1 കൃഷ്ണയജുർവേദ (കഠോപനിഷത്, മാണ്ഡുക്യോപനിഷത്, ശ്വേതശ്വതാരോപനിഷത്)
ഓം സ॒ഹ നാ॑വവതു | സ॒ഹ നൗ॑ ഭുനക്തു |
സ॒ഹ വീ॒ര്യം॑ കരവാവഹൈ |
തേ॒ജ॒സ്വിനാ॒വധീ॑തമസ്തു॒ മാ വി॑ദ്വിഷാ॒വഹൈ᳚ ||
ഓം ശാന്തിഃ॒ ശാന്തിഃ॒ ശാന്തിഃ॑ |
2 കൃഷ്ണയജുർവേദ തൈത്തിരീയോപനിഷത്
ഓം ശം നോ॑ മി॒ത്രഃ ശം വരു॑ണഃ | ശം നോ॑ ഭവത്വര്യ॒മാ | ശം ന॒ ഇന്ദ്രോ॒
ബൃഹ॒സ്പതിഃ॑ | ശം നോ॒ വിഷ്ണു॑രുരുക്ര॒മഃ | നമോ॒ ബ്രഹ്മ॑ണേ | നമ॑സ്തേ വായോ |
ത്വമേ॒വ പ്ര॒ത്യക്ഷം॒ ബ്രഹ്മാ॑സി | ത്വമേ॒വ പ്ര॒ത്യക്ഷം॒ ബ്രഹ്മ॑ വദിഷ്യാമി | ഋ॒തം
വ॑ദിഷ്യാമി | സ॒ത്യം വ॑ദിഷ്യാമി | തന്മാമ॑വതു | തദ്വ॒ക്താര॑മവതു | അവ॑തു॒ മാം |
അവ॑തു വ॒ക്താരം᳚ || ഓം ശാന്തിഃ॒ ശാന്തിഃ॒ ശാന്തിഃ॑ ||
3 അഥർവവേദ പ്രശ്നോപനിഷത് മുണ്ഡകോപനിഷത് മാണ്ഡുക്യോപനിഷത്
ഓം ഭ॒ദ്രം കർണേ॑ഭിഃ ശൃണു॒യാമ॑ ദേവാഃ |
ഭ॒ദ്രം പ॑ശ്യേമാ॒ക്ഷഭി॒ര്യജ॑ത്രാഃ |
സ്ഥി॒രൈരംഗൈ᳚സ്തുഷ്ടു॒വാം+സ॑സ്ത॒നൂഭിഃ॑ |
വ്യശേ॑മ ദേ॒വഹി॑തം॒ യദായുഃ॑ |
സ്വ॒സ്തി ന॒ ഇന്ദ്രോ॑ വൃ॒ദ്ധശ്ര॑വാഃ |
സ്വ॒സ്തി നഃ॑ പൂ॒ഷാ വി॒ശ്വവേ॑ദാഃ |
സ്വ॒സ്തി ന॒സ്താർക്ഷ്യോ॒ അരി॑ഷ്ടനേമിഃ |
സ്വ॒സ്തി നോ॒ ബൃഹ॒സ്പതി॑ർദധാതു |
ഓം ശാന്തിഃ॒ ശാന്തിഃ॒ ശാന്തിഃ॑ ||
4 ഓം നമോ॒ ബ്രഹ്മ॑ണേ॒ നമോ॑ അസ്ത്വ॒ഗ്നയേ॒ നമഃ॑ പൃഥി॒വ്യൈ നമ॒ ഓഷ॑ധീഭ്യഃ |
നമോ॑ വാ॒ചേ നമോ॑ വാ॒ചസ്പത॑യേ॒ നമോ॒ വിഷ്ണ॑വേ ബൃഹ॒തേ ക॑രോമി || ഓം ശാന്തിഃ॒
ശാന്തിഃ॒ ശാന്തിഃ॑ ||
