অস্য শ্রীচংডীকৱচস্য ব্রহ্মা ঋষিঃ, অনুষ্টুপ্ ছংদঃ, শ্রীচামুংডা দেৱতা, অংগন্যাসোক্তমাতরো বীজং, দিগ্বংধদেৱতাস্তত্ৱং, শ্রীজগদংবাপ্রীত্যর্থে সপ্তশতী পাঠাংগ জপে ৱিনিযোগঃ |
ওং নমশ্চংডিকাযৈ |
মার্কংডেয উৱাচ |
যদ্গুহ্যং পরমং লোকে সর্ৱরক্ষাকরং নৃণাম্ |
যন্ন কস্যচিদাখ্যাতং তন্মে ব্রূহি পিতামহ || ১ ||
ব্রহ্মোৱাচ |
অস্তি গুহ্যতমং ৱিপ্র সর্ৱভূতোপকারকম্ |
দেৱ্যাস্তু কৱচং পুণ্যং তচ্ছৃণুষ্ৱ মহামুনে || ২ ||
প্রথমং শৈলপুত্রীতি দ্ৱিতীযং ব্রহ্মচারিণী |
তৃতীযং চংদ্রঘংটেতি কূষ্মাংডেতি চতুর্থকম্ || ৩ ||
পংচমং স্কংদমাতেতি ষষ্ঠং কাত্যাযনীতি চ |
সপ্তমং কালরাত্রীতি মহাগৌরীতি চাষ্টমম্ || ৪ ||
নৱমং সিদ্ধিদাত্রী চ নৱদুর্গাঃ প্রকীর্তিতাঃ |
উক্তান্যেতানি নামানি ব্রহ্মণৈৱ মহাত্মনা || ৫ ||
অগ্নিনা দহ্যমানস্তু শত্রুমধ্যে গতো রণে |
ৱিষমে দুর্গমে চৈৱ ভযার্তাঃ শরণং গতাঃ || ৬ ||
ন তেষাং জাযতে কিংচিদশুভং রণসংকটে |
নাপদং তস্য পশ্যামি শোকদুঃখভযং ন হি || ৭ ||
যৈস্তু ভক্ত্যা স্মৃতা নূনং তেষাং ৱৃদ্ধিঃ প্রজাযতে | [সিদ্ধিঃ]
যে ত্ৱাং স্মরংতি দেৱেশি রক্ষসে তান্ন সংশযঃ || ৮ ||
প্রেতসংস্থা তু চামুংডা ৱারাহী মহিষাসনা |
ঐংদ্রী গজসমারূঢা ৱৈষ্ণৱী গরুডাসনা || ৯ ||
মাহেশ্ৱরী ৱৃষারূঢা কৌমারী শিখিৱাহনা |
লক্ষ্মীঃ পদ্মাসনা দেৱী পদ্মহস্তা হরিপ্রিযা || ১০ ||
শ্ৱেতরূপধরা দেৱী ঈশ্ৱরী ৱৃষৱাহনা |
ব্রাহ্মী হংসসমারূঢা সর্ৱাভরণভূষিতা || ১১ ||
ইত্যেতা মাতরঃ সর্ৱাঃ সর্ৱযোগসমন্ৱিতাঃ |
নানাভরণশোভাঢ্যা নানারত্নোপশোভিতাঃ || ১২ ||
দৃশ্যংতে রথমারূঢা দেৱ্যঃ ক্রোধসমাকুলাঃ |
শংখং চক্রং গদাং শক্তিং হলং চ মুসলাযুধম্ || ১৩ ||
খেটকং তোমরং চৈৱ পরশুং পাশমেৱ চ |
কুংতাযুধং ত্রিশূলং চ শার্ঙ্গমাযুধমুত্তমম্ || ১৪ ||
দৈত্যানাং দেহনাশায ভক্তানামভযায চ |
ধারযংত্যাযুধানীত্থং দেৱানাং চ হিতায ৱৈ || ১৫ ||
নমস্তেঽস্তু মহারৌদ্রে মহাঘোরপরাক্রমে |
মহাবলে মহোত্সাহে মহাভযৱিনাশিনি || ১৬ ||
ত্রাহি মাং দেৱি দুষ্প্রেক্ষ্যে শত্রূণাং ভযৱর্ধিনি |
প্রাচ্যাং রক্ষতু মামৈংদ্রী আগ্নেয্যামগ্নিদেৱতা || ১৭ ||
দক্ষিণেঽৱতু ৱারাহী নৈরৃত্যাং খড্গধারিণী |
