ଅଖିଲାଗମସଂସ୍ତୁତଂ ଅଜାଦିଦେଵଵଂଦିତମ୍ |
ଅଖଂଡମଂଡଲାକାରଂ ଅନେକଜନସେଵିତମ୍ || ୧ ||

ଅନାଦ୍ଯଂତସ୍ଵଯଂଭୂତଂ ଆଶାପାଶଵିମୋଚକମ୍ |
ଆନଂଦକାନନାଧୀଶଂ ଚୈଵାନଂଦପ୍ରଦାଯକମ୍ || ୨ ||

ଇହଲୋକସ୍ପୃହାନେକପରିପୂରକସ୍ଵାମିନମ୍ |
ଈଶିତ୍ଵାଦ୍ଯଷ୍ଟସିଦ୍ଧିନଂ ଇଂଦ୍ରିଯଗ୍ରାମଦୈଵତମ୍ || ୩ ||

ଉରଗରାଜଭୂଷଣଂ ଉଡୁରାଜଵିଭୂଷିତମ୍ |
ଊର୍ଧ୍ଵଲିଂଗଂ ଉମାକାଂତଂ ଉରୁଦୁଃଖଵିମୋଚକମ୍ || ୪ ||

ମହୋଜ୍ଜ୍ଵଲସ୍ଵରୂପଂ ଚ ତ୍ରିପୁଂଡ୍ରାଂକିତମସ୍ତକମ୍ |
ଅନ୍ନପୂର୍ଣାଵିଶାଲାକ୍ଷୀନାଥଂ ଗଂଗାଧରଂ ଵିଭୁମ୍ || ୫ ||

ଭାଵନାମାତ୍ରସଂତୁଷ୍ଟହୃଦଯଂ ହୃଦଯେଶ୍ଵରମ୍ |
ଭୂତଭଵ୍ଯଭଵନ୍ନାଥଂ ଭଵରୋଗହରଂ ହରମ୍ || ୬ ||

ମହାଶ୍ମଶାନଦେଵେଶଂ ଭୁକ୍ତିମୁକ୍ତିଫଲପ୍ରଦମ୍ |
ମହୋକ୍ଷଵାହନାରୂଢଂ ମୃଗହସ୍ତଂ ମହେଶ୍ଵରମ୍ || ୭ ||

ଉଗ୍ରଂ ଭୀମଂ ମୃଡଂ ଶର୍ଵଂ ସର୍ଵୈଶ୍ଵର୍ଯପ୍ରଦାଯକମ୍ |
ନଂଦୀଶ୍ଵରାଦିସଂସ୍ତୁତଂ ତ୍ରିନେତ୍ରଂ ତାଂଡଵେଶ୍ଵରମ୍ || ୮ ||

ଵିଶ୍ଵେଶଂ ଵିଶ୍ଵରୂପଂ ଚ ଵିଶ୍ଵକାରଣମଵ୍ଯଯମ୍ |
ଵିଷକଂଠଂ ଵିରୂପାକ୍ଷଂ ଵୀରଭଦ୍ରପ୍ରିଯଂ ଶିଵମ୍ || ୯ ||

ମହାଦେଵଂ ମହେଶାନଂ ମହନୀଯଗୁଣାକରମ୍ |
ଶ୍ରୀମଣିକର୍ଣିକେଶଂ ଚ ଶ୍ରୀମାଧଵପ୍ରିଯଂ ପ୍ରଭୁମ୍ || ୧୦ ||

ମହାଦେଵୀସମାଯୁକ୍ତଶରୀରଂ ପରମେଶ୍ଵରମ୍ |
ମୃତ୍ଯୁଂଜଯଂ ମୃଡାନୀଶଂ ମହାଭଯନିଵାରକମ୍ || ୧୧ ||

ଭକ୍ତମାନସରୋଵରଵିହାରାସକ୍ତଃ ଶୂଲିନମ୍ |
ଭଵଦୁଃଖଵିଭଂଜକଂ ଭକ୍ତଵରପ୍ରଦାଯକମ୍ || ୧୨ ||

ଗଂଗାସ୍ନପିତସର୍ଵାଂଗଂ ବିଲ୍ଵପତ୍ରାଦିପୂଜିତମ୍ |
ନାନାଲଂକାରସଂଯୁକ୍ତଂ ଦିଵ୍ଯଗଂଧାନୁଲେପିତମ୍ || ୧୩ ||