5 ഓം യശ്ഛന്ദ॑സാമൃഷ॒ഭോ വി॒ശ്വരൂ॑പഃ |
ഛന്ദോ॒ഭ്യോഽധ്യ॒മൃതാ᳚ഥ്സംബ॒ഭൂവ॑ | സ മേന്ദ്രോ॑ മേ॒ധയാ᳚
സ്പൃണോതു | അ॒മൃത॑സ്യ ദേവ॒ധാര॑ണോ ഭൂയാസം | ശരീ॑രം
മേ॒ വിച॑ർഷണം | ജി॒ഹ്വാ മേ॒ മധു॑മത്തമാ | കർണാ᳚ഭ്യാം॒
ഭൂരി॒വിശ്രു॑വം | ബ്രഹ്മ॑ണഃ കോ॒ശോ॑ഽസി മേ॒ധയാ പി॑ഹിതഃ | ശ്രു॒തം
മേ॑ ഗോപായ | ഓം ശാന്തിഃ॒ ശാന്തിഃ॒ ശാന്തിഃ॑ ||
6 ഓം തച്ഛം॒ യോരാവൃ॑ണീമഹേ | ഗാ॒തും യ॒ജ്ഞായ॑ | ഗാ॒തും യ॒ജ്ഞപ॑തയേ | ദൈവീ᳚
സ്വ॒സ്തിര॑സ്തു നഃ | സ്വ॒സ്തിർമാനു॑ഷേഭ്യഃ | ഊ॒ർധ്വം ജി॑ഗാതു ഭേഷ॒ജം | ശം നോ॑
അസ്തു ദ്വി॒പദേ᳚ | ശം ചതു॑ഷ്പദേ || ഓം ശാന്തിഃ॒ ശാന്തിഃ॒ ശാന്തിഃ॑ ||
7 ഓം നമോ॑ വാ॒ചേ യാ ചോ॑ദി॒താ യാ ചാനു॑ദിതാ॒ തസ്യൈ॑ വാ॒ചേ നമോ॒ നമോ॑ വാ॒ചേ നമോ॑
വാ॒ചസ്പത॑യേ॒ നമ॒ ഋഷി॑ഭ്യോ മന്ത്ര॒കൃദ്ഭ്യോ॒ മന്ത്ര॑പതിഭ്യോ॒ മാമാമൃഷ॑യോ
മന്ത്ര॒കൃതോ॑ മന്ത്ര॒പത॑യഃ॒ പരാ॑ദു॒ർമാ ഽഹമൃഷീ᳚ന്മന്ത്ര॒കൃതോ॑
മന്ത്ര॒പതീ॒ൻപരാ॑ദാം വൈശ്വദേ॒വീം വാച॑മുദ്യാസം+ ശി॒വാമദ॑സ്താം॒ ജുഷ്ടാം᳚
ദേ॒വേഭ്യഃ॒ ശർമ॑ മേ॒ ദ്യൗഃ ശർമ॑പൃഥി॒വീ ശർമ॒ വിശ്വ॑മി॒ദം ജഗ॑ത് |
ശർമ॑ ചം॒ദ്രശ്ച॒ സൂര്യ॑ശ്ച॒ ശർമ॑ ബ്രഹ്മപ്രജാപ॒തീ | ഭൂ॒തം വ॑ദിഷ്യേ॒
ഭുവ॑നം വദിഷ്യേ॒ തേജോ॑ വദിഷ്യേ॒ യശോ॑ വദിഷ്യേ॒ തപോ॑ വദിഷ്യേ॒ ബ്രഹ്മ॑ വദിഷ്യേ
സ॒ത്യം വ॑ദിഷ്യേ॒ തസ്മാ॑ അ॒ഹമി॒ദമു॑പ॒സ്തര॑ണ॒മുപ॑സ്തൃണ ഉപ॒സ്തര॑ണം
മേ പ്ര॒ജായൈ॑ പശൂ॒നാം ഭൂ॑യാദുപ॒സ്തര॑ണമ॒ഹം പ്ര॒ജായൈ॑ പശൂ॒നാം ഭൂ॑യാസം॒
