ಓಂ
ಬ್ರಹ್ಮ॑ಜಜ್ಞಾ॒ನಂ ಪ್ರ॑ಥ॒ಮಂ ಪು॒ರಸ್ತಾ᳚ತ್ ವಿಸೀ॑ಮ॒ತಸ್ಸು॒ರುಚೋ॑ ವೇ॒ನ ಆ॑ವಃ |
ಸಬು॒ಧ್ನಿಯಾ॑ ಉಪ॒ಮಾ॑ಸ್ಯ॒ವಿಷ್ಠಃ ಸ॒ತಶ್ಚ॒ ಯೋನಿ॒ಮಸ॑ತ್ಶ್ಚ॒ವಿವಃ॑ ||

ಆಪೋ॒ ವಾ ಇ॒ದꣳ ಸರ್ವಂ॒ ವಿಶ್ವಾ॑ ಭೂ॒ತಾನ್ಯಾಪಃ॑ ಪ್ರಾ॒ಣಾ ವಾ ಆಪಃ॑
ಪ॒ಶವ॒ ಆಪೋಽನ್ನ॒ಮಾಪೋಽಮೃ॑ತ॒ಮಾಪಃ॑ ಸ॒ಮ್ರಾಡಾಪೋ॑ ವಿ॒ರಾಡಾಪಃ॑
ಸ್ವ॒ರಾಡಾಪ॒ಶ್ಛಂದಾ॒ꣳ॒ಸ್ಯಾಪೋ॒ ಜ್ಯೋತೀ॒ꣳ॒ಷ್ಯಾಪೋ॒
ಯಜೂ॒ꣳ॒ಷ್ಯಾಪ॑ಸ್ಸ॒ತ್ಯಮಾಪ॒ಸ್ಸರ್ವಾ॑ ದೇ॒ವತಾ॒ ಆಪೋ॒
ಭೂರ್ಭುವ॒ಸ್ಸುವ॒ರಾಪ॒ ಓಂ ||

ಅ॒ಪಃ ಪ್ರಣ॑ಯತಿ | ಶ್ರ॒ದ್ಧಾವಾ ಆಪಃ॑ |
ಶ್ರ॒ದ್ಧಾಂ ಏ॒ವಾರಭ್ಯ॑ ಪ್ರ॒ಣೀಯ॑ ಪ್ರಚ॑ರತಿ
ಅ॒ಪಃ ಪ್ರಣ॑ಯತಿ | ಯ॒ಜ್ಞೋ ವೈ ಆಪಃ॑ |
ಯ॒ಜ್ಞಂ ಏ॒ವಾರಭ್ಯ॑ ಪ್ರ॒ಣೀಯ॑ ಪ್ರಚ॑ರತಿ
ಅ॒ಪಃ ಪ್ರಣ॑ಯತಿ | ವ॒ಜ್ರೋ ವೈ ಆಪಃ॑ |
ವಜ್ರ॑ಮೇ॒ವ ಭ್ರಾತೃ॑ವ್ಯೇಭ್ಯಃ ಪ್ರಹೃತ್ಯ॑ ಪ್ರ॒ಣೀಯ॑ ಪ್ರಚ॑ರತಿ |
ಅ॒ಪಃ ಪ್ರಣ॑ಯತಿ | ಆಪೋ॒ ವೈ ರಕ್ಷೋ॒ಘ್ನೀಃ |
ರಕ್ಷ॑ಸಾಂ ಅಪ॑ಹತ್ಯೈ |
ಅ॒ಪಃ ಪ್ರಣ॑ಯತಿ | ಆಪೋ॒ ವೈ ದೇ॒ವಾನಾಂ᳚ ಪ್ರಿ॒ಯಂಧಾಮ॑ |
ದೇ॒ವಾನಾ॑ಮೇ॒ವ ಪ್ರಿ॒ಯಂಧಾಮ॑ ಪ್ರ॒ಣೀಯ॒ ಪ್ರಚ॑ರತಿ |
ಅ॒ಪಃ ಪ್ರಣ॑ಯತಿ | ಆಪೋ॒ ವೈ ಸರ್ವಾ॑ ದೇ॒ವತಾಃ᳚ |
ದೇ॒ವತಾ॑ ಏ॒ವಾ॒ರಭ್ಯ॑ ಪ್ರ॒ಣೀಯ॒ ಪ್ರಚ॑ರತಿ |
ಆಪೋ॒ವೈಶಾಂ॒ತಾಃ | ಶಾಂ॒ತಾಭಿ॑ರೇ॒ವಾಸ್ಯ॑ ಶುಚꣳ॑ಶಮಯತಿ ||

ದೇ॒ವೋ ವ॑ಸ್ಸವಿ॒ತಾ ಉತ್ಪು॑ನಾತು | ಅಚ್ಛಿ॑ದ್ರೇಣ ಪ॒ವಿತ್ರೇ॑ಣ | ವಸೋಃ᳚ ಸೂರ್ಯ॑ಸ್ಯ ರ॒ಶ್ಮಿಭಿಃ॑ |
ಸ ಹಿ ರತ್ನಾ॑ನಿ ದಾ॒ಶುಷೈ᳚ ಸು॒ವಾತಿ ಸವಿ॒ತಾ ಭಗಃ॑ | ತಂ ಭಾ॒ಗಂ ಚಿ॒ತ್ರಮೀ॑ಮಹೇ ||

ಓಂ
ಅ॒ಗ್ನಿಮೀ᳚ಳೇ ಪು॒ರೋಹಿ॑ತಂ ಯ॒ಜ್ಞಸ್ಯ॑ ದೇ॒ವಮೃ॒ತ್ವಿಜಂ᳚ | ಹೋತಾ᳚ರಂ ರತ್ನ॒ಧಾತ॑ಮಂ ||

ಇ॒ಷೇತ್ವೋ॒ರ್ಜೇ ತ್ವಾ॑ ವಾ॒ಯವ॑ಸ್ಥೋಪಾ॒ಯವಸ್ಥ ದೇ॒ವೋ ವಃ॑ ಸವಿ॒ತಾ ಪ್ರಾರ್ಪ॑ಯತು॒ ಶ್ರೇಷ್ಠ॑ತಮಾಯ॒ ಕರ್ಮ॑ಣೇ ||

ಅಗ್ನ॒ ಆಯಾ॑ಹಿ ವೀ॒ತಯೇ॑ ಗೃಣಾ॒ನೋ ಹ॒ವ್ಯದಾ॑ತಯೇ | ನಿಹೋತಾ॑ ಸತ್ಸಿ ಬ॒ರ್ಹಿಷಿ॑||

ಶನ್ನೋ॑ ದೇ॒ವೀರ॒ಭಿಷ್ಟ॑ಯ॒ ಆಪೋ॑ ಭವಂತು ಪೀ॒ತಯೇ᳚ | ಶಂಯೋರ॒ಭಿಸ್ರ॑ವಂತು ನಃ ||

ಕೃ॒ಣು॒ಷ್ವ ಪಾಜಃ॒ ಪ್ರಸಿ॑ತಿ॒ನ್ನ ಪೃ॒ಥ್ವೀಂ ಯಾ॒ಹಿ ರಾಜೇ॒ವಾಮ॑ವಾ॒ꣳ॒ ಇಭೇ॑ನ |
ತೃ॒ಷ್ವೀಮನು॒ ಪ್ರಸಿ॑ತಿಂ ದ್ರೂಣಾ॒ನೋಽಸ್ತಾ॑ಽಸಿ॒ ವಿಧ್ಯ॑ ರ॒ಕ್ಷಸ॒ಸ್ತಪಿ॑ಷ್ಠೈಃ ||

ತವ॑ ಭ್ರ॒ಮಾಸ॑ ಆಶು॒ಯಾ ಪ॑ತಂ॒ತ್ಯನು॑ ಸ್ಪೃಶ ಧೃಷ॒ತಾ ಶೋಶು॑ಚಾನಃ |
ತಪೂꣳ॑ಷ್ಯಗ್ನೇ ಜು॒ಹ್ವಾ॑ ಪತಂ॒ಗಾನಸಂ॑ದಿತೋ॒ ವಿ ಸೃ॑ಜ॒ ವಿಷ್ವ॑ಗು॒ಲ್ಕಾಃ ||

ಪ್ರತಿ॒ ಸ್ಪಶೋ॒ ವಿ ಸೃ॑ಜ॒ ತೂರ್ಣಿ॑ತಮೋ॒ ಭವಾ॑ ಪಾ॒ಯುರ್ವಿ॒ಶೋ ಅ॒ಸ್ಯಾ ಅದ॑ಬ್ಧಃ |
ಯೋ ನೋ॑ ದೂ॒ರೇ ಅ॒ಘಶꣳ॑ಸೋ ಯೋ ಅಂತ್ಯಗ್ನೇ॒ ಮಾಕಿ॑ಷ್ಟೇ॒ ವ್ಯಥಿ॒ರಾದ॑ಧರ್ಷೀತ್ ||

ಉದ॑ಗ್ನೇ ತಿಷ್ಠ॒ ಪ್ರತ್ಯಾಽಽತ॑ನುಷ್ವ॒ ನ್ಯ॑ಮಿತ್ರಾꣳ॑ ಓಷತಾತ್ ತಿಗ್ಮಹೇತೇ |
ಯೋ ನೋ॒ ಅರಾ॑ತಿꣳ ಸಮಿಧಾನ ಚ॒ಕ್ರೇ ನೀ॒ಚಾ ತಂ ಧ॑ಕ್ಷ್ಯತ॒ಸಂ ನ ಶುಷ್ಕಂ᳚ ||

ಊ॒ರ್ಧ್ವೋ ಭ॑ವ ಪ್ರತಿ॑ ವಿಧ್ಯಾಧ್ಯ॒ಸ್ಮದಾ॒ವಿಷ್ಕೃ॑ಣುಷ್ವ॒ ದೈವ್ಯಾ᳚ನ್ಯಗ್ನೇ |
ಅವ॑ ಸ್ಥಿ॒ರಾ ತ॑ನುಹಿ ಯಾತು॒ಜೂನಾಂ᳚ ಜಾ॒ಮಿಮಜಾ॑ಮಿಂ॒ ಪ್ರ ಮೃ॑ಣೀಹಿ॒ ಶತ್ರೂನ್॑ ||

ಸ ತೇ॑ ಜಾನಾತಿ ಸುಮ॒ತಿಂ ಯ॑ವಿಷ್ಠ॒ ಯ ಈವ॑ತೇ॒ ಬ್ರಹ್ಮ॑ಣೇ ಗಾ॒ತುಮೈರ॑ತ್ |
ವಿಶ್ವಾ᳚ನ್ಯಸ್ಮೈ ಸು॒ದಿನಾ॑ನಿ ರಾ॒ಯೋ ದ್ಯು॒ಮ್ನಾನ್ಯ॒ರ್ಯೋ ವಿ ದುರೋ॑ ಅ॒ಭಿ ದ್ಯೌ᳚ತ್ ||

ಸೇದ॑ಗ್ನೇ ಅಸ್ತು ಸು॒ಭಗ॑ಸ್ಸು॒ದಾನು॒ರ್ಯಸ್ತ್ವಾ॒ ನಿತ್ಯೇ॑ನ ಹ॒ವಿಷಾ॒ ಯ ಉ॒ಕ್ಥೈಃ |
ಪಿಪ್ರೀ॑ಷತಿ॒ ಸ್ವ ಆಯು॑ಷಿ ದುರೋ॒ಣೇ ವಿಶ್ವೇದ॑ಸ್ಮೈ ಸು॒ದಿನಾ॒ ಸಾಸ॑ದಿ॒ಷ್ಟಿಃ ||

ಅರ್ಚಾ॑ಮಿ ತೇ ಸುಮ॒ತಿಂ ಘೋಷ್ಯ॒ರ್ವಾಕ್ ಸಂತೇ॑ ವಾ॒ವಾತಾ॑ ಜರತಾಮಿ॒ಯಂ ಗೀಃ |
ಸ್ವಶ್ವಾ᳚ಸ್ತ್ವಾ ಸು॒ರಥಾ॑ ಮರ್ಜಯೇ ಮಾ॒ಸ್ಮೇ ಕ್ಷ॒ತ್ರಾಣಿ॑ ಧಾರಯೇ॒ರನು॒ ದ್ಯೂನ್ ||

ಇ॒ಹ ತ್ವಾ॒ ಭೂರ್ಯಾ ಚ॑ರೇ॒ ದುಪ॒ತ್ಮಂದೋಷಾ॑ವಸ್ತರ್ದೀ ದಿ॒ವಾꣳಸ॒ಮನು॒ ದ್ಯೂನ್ |
ಕ್ರೀಡಂ॑ತಸ್ತ್ವಾ ಸು॒ಮನ॑ಸಸ್ಸಪೇಮಾ॒ಭಿ ದ್ಯು॒ಮ್ನಾ ತ॑ಸ್ಥಿ॒ವಾꣳಸೋ॒ ಜನಾ॑ನಾಂ ||

