પૂર્વાંગ પૂજા
શુચિઃ
અપવિત્રઃ પવિત્રો વા સર્વાવસ્થાં ગતોઽપિ વા |
યઃ સ્મરેત્ પુંડરીકાક્ષં સ બાહ્યાભ્યંતરઃ શુચિઃ ||
પુંડરીકાક્ષ પુંડરીકાક્ષ પુંડરીકાક્ષાય નમઃ ||
પ્રાર્થના
શુક્લાંબરધરં-વિઁષ્ણું શશિવર્ણં ચતુર્ભુજમ્ |
પ્રસન્નવદનં ધ્યાયેત્ સર્વવિઘ્નોપશાંતયે ||
અગજાનન પદ્માર્કં ગજાનનમહર્નિશમ્ |
અનેકદં તં ભક્તાનાં એકદંતમુપાસ્મહે ||
દે॒વીં-વાઁચ॑મજનયંત દે॒વાસ્તાં-વિઁ॒શ્વરૂ॑પાઃ પ॒શવો॑ વદંતિ |
સા નો॑ મં॒દ્રેષ॒મૂર્જં॒ દુહા॑ના ધે॒નુર્વાગ॒સ્માનુપ॒ સુષ્ટુ॒તૈતુ॑ ||
યઃ શિવો નામ રૂપાભ્યાં-યાઁ દેવી સર્વમંગળા |
તયોઃ સંસ્મરણાન્નિત્યં સર્વદા જય મંગળમ્ ||
તદેવ લગ્નં સુદિનં તદેવ
તારાબલં ચંદ્રબલં તદેવ |
વિદ્યાબલં દૈવબલં તદેવ
લક્ષ્મીપતે તેઽંઘ્રિયુગં સ્મરામિ ||
ગુરુર્બ્રહ્મા ગુરુર્વિષ્ણુઃ ગુરુર્દેવો મહેશ્વરઃ |
ગુરુઃ સાક્ષાત્ પરબ્રહ્મ તસ્મૈ શ્રીગુરવે નમઃ ||
લાભસ્તેષાં જયસ્તેષાં કુતસ્તેષાં પરાભવઃ |
એષામિંદીવરશ્યામો હૃદયસ્થો જનાર્દનઃ ||
સર્વમંગળ માંગળ્યે શિવે સર્વાર્થસાધિકે |
શરણ્યે ત્ર્યંબકે ગૌરી નારાયણિ નમોઽસ્તુ તે ||
શ્રીલક્ષ્મીનારાયણાભ્યાં નમઃ |
ઉમામહેશ્વરાભ્યાં નમઃ |
વાણીહિરણ્યગર્ભાભ્યાં નમઃ |
શચીપુરંદરાભ્યાં નમઃ |
અરુંધતીવસિષ્ઠાભ્યાં નમઃ |
શ્રીસીતારામાભ્યાં નમઃ |
માતાપિતૃભ્યો નમઃ |
સર્વેભ્યો મહાજનેભ્યો નમઃ |
કર્પૂર ગૌરં કરુણાવતારં
સંસારસારં ભુજગેંદ્ર હારમ્ |
સદા રમંતં હૃદયારવિંદે
ભવં ભવાની સહિતં નમામિ ||
વાગર્થાવિવ સંપૃક્તૌ વાગર્થ પ્રતિપત્તયે |
જગતઃ પિતરૌ વંદે પાર્વતી પરમેશ્વરૌ ||
વંદે મહેશં સુરસિદ્ધસેવિતં
દેવાંગના ગીત સુનૃત્ય તુષ્ટમ્ |
પર્યંકગં શૈલસુતાસમેતં
કલ્પદ્રુમારણ્યગતં પ્રસન્નમ્ ||
આપાતાળ-નભઃસ્થલાંત-ભુવન-બ્રહ્માંડ-માવિસ્ફુરત્-
જ્યોતિઃ સ્ફાટિક-લિંગ-મૌળિ-વિલસત્-પૂર્ણેંદુ-વાંતામૃતૈઃ |
અસ્તોકાપ્લુત-મેક-મીશ-મનિશં રુદ્રાનુ-વાકાંજપન્
ધ્યાયે-દીપ્સિત-સિદ્ધયે ધ્રુવપદં-વિઁપ્રોઽભિષિંચે-ચ્ચિવમ્ ||
બ્રહ્માંડ વ્યાપ્તદેહા ભસિત હિમરુચા ભાસમાના ભુજંગૈઃ
કંઠે કાલાઃ કપર્દાઃ કલિત-શશિકલા-શ્ચંડ કોદંડ હસ્તાઃ |
ત્ર્યક્ષા રુદ્રાક્ષમાલાઃ પ્રકટિતવિભવાઃ શાંભવા મૂર્તિભેદાઃ
રુદ્રાઃ શ્રીરુદ્રસૂક્ત-પ્રકટિતવિભવા નઃ પ્રયચ્ચંતુ સૌખ્યમ્ ||
દીપારાધનમ્
દીપસ્ત્વં બ્રહ્મરૂપોઽસિ જ્યોતિષાં પ્રભુરવ્યયઃ |
સૌભાગ્યં દેહિ પુત્રાંશ્ચ સર્વાન્કામાંશ્ચ દેહિ મે ||
ભો દીપ દેવિ રૂપસ્ત્વં કર્મસાક્ષી હ્યવિઘ્નકૃત્ |
યાવત્પૂજાં કરિષ્યામિ તાવત્ત્વં સુસ્થિરો ભવ ||
દીપારાધન મુહૂર્તઃ સુમુહૂર્તોઽસ્તુ ||
પૂજાર્થે હરિદ્રા કુંકુમ વિલેપનં કરિષ્યે ||
આચમ્ય
ઓં કેશવાય સ્વાહા |
ઓં નારાયણાય સ્વાહા |
ઓં માધવાય સ્વાહા |
ઓં ગોવિંદાય નમઃ |
ઓં-વિઁષ્ણવે નમઃ |
ઓં મધુસૂદનાય નમઃ |
ઓં ત્રિવિક્રમાય નમઃ |
ઓં-વાઁમનાય નમઃ |
ઓં શ્રીધરાય નમઃ |
ઓં હૃષીકેશાય નમઃ |
ઓં પદ્મનાભાય નમઃ |
ઓં દામોદરાય નમઃ |
ઓં સંકર્ષણાય નમઃ |
ઓં-વાઁસુદેવાય નમઃ |
ઓં પ્રદ્યુમ્નાય નમઃ |
ઓં અનિરુદ્ધાય નમઃ |
ઓં પુરુષોત્તમાય નમઃ |
ઓં અધોક્ષજાય નમઃ |
ઓં નારસિંહાય નમઃ |
ઓં અચ્યુતાય નમઃ |
ઓં જનાર્દનાય નમઃ |
ઓં ઉપેંદ્રાય નમઃ |
ઓં હરયે નમઃ |
ઓં શ્રીકૃષ્ણાય નમઃ |
ભૂતોચ્ચાટનમ્
ઉત્તિષ્ઠંતુ ભૂતપિશાચાઃ ય એતે ભૂમિ ભારકાઃ |
એતેષામવિરોધેન બ્રહ્મકર્મ સમારભે ||
અપસર્પંતુ તે ભૂતા યે ભૂતા ભૂમિસંસ્થિતાઃ |
યે ભૂતા વિઘ્નકર્તારસ્તે ગચ્છંતુ શિવાઽજ્ઞયા ||
પ્રાણાયામમ્
ઓં ભૂઃ ઓં ભુવઃ॑ ઓગ્ં સુવઃ॑ ઓં મહઃ॑ ઓં જનઃ॑ ઓં તપઃ॑ ઓગ્ં સત્યમ્ |
ઓં તત્સ॑વિ॒તુર્વરે᳚ણ્યં॒ ભર્ગો॑ દે॒વસ્ય॑ ધીમહિ |
ધિયો॒ યો નઃ॑ પ્રચો॒દયા᳚ત્ ||
ઓમાપો॒ જ્યોતી॒ રસો॒ઽમૃતં॒ બ્રહ્મ॒ ભૂર્ભુવ॒સ્સુવ॒રોમ્ ||
સંકલ્પમ્
મમોપાત્ત સમસ્ત દુરિતક્ષયદ્વારા શ્રી પરમેશ્વર પ્રીત્યર્થં,
શુભે શોભને મુહૂર્તે આદ્યબ્રહ્મણઃ દ્વિતીય પરાર્ધે શ્વેતવરાહ કલ્પે વૈવસ્વત મન્વંતરે અષ્ટાવિંશતિ તમે કલિયુગે પ્રથમે પાદે જંબૂદ્વીપે ભારતવર્ષે ભરતખંડે મેરોઃ દક્ષિણે પાર્શ્વે શકાબ્દે અસ્મિન્ વર્તમાને વ્યવહારિકે પ્રભવાદિ ષષ્ઠ્યાઃ સંવઁથ્સરાણાં મદ્ધ્યે ……… નામસંવઁથ્સરે ……ઽયને ………. ઋતૌ …….. માસે …………પક્ષે ………. શુભતિથૌ. ………….. વાસરયુક્તાયાં …………. નક્ષત્રયુક્તાયાં, શુભયોગ શુભકરણ એવં ગુણ સકલ વિશેષણ વિશિષ્ટાયાં અસ્યાં ………..શુભતિથૌ મમોપાત્ત સમસ્ત દુરિતક્ષયદ્વારા શ્રી પરમેશ્વર પ્રીત્યર્થં ………. નક્ષત્રે …….રાશૌ જાતસ્ય ……….શર્મણઃ મમ ………. નક્ષત્રે ……………રાશૌ ………….જાતયાઃ મમ ધર્મપત્ન્યાશ્ચ આવયોઃ સકુટુંબયોઃ …………… સપુત્રકયોઃ સબંધુવર્ગયોઃ સાશ્રિત-જનયોશ્ચ ક્ષેમ-સ્થૈર્ય-વીર્ય-વિજય, આયુરારોગ્ય-ઐશ્વર્યાણાં અભિવૃદ્ધ્યર્થં, ધર્માર્થ-કામ-મોક્ષ-ચતુર્વિધ ફલપુરુષાર્થ સિદ્ધ્યર્થં, સર્વારિષ્ટ શાંત્યર્થં, સર્વાભીષ્ટ સિદ્ધ્યર્થં, સપરિવાર સોમાસ્કંદ પરમેશ્વર ચરણારવિંદયોઃ અચંચલ-નિષ્કપટ-ભક્તિ સિદ્ધ્યર્થં, યાવચ્છક્તિ પરિવાર સહિત રુદ્રવિધાનેન ધ્યાન-આવાહનાદિ-ષોડશોપચાર-પૂજા પુરસ્સરં મહાન્યાસજપ (લઘુન્યાસજપ) રુદ્રાભિષેક-અર્ચ્ચનાદિ સહિત સાંબશિવ પૂજાં કરિષ્યે |