പ്രാണാ॑പാനൗ മൃ॒ത്യോർമാ॑പാതം॒ പ്രാണ॑പാനൗ॒ മാ മാ॑ ഹാസിഷ്ടം॒ മധു॑ മനിഷ്യേ॒ മധു॑
ജനിഷ്യേ॒ മധു॑ വക്ഷ്യാമി॒ മധു॑ വദിഷ്യാമി॒ മധു॑മതീം ദേ॒വേഭ്യോ॒ വാച॑മുദ്യാസം+
ശുശ്രൂ॒ഷേണ്യാം᳚ മനു॒ഷ്യേ᳚ഭ്യ॒സ്തം മാ॑ ദേ॒വാ അ॑വന്തു ശോ॒ഭായൈ॑ പി॒തരോഽനു॑മദന്തു
|| ഓം ശാന്തിഃ॒ ശാന്തിഃ॒ ശാന്തിഃ॑ ||
8 ഋഗ്വേദ
ഋ॒ജു॒നീ॒തീ നോ॒ വരു॑ണോ മി॒ത്രോ ന॑യതു വി॒ദ്വാൻ |
അ॒ര്യ॒മാ ദേ॒വൈഃ സ॒ജോഷാഃ॑ || 1 | 090 | 01
തേ ഹി വസ്വോ॒ വസ॑വാനാ॒സ്തേ അപ്ര॑മൂരാ॒ മഹോ॑ഭിഃ |
വ്ര॒താ ര॑ക്ഷന്തേ വി॒ശ്വാഹാ॑ || 1 | 090 | 02
തേ അ॒സ്മഭ്യം॒ ശർമ॑ യംസന്ന॒മൃതാ॒ മർത്യേ॑ഭ്യഃ |
ബാധ॑മാനാ॒ അപ॒ ദ്വിഷഃ॑ || 1 | 090 | 03
വി നഃ॑ പ॒ഥഃ സു॑വി॒തായ॑ ചി॒യന്ത്വിന്ദ്രോ॑ മ॒രുതഃ॑ |
പൂ॒ഷാ ഭഗോ॒ വന്ദ്യാ॑സഃ || 1 | 090 | 04
ഉ॒ത നോ॒ ധിയോ॒ ഗോഅ॑ഗ്രാഃ॒ പൂഷ॒ന്വിഷ്ണ॒വേവ॑യാവഃ |
കർതാ॑ നഃ സ്വസ്തി॒മതഃ॑ || 1 | 090 | 05
മധു॒ വാതാ॑ ഋതായ॒തേ മധു॑ ക്ഷരന്തി॒ സിന്ധ॑വഃ |
മാധ്വീ॑ർനഃ സം॒ത്വോഷ॑ധീഃ || 1 | 090 | 06
മധു॒ നക്ത॑മു॒തോഷസോ॒ മധു॑മ॒ത്പാർഥി॑വം॒ രജഃ॑ |
മധു॒ ദ്യൗര॑സ്തു നഃ പി॒താ || 1 | 090 | 07
മധു॑മാന്നോ॒ വന॒സ്പതി॒ർമധു॑മാഁ അസ്തു॒ സൂര്യഃ॑ |
മാധ്വീ॒ർഗാവോ॑ ഭവന്തു നഃ || 1 | 090 | 08
ശം നോ॑ മി॒ത്രഃ ശം വരു॑ണഃ॒ ശം നോ॑ ഭവത്വര്യ॒മാ |
ശം ന॒ ഇന്ദ്രോ॒ ബൃഹ॒സ്പതിഃ॒ ശം നോ॒ വിഷ്ണു॑രുരുക്ര॒മഃ || 1 | 090 | 09