ಯಸ್ತ್ವಾ॒ ಸ್ವಶ್ವ॑ಸ್ಸು ಹಿರ॒ಣ್ಯೋ ಅ॑ಗ್ನ ಉಪ॒ಯಾತಿ॒ ವಸು॑ಮತಾ॒ ರಥೇ॑ನ |
ತಸ್ಯ॑ ತ್ರಾ॒ತಾ ಭ॑ವಸಿ॒ ತಸ್ಯ॒ ಸಖಾ॒ ಯಸ್ತ॑ ಆತಿ॒ಥ್ಯಮಾ॑ನು॒ಷಗ್ ಜುಜೋ॑ಷತ್ ||

ಮ॒ಹೋ ರು॑ಜಾಮಿ ಬಂ॒ಧುತಾ॒ ವಚೋ॑ಭಿ॒ಸ್ತನ್ಮಾ॑ ಪಿ॒ತುರ್ಗೋತ॑ಮಾ॒ದನ್ವಿ॑ಯಾಯ |
ತ್ವನ್ನೋ॑ ಅ॒ಸ್ಯ ವಚ॑ಸಶ್ಚಿಕಿದ್ಧಿ॒ ಹೋತ॑ರ್ಯವಿಷ್ಠ ಸುಕ್ರತೋ॒ ದಮೂ॑ನಾಃ ||

ಅಸ್ವ॑ಪ್ನಜಸ್ತ॒ರಣ॑ಯಸ್ಸು॒ಶೇವಾ॒ ಅತಂ॑ದ್ರಾಸೋಽವೃ॒ಕಾ ಅಶ್ರ॑ಮಿಷ್ಠಾಃ |
ತೇ ಪಾ॒ಯವ॑ಸ್ಸ॒ಧ್ರಿಯಂ॑ಚೋ ನಿ॒ಷದ್ಯಾಽಗ್ನೇ॒ ತವ॑ ನಃ ಪಾಂತ್ವಮೂರ ||

ಯೇ ಪಾ॒ಯವೋ॑ ಮಾಮತೇ॒ಯಂತೇ॑ ಅಗ್ನೇ॒ ಪಶ್ಯಂ॑ತೋ ಅಂ॒ಧಂದು॑ರಿ॒ತಾದರ॑ಕ್ಷನ್ |
ರ॒ರಕ್ಷ॒ ತಾಂತ್ಸು॒ಕೃತೋ॑ ವಿ॒ಶ್ವವೇ॑ದಾ॒ ದಿಪ್ಸಂ॑ತ॒ ಇದ್ರಿ॒ಪವೋ॒ ನಾಹ॑ ದೇ॒ಭುಃ ||

ತ್ವಯಾ॑ ವ॒ಯꣳ ಸ॑ಧ॒ನ್ಯ॑ಸ್ತ್ವೋತಾ॒ಸ್ತವ॒ ಪ್ರಣೀ᳚ತ್ಯಾಶ್ಯಾಮ॒ ವಾಜಾನ್॑ |
ಉ॒ಭಾ ಶꣳಸಾ॑ ಸೂದಯ ಸತ್ಯತಾತೇಽನುಷ್ಠು॒ಯಾ ಕೃ॑ಣುಹ್ಯಹ್ರಯಾಣ ||

ಅ॒ಯಾ ತೇ॑ ಅಗ್ನೇ ಸ॒ಮಿಧಾ॑ ವಿಧೇಮ॒ ಪ್ರತಿ॒ ಸ್ತೋಮꣳ॑ ಶ॒ಸ್ಯಮಾ॑ನಂ ಗೃಭಾಯ |
ದಹಾ॒ಶಸೋ॑ ರ॒ಕ್ಷಸಃ॑ ಪಾ॒ಹ್ಯ॑ಸ್ಮಾಂದ್ರು॒ಹೋ ನಿ॒ದೋ ಮಿ॑ತ್ರಮಹೋ ಅವ॒ದ್ಯಾತ್ ||

ರ॒ಕ್ಷೋ॒ಹಣಂ॑ ವಾ॒ಜಿನ॒ಮಾಽಽಜಿ॑ಘರ್ಮಿ ಮಿ॒ತ್ರಂ ಪ್ರಥಿ॑ಷ್ಠ॒ಮುಪ॑ಯಾಮಿ॒ ಶರ್ಮ॑ |
ಶಿಶಾ॑ನೋ ಅ॒ಗ್ನಿಃ ಕ್ರತು॑ಭಿ॒ಸ್ಸಮಿ॑ದ್ಧ॒ಸ್ಸ ನೋ॒ ದಿವಾ॒ ಸ ರಿ॒ಷಃ ಪಾ॑ತು॒ ನಕ್ತಂ᳚ ||

ವಿಜ್ಯೋತಿ॑ಷಾ ಬೃಹ॒ತಾ ಭಾ᳚ತ್ಯ॒ಗ್ನಿರಾ॒ವಿರ್ವಿಶ್ವಾ॑ನಿ ಕೃಣುತೇ ಮಹಿ॒ತ್ವಾ |
ಪ್ರಾದೇ॑ವೀರ್ಮಾ॒ಯಾಸ್ಸ॑ಹತೇ ದು॒ರೇವಾಃ॒ ಶಿಶೀ॑ತೇ॒ ಶೃಂಗೇ॒ ರಕ್ಷ॑ಸೇ ವಿ॒ನಿಕ್ಷೇ᳚ ||

ಉ॒ತ ಸ್ವಾ॒ನಾಸೋ॑ ದಿ॒ವಿಷಂ॑ತ್ವ॒ಗ್ನೇಸ್ತಿ॒ಗ್ಮಾಯು॑ಧಾ॒ ರಕ್ಷ॑ಸೇ॒ ಹಂತ॒ ವಾ ಉ॑ |

[ಮದೇ॑ ಚಿದಸ್ಯ॒ ಪ್ರರು॑ಜಂತಿ॒ ಭಾಮಾ॒ ನ ವ॑ರಂತೇ ಪರಿ॒ಬಾಧೋ॒ ಅದೇ॑ವೀಃ || ]

(The line in [ ] is usually not chanted for auspicious occasions and
is included for completeness)

ಇಂದ್ರಂ॑ ವೋ ವಿ॒ಶ್ವತ॒ಸ್ಪರಿ॒ ಹವಾ॑ಮಹೇ॒ ಜನೇ᳚ಭ್ಯಃ | ಅ॒ಸ್ಮಾಕ॑ಮಸ್ತು॒ ಕೇವ॑ಲಃ |
ಇಂದ್ರ॒ನ್ನರೋ॑ ನೇ॒ಮಧಿ॑ತಾ ಹವಂತೇ॒ ಯತ್ಪಾರ್ಯಾ॑ ಯು॒ನಜ॑ತೇ॒ ಧಿಯ॒ಸ್ತಾಃ |
ಶೂರೋ॒ ನೃಷಾ॑ತಾ॒ ಶವ॑ಸಶ್ವಕಾ॒ನ ಆ ಗೋಮ॑ತಿ ವ್ರ॒ಜೇ ಭ॑ಜಾ॒ ತ್ವನ್ನಃ॑ |
ಇಂ॒ದ್ರಿ॒ಯಾಣಿ॑ ಶತಕ್ರತೋ॒ ಯಾ ತೇ॒ ಜನೇ॑ಷು ಪಂ॒ಚಸು॑ | ಇಂದ್ರ॒ ತಾನಿ॑ ತ ಆ ವೃ॑ಣೇ |
ಅನು॑ ತೇ ದಾಯಿ ಮ॒ಹ ಇಂ॑ದ್ರಿ॒ಯಾಯ॑ ಸ॒ತ್ರಾ ತೇ॒ ವಿಶ್ವ॒ಮನು॑ ವೃತ್ರ॒ಹತ್ಯೈ᳚ |
ಅನು॑ ಕ್ಷ॒ತ್ರಮನು॒ ಸಹೋ॑ ಯಜ॒ತ್ರೇಂದ್ರ॑ ದೇ॒ವೇಭಿ॒ರನು॑ ತೇ ನೃ॒ಷಹ್ಯೇ᳚ |
ಆ ಯಸ್ಮಿನ್᳚ತ್ಸ॒ಪ್ತ ವಾ॑ಸ॒ವಾಸ್ತಿಷ್ಠಂ॑ತಿ ಸ್ವಾ॒ರುಹೋ॑ ಯಥಾ |
ಋಷಿ॑ರ್ಹ ದೀರ್ಘ॒ಶ್ರುತ್ತ॑ಮ॒ ಇಂದ್ರ॑ಸ್ಯ ಘ॒ರ್ಮೋ ಅತಿ॑ಥಿಃ |
ಆ॒ಮಾಸು॑ ಪ॒ಕ್ವಮೈರ॑ಯ॒ ಆಸೂರ್ಯꣳ॑ ರೋಹಯೋ ದಿ॒ವಿ |
ಘ॒ರ್ಮನ್ನ ಸಾಮಂ॑ತಪತಾ ಸುವೃ॒ಕ್ತಿಭಿ॒ರ್ಜುಷ್ಟಂ ಗಿರ್ವ॑ಣಸೇ॒ ಗಿರಃ॑ |
ಇಂದ್ರ॒ಮಿದ್ಗಾ॒ಥಿನೋ॑ ಬೃ॒ಹದಿಂದ್ರ॑ಮ॒ರ್ಕೇಭಿ॑ರ॒ರ್ಕಿಣಃ॑ | ಇಂದ್ರಂ॒ ವಾಣೀ॑ರನೂಷತ |
ಗಾಯಂ॑ತಿ ತ್ವಾ ಗಾಯ॒ತ್ರಿಣೋಽರ್ಚಂ॑ತ್ಯ॒ರ್ಕಮ॒ರ್ಕಿಣಃ॑ |
ಬ್ರಹ್ಮಾಣ॑ಸ್ತ್ವಾ ಶತಕ್ರತ॒ವುದ್ವ॒ꣳ॒ ಶಮಿ॑ವ ಯೇಮಿರೇ |
ಅ॒ꣳ॒ಹೋ॒ಮುಚೇ॒ ಪ್ರ ಭ॑ರೇಮಾ ಮನೀ॒ಷಾ ಮೋ॑ಷಿಷ್ಠ॒ದಾವ್ನೇ॑ ಸುಮ॒ತಿಂ ಗೃ॑ಣಾ॒ನಾಃ |
ಇ॒ದಮಿಂ॑ದ್ರ॒ ಪ್ರತಿ॑ ಹ॒ವ್ಯಂ ಗೃ॑ಭಾಯ ಸ॒ತ್ಯಾಃ ಸಂ॑ತು॒ ಯಜ॑ಮಾನಸ್ಯ॒ ಕಾಮಾಃ᳚ |
ವಿ॒ವೇಷ॒ ಯನ್ಮಾ॑ ಧಿ॒ಷಣಾ॑ ಜ॒ಜಾನ॒ ಸ್ತವೈ॑ ಪು॒ರಾ ಪಾರ್ಯಾ॒ದಿಂದ್ರ॒ಮಹ್ನಃ॑ |
ಅꣳಹ॑ಸೋ॒ ಯತ್ರ॑ ಪೀ॒ಪರ॒ದ್ಯಥಾ॑ ನೋ ನಾ॒ವೇವ॒ ಯಾಂತ॑ಮು॒ಭಯೇ॑ ಹವಂತೇ |
ಪ್ರ ಸ॒ಮ್ರಾಜಂ॑ ಪ್ರಥ॒ಮಮ॑ಧ್ವ॒ರಣಾ॑ಮ॒ꣳ॒ ಹೋ॒ ಮುಚಂ॑ ವೃಷ॒ಭಂ ಯ॒ಜ್ಞಿಯಾ॑ನಾಂ |
ಅ॒ಪಾನ್ನಪಾ॑ತಮಶ್ವಿನಾ॒ ಹಯಂ॑ತಮ॒ಸ್ಮಿನ್ನ॑ರ ಇಂದ್ರಿ॒ಯಂ ಧ॑ತ್ತ॒ಮೋಜಃ॑ |
ವಿ ನ॑ ಇಂದ್ರ॒ ಮೃಧೋ॑ ಜಹಿ ನೀ॒ಚಾ ಯ॑ಚ್ಛ ಪೃತನ್ಯ॒ತಃ |
ಅ॒ಧ॒ಸ್ಪ॒ದಂತಮೀಂ᳚ ಕೃಧಿ॒ ಯೋ ಅ॒ಸ್ಮಾꣳ ಅ॑ಭಿ॒ದಾಸ॑ತಿ |
ಇಂದ್ರ॑ ಕ್ಷ॒ತ್ರಮ॒ಭಿ ವಾ॒ಮಮೋಜೋಽಜಾ॑ಯಥಾ ವೃಷಾಭ ಚರ್ಷಣೀ॒ನಾಂ |
ಅಪಾ॑ನುದೋ॒ ಜನ॑ಮಮಿತ್ರ॒ ಯಂತ॑ಮು॒ರುಂ ದೇ॒ವೇಭ್ಯೋ॑ ಅಕೃಣೋರು ಲೋ॒ಕಂ |
ಮೃ॒ಗೋ ನ ಭೀ॒ಮಃ ಕು॑ಚ॒ರೋ ಗಿ॑ರಿ॒ಷ್ಠಾಃ ಪ॑ರಾ॒ವತಃ॑ ಆ ಜ॑ಗಾಮಾ॒ ಪರ॑ಸ್ಯಾಃ |
ಸೃ॒ಕꣳ ಸ॒ꣳ॒ಶಾಯ॑ ಪ॒ವಿಮಿಂ॑ದ್ರ ತಿ॒ಗ್ಮಂ ವಿಶತ್ರೂ᳚ನ್ ತಾಢಿ॒ ವಿಮೃಧೋ॑ ನುದಸ್ವ |
ವಿ ಶತ್ರೂ॒ನ್॒ ವಿ ಮೃಧೋ॑ ನುದ॒ ವಿ ವೃ॒ತ್ರಸ್ಯ॒ ಹನೂ॑ ರುಜ |
ವಿಮ॒ನ್ಯುಮಿಂ॑ದ್ರ ಭಾಮಿ॒ತೋ॑ಽಮಿತ್ರ॑ಸ್ಯಾಭಿ॒ದಾಸತಃ॑ |
ತ್ರಾ॒ತಾರ॒ಮಿಂದ್ರ॑ಮವಿ॒ತಾರ॒ಮಿಂದ್ರ॒ꣳ॒ ಹವೇ॑ ಹವೇ ಸು॒ಹವ॒ꣳ॒ ಶೂರ॒ಮಿಂದ್ರಂ᳚ |
ಹು॒ವೇ ನು ಶ॒ಕ್ರಂ ಪು॑ರುಹೂ॒ತಮಿಂದ್ರꣳ॑ ಸ್ವ॒ಸ್ತಿ ನೋ॑ ಮ॒ಘವಾ॑ ಧಾ॒ತ್ವಿಂದ್ರಃ॑ |
ಮಾ ತೇ॑ ಅ॒ಸ್ಯಾꣳ ಸ॑ಹಸಾವ॒ನ್ ಪರಿ॑ಷ್ಟಾವ॒ಧಾಯ॑ ಭೂಮ ಹರಿವಃ ಪರಾ॒ದೈ |
ತ್ರಾಯ॑ಸ್ವ ನೋಽವೃ॒ಕೇಭಿ॒ರ್ವರು॑ಥೈ॒ಸ್ತವ॑ ಪ್ರಿ॒ಯಾಸ॑ಸ್ಸೂ॒ರಿಷು॑ ಸ್ಯಾಮ |
ಅನ॑ವಸ್ತೇ॒ ರಥ॒ಮಶ್ವಾ॑ಯ ತಕ್ಷ॒ನ್ ತ್ವಷ್ಟಾ॒ ವಜ್ರಂ॑ ಪುರುಹೂತ ದ್ಯು॒ಮಂತಂ᳚ |
ಬ್ರ॒ಹ್ಮಾಣ॒ ಇಂದ್ರಂ॑ ಮ॒ಹಯಂ॑ತೋ ಅ॒ರ್ಕೈರವರ್ಧಯ॒ನ್ನಹ॑ಯೇ॒ ಹಂತ॒ ವಾ ಉ॑ |
ವೃಷ್ಣೇ॒ ಯತ್ ತೇ॒ ವೃಷ॑ಣೋ ಅ॒ರ್ಕಮರ್ಚಾ॒ನಿಂದ್ರ॒ ಗ್ರಾವಾ॑ಣೋ॒ ಅದಿ॑ತಿಸ್ಸ॒ಜೋಷಾಃ᳚ |
ಅ॒ನ॒ಶ್ವಾಸೋ॒ ಯೇ ಪ॒ವಯೋ॑ಽರ॒ಥಾ ಇಂದ್ರೇ॑ಷಿತಾ ಅ॒ಭ್ಯವ॑ರ್ತಂತ॒ ದಸ್ಯೂನ್॑ |