તદંગં કલશ-શંખ-આત્મ-પીઠ-પૂજાં ચ કરિષ્યે | (દ્વિ)
(નિર્વિઘ્ન પૂજા પરિસમાપ્ત્યર્થં આદૌ શ્રીમહાગણપતિ પૂજાં કરિષ્યે |)
શ્રી મહાગણપતિ પૂજા ||
તદંગ કલશારાધનં કરિષ્યે |
કલશારાધનમ્
કલશે ગંધ પુષ્પાક્ષતૈરભ્યર્ચ્ય |
કલશે ઉદકં પૂરયિત્વા |
કલશસ્યોપરિ હસ્તં નિધાય |
કલશસ્ય મુખે વિષ્ણુઃ કંઠે રુદ્રઃ સમાશ્રિતઃ |
મૂલે ત્વસ્ય સ્થિતો બ્રહ્મા મધ્યે માતૃગણાઃ સ્મૃતા ||
કુક્ષૌ તુ સાગરાઃ સર્વે સપ્તદ્વીપા વસુંધરા |
ઋગ્વેદોઽથ યજુર્વેદો સામવેદો હ્યથર્વણઃ ||
અંગૈશ્ચ સહિતાઃ સર્વે કલશાંબુ સમાશ્રિતાઃ |
ઓં આક॒લશે᳚ષુ ધાવતિ પ॒વિત્રે॒ પરિ॑ષિચ્યતે |
ઉ॒ક્થૈર્ય॒જ્ઞેષુ॑ વર્ધતે |
આપો॒ વા ઇ॒દગ્ં સર્વં॒-વિઁશ્વા॑ ભૂ॒તાન્યાપઃ॑
પ્રા॒ણા વા આપઃ॑ પ॒શવ॒ આપોઽન્ન॒માપોઽમૃ॑ત॒માપઃ॑
સ॒મ્રાડાપો॑ વિ॒રાડાપઃ॑ સ્વ॒રાડાપ॒શ્છંદા॒ગ્॒સ્યાપો॒
જ્યોતી॒ગ્॒ષ્યાપો॒ યજૂ॒ગ્॒ષ્યાપઃ॑ સ॒ત્યમાપઃ॒
સર્વા॑ દે॒વતા॒ આપો॒ ભૂર્ભુવઃ॒ સુવ॒રાપ॒ ઓમ્ ||
ગંગે ચ યમુને ચૈવ ગોદાવરી સરસ્વતી |
નર્મદે સિંધુ કાવેરી જલેઽસ્મિન્ સન્નિધિં કુરુ ||
કાવેરી તુંગભદ્રા ચ કૃષ્ણવેણી ચ ગૌતમી |
ભાગીરથીતિ વિખ્યાતાઃ પંચગંગાઃ પ્રકીર્તિતાઃ ||
આયાંતુ શ્રી શિવપૂજાર્થં મમ દુરિતક્ષયકારકાઃ |
ઓં ભૂર્ભુવસ્સુવો ભૂર્ભુવસ્સુવો ભૂર્ભુવસ્સુવઃ ||
ઓં ઓં ઓં કલશોદકેન પૂજા દ્રવ્યાણિ સંપ્રોક્ષ્ય,
દેવં સંપ્રોક્ષ્ય, આત્માનં ચ સંપ્રોક્ષ્ય ||
પંચકલશ સ્થાપનં
પશ્ચિમં
સ॒દ્યો જા॒તં પ્ર॑પદ્યા॒મિ॒ સ॒દ્યો જા॒તાય॒ વૈ નમો॒ નમઃ॑ |
ભ॒વે ભ॑વે॒ નાતિ॑ભવે ભવસ્વ॒ મામ્ | ભ॒વોદ્ભ॑વાય॒ નમઃ॑ ||
ઓં ભૂર્ભુવ॒સ્સુવ॒રોમ્ |
અસ્મિન્ પશ્ચિમકલશે સદ્યોજાતં ધ્યાયામિ | આવાહયામિ |
ઉત્તરં
વા॒મ॒દે॒વાય॒ નમો᳚ જ્યે॒ષ્ઠાય॒ નમઃ॑ શ્રે॒ષ્ઠાય॒ નમો॑ રુ॒દ્રાય॒ નમઃ॒ કાલા॑ય॒ નમઃ॒ કલ॑વિકરણાય નમો॒ બલ॑વિકરણાય॒ નમો॒ બલા॑ય॒ નમો॒ બલ॑પ્રમથનાય॒ નમઃ॒ સર્વ॑ભૂતદમનાય॒ નમો॑ મ॒નોન્મ॑નાય॒ નમઃ॑ | ઓં ભૂર્ભુવ॒સ્સુવ॒રોમ્ | અસ્મિન્ ઉત્તરકલશે વામદેવં ધ્યાયામિ | આવાહયામિ |
દક્ષિણં
અ॒ઘોરે᳚ભ્યો ઽથ॒ઘોરે᳚ભ્યો॒ ઘોર॒ઘોર॑તરેભ્યઃ |
સર્વે᳚ભ્યઃ સર્વ॒શર્વે᳚ભ્યો॒ નમ॑સ્તે અસ્તુ રુ॒દ્રરૂ॑પેભ્યઃ ||
ઓં ભૂર્ભુવ॒સ્સુવ॒રોમ્ |
અસ્મિન્ દક્ષિણકલશે અઘોરં ધ્યાયામિ | આવાહયામિ |
પૂર્વં
ઓં તત્પુરુ॑ષાય વિ॒દ્મહે॑ મહાદે॒વાય॑ ધીમહિ | તન્નો॑ રુદ્રઃ પ્રચો॒દયા᳚ત્ ||
ઓં ભૂર્ભુવ॒સ્સુવ॒રોમ્ |
અસ્મિન્ પૂર્વકલશે તત્પુરુષં ધ્યાયામિ | આવાહયામિ |
મદ્ધ્યમં
ઈશાનઃ સર્વ॑વિદ્યા॒ના॒-મીશ્વરઃ સર્વ॑ભૂતા॒નાં॒ બ્રહ્માધિ॑પતિ॒ ર્બ્રહ્મ॒ણોઽધિ॑પતિ॒ ર્બ્રહ્મા॑ શિ॒વો મે॑ અસ્તુ સદાશિવોમ્ ||
ઓં ભૂર્ભુવ॒સ્સુવ॒રોમ્ |
અસ્મિન્ મદ્ધ્યમ કલશે ઈશાનં ધ્યાયામિ | આવાહયામિ |
પ્રાણપ્રતિષ્ઠા
ઓં અસુ॑નીતે॒ પુન॑ર॒સ્માસુ॒ ચક્ષુઃ॒
પુનઃ॑ પ્રા॒ણમિ॒હ નો᳚ ધેહિ॒ ભોગ᳚મ્ |
જ્યોક્પ॑શ્યેમ॒ સૂર્ય॑મુ॒ચ્ચરં᳚ત॒
મનુ॑મતે મૃ॒ડયા᳚ નઃ સ્વ॒સ્તિ ||
અ॒મૃતં॒-વૈઁ પ્રા॒ણા અ॒મૃત॒માપઃ॑
પ્રા॒ણાને॒વ ય॑થાસ્થા॒નમુપ॑હ્વયતે ||
સ્વામિન્ સર્વજગન્નાથ યાવત્ પૂજાવસાનકમ્ |
તાવત્ ત્વં પ્રીતિભાવેન લિંગેઽસ્મિન્ સંન્નિધિં કુરુ ||
ઓં ત્ર્યં॑બકં-યઁજામહે સુગં॒ધિં પુ॑ષ્ટિ॒ વર્ધ॑નમ્ |
ઉ॒ર્વા॒રુ॒કમિ॑વ॒ બંધ॑નાન્મૃ॒ત્યોર્મુ॑ક્ષીય॒ માઽમૃતા᳚ત્ ||
આવાહિતો ભવ | સ્થાપિતો ભવ | સન્નિહિતો ભવ | સન્નિરુદ્ધો ભવ | અવકુંઠિતો ભવ | સુપ્રીતો ભવ | સુપ્રસન્નો ભવ | વરદો ભવ |
સ્વાગતં અસ્તુ | પ્રસીદ પ્રસીદ |
લઘુન્યાસં / મહાન્યાસમ્ ||
ધ્યાનં
કૈલાસે કમનીય રત્ન ખચિતે કલ્પદ્રુમૂલે સ્થિતં
કર્પૂર સ્ફટિકેંદુ સુંદર તનું કાત્યાયની સેવિતમ્ |
ગંગોત્તુંગ તરંગ રંજિત જટા ભારં કૃપાસાગરં
કંઠાલંકૃત શેષભૂષણમહં મૃત્યુંજયં ભાવયે ||
ઓં શ્રી ઉમામહેશ્વર સ્વામિને નમઃ ધ્યાયામિ |
આવાહનં (ઓં સ॒દ્યોજા॒તં પ્ર॑પદ્યા॒મિ)
ઓંકારાય નમસ્તુભ્યં ઓંકારપ્રિય શંકર |
આવાહનં ગૃહાણેદં પાર્વતીપ્રિય વલ્લભ ||
