1 કૃષ્ણયજુર્વેદ (કઠોપનિષત્, માંડુક્યોપનિષત્, શ્વેતશ્વતારોપનિષત્)

 

ૐ સ॒હ ના॑વવતુ | સ॒હ નૌ॑ ભુનક્તુ |

સ॒હ વી॒ર્યં॑ કરવાવહૈ |

તે॒જ॒સ્વિના॒વધી॑તમસ્તુ॒ મા વિ॑દ્વિષા॒વહૈ᳚ ||

 

ૐ શાંતિઃ॒ શાંતિઃ॒ શાંતિઃ॑ |

 

2 કૃષ્ણયજુર્વેદ તૈત્તિરીયોપનિષત્

 

ૐ શં નો॑ મિ॒ત્રઃ શં વરુ॑ણઃ | શં નો॑ ભવત્વર્ય॒મા | શં ન॒ ઇંદ્રો॒

બૃહ॒સ્પતિઃ॑ | શં નો॒ વિષ્ણુ॑રુરુક્ર॒મઃ | નમો॒ બ્રહ્મ॑ણે | નમ॑સ્તે વાયો |

ત્વમે॒વ પ્ર॒ત્યક્ષં॒ બ્રહ્મા॑સિ | ત્વમે॒વ પ્ર॒ત્યક્ષં॒ બ્રહ્મ॑ વદિષ્યામિ | ઋ॒તં

વ॑દિષ્યામિ | સ॒ત્યં વ॑દિષ્યામિ | તન્મામ॑વતુ | તદ્વ॒ક્તાર॑મવતુ | અવ॑તુ॒ માં |

અવ॑તુ વ॒ક્તારં᳚ || ૐ શાંતિઃ॒ શાંતિઃ॒ શાંતિઃ॑ ||

 

3 અથર્વવેદ પ્રશ્નોપનિષત્ મુંડકોપનિષત્ માંડુક્યોપનિષત્

 

ૐ ભ॒દ્રં કર્ણે॑ભિઃ શૃણુ॒યામ॑ દેવાઃ |

ભ॒દ્રં પ॑શ્યેમા॒ક્ષભિ॒ર્યજ॑ત્રાઃ |

સ્થિ॒રૈરંગૈ᳚સ્તુષ્ટુ॒વાં+સ॑સ્ત॒નૂભિઃ॑ |

વ્યશે॑મ દે॒વહિ॑તં॒ યદાયુઃ॑ |

 

સ્વ॒સ્તિ ન॒ ઇંદ્રો॑ વૃ॒દ્ધશ્ર॑વાઃ |

સ્વ॒સ્તિ નઃ॑ પૂ॒ષા વિ॒શ્વવે॑દાઃ |

સ્વ॒સ્તિ ન॒સ્તાર્ક્ષ્યો॒ અરિ॑ષ્ટનેમિઃ |

સ્વ॒સ્તિ નો॒ બૃહ॒સ્પતિ॑ર્દધાતુ |

ૐ શાંતિઃ॒ શાંતિઃ॒ શાંતિઃ॑ ||

 

4 ૐ નમો॒ બ્રહ્મ॑ણે॒ નમો॑ અસ્ત્વ॒ગ્નયે॒ નમઃ॑ પૃથિ॒વ્યૈ નમ॒ ઓષ॑ધીભ્યઃ |

નમો॑ વા॒ચે નમો॑ વા॒ચસ્પત॑યે॒ નમો॒ વિષ્ણ॑વે બૃહ॒તે ક॑રોમિ || ૐ શાંતિઃ॒

શાંતિઃ॒ શાંતિઃ॑ ||

 

5 ૐ યશ્છંદ॑સામૃષ॒ભો વિ॒શ્વરૂ॑પઃ |

છંદો॒ભ્યોઽધ્ય॒મૃતા᳚થ્સંબ॒ભૂવ॑ | સ મેંદ્રો॑ મે॒ધયા᳚

સ્પૃણોતુ | અ॒મૃત॑સ્ય દેવ॒ધાર॑ણો ભૂયાસં | શરી॑રં

મે॒ વિચ॑ર્ષણં | જિ॒હ્વા મે॒ મધુ॑મત્તમા | કર્ણા᳚ભ્યાં॒

ભૂરિ॒વિશ્રુ॑વં | બ્રહ્મ॑ણઃ કો॒શો॑ઽસિ મે॒ધયા પિ॑હિતઃ | શ્રુ॒તં

મે॑ ગોપાય | ૐ શાંતિઃ॒ શાંતિઃ॒ શાંતિઃ॑ ||

 

