ଵିକ୍ରମପାଂଡ୍ଯ ଉଵାଚ-
କଲ୍ଯାଣାଚଲକୋଦଂଡକାଂତଦୋର୍ଦଂଡମଂଡିତମ୍ |
କବଳୀକୃତସଂସାରଂ କଲଯେଽଟ୍ଟାଲସୁଂଦରମ୍ || ୧ ||
କାଲକୂଟପ୍ରଭାଜାଲକଳଂକୀକୃତକଂଧରମ୍ |
କଲାଧରଂ କଲାମୌଳିଂ କଲଯେଽଟ୍ଟାଲସୁଂଦରମ୍ || ୨ ||
କାଲକାଲଂ କଳାତୀତଂ କଲାଵଂତଂ ଚ ନିଷ୍କଳମ୍ |
କମଲାପତିସଂସ୍ତୁତ୍ଯଂ କଲଯେଽଟ୍ଟାଲସୁଂଦରମ୍ || ୩ ||
କାଂତାର୍ଧଂ କମନୀଯାଂଗଂ କରୁଣାମୃତସାଗରମ୍ |
କଲିକଲ୍ମଷଦୋଷଘ୍ନଂ କଲଯେଽଟ୍ଟାଲସୁଂଦରମ୍ || ୪ ||
କଦଂବକାନନାଧୀଶଂ କାଂକ୍ଷିତାର୍ଥସୁରଦ୍ରୁମମ୍ |
କାମଶାସନମୀଶାନଂ କଲଯେଽଟ୍ଟାଲସୁଂଦରମ୍ || ୫ ||
ସୃଷ୍ଟାନି ମାଯଯା ଯେନ ବ୍ରହ୍ମାଂଡାନି ବହୂନି ଚ |
ରକ୍ଷିତାନି ହତାନ୍ଯଂତେ କଲଯେଽଟ୍ଟାଲସୁଂଦରମ୍ || ୬ ||
ସ୍ଵଭକ୍ତଜନସଂତାପପାପାପଦ୍ଭଂଗତତ୍ପରମ୍ |
କାରଣଂ ସର୍ଵଜଗତାଂ କଲଯେଽଟ୍ଟାଲସୁଂଦରମ୍ || ୭ ||
କୁଲଶେଖରଵଂଶୋତ୍ଥଭୂପାନାଂ କୁଲଦୈଵତମ୍ |
ପରିପୂର୍ଣଂ ଚିଦାନଂଦଂ କଲଯେଽଟ୍ଟାଲସୁଂଦରମ୍ || ୮ ||
ଅଟ୍ଟାଲଵୀରଶ୍ରୀଶଂଭୋରଷ୍ଟକଂ ଵରମିଷ୍ଟଦମ୍ |
ପଠତାଂ ଶୃଣ୍ଵତାଂ ସଦ୍ଯସ୍ତନୋତୁ ପରମାଂ ଶ୍ରିଯମ୍ || ୯ ||
ଇତି ଶ୍ରୀହାଲାସ୍ଯମାହାତ୍ମ୍ଯେ ଵିକ୍ରମପାଂଡ୍ଯକୃତଂ ଅଟ୍ଟାଲସୁଂଦରାଷ୍ଟକମ୍ |