ઓં શ્રી ઉમામહેશ્વર સ્વામિને નમઃ આવાહયામિ |
આસનં (ઓં સ॒દ્યોજા॒તાય॒વૈ નમો॒ નમઃ॑)
નમસ્તે ગિરિજાનાથ કૈલાસગિરિ મંદિર |
સિંહાસનં મયા દત્તં સ્વીકુરુષ્વ ઉમાપતે ||
શ્રી ઉમામહેશ્વર સ્વામિને નમઃ નવરત્ન ખચિત હેમ સિંહાસનં સમર્પયામિ |
પાદ્યં (ઓં ભવે ભ॑વે॒ન)
મહાદેવ જગન્નાથ ભક્તાનામભયપ્રદ |
પાદ્યં ગૃહાણ દેવેશ મમ સૌખ્યં-વિઁવર્ધય ||
શ્રી ઉમામહેશ્વર સ્વામિને નમઃ પાદયોઃ પાદ્યં સમર્પયામિ |
અર્ઘ્યં (ઓં અતિ॑ ભવે ભવસ્વ॒માં)
શિવાપ્રિય નમસ્તેસ્તુ પાવનં જલપૂરિતમ્ |
અર્ઘ્યં ગૃહાણ ભગવન્ ગાંગેય કલશસ્થિતમ્ ||
શ્રી ઉમામહેશ્વર સ્વામિને નમઃ હસ્તયોઃ અર્ઘ્યં સમર્પયામિ |
આચમનં (ઓં ભ॒વોદ્ભ॑વાય॒ નમઃ)
વામદેવ સુરાધીશ વંદિતાંઘ્રિ સરોરુહ |
ગૃહાણાચમનં દેવ કરુણા વરુણાલય ||
શ્રી ઉમામહેશ્વર સ્વામિને નમઃ મુખે આચમનીયં સમર્પયામિ |
મધુપર્કં
યમાંતકાય ઉગ્રાય ભીમાય ચ નમો નમઃ |
મધુપર્કં પ્રદાસ્યામિ ગૃહાણ ત્વમુમાપતે ||
શ્રી ઉમામહેશ્વર સ્વામિને નમઃ મધુપર્કં સમર્પયામિ |
પંચામૃત સ્નાનં
1. આપ્યાયસ્યેતિ ક્ષીરં (milk) –
ઓં આપ્યા॑યસ્વ॒ સમે॑તુ તે વિ॒શ્વત॑સ્સોમ॒ વૃષ્ણિ॑યમ્ |
ભવા॒ વાજ॑સ્ય સંગ॒થે ||
શ્રી ભવાનીશંકરાસ્વામિને નમઃ ક્ષીરેણ સ્નપયામિ |
આપો॒ હિષ્ઠા મ॑યો॒ભુવ॒સ્તા ન॑ ઊ॒ર્જે દ॑ધાતન |
મ॒હેરણા॑ય॒ ચક્ષ॑સે |
યો વઃ॑ શિ॒વત॑મો રસ॒સ્તસ્ય॑ ભાજયતે॒ હ નઃ॑ |
ઉ॒શ॒તીરિ॑વ મા॒ત॑રઃ |
તસ્મા॒ અરં॑ગમામવો॒ યસ્ય॒ ક્ષયા॑ય॒ જિન્વ॑થ |
આપો॑ જ॒નય॑થા ચ નઃ |
શ્રી ભવાનીશંકરાસ્વામિને નમઃ | ક્ષીરસ્નાનાનંતરં શુદ્ધોદક સ્નાનં સમર્પયામિ |
2. દધિક્રાવ્ણો ઇતિ દધિ (yogurt) –
ઓં દ॒ધિ॒ક્રાવ્ણો॑ અકારિષં જિ॒ષ્ણોરશ્વ॑સ્ય વા॒જિનઃ॑ |
સુ॒રભિ નો॒ મુખા॑ કર॒ત્પ્રણ॒ આયૂગ્મ્॑ષિ તારિષત્ ||
શ્રી ભવાનીશંકરાસ્વામિને નમઃ | દધ્ના સ્નપયામિ |
આપો॒ હિષ્ઠા મ॑યો॒ભુવ॒સ્તા ન॑ ઊ॒ર્જે દ॑ધાતન |
મ॒હેરણા॑ય॒ ચક્ષ॑સે |
યો વઃ॑ શિ॒વત॑મો રસ॒સ્તસ્ય॑ ભાજયતે॒ હ નઃ॑ |
ઉ॒શ॒તીરિ॑વ મા॒ત॑રઃ |
તસ્મા॒ અરં॑ગમામવો॒ યસ્ય॒ ક્ષયા॑ય॒ જિન્વ॑થ |
આપો॑ જ॒નય॑થા ચ નઃ |
શ્રી ભવાનીશંકરાસ્વામિને નમઃ | દધિસ્નાનાનંતરં શુદ્ધોદક સ્નાનં સમર્પયામિ |
3. શુક્રમસીતિ આજ્યં (ghee) –
ઓં શુ॒ક્રમ॑સિ॒ જ્યોતિ॑રસિ॒ તેજો॑સિ દે॒વોવ॑સ્સવિ॒તોત્પુ॑ના॒તુ
અચ્છિ॑દ્રેણ પ॒વિત્રે॑ણ॒ વસો॒સ્સૂર્ય॑સ્ય ર॒શ્મિભિઃ॑ |
શ્રી ભવાનીશંકરાસ્વામિને નમઃ | આજ્યેન સ્નપયામિ |
આપો॒ હિષ્ઠા મ॑યો॒ભુવ॒સ્તા ન॑ ઊ॒ર્જે દ॑ધાતન |
મ॒હેરણા॑ય॒ ચક્ષ॑સે |
યો વઃ॑ શિ॒વત॑મો રસ॒સ્તસ્ય॑ ભાજયતે॒ હ નઃ॑ |
ઉ॒શ॒તીરિ॑વ મા॒ત॑રઃ |
તસ્મા॒ અરં॑ગમામવો॒ યસ્ય॒ ક્ષયા॑ય॒ જિન્વ॑થ |
આપો॑ જ॒નય॑થા ચ નઃ |
શ્રી ભવાનીશંકરાસ્વામિને નમઃ | આજ્ય સ્નાનાનંતરં શુદ્ધોદક સ્નાનં સમર્પયામિ |
4. મધુવાતા ઋતાયતે ઇતિ મધુ (honey) –
ઓં મધુ॒વાતા॑ ઋતાય॒તે મધુ॑ક્ષરંતિ॒ સિંધ॑વઃ |
માધ્વી᳚ર્નઃ સં॒ત્વૌષ॑ધીઃ |
મધુ॒નક્ત॑મુ॒તોષ॑સિ॒ મધુ॑મ॒ત્પાર્થિ॑વ॒ગ્મ્॒ રજઃ॑ |
મધુ॒દ્યૌર॑સ્તુ નઃ પિ॒તા |
મધુ॑માન્નો॒ વન॒સ્પતિ॒ર્મધુ॑માગ્ં અસ્તુ॒ સૂર્યઃ॑ |
માધ્વી॒ર્ગાવો॑ ભવંતુ નઃ |
શ્રી ભવાનીશંકરાસ્વામિને નમઃ | મધુના સ્નપયામિ |
આપો॒ હિષ્ઠા મ॑યો॒ભુવ॒સ્તા ન॑ ઊ॒ર્જે દ॑ધાતન |
મ॒હેરણા॑ય॒ ચક્ષ॑સે |
યો વઃ॑ શિ॒વત॑મો રસ॒સ્તસ્ય॑ ભાજયતે॒ હ નઃ॑ |
ઉ॒શ॒તીરિ॑વ મા॒ત॑રઃ |
તસ્મા॒ અરં॑ગમામવો॒ યસ્ય॒ ક્ષયા॑ય॒ જિન્વ॑થ |
આપો॑ જ॒નય॑થા ચ નઃ |
શ્રી ભવાનીશંકરાસ્વામિને નમઃ | મધુસ્નાનાનંતરં શુદ્ધોદક સ્નાનં સમર્પયામિ |
5. સ્વાદુઃ પવસ્યેતિ શર્કરા (sugar) –
ઓં સ્વા॒દુઃ પ॑વસ્વ દિ॒વ્યાય॒ જન્મ॑ને |
સ્વા॒દુરિંદ્રા᳚ય સુ॒હવી᳚તુ નામ્ને᳚ |
સ્વા॒દુર્મિ॒ત્રાય॒ વરુ॑ણાય વા॒યવે॒ |
બૃહ॒સ્પત॑યે॒ મધુ॑માં॒ અદા᳚ભ્યઃ |
શ્રી ભવાનીશંકરાસ્વામિને નમઃ | શર્કરયા સ્નપયામિ |
આપો॒ હિષ્ઠા મ॑યો॒ભુવ॒સ્તા ન॑ ઊ॒ર્જે દ॑ધાતન |
મ॒હેરણા॑ય॒ ચક્ષ॑સે |
યો વઃ॑ શિ॒વત॑મો રસ॒સ્તસ્ય॑ ભાજયતે॒ હ નઃ॑ |
ઉ॒શ॒તીરિ॑વ મા॒ત॑રઃ |
તસ્મા॒ અરં॑ગમામવો॒ યસ્ય॒ ક્ષયા॑ય॒ જિન્વ॑થ |
આપો॑ જ॒નય॑થા ચ નઃ |
શ્રી ભવાનીશંકરાસ્વામિને નમઃ | શર્કર સ્નાનાનંતરં શુદ્ધોદક સ્નાનં સમર્પયામિ |
શંખોદકં
આપો॒ હિષ્ઠા મ॑યો॒ભુવ॒સ્તા ન॑ ઊ॒ર્જે દ॑ધાતન |
મ॒હેરણા॑ય॒ ચક્ષ॑સે |
યો વઃ॑ શિ॒વત॑મો રસ॒સ્તસ્ય॑ ભાજયતે॒ હ નઃ॑ |
ઉ॒શ॒તીરિ॑વ મા॒ત॑રઃ |
તસ્મા॒ અરં॑ગમામવો॒ યસ્ય॒ ક્ષયા॑ય॒ જિન્વ॑થ |
આપો॑ જ॒નય॑થા ચ નઃ |
શ્રી ભવાનીશંકરાસ્વામિને નમઃ | શંખોદકેન સ્નપયામિ ||
ફલોદકં
યાઃ ફ॒લિની॒ર્યા અ॑ફ॒લા અ॑પુ॒ષ્પાયાશ્ચ॑ પુ॒ષ્પિણીઃ᳚ |