6 ૐ તચ્છં॒ યોરાવૃ॑ણીમહે | ગા॒તું ય॒જ્ઞાય॑ | ગા॒તું ય॒જ્ઞપ॑તયે | દૈવી᳚

સ્વ॒સ્તિર॑સ્તુ નઃ | સ્વ॒સ્તિર્માનુ॑ષેભ્યઃ | ઊ॒ર્ધ્વં જિ॑ગાતુ ભેષ॒જં | શં નો॑

અસ્તુ દ્વિ॒પદે᳚ | શં ચતુ॑ષ્પદે || ૐ શાંતિઃ॒ શાંતિઃ॒ શાંતિઃ॑ ||

 

7 ૐ નમો॑ વા॒ચે યા ચો॑દિ॒તા યા ચાનુ॑દિતા॒ તસ્યૈ॑ વા॒ચે નમો॒ નમો॑ વા॒ચે નમો॑

વા॒ચસ્પત॑યે॒ નમ॒ ઋષિ॑ભ્યો મંત્ર॒કૃદ્ભ્યો॒ મંત્ર॑પતિભ્યો॒ મામામૃષ॑યો

મંત્ર॒કૃતો॑ મંત્ર॒પત॑યઃ॒ પરા॑દુ॒ર્મા ઽહમૃષી᳚ન્મંત્ર॒કૃતો॑

મંત્ર॒પતી॒ન્પરા॑દાં વૈશ્વદે॒વીં વાચ॑મુદ્યાસં+ શિ॒વામદ॑સ્તાં॒ જુષ્ટાં᳚

દે॒વેભ્યઃ॒ શર્મ॑ મે॒ દ્યૌઃ શર્મ॑પૃથિ॒વી શર્મ॒ વિશ્વ॑મિ॒દં જગ॑ત્ |

શર્મ॑ ચં॒દ્રશ્ચ॒ સૂર્ય॑શ્ચ॒ શર્મ॑ બ્રહ્મપ્રજાપ॒તી | ભૂ॒તં વ॑દિષ્યે॒

ભુવ॑નં વદિષ્યે॒ તેજો॑ વદિષ્યે॒ યશો॑ વદિષ્યે॒ તપો॑ વદિષ્યે॒ બ્રહ્મ॑ વદિષ્યે

સ॒ત્યં વ॑દિષ્યે॒ તસ્મા॑ અ॒હમિ॒દમુ॑પ॒સ્તર॑ણ॒મુપ॑સ્તૃણ ઉપ॒સ્તર॑ણં

મે પ્ર॒જાયૈ॑ પશૂ॒નાં ભૂ॑યાદુપ॒સ્તર॑ણમ॒હં પ્ર॒જાયૈ॑ પશૂ॒નાં ભૂ॑યાસં॒

પ્રાણા॑પાનૌ મૃ॒ત્યોર્મા॑પાતં॒ પ્રાણ॑પાનૌ॒ મા મા॑ હાસિષ્ટં॒ મધુ॑ મનિષ્યે॒ મધુ॑

જનિષ્યે॒ મધુ॑ વક્ષ્યામિ॒ મધુ॑ વદિષ્યામિ॒ મધુ॑મતીં દે॒વેભ્યો॒ વાચ॑મુદ્યાસં+

શુશ્રૂ॒ષેણ્યાં᳚ મનુ॒ષ્યે᳚ભ્ય॒સ્તં મા॑ દે॒વા અ॑વંતુ શો॒ભાયૈ॑ પિ॒તરોઽનુ॑મદંતુ

|| ૐ શાંતિઃ॒ શાંતિઃ॒ શાંતિઃ॑ ||

 

