പിതാമഹശിരച്ഛേദപ്രവീണകരപല്ലവ |
നമസ്തുഭ്യം നമസ്തുഭ്യം നമസ്തുഭ്യം മഹേശ്വര || ൧ ||
നിശുംഭശുംഭപ്രമുഖദൈത്യശിക്ഷണദക്ഷിണേ |
നമസ്തുഭ്യം നമസ്തുഭ്യം നമസ്തുഭ്യം മഹേശ്വരി || ൨ ||
ശൈലരാജസ്യ ജാമാതഃ ശശിരേഖാവതംസക |
നമസ്തുഭ്യം നമസ്തുഭ്യം നമസ്തുഭ്യം മഹേശ്വര || ൩ ||
ശൈലരാജാത്മജേ മാതഃ ശാതകുംഭനിഭപ്രഭേ |
നമസ്തുഭ്യം നമസ്തുഭ്യം നമസ്തുഭ്യം മഹേശ്വരി || ൪ ||
ഭൂതനാഥ പുരാരാതേ ഭുജംഗാമൃതഭൂഷണ |
നമസ്തുഭ്യം നമസ്തുഭ്യം നമസ്തുഭ്യം മഹേശ്വര || ൫ ||
പാദപ്രണതഭക്താനാം പാരിജാതഗുണാധികേ |
നമസ്തുഭ്യം നമസ്തുഭ്യം നമസ്തുഭ്യം മഹേശ്വരി || ൬ ||
ഹാലാസ്യേശ ദയാമൂര്തേ ഹാലാഹലലസദ്ഗള |
നമസ്തുഭ്യം നമസ്തുഭ്യം നമസ്തുഭ്യം മഹേശ്വര || ൭ ||
നിതംബിനി മഹേശസ്യ കദംബവനനായികേ |
നമസ്തുഭ്യം നമസ്തുഭ്യം നമസ്തുഭ്യം മഹേശ്വരി || ൮ ||
ഇതി ശ്രീഹാലാസ്യമാഹാത്മ്യേ സംഘിലകൃതം ഉമാമഹേശ്വരാഷ്ടകമ് |