બૃહ॒સ્પતિ॑ પ્રસૂતા॒સ્તાનો॑ મુંચં॒ત્વગ્ં હ॑સઃ ||
શ્રી ભવાનીશંકરાસ્વામિને નમઃ | ફલોદકેન સ્નપયામિ |
ગંધોદકં
ગં॒ધ॒દ્વા॒રાં દુ॑રાધ॒ર્ષાં॒ નિ॒ત્યપુ॑ષ્ટાં કરી॒ષિણી᳚મ્ |
ઈ॒શ્વરી॑ગ્મ્ સર્વ॑ભૂતા॒નાં॒ તામિ॒હોપ॑હ્વયે॒ શ્રિયમ્ ||
શ્રી ભવાનીશંકરાસ્વામિને નમઃ | ગંધોદકેન સ્નપયામિ |
પુષ્પોદકં
યો॑ઽપાં પુષ્પં॒-વેઁદ॑ |
પુષ્પ॑વાન્ પ્ર॒જાવા᳚ન્ પશુ॒માન્ ભ॑વતિ |
ચં॒દ્રમા॒ વા અ॒પાં પુષ્પમ્᳚ |
પુષ્પ॑વાન્ પ્ર॒જાવા᳚ન્ પશુ॒માન્ ભ॑વતિ |
શ્રી ભવાનીશંકરાસ્વામિને નમઃ | પુષ્પોદકેન સ્નપયામિ |
અક્ષતોદકં
આય॑ને તે પ॒રાય॑ણે॒ દૂર્વા॑ રોહંતુ પુ॒ષ્પિણીઃ᳚ |
હ્ર॒દાશ્ચ॑ પું॒ડરી॑કાણિ સમુ॒દ્રસ્ય॑ ગૃ॒હા ઇ॒મે |
શ્રી ભવાનીશંકરાસ્વામિને નમઃ | અક્ષતોદકેન સ્નપયામિ |
સુવર્ણોદકં
તથ્સુ॒વર્ણ॒ગ્મ્॒ હિર॑ણ્યમભવત્ |
તથ્સુ॒વર્ણ॑સ્ય॒ હિર॑ણ્યસ્ય॒ જન્મ॑ |
ય એ॒વગ્મ્ સુ॒વર્ણ॑સ્ય॒ હિર॑ણ્યસ્ય॒ જન્મ॒વે॑દ |
સુ॒વર્ણ॑ આ॒ત્મના॑ ભવતિ |
શ્રી ભવાનીશંકરાસ્વામિને નમઃ | સુવર્ણોદકેન સ્નપયામિ |
રુદ્રાક્ષોદકં
ત્ર્યં॑બકં-યઁજામહે સુગં॒ધિં પુ॑ષ્ટિ॒ વર્ધ॑નમ્ |
ઉ॒ર્વા॒રુ॒કમિ॑વ॒ બંધ॑નાન્મૃ॒ત્યોર્મુ॑ક્ષીય॒ માઽમૃતા᳚ત્ ||
શ્રી ભવાનીશંકરાસ્વામિને નમઃ | રુદ્રાક્ષોદકેન સ્નપયામિ |
ભસ્મોદકં
મા નો॑ મ॒હાંત॑મુ॒ત મા નો॑ અર્ભ॒કં
મા ન॒ ઉક્ષં॑તમુ॒ત મા ન॑ ઉક્ષિ॒તમ્ |
મા નો॑ઽવધીઃ પિ॒તરં॒ મોત મા॒તરં॑
પ્રિ॒યા મા ન॑સ્ત॒નુવો॑ રુદ્ર રીરિષઃ |
શ્રી ભવાનીશંકરાસ્વામિને નમઃ | ભસ્મોદકેન સ્નપયામિ |
બિલ્વોદકં
મા ન॑સ્તો॒કે તન॑યે॒ મા ન॒ આયુ॑ષિ॒
મા નો॒ ગોષુ॒ મા નો॒ અશ્વે॑ષુ રીરિષઃ |
વી॒રાન્મા નો॑ રુદ્ર ભામિ॒તોઽવ॑ધીર્હ॒વિષ્મં॑તો॒
નમ॑સા વિધેમ તે |
શ્રી ભવાનીશંકરાસ્વામિને નમઃ | બિલ્વોદકેન સ્નપયામિ |
દૂર્વોદકં
કાંડા᳚ત્કાંડાત્પ્ર॒રોહં॑તિ પરુ॑ષઃ પરુષઃ॒ પરિ॑ |
એ॒વાનો॑ દૂર્વે॒ પ્રત॑નુ સ॒હસ્રે॑ણ શ॒તેન॑ ચ ||
શ્રી ભવાનીશંકરાસ્વામિને નમઃ | દૂર્વોદકેન સ્નપયામિ |
અથ મલાપકર્ષણ સ્નાનમ્
હિર॑ણ્યવર્ણા॒શ્શુચ॑યઃ પાવ॒કા
યાસુ॑ જા॒તઃ ક॒શ્યપો॒ યાસ્વિંદ્રઃ॑ |
અ॒ગ્નિં-યાઁ ગર્ભં॑ દધિ॒રે વિરૂ॑પા॒સ્તા
ન॒ આપ॒શ્શગ્ગ્ સ્યો॒ના ભ॑વંતુ ||
યાસા॒ગ્મ્॒ રાજા॒ વરુ॑ણો॒ યાતિ॒ મધ્યે॑
સત્યાનૃ॒તે અ॑વ॒પશ્યં॒જના॑નામ્ |
મ॒ધુ॒શ્ચુત॒શ્શુચ॑યો॒ યાઃ પા॑વ॒કાસ્તા
ન॒ આપ॒શ્શગ્ગ્ સ્યો॒ના ભ॑વંતુ ||
યાસાં॑ દે॒વા દિ॒વિ કૃ॒ણ્વંતિ॑ ભ॒ક્ષં
યા અં॒તરિ॑ક્ષે બહુ॒ધા ભવં॑તિ |
યાઃ પૃ॑થિ॒વીં પય॑સોં॒દંતિ॑ શુ॒ક્રાસ્તા
ન॒ આપ॒શ્શગ્ગ્ સ્યો॒ના ભ॑વંતુ ||
શિ॒વેન॑ મા॒ ચક્ષુ॑ષા પશ્યતાપશ્શિ॒વયા॑
ત॒નુવોપ॑ સ્પૃશત॒ ત્વચં॑ મે |
સર્વાગ્મ્॑ અ॒ગ્નીગ્મ્ ર॑ફ્સુ॒ષદો॑ હુવે વો॒ મયિ॒
વર્ચો॒ બલ॒મોજો॒ નિધ॑ત્ત ||
(અ.વે., કાંડ-3, સૂક્તં-13)
યદ॒દઃ સં॑પ્રય॒તી-રહા॒-વન॑દતા હ॒તે |
તસ્મા॒દા ન॒દ્યો॑ નામ॑ સ્થ॒ તા વો॒ નામા॑નિ સિંધવઃ || 1
યત્પ્રેષિ॑તા॒ વરુ॑ણે॒નતાશ્શીભ॑ગ્મ્ સ॒મવ॑લ્ગત |
તદા॑પ્નો॒દિંદ્રો॑ વો ય॒તીસ્તસ્મા॒દાપો॒ અનુ॑સ્થન || 2
આ॒પ॒કા॒મગ્ગ્મ્ સ્યંદ॑માના॒ અવી॑વરત વો॒ હિ ક॑મ્ |
ઇંદ્રો॑ વ॒શ્શક્તિ॑ભિર્દેવી॒સ્તસ્મા॒દ્વાર્ણામ॑ વો હિ॒તમ્ || 3
એકો॑ વો દે॒વો અપ્ય॑તિષ્ઠ॒થ્સ્યંદ॑માના યથાવ॒શમ્ |
ઉદા॑નિષુર્મ॒હીરિતિ॒ તસ્મા॑દુદ॒કમુ॑ચ્યતે || 4
આપો॑ ભ॒દ્રા ઘૃ॒તમિદાપ॑ આનુર॒ગ્નીષોમૌ॑ બિભ્ર॒ત્યાપ॒ ઇત્તાઃ |
તી॒વ્રો રસો॑ મધુ॒પૃચાં॑ અ॒રં॒ગ॒મ આ મા॑ પ્રા॒ણેન॑ સ॒હ વર્ચ॑સાગન્ન્ || 5
આદિત્પ॑શ્યામ્યુ॒ત વા॑ શૃણો॒મ્યા મા॒ ઘોષો॑ ગચ્છતિ॒ વાઙ્મ॑ આસામ્ |
મન્યે॑ ભેજા॒નો અ॒મૃત॑સ્ય॒ તર્હિ॒ હિર॑ણ્યવર્ણા॒ અતૃ॑પં-યઁ॒દા વઃ॑ || 6
આપો॒ હિષ્ઠા મ॑યો॒ભુવ॒સ્તા ન॑ ઊ॒ર્જે દ॑ધાતન |
મ॒હેરણા॑ય॒ ચક્ષ॑સે |
યો વઃ॑ શિ॒વત॑મો રસ॒સ્તસ્ય॑ ભાજયતે॒ હ નઃ॑ |
ઉ॒શ॒તીરિ॑વ મા॒ત॑રઃ |
તસ્મા॒ અરં॑ગમામવો॒ યસ્ય॒ ક્ષયા॑ય॒ જિન્વ॑થ |
આપો॑ જ॒નય॑થા ચ નઃ |
શ્રી ભવાનીશંકરાસ્વામિને નમઃ | શુદ્ધોદકેન સ્નપયામિ |
આપો॒ વા ઇ॒દગ્મ્ સર્વં॒-વિઁશ્વા॑ ભૂ॒તાન્યાપઃ॑ પ્રા॒ણા વા આપઃ॑
પ॒શવ॒ આપોઽન્ન॒માપોઽમૃ॑ત॒માપઃ॑ સ॒મ્રાડાપો॑ વિ॒રાડાપઃ॑
સ્વ॒રાડાપ॒શ્છંદા॒ગ્મ્॒સ્યાપો॒ જ્યોતી॒ગ્મ્॒ષ્યાપો॒
યજૂ॒ગ્મ્॒ષ્યાપ॑સ્સ॒ત્યમાપ॒સ્સર્વા॑ દે॒વતા॒ આપો॒
ભૂર્ભુવ॒સ્સુવ॒રાપ॒ ઓમ્ ||
અ॒પઃ પ્રણ॑યતિ | શ્ર॒દ્ધાવા આપઃ॑ |
શ્ર॒દ્ધામે॒વારભ્ય॑ પ્ર॒ણીય॒ પ્રચ॑રતિ |
અ॒પઃ પ્રણ॑યતિ | ય॒જ્ઞો વા આપઃ॑ |
ય॒જ્ઞમે॒વારભ્ય॑ પ્ર॒ણીય॒ પ્રચ॑રતિ
અ॒પઃ પ્રણ॑યતિ | વ॒જ્રો વા આપઃ॑ |
વજ્ર॑મે॒વ ભ્રાતૃ॑વ્યેભ્યઃ પ્રહૃત્ય॑ પ્ર॒ણીય॒ પ્રચ॑રતિ |
અ॒પઃ પ્રણ॑યતિ | આપો॒ વૈ ર॑ક્ષો॒ઘ્નીઃ |
રક્ષ॑સા॒મપ॑હત્યૈ |