8 ઋગ્વેદ

ઋ॒જુ॒ની॒તી નો॒ વરુ॑ણો મિ॒ત્રો ન॑યતુ વિ॒દ્વાન્ |

અ॒ર્ય॒મા દે॒વૈઃ સ॒જોષાઃ॑ || 1 | 090 | 01

તે હિ વસ્વો॒ વસ॑વાના॒સ્તે અપ્ર॑મૂરા॒ મહો॑ભિઃ |

વ્ર॒તા ર॑ક્ષંતે વિ॒શ્વાહા॑ || 1 | 090 | 02

તે અ॒સ્મભ્યં॒ શર્મ॑ યંસન્ન॒મૃતા॒ મર્ત્યે॑ભ્યઃ |

બાધ॑માના॒ અપ॒ દ્વિષઃ॑ || 1 | 090 | 03

વિ નઃ॑ પ॒થઃ સુ॑વિ॒તાય॑ ચિ॒યંત્વિંદ્રો॑ મ॒રુતઃ॑ |

પૂ॒ષા ભગો॒ વંદ્યા॑સઃ || 1 | 090 | 04

ઉ॒ત નો॒ ધિયો॒ ગોઅ॑ગ્રાઃ॒ પૂષ॒ન્વિષ્ણ॒વેવ॑યાવઃ |

કર્તા॑ નઃ સ્વસ્તિ॒મતઃ॑ || 1 | 090 | 05

મધુ॒ વાતા॑ ઋતાય॒તે મધુ॑ ક્ષરંતિ॒ સિંધ॑વઃ |

માધ્વી॑ર્નઃ સં॒ત્વોષ॑ધીઃ || 1 | 090 | 06

મધુ॒ નક્ત॑મુ॒તોષસો॒ મધુ॑મ॒ત્પાર્થિ॑વં॒ રજઃ॑ |

મધુ॒ દ્યૌર॑સ્તુ નઃ પિ॒તા || 1 | 090 | 07

મધુ॑માન્નો॒ વન॒સ્પતિ॒ર્મધુ॑માઁ અસ્તુ॒ સૂર્યઃ॑ |

માધ્વી॒ર્ગાવો॑ ભવંતુ નઃ || 1 | 090 | 08

શં નો॑ મિ॒ત્રઃ શં વરુ॑ણઃ॒ શં નો॑ ભવત્વર્ય॒મા |

શં ન॒ ઇંદ્રો॒ બૃહ॒સ્પતિઃ॒ શં નો॒ વિષ્ણુ॑રુરુક્ર॒મઃ || 1 | 090 | 09

 

9 ઋગ્વેદ ઐતરેયોપનિષત્ |

 

ૐ વાઙ્મે॒ મન॑સિ॒ પ્રતિ॑ષ્ઠિતા॒ મનો॑ મે॒ વાચિ॒

પ્રતિ॑ષ્ઠિતમા॒વિરા॒વીર્મ॑ એધિ વે॒દસ્ય મ॒ આણી᳚સ્થઃ શ્રુ॒તં મે॒ મા

પ્રહા॑સીર॒નેના॒ધીતે॑નાહોરા॒ત્રાન્ સંદ॑ધામ્યૃ॒તં વ॑દિષ્યામિ સ॒ત્યં વ॑દિષ્યામિ॒

તન્મામ॑વતુ॒ તદ્વ॒ક્તાર॑મવ॒ત્વવ॑તુ॒ મામવ॑તુ વ॒ક્તાર॒મવ॑તુ વ॒ક્તારં᳚ ||

 

ૐ શાંતિઃ॒ શાંતિઃ॒ શાંતિઃ॑ ||

 

10 શુક્લયજુર્વેદ ઈશાવાસ્યોપનિષત્ બૃહદારણ્યકોપનિષત્

 

ૐ પૂર્ણ॒મદઃ॒ પૂર્ણ॒મિદં॒ પૂર્ણા॒ત્પૂર્ણ॒મુદ॒ચ્યતે | પૂર્ણ॒સ્ય

પૂર્ણ॒માદા॒ય પૂર્ણ॒મેવાવશિ॒ષ્યતે || ૐ શાંતિઃ॒ શાંતિઃ॒ શાંતિઃ॒ ||

 