9 ഋഗ്വേദ ഐതരേയോപനിഷത് |
ഓം വാങ്മേ॒ മന॑സി॒ പ്രതി॑ഷ്ഠിതാ॒ മനോ॑ മേ॒ വാചി॒
പ്രതി॑ഷ്ഠിതമാ॒വിരാ॒വീർമ॑ ഏധി വേ॒ദസ്യ മ॒ ആണീ᳚സ്ഥഃ ശ്രു॒തം മേ॒ മാ
പ്രഹാ॑സീര॒നേനാ॒ധീതേ॑നാഹോരാ॒ത്രാൻ സന്ദ॑ധാമ്യൃ॒തം വ॑ദിഷ്യാമി സ॒ത്യം വ॑ദിഷ്യാമി॒
തന്മാമ॑വതു॒ തദ്വ॒ക്താര॑മവ॒ത്വവ॑തു॒ മാമവ॑തു വ॒ക്താര॒മവ॑തു വ॒ക്താരം᳚ ||
ഓം ശാന്തിഃ॒ ശാന്തിഃ॒ ശാന്തിഃ॑ ||
10 ശുക്ലയജുർവേദ ഈശാവാസ്യോപനിഷത് ബൃഹദാരണ്യകോപനിഷത്
ഓം പൂർണ॒മദഃ॒ പൂർണ॒മിദം॒ പൂർണാ॒ത്പൂർണ॒മുദ॒ച്യതേ | പൂർണ॒സ്യ
പൂർണ॒മാദാ॒യ പൂർണ॒മേവാവശി॒ഷ്യതേ || ഓം ശാന്തിഃ॒ ശാന്തിഃ॒ ശാന്തിഃ॒ ||
11 രുദ്രപ്രശ്നഃ
ഓം ഇഡാ॑ ദേവ॒ഹൂർമനു॑ര്യജ്ഞ॒നീർബൃഹ॒സ്പതി॑രുക്ഥാമ॒ദാനി॑
ശꣳസിഷ॒ദ്വിശ്വേ॑ദേ॒വാഃ സൂ᳚ക്ത॒വാചഃ॒
പൃഥി॑വീമാത॒ർമാ മാ॑ ഹിꣳസീ॒ർമധു॑ മനിഷ്യേ॒
മധു॑ ജനിഷ്യേ॒ മധു॒ വക്ഷ്യാമി॒ മധു॑ വദിഷ്യാമി॒
മധു॒മതീം ദേ॒വേഭ്യോ॒ വാച॑മുദ്യാസꣳ ശുശ്രൂ॒ഷേണ്യാം᳚
മനു॒ഷ്യേ᳚ഭ്യ॒സ്തം മാ॑ ദേ॒വാ അ॑വന്തു ശോ॒ഭായൈ॑
പി॒തരോഽനു॑മദന്തു ||
ഓം ശാന്തിഃ॒ ശാന്തിഃ॒ ശാന്തിഃ॑ ||
12 ഘോഷാശാന്തിഃ
ഓം ശം നോ॒ വാതഃ॑ പവതാം മാത॒രിശ്വാ॒ ശം ന॑സ്തപതു॒ സൂര്യഃ॑ | അഹാ॑നി॒ ശം ഭ॑വന്തു
ന॒ശ്ശം+ രാത്രിഃ॒ പ്രതി॑ ധീയതാം | ശമു॒ഷാനോ॒ വ്യു॑ച്ഛതു॒ ശമാ॑ദി॒ത്യ ഉദേ॑തു നഃ |
ശി॒വാ ന॒ശ്ശന്ത॑മാഭവ സുമൃഡീ॒കാ സര॑സ്വതി |
മാതേ॒ വ്യോ॑മ സം॒ദൃശി॑ | ഇഡാ॑യൈ॒വാസ്ത്വ॑സി വാസ്തു॒ മദ്വാ᳚സ്തു॒മന്തോ॑ ഭൂയാസ്മ॒
