ત્રિદળં ત્રિગુણાકારં ત્રિનેત્રં ચ ત્રિયાયુધમ્ |
ત્રિજન્મપાપસંહારં એકબિલ્વં શિવાર્પણમ્ || ૧ ||
ત્રિશાખૈર્બિલ્વપત્રૈશ્ચ હ્યચ્છિદ્રૈઃ કોમલૈઃ શુભૈઃ |
શિવપૂજાં કરિષ્યામિ એકબિલ્વં શિવાર્પણમ્ || ૨ ||
અખંડબિલ્વપત્રેણ પૂજિતે નંદિકેશ્વરે |
શુદ્ધ્યંતિ સર્વપાપેભ્યઃ એકબિલ્વં શિવાર્પણમ્ || ૩ ||
સાલગ્રામશિલામેકાં જાતુ વિપ્રાય યોઽર્પયેત્ |
સોમયજ્ઞમહાપુણ્યં એકબિલ્વં શિવાર્પણમ્ || ૪ ||
દંતિકોટિસહસ્રાણિ વાજપેયશતાનિ ચ |
કોટિકન્યામહાદાનાં એકબિલ્વં શિવાર્પણમ્ || ૫ ||
પાર્વત્યાઃ સ્વેદસંજાતં મહાદેવસ્ય ચ પ્રિયમ્ |
બિલ્વવૃક્ષં નમસ્યામિ એકબિલ્વં શિવાર્પણમ્ || ૬ ||
દર્શનં બિલ્વવૃક્ષસ્ય સ્પર્શનં પાપનાશનમ્ |
અઘોરપાપસંહારં એકબિલ્વં શિવાર્પણમ્ || ૭ ||
મૂલતો બ્રહ્મરૂપાય મધ્યતો વિષ્ણુરૂપિણે |
અગ્રતઃ શિવરૂપાય એકબિલ્વં શિવાર્પણમ્ || ૮ ||
બિલ્વાષ્ટકમિદં પુણ્યં યઃ પઠેચ્છિવસન્નિધૌ |
સર્વપાપવિનિર્મુક્તઃ શિવલોકમવાપ્નુયાત્ || ૯ ||
ઇતિ બિલ્વાષ્ટકમ્ ||