અ॒પઃ પ્રણ॑યતિ | આપો॒ વૈ દે॒વાનાં॑ પ્રિ॒યંધામ॑ |
દે॒વાના॑મે॒વ પ્રિ॒યંધામ॑ પ્ર॒ણીય॒ પ્રચ॑રતિ |
અ॒પઃ પ્રણ॑યતિ | આપો॒ વૈ સર્વા॑ દે॒વતાઃ॑ |
દે॒વતા॑ એ॒વારભ્ય॑ પ્ર॒ણીય॒ પ્રચ॑રતિ |
(આપો॒ વૈ શાં॒તાઃ | શાં॒તાભિ॑રે॒વાસ્ય॑ શુચગ્મ્॑ શમયતિ ||)
શ્રી ભવાનીશંકરાસ્વામિને નમઃ | મલાપકર્ષણસ્નાનં સમર્પયામિ |
શ્રીરુદ્રપ્રશ્નઃ – નમકમ્ ||
શ્રીરુદ્રપ્રશ્નઃ – ચમકમ્ ||
પુરુષ સૂક્તમ્ ||
શ્રી સૂક્તમ્ ||
ઓં શ્રી ઉમામહેશ્વર સ્વામિને નમઃ શુદ્ધોદક સ્નાનં સમર્પયામિ |
સ્નાનાનંતરં આચમનીયં સમર્પયામિ |
વસ્ત્રં – (ઓં જ્યે॒ષ્ઠાય॒ નમઃ)
નમો નાગવિભૂષાય નારદાદિ સ્તુતાય ચ |
વસ્ત્રયુગ્મં પ્રદાસ્યામિ પાર્થિવેશ્વર સ્વીકુરુ ||
ઓં શ્રી ઉમામહેશ્વર સ્વામિને નમઃ વસ્ત્રયુગ્મં સમર્પયામિ |
(વસ્ત્રાર્થં અક્ષતાન્ સમર્પયામિ)
યજ્ઞોપવીતં – (ઓં શ્રે॒ષ્ઠાય॒ નમઃ)
યજ્ઞેશ યજ્ઞવિધ્વંસ સર્વદેવ નમસ્કૃત |
યજ્ઞસૂત્રં પ્રદાસ્યામિ શોભનં ચોત્તરીયકમ્ ||
ઓં શ્રી ઉમામહેશ્વર સ્વામિને નમઃ યજ્ઞોપવીતં સમર્પયામિ |
(ઉપવીતાર્થં અક્ષતાન્ સમર્પયામિ)
આભરણં – (ઓં રુ॒દ્રાય॒ નમઃ)
નાગાભરણ વિશ્વેશ ચંદ્રાર્ધકૃતમસ્તક |
પાર્થિવેશ્વર મદ્દત્તં ગૃહાણાભરણં-વિઁભો ||
ઓં શ્રી ઉમામહેશ્વર સ્વામિને નમઃ આભરણં સમર્પયામિ |
ગંધં – (ઓં કાલા॑ય॒ નમઃ॑)
શ્રી ગંધં તે પ્રયચ્છામિ ગૃહાણ પરમેશ્વર |
કસ્તૂરિ કુંકુમોપેતં શિવાશ્લિષ્ટ ભુજદ્વય ||
ઓં શ્રી ઉમામહેશ્વર સ્વામિને નમઃ શ્રીગંધાદિ પરિમળ દ્રવ્યં સમર્પયામિ |
અક્ષતાન્ – (ઓં કલ॑વિકરણાય॒ નમઃ)
અક્ષતાન્ ધવળાન્ દિવ્યાન્ શાલિ તુંડુલ મિશ્રિતાન્ |
અક્ષતોસિ સ્વભાવેન સ્વીકુરુષ્વ મહેશ્વર ||
ઓં શ્રી ઉમામહેશ્વર સ્વામિને નમઃ ધવળાક્ષતાન્ સમર્પયામિ |
પુષ્પં – (ઓં બલ॑ વિકરણાય॒ નમઃ)
સુગંધીનિ સુપુષ્પાણિ જાજીબિલ્વાર્ક ચંપકૈઃ |
નિર્મિતં પુષ્પમાલંચ નીલકંઠ ગૃહાણ ભો ||
ઓં શ્રી ઉમામહેશ્વર સ્વામિને નમઃ પુષ્પ બિલ્વદળાનિ સમર્પયામિ |
અથાંગ પૂજા
ઓં મહેશ્વરાય નમઃ – પાદૌ પૂજયામિ |
ઓં ઈશ્વરાય નમઃ – જંઘૌ પૂજયામિ |
ઓં કામરૂપાય નમઃ – જાનુની પૂજયામિ |
ઓં હરાય નમઃ – ઊરૂ પૂજયામિ |
ઓં ત્રિપુરાંતકાય નમઃ – ગુહ્યં પૂજયામિ |
ઓં ભવાય નમઃ – કટિં પૂજયામિ |
ઓં-વ્યાઁઘ્રચર્માંબરધરાય નમઃ – નાભિં પૂજયામિ |
ઓં કુક્ષિસ્થ બ્રહાંડાય નમઃ – ઉદરં પૂજયામિ |
ઓં ગૌરી મનઃ પ્રિયાય નમઃ – હૃદયં પૂજયામિ |
ઓં પિનાકિને નમઃ – હસ્તૌ પૂજયામિ |
ઓં નાગાવૃતભુજદંડાય નમઃ – ભુજૌ પૂજયામિ |
ઓં શ્રીકંઠાય નમઃ – કંઠં પૂજયામિ |
ઓં-વિઁરૂપાક્ષાય નમઃ – મુખં પૂજયામિ |
ઓં ત્રિનેત્રાય નમઃ – નેત્રાણિ પૂજયામિ |
ઓં રુદ્રાય નમઃ – લલાટં પૂજયામિ |
ઓં શર્વાય નમઃ – શિરઃ પૂજયામિ |
ઓં ચંદ્રમૌળયે નમઃ – મૌળિં પૂજયામિ |
ઓં અર્ધનારીશ્વરાય નમઃ – તનું પૂજયામિ |
ઓં શ્રી ઉમામહેશ્વરાય નમઃ – સર્વાણ્યંગાનિ પૂજયામિ |
અષ્ટોત્તરશતનામ પૂજા
ઓં શિવાય નમઃ
ઓં મહેશ્વરાય નમઃ
ઓં શંભવે નમઃ
ઓં પિનાકિને નમઃ
ઓં શશિશેખરાય નમઃ
ઓં-વાઁમદેવાય નમઃ
ઓં-વિઁરૂપાક્ષાય નમઃ
ઓં કપર્દિને નમઃ
ઓં નીલલોહિતાય નમઃ
ઓં શંકરાય નમઃ (10)
ઓં શૂલપાણયે નમઃ
ઓં ખટ્વાંગિને નમઃ
ઓં-વિઁષ્ણુવલ્લભાય નમઃ
ઓં શિપિવિષ્ટાય નમઃ
ઓં અંબિકાનાથાય નમઃ
ઓં શ્રીકંઠાય નમઃ
ઓં ભક્તવત્સલાય નમઃ
ઓં ભવાય નમઃ
ઓં શર્વાય નમઃ
ઓં ત્રિલોકેશાય નમઃ (20)
ઓં શિતિકંઠાય નમઃ
ઓં શિવાપ્રિયાય નમઃ
ઓં ઉગ્રાય નમઃ
ઓં કપાલિને નમઃ
ઓં કામારયે નમઃ
ઓં અંધકાસુર સૂદનાય નમઃ
ઓં ગંગાધરાય નમઃ
ઓં-લઁલાટાક્ષાય નમઃ
ઓં કાલકાલાય નમઃ
ઓં કૃપાનિધયે નમઃ (30)
ઓં ભીમાય નમઃ
ઓં પરશુહસ્તાય નમઃ
ઓં મૃગપાણયે નમઃ
ઓં જટાધરાય નમઃ
ઓં કૈલાસવાસિને નમઃ
ઓં કવચિને નમઃ
ઓં કઠોરાય નમઃ
ઓં ત્રિપુરાંતકાય નમઃ
ઓં-વૃઁષાંકાય નમઃ
ઓં-વૃઁષભારૂઢાય નમઃ (40)
ઓં ભસ્મોદ્ધૂળિત વિગ્રહાય નમઃ
ઓં સામપ્રિયાય નમઃ
ઓં સ્વરમયાય નમઃ
ઓં ત્રયીમૂર્તયે નમઃ
ઓં અનીશ્વરાય નમઃ
ઓં સર્વજ્ઞાય નમઃ
ઓં પરમાત્મને નમઃ
ઓં સોમસૂર્યાગ્નિ લોચનાય નમઃ
ઓં હવિષે નમઃ
ઓં-યઁજ્ઞમયાય નમઃ (50)
ઓં સોમાય નમઃ
ઓં પંચવક્ત્રાય નમઃ
ઓં સદાશિવાય નમઃ
ઓં-વિઁશ્વેશ્વરાય નમઃ
ઓં-વીઁરભદ્રાય નમઃ
ઓં ગણનાથાય નમઃ
ઓં પ્રજાપતયે નમઃ
ઓં હિરણ્યરેતસે નમઃ
ઓં દુર્ધર્ષાય નમઃ
ઓં ગિરીશાય નમઃ (60)
ઓં ગિરિશાય નમઃ
ઓં અનઘાય નમઃ
ઓં ભુજંગ ભૂષણાય નમઃ
ઓં ભર્ગાય નમઃ
ઓં ગિરિધન્વને નમઃ
ઓં ગિરિપ્રિયાય નમઃ
ઓં કૃત્તિવાસસે નમઃ
ઓં પુરારાતયે નમઃ
ઓં ભગવતે નમઃ
ઓં પ્રમથાધિપાય નમઃ (70)
ઓં મૃત્યુંજયાય નમઃ