ಯತ॑ ಇಂದ್ರ॒ ಭಯಾ॑ಮಹೇ॒ ತತೋ॑ ನೋ॒ ಅಭ॑ಯಂ ಕೃಧಿ |
ಮಘ॑ವಂಛ॒ಗ್ಧಿ ತವ॒ ತನ್ನ॑ ಊ॒ತಯೇ॒ ವಿದ್ವಿಷೋ॒ ವಿಮೃಧೋ॑ ಜಹಿ |
ಸ್ವ॒ಸ್ತಿ॒ದಾ ವಿ॒ಶಸ್ಪತಿ॑ರ್ವೃತ್ರ॒ಹಾ ವಿಮೃಧೋ॑ ವ॒ಶೀ |
ವೃಷೇಂದ್ರಃ॑ ಪು॒ರ ಏತು॑ ನಃ ಸ್ವಸ್ತಿ॒ದಾ ಅ॒ಭಯಂಕರಃ |
ಮ॒ಹಾꣳ ಇಂದ್ರೋ॒ ವಜ್ರ॑ಬಾಹುಃ ಷೋಡ॒ಶೀ ಶರ್ಮ॑ ಯಚ್ಛತು |
ಸ್ವ॒ಸ್ತಿ ನೋ॑ ಮ॒ಘವಾ॑ ಕರೋತು॒ ಹಂತು॑ ಪಾ॒ಪ್ಮಾನಂ॒ ಯೋ᳚ಽಸ್ಮಾನ್ ದ್ವೇಷ್ಟಿ॑ |
ಸ॒ಜೋಷಾ॑ ಇಂದ್ರ॒ ಸಗ॑ಣೋ ಮ॒ರುದ್ಭಿ॒ಸ್ಸೋಮಂ॑ ಪಿಬ ವೃತ್ರಹಂಛೂರ ವಿ॒ದ್ವಾನ್ |
ಜ॒ಹಿ ಶತ್ರೂ॒ꣳ॒ರಪ॒ಮೃಧೋ॑ನುದ॒ಸ್ವಾಥಾಭ॑ಯಂ ಕೃಣು ಹಿ ವಿ॒ಶ್ವತೋ॑ ನಃ |

ಯೇ ದೇ॒ವಾಃ ಪು॑ರ॒ಸ್ಸದೋ॒ಽಗ್ನಿ ನೇ᳚ತ್ರಾ ರಕ್ಷೋ॒ಹಣ॒ಸ್ತೇನಃ ಪಾಂತು॒
ತೇ ನೋ॑ಽವಂತು॒ ತೇಭ್ಯೋ॒ ನಮ॒ಸ್ತೇಭ್ಯಃ॒ ಸ್ವಾಹಾ॒
ಯೇ ದೇ॒ವಾ ದ॑ಕ್ಷಿಣ॒ಸದೋ॑ ಯ॒ಮನೇ᳚ತ್ರಾ ರಕ್ಷೋ॒ಹಣ॒ಸ್ತೇನಃ ಪಾಂತು॒
ತೇ ನೋ॑ಽವಂತು॒ ತೇಭ್ಯೋ॒ ನಮ॒ಸ್ತೇಭ್ಯಃ॒ ಸ್ವಾಹಾ॒
ಯೇ ದೇ॒ವಾ ಪ॑ಶ್ಚಾ॒ತ್ ಸದ॑ಸವಿ॒ತೃ ನೇ᳚ತ್ರಾ ರಕ್ಷೋ॒ಹಣ॒ಸ್ತೇನಃ ಪಾಂತು॒
ತೇ ನೋ॑ಽವಂತು॒ ತೇಭ್ಯೋ॒ ನಮ॒ಸ್ತೇಭ್ಯಃ॒ ಸ್ವಾಹಾ॒
ಯೇ ದೇ॒ವಾ ಉ॑ತ್ತರ॒ಸದೋ॒ ವರು॑ಣನೇತ್ರಾ ರಕ್ಷೋ॒ಹಣ॒ಸ್ತೇನಃ ಪಾಂತು॒
ತೇ ನೋ॑ಽವಂತು॒ ತೇಭ್ಯೋ॒ ನಮ॒ಸ್ತೇಭ್ಯಃ॒ ಸ್ವಾಹಾ॒
ಯೇ ದೇ॒ವಾ ಉ॑ಪರಿ॒ಷದೋ॒ ಬೃಹ॒ಸ್ಪತಿ॑ನೇತ್ರಾ ರಕ್ಷೋ॒ಹಣ॒ಸ್ತೇನಃ ಪಾಂತು॒
ತೇ ನೋ॑ಽವಂತು॒ ತೇಭ್ಯೋ॒ ನಮ॒ಸ್ತೇಭ್ಯಃ॒ ಸ್ವಾಹಾ॒ಽಗ್ನಯೇ॑ ರಕ್ಷೋ॒ಘ್ನೇ ಸ್ವಾಹಾ॑ ಯಮಾಯ॑ ರಕ್ಷೋ॒ಘ್ನೇ ಸ್ವಾಹಾ॑
ಸವಿ॒ತ್ರೇ ರಕ್ಷೋ॒ಘ್ನೇ ಸ್ವಾಹಾ॒ ವರು॑ಣಾಯ ರಕ್ಷೋ॒ಘ್ನೇ ಸ್ವಾಹಾ॒॑ ಬೃಹ॒ಸ್ಪತ॑ಯೇ॒ ದುವ॑ಸ್ಪತೇ ರಕ್ಷೋ॒ಘ್ನೇ ಸ್ವಾಹಾ᳚ |

ಅ॒ಗ್ನಿರಾಯು॑ಷ್ಮಾಂ॒ತ್ಸ ವನ॒ಸ್ಪತಿ॑ಭಿ॒ರಾಯು॑ಷ್ಮಾಂ॒ತೇನ॒ ತ್ವಾಽಽಯು॒ಷಾಽಽಯು॑ಷ್ಮಂತಂ ಕರೋಮಿ॒ |
ಸೋಮ॒ ಆಯು॑ಷ್ಮಾಂ॒ತ್ಸ ಓಷ॑ಧೀಭಿ॒ರಾಯು॑ಷ್ಮಾಂ॒ತೇನ॒ ತ್ವಾಽಽಯು॒ಷಾಽಽಯು॑ಷ್ಮಂತಂ ಕರೋಮಿ॒ |
ಯ॒ಜ್ಞ ಆಯು॑ಷ್ಮಾಂ॒ತ್ಸ ದಕ್ಷಿ॑ಣಾಭಿ॒ರಾಯು॑ಷ್ಮಾಂ॒ತೇನ॒ ತ್ವಾಽಽಯು॒ಷಾಽಽಯು॑ಷ್ಮಂತಂ ಕರೋಮಿ॒ |
ಬ್ರಹ್ಮಾಯು॑ಷ್ಮತ್ತದ್ ಬ್ರಾ᳚ಹ್ಮ॒ಣೈರಾಯು॑ಷ್ಮ॒ತ್ತೇನ॒ ತ್ವಾಽಽಯು॒ಷಾಽಽಯು॑ಷ್ಮಂತಂ ಕರೋಮಿ॒ |
ದೇ॒ವಾ ಆಯು॑ಷ್ಮಂತ॒ಸ್ತೇ॑ಽಮೃತೇ॒ನಾಯು॑ಷ್ಮಂ॒ತಸ್ತೇನ॒ ತ್ವಾಽಽಯು॒ಷಾಽಽಯು॑ಷ್ಮಂತಂ ಕರೋಮಿ॒ |

ಯಾ ವಾ॑ಮಿಂದ್ರಾ ವರುಣಾ ಯತ॒ವ್ಯಾ॑ ತ॒ನೂಸ್ತಯೇ॒ಮಮꣳ ಹ॑ಸೋ ಮುಂಚತಂ |
ಯಾ ವಾ॑ಮಿಂದ್ರಾ ವರುಣಾ ಸಹ॒ಸ್ಯಾ॑ ತ॒ನೂಸ್ತಯೇ॒ಮಮꣳ ಹ॑ಸೋ ಮುಂಚತಂ |
ಯಾ ವಾ॑ಮಿಂದ್ರಾ ವರುಣಾ ರಕ್ಷ॒ಸ್ಯಾ॑ ತ॒ನೂಸ್ತಯೇ॒ಮಮꣳ ಹ॑ಸೋ ಮುಂಚತಂ |
ಯಾ ವಾ॑ಮಿಂದ್ರಾ ವರುಣಾ ತೇಜ॒ಸ್ಯಾ॑ ತ॒ನೂಸ್ತಯೇ॒ಮಮꣳ ಹ॑ಸೋ ಮುಂಚತಂ |