മാ വാസ്തോ᳚-ശ്ഛിഥ്സ്മഹ്യവാ॒സ്തുസ്സ ഭൂ॑യാ॒ദ്യോ᳚ഽസ്മാന്ദ്വേഷ്ടി॒ യം ച॑ വ॒യം ദ്വി॒ഷ്മഃ |
പ്ര॒തി॒ഷ്ഠാസി॑ പ്രതി॒ഷ്ഠാവം॑തോ ഭൂയാസ്മ॒മാ
പ്ര॑തി॒ഷ്ഠായാ᳚-ശ്ഛിഥ്സ്മഹ്യപ്രതി॒ഷ്ഠസ്സ ഭൂ॑യാ॒ദ്യോ᳚ഽസ്മാന്ദ്വേഷ്ടി॒ യം ച॑ വ॒യം
ദ്വി॒ഷ്മഃ | ആവാ॑തവാഹി ഭേഷ॒ജം വിവാ॑തവാഹി॒ യദ്രപഃ॑ | ത്വം+ ഹി വി॒ശ്വഭേ॑ഷജോ
ദേ॒വാനാം᳚ ദൂ॒ത ഈയ॑സേ | ദ്വാവി॒മൗ വാതൗ॑ വാത॒ ആസിന്ധോ॒രാപ॑രാ॒വതഃ॑ ||
ദക്ഷം॑ മേ അ॒ന്യ ആ॒വാതു॒ പരാ॒ന്യോവാ॑തു॒ യദ്രപഃ॑ | യദ॒ദോവാ॑തതേ
ഗൃ॒ഹേ॑ഽമൃത॑സ്യ നി॒ധിർഹി॒തഃ | തതോ॑ നോ ദേഹി ജീ॒വസേ॒ തതോ॑ നോ ധേഹി ഭേഷ॒ജം
| തതോ॑ നോ॒ മഹ॒ ആവ॑ഹ॒ വാത॒ ആവാ॑തു ഭേഷ॒ജം |
ശം॒ഭൂർമ॑യോ॒ഭൂർനോ॑ ഹൃ॒ദേപ്രണ॒ ആയൂം+ഷി താരിഷത് | ഇന്ദ്ര॑സ്യ ഗൃ॒ഹോ॑ഽസി॒ തം
ത്വാ॒ പ്രപ॑ദ്യേ॒ സഗു॒സ്സാശ്വഃ॑ | സ॒ഹ യന്മേ॒ അസ്തി॒ തേന॑ | ഭൂഃ പ്രപ॑ദ്യേ॒ ഭുവഃ॒
പ്രപ॑ദ്യേ॒ സുവഃ॒ പ്രപ॑ദ്യേ॒ ഭൂർഭുവ॒സ്സുവഃ॒ പ്രപ॑ദ്യേ വാ॒യും പ്രപ॒ദ്യേനാ᳚ർതാം
ദേ॒വതാം॒ പ്രപ॒ദ്യേഽശ്മാ॑നമാഖ॒ണം പ്രപ॑ദ്യേ പ്ര॒ജാപ॑തേർബ്രഹ്മകോ॒ശം
ബ്രഹ്മ॒പ്രപ॑ദ്യ॒ ഓം പ്രപ॑ദ്യേ |
അം॒തരി॑ക്ഷം മ ഉ॒ർവം॑തരം॑ ബൃ॒ഹദ॒ഗ്നയഃ॒ പർവ॑താശ്ച॒ യയാ॒ വാതഃ॑
സ്വ॒സ്ത്യാ സ്വ॑സ്തി॒മാന്തയാ᳚ സ്വ॒സ്ത്യാ സ്വ॑സ്തി॒മാന॑സാനി |
പ്രാണാ॑പാനൗ മൃ॒ത്യോർമാ॑പാതം॒ പ്രാണാ॑പാനൗ॒ മാ മാ॑ ഹാസിഷ്ടം॒ മയി॑ മേ॒ധാം മയി॑
പ്ര॒ജാം മയ്യ॒ഗ്നിസ്തേജോ॑ ദധാതു॒ മയി॑ മേ॒ധാം മയി॑ പ്ര॒ജാം മയീന്ദ്ര॑ ഇന്ദ്രി॒യം