ତ୍ରଯୀଵେଦ୍ଯଂ ତ୍ରିଲୋକେଶଂ ତାପତ୍ରଯପ୍ରଭଂଜକମ୍ |
ତ୍ରିପୁରସୁଂଦରୀରୂପଂ ତ୍ର୍ଯଂବକଂ ତ୍ରିପୁରାଂତକମ୍ || ୧୪ ||

ଵାରାଣସୀପୁରାଧୀଶଂ ଵରରୁଦ୍ରାକ୍ଷଧାରିଣମ୍ |
ଵ୍ଯାଲଯଜ୍ଞୋପଵୀତିନଂ ଵ୍ଯାଘ୍ରଚର୍ମଵିଭୂଷିତମ୍ || ୧୫ ||

ସୁରାସୁରନମସ୍କୃତଶ୍ରୀମଚ୍ଚରଣପଂକଜମ୍ |
ସଦୈକରସରୂପଂ ଚ ସଦାନଟନତତ୍ପରମ୍ || ୧୬ ||

ସତ୍ଯଜ୍ଞାନାତ୍ମକଂ ସୋମଂ ସୋମସୂର୍ଯାଗ୍ନିଲୋଚନମ୍ |
କାଲଭୈରଵମୀଶାନଂ କାଲାଗ୍ନିରୁଦ୍ରମୀଶ୍ଵରମ୍ || ୧୭ ||

ଶୁଦ୍ଧକୈଵଲ୍ଯରୂପଂ ଚ ଶୁଦ୍ଧଵିଦ୍ଯାପ୍ରଦାଯକମ୍ |
ଶାଂତଂ ପଦ୍ମାସନସ୍ଥଂ ଚ ଶ୍ରୀକଂଠଂ ଚଂଦ୍ରଶେଖରମ୍ || ୧୮ ||

ଗିରୀଶଂ ଗିରିଜାପତିଂ ପଶୁପାଶଵିମୋଚକମ୍ |
ଯଜ୍ଞେଶଂ ନୀଲଗ୍ରୀଵଂ ଚ ଯୋଗିହୃତ୍ପଦ୍ମଵାସିନମ୍ || ୧୯ ||

କୋଟିସୂର୍ଯସମପ୍ରଭଂ ଚଂଦ୍ରକୋଟିସୁଶୀତଲମ୍ |
ଜାଗ୍ରତ୍ସ୍ଵପ୍ନସୁଷୁପ୍ତୀନାଂ ସାକ୍ଷୀଭୂତଂ ଚିଦାତ୍ମକମ୍ || ୨୦ ||

ସର୍ଵଵ୍ଯାପକଦେଵେଶଂ ଵିଶ୍ଵନାଥମହର୍ନିଶମ୍ |
ସଦୈଵଲିଂଗରୂପଂ ତଂ ପରାନଂଦପରାତ୍ପରମ୍ || ୨୧ ||

ଅଷ୍ଟୋତ୍ତରୈକଶିଵନାମ ସମନ୍ଵିତଂ ଯତ୍
ସ୍ତୋତ୍ରଂ ପଠଂତି ମନୁଜା ଭୁଵି ଭକ୍ତିଯୁକ୍ତାଃ |
ସଂପ୍ରାପ୍ଯ ଲୌକିକସୁଖାନି ପରଂ ଲଭଂତେ
ଦେହାଵସାନସମଯେ ଶିଵ ସଂପ୍ରସାଦାତ୍ || ୨୨ ||

ଇତି ଶ୍ରୀ କାଶୀଵିଶ୍ଵନାଥ ଅଷ୍ଟୋତ୍ତରଶତନାମ ସ୍ତୋତ୍ରମ୍ ||