11 રુદ્રપ્રશ્નઃ

ૐ ઇડા॑ દેવ॒હૂર્મનુ॑ર્યજ્ઞ॒નીર્બૃહ॒સ્પતિ॑રુક્થામ॒દાનિ॑

શꣳસિષ॒દ્વિશ્વે॑દે॒વાઃ સૂ᳚ક્ત॒વાચઃ॒

પૃથિ॑વીમાત॒ર્મા મા॑ હિꣳસી॒ર્મધુ॑ મનિષ્યે॒

મધુ॑ જનિષ્યે॒ મધુ॒ વક્ષ્યામિ॒ મધુ॑ વદિષ્યામિ॒

મધુ॒મતીં દે॒વેભ્યો॒ વાચ॑મુદ્યાસꣳ શુશ્રૂ॒ષેણ્યાં᳚

મનુ॒ષ્યે᳚ભ્ય॒સ્તં મા॑ દે॒વા અ॑વંતુ શો॒ભાયૈ॑

પિ॒તરોઽનુ॑મદંતુ ||

 

ૐ શાંતિઃ॒ શાંતિઃ॒ શાંતિઃ॑ ||

 

12 ઘોષાશાંતિઃ

ૐ શં નો॒ વાતઃ॑ પવતાં માત॒રિશ્વા॒ શં ન॑સ્તપતુ॒ સૂર્યઃ॑ | અહા॑નિ॒ શં ભ॑વંતુ

ન॒શ્શં+ રાત્રિઃ॒ પ્રતિ॑ ધીયતાં | શમુ॒ષાનો॒ વ્યુ॑ચ્છતુ॒ શમા॑દિ॒ત્ય ઉદે॑તુ નઃ |

શિ॒વા ન॒શ્શંત॑માભવ સુમૃડી॒કા સર॑સ્વતિ |

માતે॒ વ્યો॑મ સં॒દૃશિ॑ | ઇડા॑યૈ॒વાસ્ત્વ॑સિ વાસ્તુ॒ મદ્વા᳚સ્તુ॒મંતો॑ ભૂયાસ્મ॒

મા વાસ્તો᳚-શ્છિથ્સ્મહ્યવા॒સ્તુસ્સ ભૂ॑યા॒દ્યો᳚ઽસ્માંદ્વેષ્ટિ॒ યં ચ॑ વ॒યં દ્વિ॒ષ્મઃ |

પ્ર॒તિ॒ષ્ઠાસિ॑ પ્રતિ॒ષ્ઠાવં॑તો ભૂયાસ્મ॒મા

પ્ર॑તિ॒ષ્ઠાયા᳚-શ્છિથ્સ્મહ્યપ્રતિ॒ષ્ઠસ્સ ભૂ॑યા॒દ્યો᳚ઽસ્માંદ્વેષ્ટિ॒ યં ચ॑ વ॒યં

દ્વિ॒ષ્મઃ | આવા॑તવાહિ ભેષ॒જં વિવા॑તવાહિ॒ યદ્રપઃ॑ | ત્વં+ હિ વિ॒શ્વભે॑ષજો

દે॒વાનાં᳚ દૂ॒ત ઈય॑સે | દ્વાવિ॒મૌ વાતૌ॑ વાત॒ આસિંધો॒રાપ॑રા॒વતઃ॑ ||

 