ദ॑ധാതു॒ മയി॑ മേ॒ധാം മയി॑ പ്ര॒ജാം മയി॒ സൂര്യോ॒ ഭ്രാജോ॑ ദധാതു ||
ദ്യു॒ഭി-ര॒ക്തുഭിഃ॒ പരി॑പാതമ॒സ്മാനരി॑ഷ്ടേഭിരശ്വിനാ॒ സൗഭ॑ഗേഭിഃ | തന്നോ॑
മി॒ത്രോ വരു॑ണോ മാമഹന്താ॒മദി॑തിഃ॒ സിന്ധുഃ॑ പൃഥി॒വീ ഉ॒തദ്യൗഃ | കയാ॑നശ്ചി॒ത്ര
ആഭു॑വദൂ॒തീ സ॒ദാവൃ॑ധ॒സ്സഖാ᳚ |
കയാ॒ശചി॑ഷ്ഠയാ വൃ॒താ | കസ്ത്വാ॑ സ॒ത്യോ മദാ॑നാം॒ മം+ഹി॑ഷ്ഠോ മഥ്സ॒ദന്ധ॑സഃ |
ദൃ॒ഢാ ചി॑ദാ॒രുജേ॒ വസു॑ | അ॒ഭീഷുണ॒സ്സഖീ॑നാമവി॒താ ജ॑രിതൄ॒ണാം |
ശ॒തം ഭ॑വാസ്യൂ॒തിഭിഃ॑ | വയ॑സ്സുപ॒ർണാ ഉപ॑സേദു॒രിന്ദ്രം॑ പ്രി॒യമേ॑ധാ॒ ഋഷ॑യോ॒
നാധ॑മാനാഃ | അപ॑ധ്വാം॒തമൂ᳚ർണു॒ഹി പൂ॒ർധിചക്ഷു॑ർമുമു॒ഗ്ധ്യ॑സ്മന്നി॒ധയേ॑വ
ബ॒ദ്ധാൻ |
ശം നോ॑ ദേ॒വീര॒ഭിഷ്ട॑യ॒ ആപോ॑ ഭവന്തു പീ॒തയേ᳚ | ശംയോര॒ഭിസ്ര॑വന്തു നഃ ||
ഈശാ॑നാ॒വാര്യാ॑ണാം॒ ക്ഷയം॑തീശ്ചർഷണീ॒നാം | അ॒പോ യാ॑ചാമി ഭേഷ॒ജം |
സു॒മി॒ത്രാന॒ ആപ॒ ഓഷ॑ധയഃ സന്തു ദുർമി॒ത്രാസ്തസ്മൈ॑ ഭൂയാസു॒ര്യോ᳚ഽസ്മാന്ദ്വേഷ്ടി॒
യം ച॑ വ॒യം ദ്വി॒ഷ്മഃ |
ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ർജേ ദ॑ധാതന | മ॒ഹേരണാ॑യ॒ ചക്ഷ॑സേ |
യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ ഹ നഃ॑ | ഉ॒ശ॒തീരി॑വ മാ॒ത॑രഃ |
തസ്മാ॒ അരം॑ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ | ആപോ॑ ജ॒നയ॑ഥാ ച നഃ |
പൃ॒ഥി॒വീ ശാം॒താ സാഗ്നിനാ॑ ശാം॒താ സാമേ॑ ശാം॒താ ശുചം+॑ ശമയതു | അം॒തരി॑ക്ഷം+