প্রতীচ্যাং ৱারুণী রক্ষেদ্ৱাযৱ্যাং মৃগৱাহিনী || ১৮ ||
উদীচ্যাং রক্ষ কৌবেরী ঈশান্যাং শূলধারিণী | [কৌমারী]
ঊর্ধ্ৱং ব্রহ্মাণী মে রক্ষেদধস্তাদ্ৱৈষ্ণৱী তথা || ১৯ ||
এৱং দশ দিশো রক্ষেচ্চামুংডা শৱৱাহনা |
জযা মে চাগ্রতঃ পাতু ৱিজযা পাতু পৃষ্ঠতঃ || ২০ ||
অজিতা ৱামপার্শ্ৱে তু দক্ষিণে চাপরাজিতা |
শিখাং মে দ্যোতিনী রক্ষেদুমা মূর্ধ্নি ৱ্যৱস্থিতা || ২১ || [উদ্যোতিনী]
মালাধরী ললাটে চ ভ্রুৱৌ রক্ষেদ্যশস্ৱিনী |
ত্রিনেত্রা চ ভ্রুৱোর্মধ্যে যমঘংটা চ নাসিকে || ২২ ||
শংখিনী চক্ষুষোর্মধ্যে শ্রোত্রযোর্দ্ৱারৱাসিনী |
কপোলৌ কালিকা রক্ষেত্ কর্ণমূলে তু শাংকরী || ২৩ ||
নাসিকাযাং সুগংধা চ উত্তরোষ্ঠে চ চর্চিকা |
অধরে চামৃতাকলা জিহ্ৱাযাং চ সরস্ৱতী || ২৪ ||
দংতান্ রক্ষতু কৌমারী কংঠমধ্যে তু চংডিকা |
ঘংটিকাং চিত্রঘংটা চ মহামাযা চ তালুকে || ২৫ ||
কামাক্ষী চিবুকং রক্ষেদ্ৱাচং মে সর্ৱমংগলা |
গ্রীৱাযাং ভদ্রকালী চ পৃষ্ঠৱংশে ধনুর্ধরী || ২৬ ||
নীলগ্রীৱা বহিঃকংঠে নলিকাং নলকূবরী |
স্কংধযোঃ খড্গিনী রক্ষেদ্বাহূ মে ৱজ্রধারিণী || ২৭ ||
হস্তযোর্দংডিনী রক্ষেদংবিকা চাংগুলীষু চ |
নখাংছূলেশ্ৱরী রক্ষেত্ কুক্ষৌ রক্ষেন্নরেশ্ৱরী || ২৮ || [কুলেশ্ৱরী]
স্তনৌ রক্ষেন্মহাদেৱী মনঃ শোকৱিনাশিনী |
হৃদযং ললিতা দেৱী উদরে শূলধারিণী || ২৯ ||
নাভৌ চ কামিনী রক্ষেদ্গুহ্যং গুহ্যেশ্ৱরী তথা |
ভূতনাথা চ মেঢ্রং মে ঊরূ মহিষৱাহিনী || ৩০ || [গুদে]
কট্যাং ভগৱতী রক্ষেজ্জানুনী ৱিংধ্যৱাসিনী |
জংঘে মহাবলা প্রোক্তা সর্ৱকামপ্রদাযিনী || ৩১ ||
গুল্ফযোর্নারসিংহী চ পাদপৃষ্ঠামিতৌজসী |
পাদাংগুলীষু শ্রীরক্ষেত্ পাদাধঃস্থলৱাসিনী || ৩২ ||
নখান্ দংষ্ট্রা করালী চ কেশাংশ্চৈৱোর্ধ্ৱকেশিনী |
রোমকূপেষু কৌবেরী ত্ৱচং ৱাগীশ্ৱরী তথা || ৩৩ ||
রক্তমজ্জাৱসামাংসান্যস্থিমেদাংসি পার্ৱতী |
অংত্রাণি কালরাত্রিশ্চ পিত্তং চ মুকুটেশ্ৱরী || ৩৪ ||
পদ্মাৱতী পদ্মকোশে কফে চূডামণিস্তথা |
জ্ৱালামুখী নখজ্ৱালামভেদ্যা সর্ৱসংধিষু || ৩৫ ||
শুক্রং ব্রহ্মাণি মে রক্ষেচ্ছাযাং ছত্রেশ্ৱরী তথা |
অহংকারং মনোবুদ্ধিং রক্ষ মে ধর্মচারিণী || ৩৬ || [ধর্মধারিণী]
প্রাণাপানৌ তথা ৱ্যানমুদানং চ সমানকম্ |
ৱজ্রহস্তা চ মে রক্ষেত্ প্রাণান্ কল্যাণশোভনা || ৩৭ ||