દક્ષં॑ મે અ॒ન્ય આ॒વાતુ॒ પરા॒ન્યોવા॑તુ॒ યદ્રપઃ॑ | યદ॒દોવા॑તતે

ગૃ॒હે॑ઽમૃત॑સ્ય નિ॒ધિર્હિ॒તઃ | તતો॑ નો દેહિ જી॒વસે॒ તતો॑ નો ધેહિ ભેષ॒જં

| તતો॑ નો॒ મહ॒ આવ॑હ॒ વાત॒ આવા॑તુ ભેષ॒જં |

શં॒ભૂર્મ॑યો॒ભૂર્નો॑ હૃ॒દેપ્રણ॒ આયૂં+ષિ તારિષત્ | ઇંદ્ર॑સ્ય ગૃ॒હો॑ઽસિ॒ તં

ત્વા॒ પ્રપ॑દ્યે॒ સગુ॒સ્સાશ્વઃ॑ | સ॒હ યન્મે॒ અસ્તિ॒ તેન॑ | ભૂઃ પ્રપ॑દ્યે॒ ભુવઃ॒

પ્રપ॑દ્યે॒ સુવઃ॒ પ્રપ॑દ્યે॒ ભૂર્ભુવ॒સ્સુવઃ॒ પ્રપ॑દ્યે વા॒યું પ્રપ॒દ્યેના᳚ર્તાં

દે॒વતાં॒ પ્રપ॒દ્યેઽશ્મા॑નમાખ॒ણં પ્રપ॑દ્યે પ્ર॒જાપ॑તેર્બ્રહ્મકો॒શં

બ્રહ્મ॒પ્રપ॑દ્ય॒ ૐ પ્રપ॑દ્યે |

અં॒તરિ॑ક્ષં મ ઉ॒ર્વં॑તરં॑ બૃ॒હદ॒ગ્નયઃ॒ પર્વ॑તાશ્ચ॒ યયા॒ વાતઃ॑

સ્વ॒સ્ત્યા સ્વ॑સ્તિ॒માંતયા᳚ સ્વ॒સ્ત્યા સ્વ॑સ્તિ॒માન॑સાનિ |

પ્રાણા॑પાનૌ મૃ॒ત્યોર્મા॑પાતં॒ પ્રાણા॑પાનૌ॒ મા મા॑ હાસિષ્ટં॒ મયિ॑ મે॒ધાં મયિ॑

પ્ર॒જાં મય્ય॒ગ્નિસ્તેજો॑ દધાતુ॒ મયિ॑ મે॒ધાં મયિ॑ પ્ર॒જાં મયીંદ્ર॑ ઇંદ્રિ॒યં

દ॑ધાતુ॒ મયિ॑ મે॒ધાં મયિ॑ પ્ર॒જાં મયિ॒ સૂર્યો॒ ભ્રાજો॑ દધાતુ ||

 

દ્યુ॒ભિ-ર॒ક્તુભિઃ॒ પરિ॑પાતમ॒સ્માનરિ॑ષ્ટેભિરશ્વિના॒ સૌભ॑ગેભિઃ | તન્નો॑

મિ॒ત્રો વરુ॑ણો મામહંતા॒મદિ॑તિઃ॒ સિંધુઃ॑ પૃથિ॒વી ઉ॒તદ્યૌઃ | કયા॑નશ્ચિ॒ત્ર

આભુ॑વદૂ॒તી સ॒દાવૃ॑ધ॒સ્સખા᳚ |

કયા॒શચિ॑ષ્ઠયા વૃ॒તા | કસ્ત્વા॑ સ॒ત્યો મદા॑નાં॒ મં+હિ॑ષ્ઠો મથ્સ॒દંધ॑સઃ |

દૃ॒ઢા ચિ॑દા॒રુજે॒ વસુ॑ | અ॒ભીષુણ॒સ્સખી॑નામવિ॒તા જ॑રિતૄ॒ણાં |

શ॒તં ભ॑વાસ્યૂ॒તિભિઃ॑ | વય॑સ્સુપ॒ર્ણા ઉપ॑સેદુ॒રિંદ્રં॑ પ્રિ॒યમે॑ધા॒ ઋષ॑યો॒

નાધ॑માનાઃ | અપ॑ધ્વાં॒તમૂ᳚ર્ણુ॒હિ પૂ॒ર્ધિચક્ષુ॑ર્મુમુ॒ગ્ધ્ય॑સ્મન્નિ॒ધયે॑વ

બ॒દ્ધાન્ |

શં નો॑ દે॒વીર॒ભિષ્ટ॑ય॒ આપો॑ ભવંતુ પી॒તયે᳚ | શંયોર॒ભિસ્ર॑વંતુ નઃ ||

 