ശാം॒തം തദ്വാ॒യുനാ॑ ശാം॒തം തന്മേ॑ ശാം॒തം+ ശുചം+॑ ശമയതു | ദ്യൗശ്ശാം॒താ
സാദി॒ത്യേന॑ ശാം॒താ സാ മേ॑ ശാം॒താ ശുചം+॑ ശമയതു |
പൃ॒ഥി॒വീ ശാന്തി॑രം॒തരി॑ക്ഷം॒+॒
ശാന്തി॒-ര്ദ്യൗ-ശ്ശാന്തി॒ർദിശ॒-ശ്ശാന്തി॑-രവാന്തരദി॒ശാ-ശ്ശാന്തി॑-ര॒ഗ്നി-
ശ്ശാന്തി॑-ര്വാ॒യു-ശ്ശാന്തി॑-രാദി॒ത്യ-ശ്ശാന്തി॑-ശ്ചം॒ദ്രമാ॒-ശ്ശാന്തി॒-
ര്നക്ഷ॑ത്രാണി॒-ശാന്തി॒-രാപ॒-ശ്ശാന്തി॒-രോഷ॑ധയ॒-ശ്ശാന്തി॒-
ര്വന॒സ്പത॑യ॒-ശ്ശാന്തി॒-ര്ഗൗ-ശ്ശാന്തി॑-ര॒ജാ-ശാന്തി॒-രശ്വ॒-ശ്ശാന്തിഃ॒
പുരു॑ഷ॒-ശ്ശാന്തി॒-ര്ബ്രഹ്മ॒-ശ്ശാന്തി॑-ര്ബ്രാഹ്മ॒ണ-ശ്ശാന്തി॒-ശ്ശാന്തി॑-രേ॒വ
ശാന്തി-ശ്ശാന്തി॑-ര്മേ അസ്തു॒ ശാന്തിഃ॑ |
തയാ॒ഹꣳ ശാം॒ത്യാ സ॑ർവശാം॒ത്യാ മഹ്യം॑ ദ്വി॒പദേ॒ ചതു॑ഷ്പദേ ച॒ ശാന്തിം॑ കരോമി
ശാന്തി॑ർമേ അസ്തു॒ ശാന്തിഃ॑ ||
ഏഹ॒ ശ്രീശ്ച॒ ഹ്രീശ്ച॒ ധൃതി॑ശ്ച॒ തപോ॑ മേ॒ധാ പ്ര॑തി॒ഷ്ഠാ ശ്ര॒ദ്ധാ സ॒ത്യം
ധർമ॑ശ്ചൈ॒താനി॒ മോത്തി॑ഷ്ഠന്ത॒-മനൂത്തി॑ഷ്ഠന്തു॒ മാ മാ॒ഗ്॒ ശ്രീശ്ച॒ ഹ്രീശ്ച॒
ധൃതി॑ശ്ച॒ തപോ॑ മേ॒ധാ പ്ര॑തി॒ഷ്ഠാ ശ്ര॒ദ്ധാ സ॒ത്യം ധർമ॑ശ്ചൈ॒താനി॑ മാ॒
മാ ഹാ॑സിഷുഃ |
ഉദായു॑ഷാ സ്വാ॒യുഷോദോഷ॑ധീനാം॒+ രസേ॒നോത്പ॒ർജന്യ॑സ്യ॒
ശുഷ്മേ॒ണോദ॑സ്ഥാമ॒മൃതാം॒+॒ അനു॑ | തച്ചക്ഷു॑ർദേ॒വഹി॑തം
പു॒രസ്താ᳚ച്ഛു॒ക്രമു॒ച്ചര॑ത് |
പശ്യേ॑മ ശ॒രദ॑ശ്ശ॒തം ജീവേ॑മ ശ॒രദ॑ശ്ശ॒തം നന്ദാ॑മ ശ॒രദ॑ശ്ശ॒തം
മോദാ॑മ ശ॒രദ॑ശ്ശ॒തം ഭവാ॑മ ശ॒രദ॑ശ്ശ॒തം+ ശൃ॒ണവാ॑മ