ઓં સૂક્ષ્મતનવે નમઃ
ઓં જગદ્વ્યાપિને નમઃ
ઓં જગદ્ગુરવે નમઃ
ઓં-વ્યોઁમકેશાય નમઃ
ઓં મહાસેન જનકાય નમઃ
ઓં ચારુવિક્રમાય નમઃ
ઓં રુદ્રાય નમઃ
ઓં ભૂતપતયે નમઃ
ઓં સ્થાણવે નમઃ (80)
ઓં અહિર્બુધ્ન્યાય નમઃ
ઓં દિગંબરાય નમઃ
ઓં અષ્ટમૂર્તયે નમઃ
ઓં અનેકાત્મને નમઃ
ઓં સાત્ત્વિકાય નમઃ
ઓં શુદ્ધવિગ્રહાય નમઃ
ઓં શાશ્વતાય નમઃ
ઓં ખંડપરશવે નમઃ
ઓં અજાય નમઃ
ઓં પાશવિમોચકાય નમઃ (90)
ઓં મૃડાય નમઃ
ઓં પશુપતયે નમઃ
ઓં દેવાય નમઃ
ઓં મહાદેવાય નમઃ
ઓં અવ્યયાય નમઃ
ઓં હરયે નમઃ
ઓં પૂષદંતભિદે નમઃ
ઓં અવ્યગ્રાય નમઃ
ઓં દક્ષાધ્વરહરાય નમઃ
ઓં હરાય નમઃ (100)
ઓં ભગનેત્રભિદે નમઃ
ઓં અવ્યક્તાય નમઃ
ઓં સહસ્રાક્ષાય નમઃ
ઓં સહસ્રપાદે નમઃ
ઓં અપવર્ગપ્રદાય નમઃ
ઓં અનંતાય નમઃ
ઓં તારકાય નમઃ
ઓં પરમેશ્વરાય નમઃ (108)
ઓં નિધ॑નપતયે॒ નમઃ | ઓં નિધ॑નપતાંતિકાય॒ નમઃ |
ઓં ઊર્ધ્વાય॒ નમઃ | ઓં ઊર્ધ્વલિંગાય॒ નમઃ |
ઓં હિરણ્યાય॒ નમઃ | ઓં હિરણ્યલિંગાય॒ નમઃ |
ઓં સુવર્ણાય॒ નમઃ | ઓં સુવર્ણલિંગાય॒ નમઃ |
ઓં દિવ્યાય॒ નમઃ | ઓં દિવ્યલિંગાય॒ નમઃ |
ઓં ભવાય॒ નમઃ | ઓં ભવલિંગાય॒ નમઃ |
ઓં શર્વાય॒ નમઃ | ઓં શર્વલિંગાય॒ નમઃ |
ઓં શિવાય॒ નમઃ | ઓં શિવલિંગાય॒ નમઃ |
ઓં જ્વલાય॒ નમઃ | ઓં જ્વલલિંગાય॒ નમઃ |
ઓં આત્માય॒ નમઃ | ઓં આત્મલિંગાય॒ નમઃ |
ઓં પરમાય॒ નમઃ | ઓં પરમલિંગાય॒ નમઃ |
ઓં ભ॒વાય॑ દે॒વાય॒ નમઃ
– ઓં ભ॒વસ્ય॑ દે॒વસ્ય॒ પત્ન્યૈ॒ નમઃ॑ |
ઓં શ॒ર્વાય॑ દે॒વાય॒ નમઃ
– ઓં શ॒ર્વસ્ય॑ દે॒વસ્ય॒ પત્ન્યૈ॒ નમઃ॑ |
ઓં ઈશા॑નાય દે॒વાય॒ નમઃ
– ઓં ઈશા॑નસ્ય દે॒વસ્ય॒ પત્ન્યૈ॒ નમઃ॑ |
ઓં પશુ॒પત॑યે દે॒વાય॒ નમઃ
– ઓં પશુ॒પતે᳚ર્દે॒વસ્ય પત્ન્યૈ॒ નમઃ॑ |
ઓં રુ॒દ્રાય॑ દે॒વાય॒ નમઃ
– ઓં રુ॒દ્રસ્ય॑ દે॒વસ્ય॒ પત્ન્યૈ॒ નમઃ॑ |
ઓં ઉ॒ગ્રાય॑ દે॒વાય॒ નમઃ
– ઓં ઉ॒ગ્રસ્ય॑ દે॒વસ્ય॒ પત્ન્યૈ॒ નમઃ॑ |
ઓં ભી॒માય॑ દે॒વાય॒ નમઃ
– ઓં ભી॒મસ્ય॑ દે॒વસ્ય॒ પત્ન્યૈ॒ નમઃ॑ |
ઓં મહ॑તે દે॒વાય॒ નમઃ
– ઓં મહ॑તો દે॒વસ્ય॒ પત્ન્યૈ॒ નમઃ॑ |
ઓં શ્રી ઉમામહેશ્વર સ્વામિને નમઃ નાના વિધ પરિમળ પત્ર પુષ્પાક્ષતાન્ સમર્પયામિ |
ધૂપં – (ઓં બલા॑ય॒ નમઃ)
ધૂર॑સિ॒ ધૂર્વ॒ ધૂર્વં॑તં॒ ધૂર્વ॒તં-યોઁ᳚ઽસ્માન્ ધૂર્વ॑તિ॒ તં ધૂ᳚ર્વ॒યં-વઁ॒યં
ધૂર્વા॑મ॒સ્ત્વં દે॒વાના॑મસિ॒ સસ્નિ॑તમં॒ પપ્રિ॑તમં॒ જુષ્ટ॑તમં॒-વઁહ્નિ॑તમં
દેવ॒હૂત॑મ॒-મહ્રુ॑તમસિ હવિ॒ર્ધાનં॒ દૃગ્મ્ હ॑સ્વ॒ માહ્વા᳚ ર્મિ॒ત્રસ્ય॑ ત્વા॒ ચક્ષુ॑ષા॒
પ્રેક્ષે॒ મા ભેર્મા સંવિઁ॑ક્તા॒ મા ત્વા॑ હિગ્મ્સિષમ્ |
આવાહિતાભ્યઃ સર્વાભ્યો દેવતાભ્યો નમઃ | ધૂપમાઘ્રાપયામિ |
દીપં – (ઓં બલ॑ પ્રમથનાય॒ નમઃ)
ઉદ્દી᳚પ્યસ્વ જાતવેદોઽપ॒ઘ્નન્ નિઋ॑તિં॒ મમ॑ | પ॒શુગ્ગ્શ્ચ॒ મહ્ય॒માવ॑હ॒ જીવ॑નં ચ॒ દિશો॑ દિશ | માનો॑ હિગ્મ્સી-જ્જાતવેદો॒ ગામશ્વં॒ પુરુ॑ષં॒ જગ॑ત્ | અબિ॑ભ્ર॒દગ્ન॒ આગ॑હિ શ્રિ॒યા મા॒ પરિ॑પાતય |
આવાહિતાભ્યઃ સર્વાભ્યો દેવતાભ્યો નમઃ | ધૂપમાઘ્રાપયામિ |
ધૂપ દીપાનંતરં શુદ્ધાચમનીયં સમર્પયામિ |
નૈવેદ્યં – (ઓં સર્વ॑ ભૂત દમનાય॒ નમઃ)
ઓં ભૂર્ભુવ॒સ્સુવઃ॒ | તત્સ॑વિ॒તુર્વરે᳚ણ્યં॒ ભર્ગો॑ દે॒વસ્ય॑ ધીમહિ |
ધિ॒યો યો નઃ॑ પ્રચો॒દયા᳚ત્ | દેવ સવિતઃ પ્રસુવઃ |
સત્યં ત્વર્તેન પરિષિંચામિ |
(સાયંકાલે – ઋતં ત્વા સત્યેન પરિષિંચામિ)
અમૃતં અસ્તુ | અમૃતોપસ્તરણમસિ |
ઓં પ્રાણાય સ્વાહાઃ | ઓં અપાનાય સ્વાહાઃ |
ઓં-વ્યાઁનાય સ્વાહાઃ | ઓં ઉદાનાય સ્વાહાઃ |
ઓં સમાનાય સ્વાહાઃ | ઓં બ્રહ્મણે સ્વાહાઃ |
મધુ॒વાતા॑ ઋતાય॒તે મધુ॑ક્ષરંતિ॒ સિંધ॑વઃ |
માદ્ધ્વી᳚ર્નઃ સં॒ત્વોષ॑ધીઃ | મધુ॒નક્ત॑ મુ॒તોષસિ॒ મધુ॑મ॒ત્ પાર્થિ॑વ॒ગ્મ્॒ રજઃ॑ |
મધુ॒દ્યૌર॑સ્તુ નઃ પિ॒તા | મધુ॑માન્નો॒ વન॒સ્પતિ॒ ર્મધુ॑માગ્મ્ અસ્તુ॒ સૂર્યઃ॑ |
માધ્વી॒ર્ગાવો॑ ભવંતુ નઃ || મધુ મધુ મધુ ||
આવાહિતાભ્યઃ સર્વાભ્યો દેવતાભ્યો નમઃ |
(દિવ્યાન્નં, ઘૃતગુળપાયસં, નાળિકેરખંડદ્વયં, કદળીફલં …)
ઓં શ્રી ઉમામહેશ્વર સ્વામિને નમઃ | મહાનૈવેદ્યં નિવેદયામિ |
મધ્યે મધ્યે પાનીયં સમર્પયામિ |
અ॒મૃ॒તા॒પિ॒ધા॒નમ॑સિ | ઉત્તરાપોશનં સમર્પયામિ |
હસ્તૌ પ્રક્ષાળયામિ | પાદૌ પ્રક્ષાળયામિ |
શુદ્ધાચમનીયં સમર્પયામિ |
તાંબૂલં – (ઓં મ॒નોન્મ॑નાય॒ નમઃ)
પૂગીફલસમાયુક્તં નાગવલ્લીદળૈર્યુતમ્ |
કર્પૂરચૂર્ણ સંયુઁક્તં તાંબૂલં પ્રતિગૃહ્યતામ્ |
આવાહિતાભ્યઃ સર્વાભ્યો દેવતાભ્યો નમઃ | તાંબૂલં નિવેદયામિ |
તાંબૂલ ચર્વણાનંતરં શુદ્ધ આચમનીયં સમર્પયામિ |
નીરાજનં
સોમો॒ વા એ॒તસ્ય॑ રા॒જ્યમાદ॑ત્તે | યો રાજા॒સન્ રા॒જ્યો વા॒ સોમે॑ન॒
યજ॑તે | દે॒વ॒ સુ॒વામે॒તાનિ॑ હ॒વિગ્મ્ષિ॑ ભવંતિ |
