ৱেংকটেশো ৱাসুদেৱঃ প্রদ্যুম্নোঽমিতৱিক্রমঃ |
সংকর্ষণোঽনিরুদ্ধশ্চ শেষাদ্রিপতিরেৱ চ || ১ ||
জনার্দনঃ পদ্মনাভো ৱেংকটাচলৱাসিনঃ |
সৃষ্টিকর্তা জগন্নাথো মাধৱো ভক্তৱত্সলঃ || ২ ||
গোৱিংদো গোপতিঃ কৃষ্ণঃ কেশৱো গরুডধ্ৱজঃ |
ৱরাহো ৱামনশ্চৈৱ নারাযণ অধোক্ষজঃ || ৩ ||
শ্রীধরঃ পুংডরীকাক্ষঃ সর্ৱদেৱস্তুতো হরিঃ |
শ্রীনৃসিংহো মহাসিংহঃ সূত্রাকারঃ পুরাতনঃ || ৪ ||
রমানাথো মহীভর্তা ভূধরঃ পুরুষোত্তমঃ |
চোলপুত্রপ্রিযঃ শাংতো ব্রহ্মাদীনাং ৱরপ্রদঃ || ৫ ||
শ্রীনিধিঃ সর্ৱভূতানাং ভযকৃদ্ভযনাশনঃ |
শ্রীরামো রামভদ্রশ্চ ভৱবংধৈকমোচকঃ || ৬ ||
ভূতাৱাসো গিরিৱাসঃ শ্রীনিৱাসঃ শ্রিযঃ পতিঃ |
অচ্যুতানংত গোৱিংদো ৱিষ্ণুর্ৱেংকটনাযকঃ || ৭ ||
সর্ৱদেৱৈকশরণং সর্ৱদেৱৈকদৈৱতম্ |
সমস্তদেৱকৱচং সর্ৱদেৱশিখামণিঃ || ৮ ||
ইতীদং কীর্তিতং যস্য ৱিষ্ণোরমিততেজসঃ |
ত্রিকালে যঃ পঠেন্নিত্যং পাপং তস্য ন ৱিদ্যতে || ৯ ||
রাজদ্ৱারে পঠেদ্ঘোরে সংগ্রামে রিপুসংকটে |
ভূতসর্পপিশাচাদিভযং নাস্তি কদাচন || ১০ ||
অপুত্রো লভতে পুত্রান্ নির্ধনো ধনৱান্ ভৱেত্ |
রোগার্তো মুচ্যতে রোগাদ্বদ্ধো মুচ্যেত বংধনাত্ || ১১ ||
যদ্যদিষ্টতমং লোকে তত্তত্প্রাপ্নোত্যসংশযঃ |
ঐশ্ৱর্যং রাজসম্মানং ভুক্তিমুক্তিফলপ্রদম্ || ১২ ||
ৱিষ্ণোর্লোকৈকসোপানং সর্ৱদুঃখৈকনাশনম্ |
সর্ৱৈশ্ৱর্যপ্রদং নৄণাং সর্ৱমংগলকারকম্ || ১৩ ||
মাযাৱী পরমানংদং ত্যক্ত্ৱা ৱৈকুংঠমুত্তমম্ |
স্ৱামিপুষ্করিণীতীরে রমযা সহ মোদতে || ১৪ ||
কল্যাণাদ্ভুতগাত্রায কামিতার্থপ্রদাযিনে |
শ্রীমদ্ৱেংকটনাথায শ্রীনিৱাসায তে নমঃ || ১৫ ||
ইতি শ্রী ব্রহ্মাংডপুরাণে ব্রহ্মনারদসংৱাদে ৱেংকটগিরিমাহাত্ম্যে শ্রী ৱেংকটেশ অষ্টকম্ |