ശ॒രദ॑ശ്ശ॒തം പ്രബ്ര॑വാമ ശ॒രദ॑ശ്ശ॒തമജീ॑താസ്സ്യാമ ശ॒രദ॑ശ്ശ॒തം
ജ്യോക്ച॒ സൂര്യം॑ ദൃ॒ശേ |
യ ഉദ॑ഗാന്മഹ॒തോഽർണവാ᳚ദ്വി॒ഭ്രാജ॑മാനസ്സരി॒രസ്യ॒ മധ്യാ॒ഥ്സമാ॑ വൃഷ॒ഭോ
ലോ॑ഹിതാ॒ക്ഷസ്സൂര്യോ॑ വിപ॒ശ്ചിന്മന॑സാ പുനാതു ||
ബ്രഹ്മ॑ണ॒ശ്ചോത॑ന്യസി॒ ബ്രഹ്മ॑ണ ആ॒ണീസ്ഥോ॒ ബ്രഹ്മ॑ണ ആ॒വപ॑നമസി ധാരി॒തേയം
പൃ॑ഥി॒വീ ബ്രഹ്മ॑ണാ മ॒ഹീ ധാ॑രി॒തമേ॑നേന മ॒ഹദം॒തരി॑ക്ഷം॒ ദിവം॑ ദാധാര
പൃഥി॒വീം+ സദേ॑വാം॒ യദ॒ഹം വേദ॒ തദ॒ഹം ധാ॑രയാണി॒ മാമദ്വേദോഽധി॒ വിസ്ര॑സത് |
മേ॒ധാ॒മ॒നീ॒ഷേ മാവി॑ശതാം+ സ॒മീചീ॑ ഭൂ॒തസ്യ॒ ഭവ്യ॒സ്യാവ॑രുധ്യൈ॒
സർവ॒മായു॑രയാണി॒ സർവ॒മായു॑രയാണി |
ആ॒ഭിർഗീ॒ർഭിര്യദതോ॑ന ഊ॒നമാപ്യാ॑യയ ഹരിവോ॒ വർധ॑മാനഃ | യ॒ദാ സ്തോ॒തൃഭ്യോ॒
മഹി॑ ഗോ॒ത്രാ രു॒ജാസി॑ ഭൂയിഷ്ഠ॒ഭാജോ॒ അധ॑ തേ സ്യാമ | ബ്രഹ്മ॒ പ്രാവാ॑ദിഷ്മ॒ തന്നോ॒
മാ ഹാ॑സീത് || ഓം ശാന്തിഃ॒ ശാന്തിഃ॒ ശാന്തിഃ॑ ||
ഓം സം ത്വാ॑ സിഞ്ചാമി॒ യജു॑ഷാ പ്ര॒ജാമായു॒ർധനം॑ ച || ഓം ശാന്തിഃ॒ ശാന്തിഃ॒ ശാന്തിഃ॑ ||
13 സാമവേദ കേനോപനിഷത് ഛാന്ദോഗ്യോപനിഷത്
ഓം ആപ്യായന്തു മമാംഗാനി വാക്പ്രാണശ്ചക്ഷുഃശ്രോത്രം |
അഥോ ബലമിന്ദ്രിയാണി ച സർവാണി |
സർവം ബ്രഹ്മൗപനിഷദം മാഽഹം ബ്രഹ്മനിരാകുര്യാം |
മാ മാ ബ്രഹ്മനിരാകരോദനിരാകരണമസ്തു |
അനിരാകരണം മേഽസ്തു |
തദാത്മനി നിരതേ യ ഉപനിഷത്സു ധർമാസ്തേ മയി സന്തു |
തേ മയി സന്തു ||
ഓം ശാന്തിഃ॒ ശാന്തിഃ॒ ശാന്തിഃ॑ ||
ഓം ശാന്തിഃ ശാന്തിഃ ശാന്തിഃ ||