ಯೋ ವಾ॑ಮಿಂದ್ರಾ ವರುಣಾವ॒ಗ್ನೌ ಸ್ರಾಮ॒ಸ್ತಂ ವಾ॑ಮೇ॒ತೇನಾವ॑ ಯಜೇ॒
ಯೋ ವಾ॑ಮಿಂದ್ರಾ ವರುಣಾ ದ್ವಿ॒ಪಾತ್ಸು॑ ಪ॒ಶುಷು॒ ಸ್ರಾಮ॒ಸ್ತಂ ವಾ॑ಮೇ॒ತೇನಾವ॑ ಯಜೇ॒
ಯೋ ವಾ॑ಮಿಂದ್ರಾ ವರುಣಾ॒ ಚತು॑ಷ್ಪತ್ಸು ಪ॒ಶುಷು॒ ಸ್ರಾಮ॒ಸ್ತಂ ವಾ॑ಮೇ॒ತೇನಾವ॑ ಯಜೇ॒
ಯೋ ವಾ॑ಮಿಂದ್ರಾ ವರುಣಾ ಗೋ॒ಷ್ಠೇ ಸ್ರಾಮ॒ಸ್ತಂ ವಾ॑ಮೇ॒ತೇನಾವ॑ ಯಜೇ॒
ಯೋ ವಾ॑ಮಿಂದ್ರಾ ವರುಣಾ ಗೃ॒ಹೇಷು॒ ಸ್ರಾಮ॒ಸ್ತಂ ವಾ॑ಮೇ॒ತೇನಾವ॑ ಯಜೇ॒
ಯೋ ವಾ॑ಮಿಂದ್ರಾ ವರುಣಾ॒ಪ್ಸು ಸ್ರಾಮ॒ಸ್ತಂ ವಾ॑ಮೇ॒ತೇನಾವ॑ ಯಜೇ॒
ಯೋ ವಾ॑ಮಿಂದ್ರಾ ವರು॒ಣೌಷ॑ಧೀಷು॒ ಸ್ರಾಮ॒ಸ್ತಂ ವಾ॑ಮೇ॒ತೇನಾವ॑ ಯಜೇ॒
ಯೋ ವಾ॑ಮಿಂದ್ರಾ ವರುಣಾ॒ ವನ॒ಸ್ಪತಿ॑ಷು॒ ಸ್ರಾಮ॒ಸ್ತಂ ವಾ॑ಮೇ॒ತೇನಾವ॑ ಯಜೇ ||

ಅಗ್ನೇ॑ಯಶಸ್ವಿ॒ನ್ಯಶ॑ಸೇ॒ ಮಮ॑ರ್ಪ॒ಯೇಂದ್ರಾ॑ವತೀ॒ಮಪ॑ಚಿತೀಮಿ॒ಹಾವ॑ಹ |
ಅ॒ಯಂ ಮೂ॒ರ್ಧಾ ಪ॑ರಮೇ॒ಷ್ಠೀ ಸು॒ವರ್ಚಾ᳚ಸ್ಸಮಾ॒ನಾನಾ॑ಮುತ್ತ॒ಮಶ್ಲೋ॑ಕೋ ಅಸ್ತು ||

ಭ॒ದ್ರಂ ಪಶ್ಯಂ॑ತ॒ ಉಪ॑ಸೇದು॒ರಗ್ರೇ॒ ತಪೋ॑ ದೀ॒ಕ್ಷಾಮೃಷ॑ಯಃ ಸುವ॒ರ್ವಿದಃ॑ |
ತತಃ॑ ಕ್ಷ॒ತ್ರಂ ಬಲ॒ಮೋಜ॑ಶ್ಚ ಜಾ॒ತಂ ತದ॑ಸ್ಮೈ ದೇ॒ವಾ ಅ॒ಭಿ ಸನ್ನ॑ಮಂತು ||

ಧಾ॒ತಾ ವಿ॑ಧಾ॒ತ ಪ॑ರ॒ಮೋತಸಂ॒ಧೃಕ್ ಪ್ರ॒ಜಾಪ॑ತಿಃ ಪರಮೇ॒ಷ್ಠೀ ವಿ॒ರಾಜಾ᳚ |
ಸ್ತೋಮಾ॒ಶ್ಛಂದಾ॑ꣳಸಿ ನಿ॒ವಿದೋ॑ಮ ಆಹುರೇ॒ತಸ್ಮೈ॑ ರಾ॒ಷ್ಟ್ರಮ॒ಭಿಸನ್ನ॑ಮಾಮ ||

ಅ॒ಭ್ಯಾವ॑ರ್ತಧ್ವ॒ಮುಪ॒ಮೇತ॑ಸಾ॒ಕ ಮ॒ಯꣳ ಶಾ॒ಸ್ತಾಽಧಿ॑ಪತಿರ್ವೋ ಅಸ್ತು |
ಅ॒ಸ್ಯ ವಿ॒ಜ್ಞಾನ॒ಮನು॒ಸꣳರ॑ಭಧ್ವಮಿ॒ಮಂ ಪ॒ಶ್ಚಾದನು॑ ಜೀವಾಥ॒ ಸರ್ವೇ᳚||

|| ರಾಷ್ಟ್ರಭೃತಂ ||

ಋ॒ತಾ॒ಷಾಡೃ॒ತಧಾ॑ಮಾ॒ಗ್ನಿರ್ಗಂ॑ಧ॒ರ್ವಸ್ಸ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾ॑ತು ತಸ್ಮೈ॒ ಸ್ವಾಹಾ॒ |
ತಸ್ಯೌಷ॑ಧಯೋಽಪ್ಸ॒ರಸ॒ ಊರ್ಜೋ॒ ನಾಮ॒ ತಾ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾಂ᳚ತು ತಾಭ್ಯಃ॒ ಸ್ವಾಹಾ॑ |
ಸꣳಹಿ॒ತೋ ವಿ॒ಶ್ವಸಾ॑ಮಾ॒ ಸೂರ್ಯೋ॑ ಗಂ॑ಧ॒ರ್ವಃ ಸ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾ॑ತು ತಸ್ಮೈ॒ ಸ್ವಾಹಾ॒ |
ತಸ್ಯ॒ ಮರೀ॑ಚಯೋಽಪ್ಸ॒ರಸ॒ ಆ॒ಯುವೋ॒ ನಾಮ॒ ತಾ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾಂ᳚ತು ತಾಭ್ಯಃ॒ ಸ್ವಾಹಾ॑ |
ಸುಷು॒ಮ್ನಃ ಸೂರ್ಯ॑ರಶ್ಮಿಶ್ಚಂ॒ದ್ರಮಾ॑ ಗಂ॑ಧ॒ರ್ವಃ ಸ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾ॑ತು ತಸ್ಮೈ॒ ಸ್ವಾಹಾ॒ |
ತಸ್ಯ॒ ನಕ್ಷ॑ತ್ರಾಣ್ಯಽಪ್ಸ॒ರಸೋ॑ ಬೇ॒ಕುರ॑ಯೋ॒ ನಾಮ॒ ತಾ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾಂ᳚ತು ತಾಭ್ಯಃ॒ ಸ್ವಾಹಾ॑ |
ಭು॒ಜ್ಯುಸ್ಸು॑ಪ॒ರ್ಣೋ ಯ॒ಜ್ಞೋ ಗಂ॑ಧ॒ರ್ವಃ ಸ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾ॑ತು ತಸ್ಮೈ॒ ಸ್ವಾಹಾ॒ |
ತಸ್ಯ॒ ದಕ್ಷಿ॑ಣಾ ಅಪ್ಸ॒ರಸ॑ಸ್ತ॒ವಾ ನಾಮ॒ ತಾ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾಂ᳚ತು ತಾಭ್ಯಃ॒ ಸ್ವಾಹಾ॑ |
ಪ್ರ॒ಜಾಪ॑ತಿರ್ವಿ॒ಶ್ವಕ॑ರ್ಮಾ॒ ಮನೋ॑ ಗಂಧ॒ರ್ವಃ ಸ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾ॑ತು ತಸ್ಮೈ॒ ಸ್ವಾಹಾ॒ |
ತಸ್ಯ॑ರ್ಕ್ಸಾ॒ಮಾನ್ಯಪ್ಸ॒ರಸೋ॒ ವಹ್ಣ॑ಯೋ॒ ನಾಮ॒ ತಾ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾಂ᳚ತು ತಾಭ್ಯಃ॒ ಸ್ವಾಹಾ॑ |
ಇಷಿರೋ ವಿ॒ಶ್ವವ್ಯ॑ಚಾ॒ ವಾತೋ॑ ಗಂ॑ಧ॒ರ್ವಃ ಸ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾ॑ತು ತಸ್ಮೈ॒ ಸ್ವಾಹಾ॒ |
ತಸ್ಯಾಪೋ᳚ಽಪ್ಸ॒ರಸೋ॑ ಮು॒ದಾ ನಾಮ॒ ತಾ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾಂ᳚ತು ತಾಭ್ಯಃ॒ ಸ್ವಾಹಾ॑ |

ಭುವ॑ನಸ್ಯ ಪತೇ॒ ಯಸ್ಯ॑ ತ ಉ॒ಪರಿ॑ ಗೃ॒ಹಾ ಇ॒ಹ ಚ॑ |
ಸನೋ॑ರಾ॒ಸ್ವಾಜ್ಯಾ॑ನಿꣳ ರಾ॒ಯಸ್ಪೋಷಾꣳ॑ ಸು॒ವೀರ್ಯꣳ॑ ಸಂವತ್ಸ॒ರೀಣಾꣳ॑ ಸ್ವ॒ಸ್ತಿꣳ ಸ್ವಾಹಾ॑ |

ಪ॒ರ॒ಮೇ॒ಷ್ಠಯಧಿ॑ಪತಿರ್ಮೃ॒ತ್ಯುರ್ಗಂ॑ಧ॒ರ್ವಃ ಸ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾ॑ತು ತಸ್ಮೈ॒ ಸ್ವಾಹಾ॒ |
ತಸ್ಯ॒ ವಿಶ್ವ॑ಮಪ್ಸ॒ರಸೋ॒ ಭುವೋ॑ ನಾಮ॒ ತಾ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾಂ᳚ತು ತಾಭ್ಯಃ॒ ಸ್ವಾಹಾ॑ |
ಸುಕ್ಷಿ॒ತಿಸ್ಸುಭೂ॑ತಿರ್ಭದ್ರ॒ಕೃತ್ಸುವ॑ರ್ವಾನ್ಪ॒ರ್ಜನ್ಯೋ॑ ಗಂ॑ಧ॒ರ್ವಃ ಸ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾ॑ತು ತಸ್ಮೈ॒ ಸ್ವಾಹಾ॒ |
ತಸ್ಯ॒ ವಿ॒ದ್ಯುತೋ᳚ಽಪ್ಸ॒ರಸೋ॒ ರುಚೋ॒ ನಾಮ॒ ತಾ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾಂ᳚ತು ತಾಭ್ಯಃ॒ ಸ್ವಾಹಾ॑ |
ದೂ॒ರೇ ಹೇ॑ತಿರಮೃಡ॒ಯೋ ಮೃ॒ತ್ಯುರ್ಗಂ॑ಧ॒ರ್ವಃ ಸ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾ॑ತು ತಸ್ಮೈ॒ ಸ್ವಾಹಾ॒ |
ತಸ್ಯ॒ ಪ್ರ॒ಜಾ ಅ॑ಪ್ಸ॒ರಸೋ॒ ಭೀ॒ರುವೋ॒ ನಾಮ॒ ತಾ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾಂ᳚ತು ತಾಭ್ಯಃ॒ ಸ್ವಾಹಾ॑ |
ಚಾರುಃ॑ ಕೃಪಣಕಾ॒ಶೀ ಕಾಮೋ॑ ಗಂ॑ಧ॒ರ್ವಃ ಸ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾ॑ತು ತಸ್ಮೈ॒ ಸ್ವಾಹಾ॒ |
ತಸ್ಯಾ॒ಧಯೋ᳚ಽಪ್ಸ॒ರಸ॑ಶ್ಶೋ॒ಚಯ॑ತೀರ್ನಾಮ॒ ತಾ ಇ॒ದಂ ಬ್ರಹ್ಮ॑ಕ್ಷ॒ತ್ರಂ ಪಾಂ᳚ತು ತಾಭ್ಯಃ॒ ಸ್ವಾಹಾ॑ |

ಸನೋ॑ ಭುವನಸ್ಯ ಪತೇ॒ ಯಸ್ಯ॑ ತ ಉಪರಿ॑ ಗೃ॒ಹಾ ಇ॒ಹ ಚ॑ |
ಉ॒ರುಬ್ರಹ್ಮ॑ಣೇ॒ಸ್ಮೈ ಕ್ಷ॒ತ್ರಾಯ॒ ಮಹಿ॒ ಶರ್ಮ॑ ಯಚ್ಛ॒ ಸ್ವಾಹಾ᳚||

ನಮೋ॑ ಅಸ್ತು ಸ॒ರ್ಪೇಭ್ಯೋ॒ ಯೇ ಕೇ ಚ॑ ಪೃಥಿ॒ವೀಮನು॑ |
ಯೇ ಅಂ॒ತರಿ॑ಕ್ಷೇ॒ ಯೇ ದಿ॒ವಿ ತೇಭ್ಯಃ॑ ಸ॒ರ್ಪೇಭ್ಯೋ॒ ನಮಃ॑ ||

ಯೇ॑ಽದೋ ರೋ॑ಚನೇ ದಿ॒ವೋ ಯೇ ವಾ॒ ಸೂರ್ಯ॑ಸ್ಯ ರ॒ಶ್ಮಿಷು॑ |
ಯೇಷಾ॑ಮ॒ಪ್ಸು ಸದಃ॑ ಕೃ॒ತಂ ತೇಭ್ಯಃ॑ ಸ॒ರ್ಪೇಭ್ಯೋ॒ ನಮಃ॑ ||