ઈશા॑ના॒વાર્યા॑ણાં॒ ક્ષયં॑તીશ્ચર્ષણી॒નાં | અ॒પો યા॑ચામિ ભેષ॒જં |

સુ॒મિ॒ત્રાન॒ આપ॒ ઓષ॑ધયઃ સંતુ દુર્મિ॒ત્રાસ્તસ્મૈ॑ ભૂયાસુ॒ર્યો᳚ઽસ્માંદ્વેષ્ટિ॒

યં ચ॑ વ॒યં દ્વિ॒ષ્મઃ |

આપો॒ હિષ્ઠા મ॑યો॒ભુવ॒સ્તા ન॑ ઊ॒ર્જે દ॑ધાતન | મ॒હેરણા॑ય॒ ચક્ષ॑સે |

યો વઃ॑ શિ॒વત॑મો રસ॒સ્તસ્ય॑ ભાજયતે॒ હ નઃ॑ | ઉ॒શ॒તીરિ॑વ મા॒ત॑રઃ |

તસ્મા॒ અરં॑ગમામવો॒ યસ્ય॒ ક્ષયા॑ય॒ જિન્વ॑થ | આપો॑ જ॒નય॑થા ચ નઃ |

પૃ॒થિ॒વી શાં॒તા સાગ્નિના॑ શાં॒તા સામે॑ શાં॒તા શુચં+॑ શમયતુ | અં॒તરિ॑ક્ષં+

શાં॒તં તદ્વા॒યુના॑ શાં॒તં તન્મે॑ શાં॒તં+ શુચં+॑ શમયતુ | દ્યૌશ્શાં॒તા

સાદિ॒ત્યેન॑ શાં॒તા સા મે॑ શાં॒તા શુચં+॑ શમયતુ |

પૃ॒થિ॒વી શાંતિ॑રં॒તરિ॑ક્ષં॒+॒

શાંતિ॒-ર્દ્યૌ-શ્શાંતિ॒ર્દિશ॒-શ્શાંતિ॑-રવાંતરદિ॒શા-શ્શાંતિ॑-ર॒ગ્નિ-

શ્શાંતિ॑-ર્વા॒યુ-શ્શાંતિ॑-રાદિ॒ત્ય-શ્શાંતિ॑-શ્ચં॒દ્રમા॒-શ્શાંતિ॒-

ર્નક્ષ॑ત્રાણિ॒-શાંતિ॒-રાપ॒-શ્શાંતિ॒-રોષ॑ધય॒-શ્શાંતિ॒-

ર્વન॒સ્પત॑ય॒-શ્શાંતિ॒-ર્ગૌ-શ્શાંતિ॑-ર॒જા-શાંતિ॒-રશ્વ॒-શ્શાંતિઃ॒

પુરુ॑ષ॒-શ્શાંતિ॒-ર્બ્રહ્મ॒-શ્શાંતિ॑-ર્બ્રાહ્મ॒ણ-શ્શાંતિ॒-શ્શાંતિ॑-રે॒વ

શાંતિ-શ્શાંતિ॑-ર્મે અસ્તુ॒ શાંતિઃ॑ |

તયા॒હꣳ શાં॒ત્યા સ॑ર્વશાં॒ત્યા મહ્યં॑ દ્વિ॒પદે॒ ચતુ॑ષ્પદે ચ॒ શાંતિં॑ કરોમિ

શાંતિ॑ર્મે અસ્તુ॒ શાંતિઃ॑ ||

 