એ॒તાવં॑તો॒ વૈ દે॒વાનાગ્મ્॑ સ॒વાઃ | ત એ॒વાસ્મૈ॑ સ॒વાન્ પ્ર॑યચ્છંતિ |
ત એ॑નં પુ॒નઃ સુવં॑તે રા॒જ્યાય॑ | દે॒વ॒સૂ રાજા॑ ભવતિ |
રા॒જા॒ધિ॒રા॒જાય॑ પ્રસહ્ય સા॒હિને᳚ | નમો॑ વ॒યં-વૈઁ᳚શ્રવ॒ણાય॑ કુર્મહે |
સ મે॒ કામા॒ન્ કામ॒કામા॑ય॒ મહ્ય᳚મ્ | કા॒મે॒શ્વ॒રો વૈ᳚શ્રવ॒ણો દ॑દાતુ |
કુ॒બે॒રાય॑ વૈશ્રવ॒ણાય॑ | મ॒હા॒રા॒જાય॒ નમઃ॑ |
અ॒ઘોરે᳚ભ્યો ઽથ॒ઘોરે᳚ભ્યો॒ ઘોર॒ઘોર॑તરેભ્યઃ |
સર્વે᳚ભ્યઃ સર્વ॒શર્વે᳚ભ્યો॒ નમ॑સ્તે અસ્તુ રુ॒દ્રરૂ॑પેભ્યઃ ||
તત્પુરુ॑ષાય વિ॒દ્મહે॑ મહાદે॒વાય॑ ધીમહિ |
તન્નો॑ રુદ્રઃ પ્રચો॒દયા᳚ત્ ||
ઈશાનઃ સર્વ॑વિદ્યા॒ના॒-મીશ્વરઃ સર્વ॑ભૂતા॒નાં॒ બ્રહ્માધિ॑પતિ॒ ર્બ્રહ્મ॒ણોઽધિ॑પતિ॒ ર્બ્રહ્મા॑ શિ॒વો મે॑ અસ્તુ સદાશિવોમ્ ||
નીરાજનમિદં દેવ કર્પૂરામોદ સંયુઁતમ્ |
ગૃહાણ પરમાનંદ હેરંબ વરદાયક ||
આવાહિતાભ્યઃ સર્વાભ્યો દેવતાભ્યો નમઃ | કર્પૂર નીરાજનં દર્શયામિ |
નીરાજનાનંતરં શુદ્ધ આચમનીયં સમર્પયામિ |
મંત્રપુષ્પં
આત્મરક્ષા
બ્રહ્મા᳚ત્મ॒ન્ વદ॑સૃજત | તદ॑કામયત | સમા॒ત્મના॑ પદ્યે॒યેતિ॑ |
આત્મ॒ન્ના-ત્મ॒ન્નિત્યા-મં॑ત્રયત | તસ્મૈ॑ દશ॒મગ્મ્ હૂ॒તઃ પ્રત્ય॑શૃણોત્ |
સ દશ॑હૂતોઽભવત્ | દશ॑હૂતો હ॒વૈ નામૈ॒ષઃ | તં-વાઁ એ॒તં દશ॑હૂત॒ગ્મ્॒ સંત᳚મ્ |
દશ॑હો॒તેત્યા ચ॑ક્ષતે પ॒રોક્ષે॑ણ | પ॒રોક્ષ॑પ્રિયા ઇવ॒ હિ દે॒વાઃ || 1
આત્મ॒ન્ના-ત્મ॒ન્નિત્યા-મં॑ત્રયત | તસ્મૈ॑ સપ્ત॒મગ્મ્ હૂ॒તઃ પ્રત્ય॑શૃણોત્ |
સ સ॒પ્તહૂ॑તોઽભવત્ | સ॒પ્તહૂ॑તો હ॒વૈ નામૈ॒ષઃ | તં-વાઁ એ॒તગ્મ્ સ॒પ્તહૂ॑ત॒ગ્મ્॒ સંત᳚મ્ | સ॒પ્તહો॒તેત્યા ચ॑ક્ષતે પ॒રોક્ષે॑ણ | પ॒રોક્ષ॑પ્રિયા ઇવ॒ હિ દે॒વાઃ || 2
આત્મ॒ન્ના-ત્મ॒ન્નિત્યા-મં॑ત્રયત | તસ્મૈ॑ ષ॒ષ્ઠગ્મ્ હૂ॒તઃ પ્રત્ય॑શૃણોત્ |
સ ષડ્ઢૂ॑તોઽભવત્ | ષડ્ઢૂ॑તો હ॒વૈ નામૈ॒ષઃ | તં-વાઁ એ॒તગ્મ્ ષડ્ઢૂ॑ત॒ગ્મ્॒ સંત᳚મ્ |
ષડ્ઢો॒તેત્યા ચ॑ક્ષતે પ॒રોક્ષે॑ણ | પ॒રોક્ષ॑પ્રિયા ઇવ॒ હિ દે॒વાઃ || 3
આત્મ॒ન્ના-ત્મ॒ન્નિત્યા-મં॑ત્રયત | તસ્મૈ॑ પંચ॒મગ્મ્ હૂ॒તઃ પ્રત્ય॑શૃણોત્ |
સ પંચ॑હૂતોઽભવત્ | પંચ॑હૂતો હ॒વૈ નામૈ॒ષઃ | તં-વાઁ એ॒તં પંચ॑હૂત॒ગ્મ્॒ સંત᳚મ્ | પંચ॑હો॒તેત્યા ચ॑ક્ષતે પ॒રોક્ષે॑ણ | પ॒રોક્ષ॑પ્રિયા ઇવ॒ હિ દે॒વાઃ || 4
આત્મ॒ન્ના-ત્મ॒ન્નિત્યા-મં॑ત્રયત | તસ્મૈ॑ ચતુ॒ર્થગ્મ્ હૂ॒તઃ પ્રત્ય॑શૃણોત્ |
સ ચતુ॑ર્હૂતોઽભવત્ | ચતુ॑ર્હૂતો હ॒વૈ નામૈ॒ષઃ | તં-વાઁ એ॒તં ચતુ॑ર્હૂત॒ગ્મ્॒
સંત᳚મ્ | ચતુ॑ર્હો॒તેત્યા ચ॑ક્ષતે પ॒રોક્ષે॑ણ | પ॒રોક્ષ॑પ્રિયા ઇવ॒ હિ દે॒વાઃ || 5
તમ॑બ્રવીત્ | ત્વં-વૈઁ મે॒ નેદિ॑ષ્ઠગ્મ્ હૂ॒તઃ પ્રત્ય॑શ્રૌષીઃ |
ત્વયૈ॑ નાનાખ્યા॒તાર॒ ઇતિ॑ | તસ્મા॒ન્નુહૈ॑ના॒ગ્ગ્॒-શ્ચ॑તુ ર્હોતાર॒ ઇત્યાચ॑ક્ષતે |
તસ્મા᳚ચ્છુશ્રૂ॒ષુઃ પુ॒ત્રાણા॒ગ્મ્॒ હૃદ્ય॑તમઃ | નેદિ॑ષ્ઠો॒ હૃદ્ય॑તમઃ |
નેદિ॑ષ્ઠો॒ બ્રહ્મ॑ણો ભવતિ | ય એ॒વં-વેઁદ॑ || 6 (આત્મને॒ નમઃ॑)
ઓં તત્પુરુ॑ષાય વિ॒દ્મહે॑ મહાદે॒વાય॑ ધીમહિ |
તન્નો॑ રુદ્રઃ પ્રચો॒દયા᳚ત્ ||
ઓં કા॒ત્યા॒ય॒નાય॑ વિ॒દ્મહે॑ કન્યકુ॒મારિ॑ ધીમહિ |
તન્નો॑ દુર્ગિઃ પ્રચો॒દયા᳚ત્ ||
યો॑ઽપાં પુષ્પં॒-વેઁદ॑ | પુષ્પ॑વાન્ પ્ર॒જાવા᳚ન્ પશુ॒માન્ ભ॑વતિ |
ચં॒દ્રમા॒ વા અ॒પાં પુષ્પ᳚મ્ | પુષ્પ॑વાન્ પ્ર॒જાવા᳚ન્ પશુ॒માન્ ભ॑વતિ |
ઓં᳚ તદ્બ્ર॒હ્મ | ઓં᳚ તદ્વા॒યુઃ | ઓં᳚ તદા॒ત્મા | ઓં᳚ તથ્સ॒ત્યમ્ |
ઓં᳚ તથ્સર્વ᳚મ્ | ઓં᳚ તત્પુરો॒ર્નમઃ |
અંતશ્ચરતિ॑ ભૂતે॒ષુ॒ ગુહાયાં-વિઁ॑શ્વમૂ॒ર્તિષુ | ત્વં-યઁજ્ઞસ્ત્વં-વઁષટ્કાર સ્ત્વમિંદ્રસ્ત્વગ્મ્ રુદ્રસ્ત્વં-વિઁષ્ણુસ્ત્વં બ્રહ્મત્વં॑ પ્રજા॒પતિઃ |
ત્વં ત॑દાપ॒ આપો॒ જ્યોતી॒રસો॒ઽમૃતં॒ બ્રહ્મ॒ ભૂર્ભુવ॒સ્સુવ॒રોમ્ |
ચતુર્વેદ પારાયણં
ઓં શ્રી ભવાનીશંકર સ્વામિને નમઃ ||
ઋગ્વેદપ્રિયઃ || ઋગ્વેદમવધારય ||
હ॒રિઃ॒ ઓમ્ || અ॒ગ્નિમી᳚ળે પુ॒રોહિ॑તં-યઁ॒જ્ઞસ્ય॑ દે॒વમૃ॒ત્વિજ᳚મ્ | હોતા᳚રં રત્ન॒ ધાત॑મમ્ |
હરિઃ॑ ઓમ્ ||
ઓં શ્રી ભવાનીશંકર સ્વામિને નમઃ ||
યજુર્વેદપ્રિયઃ || યજુર્વેદમવધારય ||
હ॒રિઃ॒ ઓમ્ || ઇ॒ષે ત્વો॒ર્જે ત્વા॑ વા॒યવઃ॑ સ્થોપા॒યવઃ॑ સ્થ દે॒વો વઃ॑ સવિ॒તા પ્રાર્પ॑યતુ॒ શ્રેષ્ઠ॑તમાય॒ કર્મ॑ણ॒ આ પ્યા॑યદ્ધ્વમઘ્નિયા દેવભા॒ગ-મૂર્જ॑સ્વતીઃ॒ પય॑સ્વતીઃ પ્ર॒જાવ॑તી-રનમી॒વા અ॑ય॒ક્ષ્મા મા વઃ॑ સ્તે॒ન ઈ॑શત॒ માઽઘશગ્મ્॑સો રુ॒દ્રસ્ય॑ હે॒તિઃ પરિ॑ વો વૃણક્તુ ધ્રુ॒વા અ॒સ્મિન્ ગોપ॑તૌ સ્યાત બ॒હ્વી-ર્યજ॑માનસ્ય પ॒શૂન્ પા॑હિ ||
હરિઃ॑ ઓમ્ ||
ઓં શ્રી ભવાનીશંકર સ્વામિને નમઃ ||
સામવેદપ્રિયઃ || સામવેદમવધારય ||
હ॒રિઃ॒ ઓમ્ || અગ્ન॒ આયા᳚હિ વી॒તયે᳚ ગૃણા॒નો હ॒વ્ય દા᳚તયે |