ಯಾ ಇಷ॑ವೋ ಯಾತು॒ಧಾನಾ॑ನಾಂ॒ ಯೇ ವಾ॒ ವನ॒ಸ್ಪತೀ॒ꣳ॒ರನು॑ |
ಯೇ ವಾ॑ಽವ॒ಟೇಷು॒ ಶೇರ॑ತೇ॒ ತೇಭ್ಯಃ॑ ಸ॒ರ್ಪೇಭ್ಯೋ॒ ನಮಃ॑ ||

|| ಪಂಚಚೋಡಾಃ ||

ಅ॒ಯಂಪು॒ರೋ ಹರಿ॑ಕೇಶಃ॒ ಸೂರ್ಯ॑ರಶ್ಮಿ॒ಸ್ತಸ್ಯ॑ ರಥಗೃ॒ತ್ಸಶ್ಚ॒ ರಥೌ॑ಜಾಶ್ಚ ಸೇನಾನಿಗ್ರಾಮ॒ಣ್ಯೌ॑
ಪುಂಜಿಕಸ್ಥ॒ಲಾ ಚ ಕೃತಸ್ಥ॒ಲಾ ಚಾ᳚ಪ್ಸ॒ರಸೌ॑ ಯಾತು॒ಧಾನಾ॑ ಹೇ॒ತಿ ರಕ್ಷꣳ॑ಸಿ॒ ಪ್ರಹೇ॑ತಿ॒ಸ್ತೇಭ್ಯೋ॒
ನಮ॒ಸ್ತೇ ನೋ॑ ಮೃಡಯಂತು॒ ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ ವೋ॒ ಜಂಭೇ॑ ದಧಾಮಿ |

ಅ॒ಯಂ ದ॑ಕ್ಷಿ॒ಣಾ ವಿ॒ಶ್ವಕ॑ರ್ಮಾ॒ ತಸ್ಯ॑ ರಥಸ್ವ॒ನಶ್ಚ॒ ರಥೇ॑ ಚಿತ್ರಶ್ಚ ಸೇನಾನಿಗ್ರಾಮ॒ಣ್ಯೌ॑
ಮೇನ॒ಕಾ ಚ॑ ಸಹಜ॒ನ್ಯಾ ಚಾ᳚ಪ್ಸ॒ರಸೌ᳚
ದಂ॒ಕ್ಷ್ಣವಃ॑ ಪ॒ಶವೋ॑ ಹೇ॒ತಿ ಪೌರು॑ಷೇಯೋವ॒ಧಃ ಪ್ರಹೇ॑ತಿ॒ಸ್ತೇಭ್ಯೋ॒
ನಮ॒ಸ್ತೇ ನೋ॑ ಮೃಡಯಂತು॒ ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ ವೋ॒ ಜಂಭೇ॑ ದಧಾಮಿ |

ಅ॒ಯಂ ಪ॒ಶ್ಚಾದ್ವಿ॒ಶ್ವವ್ಯ॑ಚಾ॒ಸ್ತಸ್ಯ॒ ರಥ॑ಪ್ರೋತ॒ಶ್ಚಾಸ॑ಮರಥಶ್ಚ ಸೇನಾನಿಗ್ರಾಮ॒ಣ್ಯೌ᳚
ಪ್ರ॒ಮ್ಲೋಚಂ॑ತೀ ಚಾನು॒ಮ್ಲೋಚಂ॑ತೀ ಚಾಪ್ಸ॒ರಸೌ᳚ ಸ॒ರ್ಪಾ ಹೇ॒ತಿರ್ವ್ಯಾ॒ಘ್ರಾಃ ಪ್ರಹೇ॑ತಿ॒ಸ್ತೇಭ್ಯೋ॒
ನಮ॒ಸ್ತೇ ನೋ॑ ಮೃಡಯಂತು॒ ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ ವೋ॒ ಜಂಭೇ॑ ದಧಾಮಿ |

ಅ॒ಯಮು॑ತ್ತ॒ರಾತ್ಸಂ॒ಯದ್ವ॑ಸು॒ಸ್ತಸ್ಯ॑ ಸೇನ॒ಜಿಚ್ಚ॑ ಸು॒ಷೇಣ॑ಶ್ಚ ಸೇನಾನಿಗ್ರಾಮ॒ಣ್ಯೌ॑
ವಿ॒ಶ್ವಾಚೀ॑ ಚ ಘೃ॒ತಾಚೀ॑ ಚಾ᳚ಪ್ಸ॒ರಸಾ॒ವಾಪೋ॑ ಹೇ॒ತಿರ್ವಾತಃ॒ ಪ್ರಹೇ॑ತಿ॒ಸ್ತೇಭ್ಯೋ॒
ನಮ॒ಸ್ತೇ ನೋ॑ ಮೃಡಯಂತು॒ ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ ವೋ॒ ಜಂಭೇ॑ ದಧಾಮಿ |

ಅ॒ಯಮು॒ಪರ್ಯ॒ರ್ವಾಗ್ವ॑ಸು॒ಸ್ತಸ್ಯ॒ ತಾರ್ಕ್ಷ್ಯ॒ಶ್ಚಾರಿ॑ಷ್ಟನೇಮಿಶ್ಚ ಸೇನಾನಿಗ್ರಾಮ॒ಣ್ಯಾ॑ವು॒ರ್ವಶೀ॑
ಪೂ॒ರ್ವಚಿ॑ತ್ತಿಶ್ಚಾಪ್ಸ॒ರಸೌ॑ ವಿ॒ದ್ಯುದ್ಧೇ॒ತಿರ॑ವ॒ಸ್ಫೂರ್ಜ॒ನ್ಪ್ರಹೇ॑ತಿ॒ಸ್ತೇಭ್ಯೋ॒
ನಮ॒ಸ್ತೇ ನೋ॑ ಮೃಡಯಂತು॒ ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ ವೋ॒ ಜಂಭೇ ದಧಾಮಿ |
|| ಅಪ್ರತಿರಥಂ ||

ಆ॒ಶುಃ ಶಿಶಾ॑ನೋ ವೃಷ॒ಭೋ ನ ಯು॒ಧ್ಮೋ ಘ॑ನಾಘ॒ನಃ ಕ್ಷೋಭ॑ಣಶ್ಚರ್ಷಣೀ॒ನಾಂ |
ಸಂ॒ಕ್ರಂದ॑ನೋಽನಿಮಿ॒ಷ ಏ॑ಕವೀ॒ರಃ ಶ॒ತꣳ ಸೇನಾ॑ ಅಜಯತ್ಸಾ॒ಕಾಮಿಂದ್ರಃ॑ ||

ಸಂ॒ಕ್ರಂದ॑ನೇನಾನಿಮಿ॒ಷೇಣ॑ ಜಿ॒ಷ್ಣುನಾ॑ ಯುತ್ಕಾ॒ರೇಣ॑ ದುಶ್ಚ್ಯ॒ವನೇನ॑ ಧೃ॒ಷ್ಣುನಾ᳚ |
ತದಿಂದ್ರೇ॑ಣ ಜಯತ॒ ತತ್ ಸ॑ಹಧ್ವಂ॒ ಯುಧೋ॑ ನರ॒ ಇಷು॑ಹಸ್ತೇನ॒ ವೃಷ್ಣಾ᳚||

ಸ ಇಷು॑ಹಸ್ತೈಃ॒ ಸ ನಿ॑ಷಂ॒ಗಿಭಿ॑ರ್ವ॒ಶೀ ಸꣳಸ್ರ॑ಷ್ಟಾ॒ ಸ ಯುಧ॒ ಇಂದ್ರೋ॑ ಗ॒ಣೇನ॑ |
ಸ॒ꣳ॒ಸೃ॒ಷ್ಟ॒ಜಿತ್ ಸೋ॑ಮ॒ಪಾ ಬಾ॑ಹುಶ॒ರ್ಧ್ಯೂ᳚ರ್ಧ್ವಧನ್ವಾ॒ ಪ್ರತಿ॑ಹಿತಾಭಿ॒ರಸ್ತಾ᳚||

ಬೃಹ॑ಸ್ಪತೇ॒ ಪರಿ॑ ದೀಯಾ॒ರಥೇ॑ನ ರಕ್ಷೋ॒ಹಾಽಮಿತ್ರಾꣳ॑ ಅಪ॒ಬಾಧ॑ಮಾನಃ |
ಪ್ರ॒ಭಂ॒ಜಂತ್ಸೇನಾಃ᳚ ಪ್ರಮೃ॒ಣೋ ಯು॒ಧಾ ಜಯ॑ನ್ನ॒ಸ್ಮಾಕ॑ಮೇಧ್ಯವಿ॒ತಾ ರಥಾ॑ನಾಂ ||

ಗೋ॒ತ್ರ॒ಭಿದಂ॑ ಗೋ॒ವಿದಂ॒ ವಜ್ರ॑ಬಾಹುಂ॒ ಜಯಂ॑ತ॒ಮಜ್ಮ॑ ಪ್ರಮೃ॒ಣಂತ॒ಮೋಜ॑ಸಾ |
ಇ॒ಮꣳ ಸ॑ಜಾತಾ॒ ಅನು॑ ವೀರಯಧ್ವ॒ಮಿಂದ್ರꣳ॑ ಸಖಾ॒ಯೋಽನು॒ ಸꣳ ರ॑ಭಧ್ವಂ ||

ಬ॒ಲ॒ವಿ॒ಜ್ಞಾ॒ಯಃ ಸ್ಥವಿ॑ರಃ॒ ಪ್ರವೀ॑ರಃ॒ ಸಹ॑ಸ್ವಾನ್ ವಾ॒ಜೀ ಸಹ॑ಮಾನ ಉ॒ಗ್ರಃ |
ಅ॒ಭಿವೀ॑ರೋ ಅ॒ಭಿಸ॑ತ್ವಾ ಸಹೋ॒ಜಾ ಜೈತ್ರ॑ಮಿಂದ್ರ॒ ರಥ॒ಮಾ ತಿ॑ಷ್ಠ ಗೋ॒ವಿತ್ ||

ಅ॒ಭಿಗೋ॒ತ್ರಾಣಿ॒ ಸಹ॑ಸಾ॒ ಗಾಹ॑ಮಾನೋಽದಾ॒ಯೋ ವೀ॒ರಶ್ಶ॒ತಮ॑ನ್ಯು॒ರಿಂದ್ರಃ॑ |
ದು॒ಶ್ಚ್ಯ॒ವ॒ನಃ ಪೃ॑ತನಾ॒ಷಾಡ॑ಯು॒ದ್ಧ್ಯೋ᳚ಽಸ್ಮಾಕ॒ꣳ॒ ಸೇನಾ॑ ಅವತು॒ ಪ್ರ ಯು॒ತ್ಸು ||

ಇಂದ್ರ॑ ಆಸಾಂ ನೇ॒ತಾ ಬೃಹ॒ಸ್ಪತಿ॒ರ್ದಕ್ಷಿನ್॑ಣಾ ಯ॒ಜ್ಞಃ ಪು॒ರ ಏ॑ತು॒ ಸೋಮಃ॑ |
ದೇ॒ವ॒ಸೇ॒ನಾನಾ॑ಮಭಿಭಂಜತೀ॒ನಾಂ ಜಯಂ॑ತೀನಾಂ ಮ॒ರುತೋ॑ ಯಂ॒ತ್ವಗ್ರೇ᳚ ||

ಇಂದ್ರ॑ಸ್ಯ॒ ವೃಷ್ಣೋ॒ ವರು॑ಣಸ್ಯ॒ ರಾಜ್ಞ॑ ಆದಿ॒ತ್ಯಾನಾಂ᳚ ಮ॒ರುತಾ॒ꣳ॒ ಶರ್ಧ॑ ಉ॒ಗ್ರಂ |
ಮ॒ಹಾಮ॑ನಸಾಂ ಭುವನಚ್ಯ॒ವಾನಾಂ॒ ಘೋಷೋ॑ ದೇ॒ವಾನಾಂ॒ ಜಯ॑ತಾ॒ಮುದ॑ಸ್ಥಾತ್ ||

ಅ॒ಸ್ಮಾಕ॒ಮಿಂದ್ರಃ॒ ಸಮೃ॑ತೇಷು ಧ್ವ॒ಜೇಷ್ವ॒ಸ್ಮಾಕಂ॒ ಯಾ ಇಷ॑ವ॒ಸ್ತಾ ಜ॑ಯಂತು |
ಅ॒ಸ್ಮಾಕಂ॑ ವೀ॒ರಾ ಉತ್ತ॑ರೇ ಭವಂತ್ವ॒ಸ್ಮಾನು॑ ದೇವಾ ಅವತಾ॒ ಹವೇ॑ಷು ||

ಉದ್ಧ॑ರ್ಷಯ ಮಘವ॒ನ್ನಾಯು॑ಧಾ॒ನ್ಯುತ್ ಸತ್ವ॑ನಾಂ ಮಾಮ॒ಕಾನಾಂ॒ ಮಹಾ॑ꣳಸಿ |
ಉದ್ ವೃ॑ತ್ರಹನ್ ವಾ॒ಜಿನಾಂ॒ ವಾಜಿ॑ನಾ॒ನ್ಯುದ್ರಥಾ॑ನಾಂ॒ ಜಯ॑ತಾಮೇತು॒ ಘೋಷಃ॑ ||