রসে রূপে চ গংধে চ শব্দে স্পর্শে চ যোগিনী |
সত্ত্ৱং রজস্তমশ্চৈৱ রক্ষেন্নারাযণী সদা || ৩৮ ||
আযূ রক্ষতু ৱারাহী ধর্মং রক্ষতু ৱৈষ্ণৱী |
যশঃ কীর্তিং চ লক্ষ্মীং চ ধনং ৱিদ্যাং চ চক্রিণী || ৩৯ ||
গোত্রমিংদ্রাণী মে রক্ষেত্ পশূন্মে রক্ষ চংডিকে |
পুত্রান্ রক্ষেন্মহালক্ষ্মীর্ভার্যাং রক্ষতু ভৈরৱী || ৪০ ||
পংথানং সুপথা রক্ষেন্মার্গং ক্ষেমকরী তথা |
রাজদ্ৱারে মহালক্ষ্মীর্ৱিজযা সর্ৱতঃ স্থিতা || ৪১ ||
রক্ষাহীনং তু যত্ স্থানং ৱর্জিতং কৱচেন তু |
তত্সর্ৱং রক্ষ মে দেৱি জযংতী পাপনাশিনী || ৪২ ||
পদমেকং ন গচ্ছেত্তু যদীচ্ছেচ্ছুভমাত্মনঃ |
কৱচেনাৱৃতো নিত্যং যত্র যত্র হি গচ্ছতি || ৪৩ ||
তত্র তত্রার্থলাভশ্চ ৱিজযঃ সার্ৱকামিকঃ |
যং যং চিংতযতে কামং তং তং প্রাপ্নোতি নিশ্চিতম্ || ৪৪ ||
পরমৈশ্ৱর্যমতুলং প্রাপ্স্যতে ভূতলে পুমান্ |
নির্ভযো জাযতে মর্ত্যঃ সংগ্রামেষ্ৱপরাজিতঃ || ৪৫ ||
ত্রৈলোক্যে তু ভৱেত্ পূজ্যঃ কৱচেনাৱৃতঃ পুমান্ |
ইদং তু দেৱ্যাঃ কৱচং দেৱানামপি দুর্লভম্ || ৪৬ ||
যঃ পঠেত্প্রযতো নিত্যং ত্রিসংধ্যং শ্রদ্ধযান্ৱিতঃ |
দৈৱী কলা ভৱেত্তস্য ত্রৈলোক্যেষ্ৱপরাজিতঃ || ৪৭ ||
জীৱেদ্ৱর্ষশতং সাগ্রমপমৃত্যুৱিৱর্জিতঃ |
নশ্যংতি ৱ্যাধযঃ সর্ৱে লূতাৱিস্ফোটকাদযঃ || ৪৮ ||
স্থাৱরং জংগমং চৈৱ কৃত্রিমং চাপি যদ্ৱিষম্ |
অভিচারাণি সর্ৱাণি মংত্রযংত্রাণি ভূতলে || ৪৯ ||
ভূচরাঃ খেচরাশ্চৈৱ জলজাশ্চোপদেশিকাঃ |
সহজা কুলজা মালা ডাকিনী শাকিনী তথা || ৫০ ||
অংতরিক্ষচরা ঘোরা ডাকিন্যশ্চ মহাবলাঃ |
গ্রহভূতপিশাচাশ্চ যক্ষগংধর্ৱরাক্ষসাঃ || ৫১ ||
ব্রহ্মরাক্ষসৱেতালাঃ কূষ্মাংডা ভৈরৱাদযঃ |
নশ্যংতি দর্শনাত্তস্য কৱচে হৃদি সংস্থিতে || ৫২ ||
মানোন্নতির্ভৱেদ্রাজ্ঞস্তেজোৱৃদ্ধিকরং পরম্ |
যশসা ৱর্ধতে সোঽপি কীর্তিমংডিতভূতলে || ৫৩ ||
জপেত্সপ্তশতীং চংডীং কৃত্ৱা তু কৱচং পুরা |
যাৱদ্ভূমংডলং ধত্তে সশৈলৱনকাননম্ || ৫৪ ||
তাৱত্তিষ্ঠতি মেদিন্যাং সংততিঃ পুত্রপৌত্রিকী |
দেহাংতে পরমং স্থানং যত্সুরৈরপি দুর্লভম্ || ৫৫ ||
প্রাপ্নোতি পুরুষো নিত্যং মহামাযাপ্রসাদতঃ |
লভতে পরমং রূপং শিৱেন সমতাং ৱ্রজেত্ || ৫৬ ||
| ওং |
ইতি দেৱ্যাঃ কৱচং সংপূর্ণম্ |