નિહોતા᳚ સથ્સિ બ॒ર્હિષિ॑ |
હરિઃ॑ ઓમ્ ||
ઓં શ્રી ભવાનીશંકર સ્વામિને નમઃ ||
અથર્વવેદપ્રિયઃ || અથર્વવેદમવધારય ||
હ॒રિઃ॒ ઓમ્ || શન્નો॑ દે॒વીર॒ભિષ્ટ॑ય॒ આપો॑ ભવંતુ પી॒તયે᳚ | શંયોઁર॒ભિસ્ર॑વંતુ નઃ ||
હરિઃ॑ ઓમ્ ||
ઓં શ્રી ભવાનીશંકર સ્વામિને નમઃ ||
ઉપનિષદ્પ્રિયઃ || ઉપનિષદવધારય ||
હ॒રિઃ॒ ઓમ્ || અ॒હમન્ન-મ॒હમન્ન-મ॒હમન્નમ્ | અ॒હમન્ના॒દો(3)ઽ॒હમન્ના॒દો(3)ઽ॒હમન્ના॒દઃ | અ॒હગ્ગ્ શ્લોક॒કૃદ॒હગ્ગ્ શ્લોક॒કૃદ॒હગ્ગ્ શ્લોક॒કૃત્ | અ॒હમસ્મિ પ્રથમજા ઋતા(3) સ્ય॒ | પૂર્વં દેવેભ્યો અમૃતસ્ય ના(3) ભા॒યિ॒ | યો મા દદાતિ સ ઇદેવ મા(3) વાઃ॒ | અ॒હમન્ન॒-મન્ન॑-મ॒દંત॒મા(3) દ્મિ॒ | અહં॒-વિઁશ્વં॒ ભુવ॑ન॒-મભ્ય॑ભ॒વામ્ | સુવ॒ર્ન જ્યોતીઃ᳚ | ય એ॒વં-વેઁદ॑ | ઇત્યુ॑પ॒નિષ॑ત્ ||
આવાહિતાભ્યઃ સર્વાભ્યો દેવતાભ્યો નમઃ |
પાદારવિંદયોઃ દિવ્ય સુવર્ણ મંત્ર પુષ્પાંજલિં સમર્પયામિ |
પ્રદક્ષિણં
ઈશાનઃ સર્વ॑વિદ્યા॒ના॒મીશ્વરઃ સર્વ॑ભૂતા॒નાં॒
બ્રહ્માધિ॑પતિ॒ર્બ્રહ્મ॒ણોઽધિ॑પતિ॒ર્બ્રહ્મા॑ શિ॒વો મે॑ અસ્તુ સદાશિ॒વોમ્ ||
પદે પદે સર્વતમો નિકૃંતનં
પદે પદે સર્વ શુભપ્રદાયકમ્ |
પ્રદક્ષિણં ભક્તિયુતેન ચેતસા
કરોમિ મૃત્યુંજય રક્ષ રક્ષ મામ્ ||
ઓં શ્રી ઉમામહેશ્વર સ્વામિને નમઃ આત્મપ્રદક્ષિણ નમસ્કારાન્ સમર્પયામિ |
પ્રાર્થના
નમો હિરણ્યબાહવે હિરણ્યવર્ણાય હિરણ્યરૂપાય હિરણ્યપતયેઽંબિકાપતય ઉમાપતયે પશુપતયે॑ નમો॒ નમઃ ||
અથ તર્પણં
ભવં દેવં તર્પયામિ
– ભવસ્ય દેવસ્ય પત્નીં તર્પયામિ |
શર્વં દેવં તર્પયામિ
– શર્વસ્ય દેવસ્ય પત્નીં તર્પયામિ |
ઈશાનં દેવં તર્પયામિ
– ઈશાનસ્ય દેવસ્ય પત્નીં તર્પયામિ |
પશુપતિં દેવં તર્પયામિ
– પશુપતેર્દેવસ્ય પત્નીં તર્પયામિ |
રુદ્રં દેવં તર્પયામિ
– રુદ્રસ્ય દેવસ્ય પત્નીં તર્પયામિ |
ઉગ્રં દેવં તર્પયામિ
– ઉગ્રસ્ય દેવસ્ય પત્નીં તર્પયામિ |
ભીમં દેવં તર્પયામિ
– ભીમસ્ય દેવસ્ય પત્નીં તર્પયામિ |
મહાંતં દેવં તર્પયામિ
– મહતો દેવસ્ય પત્નીં તર્પયામિ |
ઇતિ તર્પયિત્વા અઘોરાદિભિસ્ત્રિભિર્મંત્રૈઃ ઘોર તનૂરુપતિષ્ઠતે |
ઓં અ॒ઘોરે᳚ભ્યોઽથ॒ ઘોરે᳚ભ્યો॒ ઘોર॒ઘોર॑તરેભ્યઃ |
સર્વે᳚ભ્યઃ સર્વ॒શર્વે᳚ભ્યો॒ નમ॑સ્તે અસ્તુ રુ॒દ્રરૂ॑પેભ્યઃ ||
ઓં તત્પુરુ॑ષાય વિ॒દ્મહે॑ મહાદે॒વાય॑ ધીમહિ |
તન્નો॑ રુદ્રઃ પ્રચો॒દયા᳚ત્ ||
ઈશાનસ્સ॑ર્વવિદ્યા॒ના॒મીશ્વરસ્સર્વ॑ભૂતા॒નાં॒ બ્રહ્માઽધિ॑પતિ॒ર્બ્રહ્મ॒ણોઽધિ॑પતિ॒ર્બ્રહ્મા॑ શિ॒વો મે॑ અસ્તુ સદાશિ॒વોમ્ ||
ઇતિ ધ્યાત્વા રુદ્રગાયત્રીં-યઁથા શક્તિ જપેત્ |
ઓં તત્પુરુ॑ષાય વિ॒દ્મહે॑ મહાદે॒વાય॑ ધીમહિ |
તન્નો॑ રુદ્રઃ પ્રચો॒દયા᳚ત્ ||
ઇતિ જપિત્વા અથૈનમાશિષમાશાસ્તે |
(તૈ.બ્રા.3-5-10-4)
આશા᳚સ્તે॒ઽયં-યઁજ॑માનો॒ઽસૌ | આયુ॒રાશા᳚સ્તે |
સુ॒પ્ર॒જા॒સ્ત્વમાશા᳚સ્તે | સ॒જા॒ત॒વ॒ન॒સ્યામાશા᳚સ્તે |
ઉત્ત॑રાં દેવય॒જ્યામાશા᳚સ્તે | ભૂયો॑ હવિ॒ષ્કર॑ણ॒માશા᳚સ્તે |
દિ॒વ્યં ધામાશા᳚સ્તે | વિશ્વં॑ પ્રિ॒યમાશા᳚સ્તે |
યદ॒નેન॑ હ॒વિષાઽઽશા᳚સ્તે | તદ॑સ્યા॒ત્ત॒દૃ॑ધ્યાત્ |
તદ॑સ્મૈ દે॒વા રા॑સંતામ્ | તદ॒ગ્નિર્દે॒વો દે॒વેભ્યો॒ વન॑તે |
વ॒યમ॒ગ્નેર્માનુ॑ષાઃ | ઇ॒ષ્ટં ચ॑ વી॒તં ચ॑ |
ઉ॒ભે ચ॑ નો॒ દ્યાવા॑પૃથિ॒વી અગ્મ્હ॑સઃ સ્પાતામ્ |
ઇ॒હ ગતિ॑ર્વા॒મસ્યે॒દં ચ॑ | નમો॑ દે॒વેભ્યઃ॑ ||
ઉપચારપૂજાઃ
પુનઃ પૂજાં કરિષ્યે | છત્રમાચ્છાદયામિ |
ચામરૈર્વીજયામિ | નૃત્યં દર્શયામિ |
ગીતં શ્રાવયામિ | આંદોળિકાનારોહયામિ |
અશ્વાનારોહયામિ | ગજાનારોહયામિ |
સમસ્ત રાજોપચાર દેવોપચાર ભક્ત્યુપચાર શક્ત્યુપચાર મંત્રોપચાર પૂજાસ્સમર્પયામિ ||
લિંગાષ્ટકમ્ ||
બિલ્વાષ્ટકમ્ ||
ક્ષમાપ્રાર્થન
કરચરણકૃતં-વાઁક્કાયજં કર્મજં-વાઁ
શ્રવણનયનજં-વાઁ માનસં-વાઁઽપરાધમ્ |
વિહિતમવિહિતં-વાઁ સર્વમેતત્ક્ષ્મસ્વ
શિવ શિવ કરુણાબ્ધે શ્રીમહાદેવ શંભો || 18 ||
યસ્ય સ્મૃત્યા ચ નામોક્ત્યા તપઃ પૂજા ક્રિયાદિષુ |
ન્યૂનં સંપૂર્ણતાં-યાઁતિ સદ્યોવંદે મહેશ્વરમ્ ||
મંત્રહીનં ક્રિયાહીનં ભક્તિહીનં મહેશ્વર |
યત્પૂજિતં મયા દેવ પરિપૂર્ણં તદસ્તુ તે ||
અનયા સદ્યોજાત વિધિના ધ્યાનાવાહનાદિ ષોડશોપચાર પૂજયા ભગવાન્ સર્વાત્મકઃ શ્રી ઉમામહેશ્વરસ્વામી સુપ્રીતઃ સુપ્રસન્નો વરદો ભવતુ |
એતત્ફલં શ્રી પરમેશ્વરાર્પણમસ્તુ ||
ઉત્તરતશ્ચંડીશ્વરાય નમઃ નિર્માલ્યં-વિઁસૃજ્ય ||
તીર્થં
અકાલમૃત્યુહરણં સર્વવ્યાધિ નિવારણમ્ |
સમસ્તપાપક્ષયકરં શિવપાદોદકં પાવનં શુભમ્ ||
ઇતિ ત્રિવારં પીત્વા શિવ નિર્માલ્ય રૂપ બિલ્વદળં-વાઁ દક્ષિણે કર્ણે ધારયેત્ |
ઓં શાંતિઃ શાંતિઃ શાંતિઃ ||