ಉಪ॒ ಪ್ರೇತ॒ ಜಯ॑ತಾ ನರಃ ಸ್ಥಿ॒ರಾ ವ॑ಸ್ಸಂತು ಬಾ॒ಹವಃ॑ |
ಇಂದ್ರೋ॑ ವ॒ಶ್ಶರ್ಮ॑ ಯಚ್ಛತ್ವನಾಧೃ॒ಷ್ಯಾ ಯಥಾಽಸ॑ಥ ||

ಅವ॑ಸೃಷ್ಟಾ॒ ಪರಾ॑ ಪತ॒ ಶರ॑ವ್ಯೇ॒ ಬ್ರಹ್ಮ॑ಸꣳಶಿತಾ |
ಗಛಾ॒ಮಿತ್ರಾ॒ನ್ ಪ್ರವಿ॑ಶ॒ ಮೈಷಾಂ ಕಂ ಚ॒ನೋಚ್ಛಿ॑ಷಃ ||

ಮರ್ಮಾ॑ಣಿ ತೇ॒ ವರ್ಮ॑ಭಿಶ್ಛಾದಯಾಮಿ॒ ಸೋಮ॑ಸ್ತ್ವಾ॒ ರಾಜಾ॒ಽಮೃತೇ॑ನಾ॒ಭಿಽವ॑ಸ್ತಾಂ |
ಉ॒ರೋರ್ವರೀ॑ಯೋ॒ ವರಿ॑ವಸ್ತೇ ಅಸ್ತು॒ ಜಯಂ॑ತಂ ತ್ವಾಮನು॑ ಮದಂತು ದೇ॒ವಾಃ ||

ಯತ್ರ॑ ಬಾ॒ಣಾಃ ಸಂ॒ಪತಂ॑ತಿ ಕುಮಾ॒ರಾ ವಿ॑ಶಿ॒ಖಾ ಇ॑ವ |
ಇಂದ್ರೋ॑ ನ॒ಸ್ತತ್ರ॑ ವೃತ್ರ॒ಹಾ ವಿ॑ಶ್ವಾ॒ಹಾ ಶರ್ಮ॑ ಯಚ್ಛತು ||

ಶಂ ಚ॑ ಮೇ॒ ಮಯ॑ಶ್ಚ ಮೇ ಪ್ರಿ॒ಯಂ ಚ॑ ಮೇಽನುಕಾ॒ಮಶ್ಚ॑ ಮೇ॒
ಕಾಮ॑ಶ್ಚ ಮೇ ಸೌಮನ॒ಸಶ್ಚ॑ ಮೇ ಭ॒ದ್ರಂ ಚ॑ ಮೇ॒ ಶ್ರೇಯ॑ಶ್ಚ ಮೇ॒
ವಸ್ಯ॑ಶ್ಚ ಮೇ॒ ಯಶ॑ಶ್ಚ ಮೇ॒ ಭಗ॑ಶ್ಚ ಮೇ॒ ದ್ರವಿ॑ಣಂ ಚ ಮೇ
ಯಂ॒ತಾ ಚ ಮೇ ಧ॒ರ್ತಾ ಚ ಮೇ॒ ಕ್ಷೇಮ॑ಶ್ಚ ಮೇ॒ ಧೃತಿ॑ಶ್ಚ ಮೇ॒
ವಿಶ್ವಂ॑ ಚ ಮೇ॒ ಮಹ॑ಶ್ಚ ಮೇ ಸಂ॒ವಿಚ್ಚ॑ ಮೇ॒ ಜ್ಞಾತ್ರಂ॑ ಚ ಮೇ॒
ಸೂಶ್ಚ॑ ಮೇ ಪ್ರ॒ಸೂಶ್ಚ॑ ಮೇ॒ ಸೀರಂ॑ ಚ ಮೇ ಲ॒ಯಶ್ಚ॑
ಮ ಋ॒ತಂ ಚ॑ ಮೇ॒ಽಮೃತಂ॑ ಚ ಮೇಽಯ॒ಕ್ಷ್ಮಂ ಚ॒ ಮೇಽನಾ॑ಮಯಚ್ಚ ಮೇ
ಜೀ॒ವಾತುಶ್ಚ ಮೇ ದೀರ್ಘಾಯು॒ತ್ವಂ ಚ॑ ಮೇಽನಮಿ॒ತ್ರಂ ಚ॒ ಮೇಽಭ॑ಯಂ ಚ ಮೇ
ಸು॒ಗಂ ಚ॑ ಮೇ॒ ಶಯ॑ನಂ ಚ ಮೇ ಸೂ॒ಷಾ ಚ॑ ಮೇ ಸು॒ದಿನಂ॑ ಚ ಮೇ ||

|| ವಿಹವ್ಯಂ ||

ಮಮಾ᳚ಗ್ನೇ॒ ವರ್ಚೋ॑ ವಿಹ॒ವೇಷ್ವ॑ಸ್ತು ವ॒ಯಂ ತ್ವೇಂಧಾ॑ನಾಸ್ತ॒ನುವಂ॑ ಪುಷೇಮ |
ಮಹ್ಯಂ॑ ನಮಂತಾಂ ಪ್ರ॒ದಿಶ॒ಶ್ಚತ॑ಸ್ರ॒ಸ್ತ್ವಯಾಽಧ್ಯ॑ಕ್ಷೇಣ॒ ಪೃತ॑ನಾ ಜಯೇಮ ||

ಮಮ॑ ದೇ॒ವಾ ವಿ॑ಹ॒ವೇ ಸಂ॑ತು॒ ಸರ್ವ॒ ಇಂದ್ರಾ॑ವಂತೋ ಮ॒ರುತೋ॒ ವಿಷ್ಣು॑ರ॒ಗ್ನಿಃ |
ಮಮಾಂ॒ತರಿ॑ಕ್ಷಮು॒ರು ಗೋ॒ಪಮ॑ಸ್ತು॒ ಮಹ್ಯಂ॒ ವಾತಃ॑ ಪವತಾಂ॒ ಕಾಮೇ॑ ಅ॒ಸ್ಮಿನ್ ||

ಮಯಿ॑ ದೇ॒ವಾ ದ್ರವಿ॑ಣ॒ಮಾ ಯ॑ಜಂತಾಂ ಮಯ್ಯಾ॒ಶೀರ॑ಸ್ತು॒ ಮಯಿ॑ ದೇ॒ವಹೂ॑ತಿಃ |
ದೈವ್ಯಾ॒ ಹೋತಾ॑ರಾ ವನಿಷಂತ ಪೂರ್ವೇಽರಿ॑ಷ್ಟಾಸ್ಸ್ಯಾಮ ತ॒ನುವಾ॑ ಸು॒ವೀರಾಃ᳚ ||

ಮಹ್ಯಂ॑ ಯಜಂತು॒ ಮಮ॒ ಯಾನಿ॑ ಹ॒ವ್ಯಾಽಽಕೂ॑ತಿಃ ಸ॒ತ್ಯಾ ಮನ॑ಸೋ ಮೇ ಅಸ್ತು |
ಏನೋ॒ ಮಾ ನಿ ಗಾಂ᳚ ಕತ॒ಮಚ್ಚ॒ನಾಹಂ ವಿಶ್ವೇ॑ ದೇವಾಸೋ॒ ಅಧಿ॑ ವೋಚತಾ ಮೇ ||

ದೇವೀ᳚ರ್ಷ್ಷಡುರ್ರ್ವೀರು॒ರುಣಃ॑ ಕೃಣೋತ॒ ವಿಶ್ವೇ॑ ದೇವಾಸ ಇ॒ಹ ವೀ॑ರಯಧ್ವಂ |
ಮಾ ಹಾ᳚ಸ್ಮಹಿ ಪ್ರ॒ಜಯಾ॒ ಮಾ ತ॒ನೂಭಿ॒ರ್ಮಾ ರ॑ಧಾಮ ದ್ವಿಷ॒ತೇ ಸೋ॑ಮ ರಜನ್ ||

ಅ॒ಗ್ನಿರ್ಮ॒ನ್ಯುಂ ಪ್ರ॑ತಿನು॒ದನ್ ಪು॒ರಸ್ತಾ॒ದದ॑ಬ್ಧೋ ಗೋ॒ಪಾಃ ಪರಿ॑ಪಾಹಿ ನ॒ಸ್ತ್ವಂ |
ಪ್ರ॒ತ್ಯಂಚೋ॑ ಯಂತು ನಿ॒ಗುತಃ॒ ಪುನ॒ಸ್ತೇ॑ಽಮೈಷಾಂ᳚ ಚಿ॒ತ್ತಂ ಪ್ರ॒ಬುಧಾ॒ ವಿನೇ॑ಶತ್ ||

ಧಾ॒ತಾ ಧಾ॑ತೃ॒ಣಾಂ ಭುವ॑ನಸ್ಯ॒ ಯಸ್ಪತಿ॑ರ್ದೇ॒ವꣳ ಸ॑ವಿತಾರ॑ಮಭಿಮಾತಿ॒ಷಾಹಂ᳚ |
ಇ॒ಮಂ ಯ॒ಜ್`ನಮ॒ಶ್ವಿನೋ॒ಭಾ ಬೃಹ॒ಸ್ಪತಿ॑ರ್ದೇ॒ವಾಃ ಪಾಂ᳚ತು॒ ಯಜ॑ಮಾನನ್ನಯ॒ರ್ಥಾತ್ ||

ಉ॒ರು॒ವ್ಯಚಾ॑ ನೋ ಮಹಿ॒ಷಶ್ಶರ್ಮ॑ ಯꣳಸದ॒ಸ್ಮಿನ್ ಹವೇ॑ ಪುರುಹೂ॒ತಃ ಪು॑ರು॒ಕ್ಷು |
ಸ ನಃ॑ ಪ್ರ॒ಜಾಯೈ॑ ಹರ್ಯಶ್ವ ಮೃಡ॒ಯೇಂದ್ರ॒ ಮಾ ನೋ॑ ರೀರಿಷೋ॒ ಮಾ ಪರಾ॑ ದಾಃ ||

ಯೇನ॑ಸ್ಸ॒ಪತ್ನಾ॒ ಅಪ॒ ತೇ ಭ॑ವಂತ್ವಿಂದ್ರಾ॒ಗ್ನಿಭ್ಯಾ॒ಮವ॑ ಬಾಧಾಮಹೇ॒ ತಾನ್ |
ವಸ॑ವೋ ರು॒ದ್ರಾ ಆ॑ದಿ॒ತ್ಯಾ ಉ॑ಪರಿ॒ಸ್ಪೃಶಂ॑ ಮೋ॒ಗ್ರಂ ಚೇತ್ತಾ॑ರಮಧಿರಾ॒ಜಮ॑ಕ್ರನ್ ||

ಅ॒ರ್ವಾಂಚ॒ಮಿಂದ್ರ॑ಮ॒ಮುತೋ॑ ಹವಾಮಹೇ॒ ಯೋ ಗೋ॒ಜಿದ್ಧ॑ನ॒ಜಿದ॑ಶ್ವ॒ಜಿದ್ಯಃ |
ಇ॒ಮಂ ನೋ॑ ಯ॒ಜ್ಞಂ ವಿ॑ಹ॒ವೇ ಜು॑ಷಸ್ವಾ॒ಸ್ಯ ಕು॑ರ್ಮೋ ಹರಿವೋ ಮೇ॒ದಿನಂ॑ ತ್ವಾ ||

|| ಮೃಗಾರಂ ||

ಅ॒ಗ್ನೇರ್ಮ॑ನ್ವೇ ಪ್ರಥ॒ಮಸ್ಯ॒ ಪ್ರಚೇ॑ತಸೋ॒ ಯಂ ಪಾಂಚ॑ಜನ್ಯಂ ಬ॒ಹವ॑ಸ್ಸಮಿಂ॒ಧತೇ᳚ |
ವಿಶ್ವ॑ಸ್ಯಾಂ ವಿ॒ಶಿ ಪ್ರ॑ವಿವಿಶಿ॒ವಾꣳ ಸ॑ಮೀಮಹೇ॒ ಸ ನೋ ಮುಂಚ॒ತ್ವꣳ ಹ॑ಸಃ ||

ಯಸ್ಯೇ॒ದಂ ಪ್ರಾ॒ಣನ್ನಿ॑ಮಿ॒ಷದ್ಯದೇಜ॑ತಿ॒ ಯಸ್ಯ॑ ಜಾ॒ತಂ ಜನ॑ಮಾನಂ ಚ॒ ಕೇವ॑ಲಂ |
ಸ್ತೌಮ್ಯ॒ಗ್ನಿಂ ನಾ॑ಥಿ॒ತೋ ಜೋ॑ಹವೀಮಿ॒ ಸನೋ॑ ಮುಂಚ॒ತ್ವꣳ ಹ॑ಸಃ ||

ಇಂದ್ರ॑ಸ್ಯ ಮನ್ಯೇ ಪ್ರಥ॒ಮಸ್ಯ॒ ಪ್ರಚೇ॑ತಸೋ ವೃತ್ರ॒ಘ್ನಃ ಸ್ತೋಮಾ॒ ಉಪ॒ ಮಾಮು॒ಪಾಗುಃ॑ |
ಯೋ ದಾ॒ಶುಷಃ॑ ಸು॒ಕೃತೋ॒ ಹವ॒ಮುಪ॒ ಗಂತಾ॒ ಸ ನೋ॑ ಮುಂಚ॒ತ್ವꣳ ಹ॑ಸಃ ||