એહ॒ શ્રીશ્ચ॒ હ્રીશ્ચ॒ ધૃતિ॑શ્ચ॒ તપો॑ મે॒ધા પ્ર॑તિ॒ષ્ઠા શ્ર॒દ્ધા સ॒ત્યં

ધર્મ॑શ્ચૈ॒તાનિ॒ મોત્તિ॑ષ્ઠંત॒-મનૂત્તિ॑ષ્ઠંતુ॒ મા મા॒ગ્॒ શ્રીશ્ચ॒ હ્રીશ્ચ॒

ધૃતિ॑શ્ચ॒ તપો॑ મે॒ધા પ્ર॑તિ॒ષ્ઠા શ્ર॒દ્ધા સ॒ત્યં ધર્મ॑શ્ચૈ॒તાનિ॑ મા॒

મા હા॑સિષુઃ |

ઉદાયુ॑ષા સ્વા॒યુષોદોષ॑ધીનાં॒+ રસે॒નોત્પ॒ર્જન્ય॑સ્ય॒

શુષ્મે॒ણોદ॑સ્થામ॒મૃતાં॒+॒ અનુ॑ | તચ્ચક્ષુ॑ર્દે॒વહિ॑તં

પુ॒રસ્તા᳚ચ્છુ॒ક્રમુ॒ચ્ચર॑ત્ |

પશ્યે॑મ શ॒રદ॑શ્શ॒તં જીવે॑મ શ॒રદ॑શ્શ॒તં નંદા॑મ શ॒રદ॑શ્શ॒તં

મોદા॑મ શ॒રદ॑શ્શ॒તં ભવા॑મ શ॒રદ॑શ્શ॒તં+ શૃ॒ણવા॑મ

શ॒રદ॑શ્શ॒તં પ્રબ્ર॑વામ શ॒રદ॑શ્શ॒તમજી॑તાસ્સ્યામ શ॒રદ॑શ્શ॒તં

જ્યોક્ચ॒ સૂર્યં॑ દૃ॒શે |

ય ઉદ॑ગાન્મહ॒તોઽર્ણવા᳚દ્વિ॒ભ્રાજ॑માનસ્સરિ॒રસ્ય॒ મધ્યા॒થ્સમા॑ વૃષ॒ભો

લો॑હિતા॒ક્ષસ્સૂર્યો॑ વિપ॒શ્ચિન્મન॑સા પુનાતુ ||

 

બ્રહ્મ॑ણ॒શ્ચોત॑ન્યસિ॒ બ્રહ્મ॑ણ આ॒ણીસ્થો॒ બ્રહ્મ॑ણ આ॒વપ॑નમસિ ધારિ॒તેયં

પૃ॑થિ॒વી બ્રહ્મ॑ણા મ॒હી ધા॑રિ॒તમે॑નેન મ॒હદં॒તરિ॑ક્ષં॒ દિવં॑ દાધાર

પૃથિ॒વીં+ સદે॑વાં॒ યદ॒હં વેદ॒ તદ॒હં ધા॑રયાણિ॒ મામદ્વેદોઽધિ॒ વિસ્ર॑સત્ |

મે॒ધા॒મ॒ની॒ષે માવિ॑શતાં+ સ॒મીચી॑ ભૂ॒તસ્ય॒ ભવ્ય॒સ્યાવ॑રુધ્યૈ॒

સર્વ॒માયુ॑રયાણિ॒ સર્વ॒માયુ॑રયાણિ |

આ॒ભિર્ગી॒ર્ભિર્યદતો॑ન ઊ॒નમાપ્યા॑યય હરિવો॒ વર્ધ॑માનઃ | ય॒દા સ્તો॒તૃભ્યો॒

મહિ॑ ગો॒ત્રા રુ॒જાસિ॑ ભૂયિષ્ઠ॒ભાજો॒ અધ॑ તે સ્યામ | બ્રહ્મ॒ પ્રાવા॑દિષ્મ॒ તન્નો॒

મા હા॑સીત્ || ૐ શાંતિઃ॒ શાંતિઃ॒ શાંતિઃ॑ ||

 

ૐ સં ત્વા॑ સિંચામિ॒ યજુ॑ષા પ્ર॒જામાયુ॒ર્ધનં॑ ચ || ૐ શાંતિઃ॒ શાંતિઃ॒ શાંતિઃ॑ ||

 

13 સામવેદ કેનોપનિષત્ છાંદોગ્યોપનિષત્

 

ૐ આપ્યાયંતુ મમાંગાનિ વાક્પ્રાણશ્ચક્ષુઃશ્રોત્રં |

અથો બલમિંદ્રિયાણિ ચ સર્વાણિ |

સર્વં બ્રહ્મૌપનિષદં માઽહં બ્રહ્મનિરાકુર્યાં |

મા મા બ્રહ્મનિરાકરોદનિરાકરણમસ્તુ |

અનિરાકરણં મેઽસ્તુ |

તદાત્મનિ નિરતે ય ઉપનિષત્સુ ધર્માસ્તે મયિ સંતુ |

તે મયિ સંતુ ||

 

ૐ શાંતિઃ॒ શાંતિઃ॒ શાંતિઃ॑ ||

ૐ શાંતિઃ શાંતિઃ શાંતિઃ ||