভজে || ১ ||

অস্য শ্রীদত্তাত্রেযস্তোত্রমংত্রস্য ভগৱান্নারদঋষিঃ, অনুষ্টুপ্ ছংদঃ, শ্রীদত্তঃ পরমাত্মা দেৱতা, শ্রীদত্ত প্রীত্যর্থে জপে ৱিনিযোগঃ |

নারদ উৱাচ |
জগদুত্পত্তিকর্ত্রে চ স্থিতিসংহারহেতৱে |
ভৱপাশৱিমুক্তায দত্তাত্রেয নমোঽস্তু তে || ১ ||

জরাজন্মৱিনাশায দেহশুদ্ধিকরায চ |
দিগংবর দযামূর্তে দত্তাত্রেয নমোঽস্তু তে || ২ ||

কর্পূরকাংতিদেহায ব্রহ্মমূর্তিধরায চ |
ৱেদশাস্ত্রপরিজ্ঞায দত্তাত্রেয নমোঽস্তু তে || ৩ ||

হ্রস্ৱদীর্ঘকৃশস্থূলনামগোত্রৱিৱর্জিত |
পংচভূতৈকদীপ্তায দত্তাত্রেয নমোঽস্তু তে || ৪ ||

যজ্ঞভোক্ত্রে চ যজ্ঞায যজ্ঞরূপধরায চ |
যজ্ঞপ্রিযায সিদ্ধায দত্তাত্রেয নমোঽস্তু তে || ৫ ||

আদৌ ব্রহ্মা হরির্মধ্যে হ্যংতে দেৱঃ সদাশিৱঃ | [মধ্যে ৱিষ্ণু]
মূর্তিত্রযস্ৱরূপায দত্তাত্রেয নমোঽস্তু তে || ৬ ||

ভোগালযায ভোগায যোগযোগ্যায ধারিণে |
জিতেংদ্রিয জিতজ্ঞায দত্তাত্রেয নমোঽস্তু তে || ৭ ||

দিগংবরায দিৱ্যায দিৱ্যরূপধরায চ |
সদোদিতপরব্রহ্ম দত্তাত্রেয নমোঽস্তু তে || ৮ ||

জংবূদ্ৱীপে মহাক্ষেত্রে মাতাপুরনিৱাসিনে |
জযমান সতাং দেৱ দত্তাত্রেয নমোঽস্তু তে || ৯ ||

ভিক্ষাটনং গৃহে গ্রামে পাত্রং হেমমযং করে |
নানাস্ৱাদমযী ভিক্ষা দত্তাত্রেয নমোঽস্তু তে || ১০ ||

ব্রহ্মজ্ঞানমযী মুদ্রা ৱস্ত্রে চাকাশভূতলে |
প্রজ্ঞানঘনবোধায দত্তাত্রেয নমোঽস্তু তে || ১১ ||

অৱধূত সদানংদ পরব্রহ্মস্ৱরূপিণে |
ৱিদেহদেহরূপায দত্তাত্রেয নমোঽস্তু তে || ১২ ||

সত্যরূপ সদাচার সত্যধর্মপরাযণ |
সত্যাশ্রয পরোক্ষায দত্তাত্রেয নমোঽস্তু তে || ১৩ ||

শূলহস্ত গদাপাণে ৱনমালাসুকংধর |
যজ্ঞসূত্রধর ব্রহ্মন্ দত্তাত্রেয নমোঽস্তু তে || ১৪ ||

ক্ষরাক্ষরস্ৱরূপায পরাত্পরতরায চ |
দত্ত মুক্তিপরস্তোত্র দত্তাত্রেয নমোঽস্তু তে || ১৫ ||

দত্ত ৱিদ্যাঢ্য লক্ষ্মীশ দত্ত স্ৱাত্মস্ৱরূপিণে |
গুণনির্গুণরূপায দত্তাত্রেয নমোঽস্তু তে || ১৬ ||

শত্রুনাশকরং স্তোত্রং জ্ঞানৱিজ্ঞানদাযকম্ |
সর্ৱপাপং শমং যাতি দত্তাত্রেয নমোঽস্তু তে || ১৭ ||

ইদং স্তোত্রং মহদ্দিৱ্যং দত্তপ্রত্যক্ষকারকম্ |
দত্তাত্রেযপ্রসাদাচ্চ নারদেন প্রকীর্তিতম্ || ১৮ ||

ইতি শ্রীনারদপুরাণে নারদৱিরচিতং শ্রী দত্তাত্রেয স্তোত্রম্ |