ಯಃ ಸಂ॑ಗ್ರಾ॒ಮಂ ನಯ॑ತಿ॒ ಸಂವ॒ಶೀ ಯು॒ಧೇ ಯಃ ಪು॒ಷ್ಟಾನಿ॑ ಸꣳಸೃ॒ಜತಿ॑ ತ್ರ॒ಯಾಣಿ॑ |
ಸ್ತೌಮೀಂದ್ರಂ॑ ನಾಥಿ॒ತೋ ಜೋ॑ಹವೀಮಿ॒ ಸ ನೋ॑ ಮುಂಚ॒ತ್ವꣳ ಹ॑ಸಃ ||

ಮ॒ನ್ವೇ ವಾಂ᳚ ಮಿತ್ರಾವರುಣಾ॒ ತಸ್ಯ॑ ವಿತ್ತ॒ꣳ॒ ಸತ್ಯೌ॑ಜಸಾ ದೃꣳಹಣಾ॒ ಯನ್ನು॒ದೇಥೇ᳚ |
ಯಾ ರಾಜಾ॑ನꣳ ಸ॒ರಥಂ॑ ಯಾ॒ಥ ಉ॑ಗ್ರಾ॒ ತಾ ನೋ॑ ಮುಂಚತ॒ಮಾಗ॑ಸಃ ||

ಯೋ ವಾ॒ꣳ॒ ರಥ॑ ಋಜುರ॑ಶ್ಮಿಃ ಸ॒ತ್ಯಧ॑ರ್ಮಾ॒ ಮಿಥು॒ಶ್ಚರಂ॑ತಮುಪ॒ಯಾತಿ॑ ದೂ॒ಷ್ಯನ್॑ |
ಸ್ತೌಮಿ॑ ಮಿ॒ತ್ರಾವರುಣಾ॒ ನಾಥಿ॒ತೋ ಜೋ॑ಹವೀಮಿ॒ ತೌ ನೋ॑ ಮುಂಚತ॒ಮಾಗ॑ಸಃ |
ವಾ॒ಯೋಸ್ಸ॑ವಿ॒ತುರ್ವಿ॒ದಥಾ॑ನಿ ಮನ್ಮಹೇ ಯಾವಾ᳚ತ್ಮ॒ನ್ವದ್ಬಿ॑ಭೃ॒ತೋ ಯೌ ಚ॒ ರಕ್ಷ॑ತಃ |
ಯೌ ವಿಶ್ವ॑ಸ್ಯ ಪರಿ॒ಭೂ ಬ॑ಭೂವತುಸ್ತೌ ನೋ॑ ಮುಂಚತ॒ಮಾಗ॑ಸಃ ||

ಉಪ॒ಶ್ರೇಷ್ಟಾ॑ ನ ಆ॒ಶಿಷೋ॑ ದೇ॒ವಯೋ॒ರ್ಧರ್ಮೇ॑ ಅಸ್ಥಿರನ್ |
ಸ್ತೌಮಿ॑ ವಾ॒ಯುꣳ ಸ॑ವಿ॒ತಾರಂ॑ ನಾಥಿ॒ತೋ ಜೋ॑ಹವೀಮಿ॒ ತೌ ನೋ॑ ಮುಂಚತ॒ಮಾಗ॑ಸಃ ||

ರ॒ಥೀತ॑ಮೌ ರಥೀ॒ನಾಮ॑ಹ್ವ ಊ॒ತಯೇ॒ ಶುಭಂ॒ ಗಮಿ॑ಷ್ಠೌ ಸು॒ಯಮೇ॑ಭಿ॒ರಶ್ವೈಃ᳚ |
ಯಯೋ᳚ರ್ವಾಂ॒ ದೇವೌ ದೇ॒ವೇಷ್ವನಿ॑ಶಿತ॒ಮೋಜ॒ಸ್ತೌ ನೋ॑ ಮುಂಚತ॒ಮಾಗ॑ಸಃ ||

ಯದಯಾ॑ತಂ ವಹ॒ತುꣳ ಸೂ॒ರ್ಯಾಯಾ᳚ಸ್ತ್ರಿಚ॒ಕ್ರೇಣ॑ ಸ॒ꣳ॒ ಸದ॑ಮಿ॒ಚ್ಛಮಾ॑ನೌ |
ಸ್ತೌಮಿ॑ ದೇ॒ವಾವ॒ಶ್ವಿನೌ॑ ನಾಥಿ॒ತೋ ಜೋ॑ಹವೀಮಿ॒ ತೌ ನೋ॑ ಮುಂಚತ॒ಮಾಗ॑ಸಃ ||

ಮ॒ರುತಾಂ᳚ ಮನ್ವೇ॒ ಅಧಿ॑ ನೋ ಬ್ರುವಂತು॒ ಪ್ರೇಮಾಂ ವಾಚಂ॒ ವಿಶ್ವಾ॑ಮವಂತು॒ ವಿಶ್ವೇ᳚ |
ಆ॒ಶೂನ್ಹು॑ವೇ ಸು॒ಯಮಾ॑ನೂ॒ತಯೇ॒ ತೇ ನೋ॑ ಮುಂಚ॒ತ್ವೇನ॑ಸಃ ||

ತಿ॒ಗ್ಮಮಾಯು॑ಧಂ ವೀಡಿ॒ತꣳ ಸಹ॑ಸ್ವದ್ದಿ॒ವ್ಯꣳ ಶರ್ದಃ॒ ಪೃತ॑ನಾಸು ಜಿ॒ಷ್ಣು |
ಸ್ತೌಮಿ॑ ದೇ॒ವಾನ್ಮ॒ರುತೋ॑ ನಾಥಿ॒ತೋ ಜೋಹ॑ವೀಮಿ॒ ತೇ ನೋ॑ ಮುಂಚ॒ತ್ವೇನ॑ಸಃ ||

ದೇ॒ವಾನಾಂ᳚ ಮನ್ವೇ॒ ಅಧಿ॑ ನೋ ಬ್ರುವಂತು॒ ಪ್ರೇಮಾಂ ವಾಚಂ ವಿಶ್ವಾ॑ಮವಂತು ವಿಶ್ವೇ᳚ |
ಆ॒ಶೂನ್ ಹು॑ವೇ ಸು॒ಯಮಾ॑ನೂ॒ತಯೇ॒ ತೇ ನೋ॑ ಮುಂಚ॒ತ್ವೇನ॑ಸಃ ||

ಯದಿ॒ದಂ ಮಾ॑ಽಭಿ॒ಶೋಚ॑ತಿ॒ ಪೌರು॑ಷೇಯೇಣ॒ ದೈವ್ಯೇ॑ನ |
ಸ್ತೌಮಿ॒ ವಿಶ್ವಾಂ᳚ದೇ॒ವಾನ್ನ॑ಥಿ॒ತೋ ಜೋಹ॑ವೀಮಿ॒ ತೇ ನೋ॑ ಮುಂಚ॒ತ್ವೇನ॑ಸಃ ||

ಅನು॑ನೋ॒ಽದ್ಯಾನು॑ಮತಿರ್ಯ॒ಜ್ಞಂ ದೇ॒ವೇಷು॑ ಮ್ ಅನ್ಯತಾಂ |
ಅ॒ಗ್ನಿಶ್ಚ॑ ಹವ್ಯ॒ವಾಹ॑ನೋ॒ ಭವ॑ತಾಂದಾ॒ಶುಷೇ॒ ಮಯಃ॑ ||

ಅನ್ವಿದ॑ನುಮತೇ॒ ತ್ವಂ ಮನ್ಯಾ॑ಸೈ॒ ಶಂ ಚ॑ ನಃ ಕೃಧಿ |
ಕ್ರತ್ವೇ॒ ದಕ್ಷಾ᳚ಯ ನೋ ಹಿ ನು॒ ಪ್ರಣ॒ ಆಯೂꣳ॑ಷಿ ತಾರಿಷಃ ||

ವೈ॒ಶ್ವಾ॒ನ॒ರೋ ನ॑ ಊ॒ತ್ಯಾಽಽಪ್ರ ಯಾ॑ತು ಪರಾ॒ವತಃ॑ | ಅ॒ಗ್ನಿರು॒ಕ್ಥೇನ॒ ವಾಹ॑ಸಾ ||

ಪೃ॒ಷ್ಟೋ ದಿ॒ವಿ ಪೃ॒ಷ್ಟೋ ಅ॒ಗ್ನಿಃ ಪೃ॑ಥಿ॒ವ್ಯಾಂ ಪೃ॒ಷ್ಟೋ ವಿಶ್ವಾ॒ ಓಷ॑ದೀ॒ರಾವಿ॑ವೇಶ |
ವೈ॒ಶ್ವಾ॒ನ॒ರಸಹ॑ಸಾ ಪೃ॒ಷ್ಟೋ ಅ॒ಗ್ನಿಸ್ಸನೋ॒ ದಿವಾ॒ ಸಾರಿ॒ಷಃ ಪಾ॑ತು॒ ನಕ್ತಂ᳚ ||

ಯೇ ಅಪ್ರ॑ಥೇತಾ॒ಮಮಿ॑ತೇಭಿ॒ರೋಜೋ॑ಭಿ॒ರ್ಯೇ ಪ್ರ॑ತಿ॒ಷ್ಠೇ ಅಭ॑ವತಾಂ॒ ವಸೂ॑ನಾಂ |
ಸ್ತೌಮಿ॒ ದ್ಯಾವಾ॑ಪೃಥಿ॒ವೀ ನಾ॑ಥಿ॒ತೋ ಜೋಹ॑ವೀಮಿ॒ ತೇ ನೋ॑ ಮುಂಚತ॒ಮꣳಹ॑ಸಃ ||

ಉರ್ವೀ॑ ರೋದಸೀ॒ ವರಿ॑ವಃ ಕೃಣೋತಂ॒ ಕ್ಷೇತ್ರ॑ಸ್ಯ ಪತ್ನೀ॒ ಅಧಿ॑ ನೋ ಬ್ರೂಯತಂ |
ಸ್ತೌಮಿ॒ ದ್ಯಾವಾ॑ಪೃಥಿ॒ವೀ ನಾ॑ಥಿ॒ತೋ ಜೋಹ॑ವೀಮಿ॒ ತೇ ನೋ॑ ಮುಂಚತ॒ಮꣳಹ॑ಸಃ ||

ಯತ್ ತೇ॑ ವ॒ಯಂ ಪು॑ರುಷ॒ತ್ರಾ ಯ॑ವಿಷ್ಠಾಯ॑ವಿ॒ಷ್ಠಾ ವಿ॑ದ್ವಾꣳಸಶ್ಚಕೃ॒ಮಾ ಕಚ್ಚ॒ನಾಽಽಗಃ॑ |
ಕೃ॒ಧೀ ಸ್ವ॑ಸ್ಮಾꣳ ಅದಿ॑ತೇ॒ರನಾ॑ಗಾ॒ ವ್ಯೇನಾꣳ॑ಸಿ ಶಿಶ್ರಥೋ॒ ವಿಷ್ವ॑ಗಗ್ನೇ ||

ಯಥಾ॑ಹ॒ ತದ್ವ॑ಸವೋ ಗೌ॒ರ್ಯಂ॑ ಚಿತ್ ಪ॒ದಿಷಿ॒ತಾಮಮುಂ॑ಚತಾ ಯಜತ್ರಾಃ |
ಏ॒ವಾ ತ್ವಮ॒ಸ್ಮತ್ ಪ್ರ ಮುಂ॑ಚಾ॒ವ್ಯꣳಹಃ॒ ಪ್ರಾತಾ᳚ರ್ಯಗ್ನೇ ಪ್ರತ॒ರಾನ್ನ॒ ಆಯುಃ॑ ||

|| ಸರ್ಪಾಹುತೀಃ ||

ಸ॒ಮೀಚೀ॒ ನಾಮಾ॑ಸಿ॒ ಪ್ರಾಚೀ॒ದಿಕ್ತಸ್ಯಾ᳚ಸ್ತೇ॒ಽಗ್ನಿರಧಿ॑ಪತಿರಸಿ॒ತೋ ರ॑ಕ್ಷಿ॒ತಾ
ಯಶ್ಚಾದಿ॑ಪತಿ॒ರ್ಯಶ್ಚ॑ ಗೋ॒ಪ್ತಾ ತಾಭ್ಯಾಂ॒ ನಮ॒ಸ್ತೌ ನೋ॑ ಮೃಡಯತಾಂ॒
ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ ವಾಂ॒ ಜಂಭೇ॑ ದಧಾಮಿ |
ಓ॒ಜ॒ಸ್ವಿನೀ॒ ನಾಮಾ॑ಸಿ ದಕ್ಷಿ॒ಣಾ ದಿಕ್ತಸ್ಯಾ᳚ಸ್ತ॒ ಇಂದ್ರೋಽಧಿ॑ಪತಿಃ ಪೃದಾ॑ಕೂ ರ॑ಕ್ಷಿ॒ತಾ
ಯಶ್ಚಾದಿ॑ಪತಿ॒ರ್ಯಶ್ಚ॑ ಗೋ॒ಪ್ತಾ ತಾಭ್ಯಾಂ॒ ನಮ॒ಸ್ತೌ ನೋ॑ ಮೃಡಯತಾಂ॒
ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ ವಾಂ॒ ಜಂಭೇ॑ ದಧಾಮಿ |
ಪ್ರಾಚೀ॒ ನಾಮಾ॑ಸಿ ಪ್ರ॒ತೀಚೀ॒ ದಿಕ್ತಸ್ಯಾ᳚ಸ್ತೇ॒ ಸೋಮೋಽಧಿ॑ಪತಿಃ ಸ್ವ॒ಜೋ ರ॑ಕ್ಷಿ॒ತಾ
ಯಶ್ಚಾದಿ॑ಪತಿ॒ರ್ಯಶ್ಚ॑ ಗೋ॒ಪ್ತಾ ತಾಭ್ಯಾಂ॒ ನಮ॒ಸ್ತೌ ನೋ॑ ಮೃಡಯತಾಂ॒
ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ ವಾಂ॒ ಜಂಭೇ॑ ದಧಾಮಿ |
ಅ॒ವ॒ಸ್ಥಾವಾ॒ ನಾಮಾ॒ಸ್ಯುದೀ॑ಚೀ॒ ದಿಕ್ತಸ್ಯಾ᳚ಸ್ತೇ॒ ವರು॑ಣೋಽಧಿ॑ಪತಿಸ್ತ॒ರಶ್ಚ॑ ರಾಜೀ ರ॑ಕ್ಷಿ॒ತಾ
ಯಶ್ಚಾದಿ॑ಪತಿ॒ರ್ಯಶ್ಚ॑ ಗೋ॒ಪ್ತಾ ತಾಭ್ಯಾಂ॒ ನಮ॒ಸ್ತೌ ನೋ॑ ಮೃಡಯತಾಂ॒
ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ ವಾಂ॒ ಜಂಭೇ॑ ದಧಾಮಿ |
ಅಧಿ॑ಪತ್ನೀ॒ ನಾಮಾ॑ಸಿ ಬೃಹ॒ತೀ ದಿಕ್ತಸ್ಯಾ᳚ಸ್ತೇ॒ ಬೃಹ॒ಸ್ಪತಿ॒ರಧಿ॑ಪತಿಃ ಶ್ವಿ॒ತ್ರೋ ರ॑ಕ್ಷಿ॒ತಾ
ಯಶ್ಚಾದಿ॑ಪತಿ॒ರ್ಯಶ್ಚ॑ ಗೋ॒ಪ್ತಾ ತಾಭ್ಯಾಂ॒ ನಮ॒ಸ್ತೌ ನೋ॑ ಮೃಡಯತಾಂ॒
ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ ವಾಂ॒ ಜಂಭೇ॑ ದಧಾಮಿ |
ವ॒ಶಿನೀ॒ ನಾಮಾ॑ಸೀ॒ಯಂ ದಿಕ್ತಸ್ಯಾ᳚ಸ್ತೇ॒ ಯ॒ಮೋಽಧಿ॑ಪತಿಃ ಕ॒ಲ್ಮಾಷ॑ಗ್ರೀವೋ ರ॑ಕ್ಷಿ॒ತಾ
ಯಶ್ಚಾದಿ॑ಪತಿ॒ರ್ಯಶ್ಚ॑ ಗೋ॒ಪ್ತಾ ತಾಭ್ಯಾಂ॒ ನಮ॒ಸ್ತೌ ನೋ॑ ಮೃಡಯತಾಂ॒
ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ ವಾಂ॒ ಜಂಭೇ॑ ದಧಾಮಿ ||

|| ಗಂಧರ್ವಾಹುತೀಃ ||

ಹೇ॒ತಯೋ॒ ನಾಮ॑ಸ್ಥ॒ ತೇಷಾಂ᳚ ವಃ ಪು॒ರೋ ಗೃ॒ಹಾ ಅ॒ಗ್ನಿರ್ವ॒ ಇಷ॑ವಃ ಸಲಿ॒ಲೋ
ವಾ॑ತನಾ॒ಮಂ ತೇಭ್ಯೋ॑ ವೋ॒ ನಮ॒ಸ್ತೇನೋ॑ ಮೃಡಯತ॒
ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ ವೋ॒ ಜಂಭೇ॑ ದಧಮಿ |
ನಿ॒ಲಿಂ॒ಪಾ ನಾಮ॑ಸ್ಥ॒ ತೇಷಾಂ᳚ ವೋ ದಕ್ಷಿ॒ಣಾ ಗೃ॒ಹಾ ಪಿ॒ತರೋ॑ ವ॒ಇಷ॑ವಃ॒ ಸಗ॑ರೋ
ವಾತನಾ॒ಮಂ ತೇಭ್ಯೋ॑ ವೋ॒ ನಮ॒ಸ್ತೇನೋ॑ ಮೃಡಯತ॒
ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ ವೋ॒ ಜಂಭೇ॑ ದಧಮಿ |
ವ॒ಜ್ರಿಣೋ॒ ನಾಮ॑ಸ್ಥ॒ ತೇಷಾಂ᳚ ವಃ ಪ॒ಶ್ಚಾದ್ಗೃ॒ಹಾ ಸ್ವಪ್ನೋ॑ವ॒ ಇಷ॑ವೋ॒ ಗಹ್ವ॑ರೋ
ವಾತನಾ॒ಮಂ ತೇಭ್ಯೋ॑ ವೋ॒ ನಮ॒ಸ್ತೇನೋ॑ ಮೃಡಯತ॒
ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ ವೋ॒ ಜಂಭೇ॑ ದಧಮಿ |
ಅ॒ವಸ್ಥಾವಾ॑ನೋ॒ ನಾಮ॑ಸ್ಥ॒ ತೇಷಾಂ᳚ ವ ಉತ್ತ॒ರದ್ಗೃ॒ಹಾ ಆಪೋ॑ವ॒ ಇಷವಃ॒ ಸಮು॒ದ್ರೋ
ವಾ॑ತನಾ॒ಮಂ ತೇಭ್ಯೋ॑ ವೋ॒ ನಮ॒ಸ್ತೇನೋ॑ ಮೃಡಯತ॒
ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ ವೋ॒ ಜಂಭೇ॑ ದಧಮಿ |
ಅಧಿ॑ಪತಯೋ॒ ನಾಮ॑ಸ್ಥ॒ ತೇಷಾಂ᳚ ವ ಉ॒ಪರಿ॑ ಗೃ॒ಹಾ ವ॒ರ್ಷಂ ವ॒ ಇಷ॒ವೋಽವ॑ಸ್ವಾನ್
ವಾತನಾ॒ಮಂ ತೇಭ್ಯೋ॑ ವೋ॒ ನಮ॒ಸ್ತೇನೋ॑ ಮೃಡಯತ॒
ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ ವೋ॒ ಜಂಭೇ॑ ದಧಮಿ |
ಕ್ರ॒ವ್ಯಾ ನಾಮ॑ಸ್ಥ॒ ಪಾರ್ಥಿ॑ವಾ॒ತೇಷಾಂ᳚ ವ ಇ॒ಹ ಗೃ॒ಹಾ ಅನ್ನಂ॑ ವ॒ ಇಷ॑ವೋಽನಿಮಿ॒ಷೋ
ವಾ॑ತನಾ॒ಮಂ ತೇಭ್ಯೋ॑ ವೋ॒ ನಮ॒ಸ್ತೇನೋ॑ ಮೃಡಯತ॒
ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ ವೋ॒ ಜಂಭೇ॑ ದಧಮಿ |
|| ಅಜ್ಯಾನಿ ||

ಶ॒ತಾಯು॑ಧಾಯ ಶ॒ತವೀ᳚ರ್ಯಾಯ ಶ॒ತೋತ॑ಯೇಽಭಿಮಾತಿ॒ಷಾಹೇ᳚ |
ಶ॒ತಂ ಯೋ ನಃ॑ ಶ॒ರದೋ॒ ಅಜೀ॑ತಾ॒ನಿಂದ್ರೋ॑ ನೇಷ॒ದತಿ॑ ದುರಿ॒ತಾನಿ॒ ವಿಶ್ವಾ᳚||

ಯೇ ಚ॒ತ್ವಾರಃ॑ ಪ॒ಥಯೋ॑ ದೇವ॒ಯಾನಾ॑ ಅಂತ॒ರಾ ದ್ಯಾವಾ॑ಪೃಥಿ॒ವೀ ವಿ॒ಯಂತಿ॑ |
ತೇಷಾಂ॒ ಯೋ ಅಜ್ಯಾ॑ನಿ॒ ಮಜೀ॑ತಿ ಮಾ॒ಹವಾ॒ತ್ತಸ್ಮೈ॑ ನೋ ದೇ॒ವಾಃ ಪರಿ॑ದತ್ತೇ॑ಹ ಸರ್ವೇ᳚||

ಗ್ರೀ॒ಷ್ಮೋ ಹೇ॑ಮಂ॒ತ ಉ॒ತನೋ॑ ವಸಂ॒ತಃ ಶ॒ರದ್ವ॒ರ್ಷಾಃ ಸು॑ವಿ॒ತನ್ನೋ॑ ಅಸ್ತು |
ತೇಷಾ॑ಮೃತೂ॒ನಾꣳ ಶ॒ತಶಾ॑ರದಾನಾಂ ನಿವಾ॒ತ ಏ॑ಷಾ॒ಮಭ॑ಯೇ ಸ್ಯಾಮ ||

ಇ॒ದು॒ವ॒ತ್ಸ॒ರಾಯ॑ ಪರಿವತ್ಸ॒ರಾಯ॑ ಸಂವತ್ಸ॒ರಾಯ॑ ಕೃಣುತಾ ಬೃ॒ಹನ್ನಮಃ॑ |
ತೇಷಾಂ᳚ ವ॒ಯꣳ ಸು॑ಮ॒ತೌ ಯ॒ಜ್ಞಿಯಾ॑ನಾಂ ಜ್ಯೋಗಜೀ॑ತಾ॒ ಅಹ॑ತಾಃ ಸ್ಯಾಮ ||

ಭ॒ದ್ರಾನ್ನಃ॒ ಶ್ರೇಯಃ॒ ಸಮ॑ನೈಷ್ಟ ದೇವಾ॒ಸ್ತ್ವಯಾ॑ಽವ॒ಸೇನ॒ ಸಮ॑ಶೀಮಹಿ ತ್ವಾ |
ಸ ನೋ॑ ಮಯೋ॒ಭೂಃ ಪಿ॑ತೋ॒ ಆವಿ॑ಶಸ್ವ॒ ಶಂತೋ॒ಕಾಯ॑ ತ॒ನುವೇ᳚ ಸ್ಯೋ॒ ನಃ ||

ಭೂ॒ತಂ ಭವ್ಯಂ॑ ಭವಿ॒ಷ್ಯದ್ವಷ॒ಟ್ಸ್ವಾಹಾ॒ ನಮ॒ ಋಕ್ಸಾಮ॒ಯಜು॒ರ್ವಷ॒ಟ್ಸ್ವಾಹಾ॒ ನಮೋ॑
ಗಾಯ॒ತ್ರೀತ್ರಿ॒ಷ್ಟುಪ್ಜಗ॑ತೀ॒ವಷ॒ಟ್ಸ್ವಾಹಾ॒ ನಮಃ॑ ಪೃಥಿ॒ವ್ಯಂ॑ತರಿ॑ಕ್ಷಂ ದ್ಯೌರ್ವಷ॒ಟ್ಸ್ವಾಹಾ॒
ನಮೋ॒ಽಗ್ನಿರ್ವಾ॒ಯುಃ ಸೂರ್ಯೋ॒ ವಷ॒ಟ್ಸ್ವಾಹಾ॒ ನಮಃ॑ ಪ್ರಾ॒ಣೋ ವ್ಯಾ॒ನೋ॑ಽಪಾ॒ನೋ ವಷ॒ಟ್ಸ್ವಾಹಾ॒
ನಮೋಽನ್ನಂ॑ ಕೃ॒ಷಿರ್ವೃಷ್ಟಿ॒ರ್ವಷ॒ಟ್ಸ್ವಾಹಾ॒ ನಮಃ॑ ಪಿ॒ತಾ ಪು॒ತ್ರಃ ಪೌತ್ರೋ॒ ವಷ॒ಟ್ಸ್ವಾಹಾ॒ ನಮೋ॒
ಭೂರ್ಭುವಃ॒ ಸುವ॒ರ್ವಷ॒ಟ್ಸ್ವಾಹಾ॒ ನಮಃ॑ |

|| ಅಥರ್ವಶಿರಸಂ ||

ಇಂದ್ರೋ॑ದಧೀ॒ಚೋ ಅ॒ಸ್ಥಭಿಃ॑ | ವೃ॒ತ್ರಾಣ್ಯಪ್ರ॑ತಿಷ್ಕುತಃ | ಜ॒ಘಾನ॑ ನವ॒ತೀರ್ನವ॑ |
ಇ॒ಚ್ಛನ್ನಶ್ವ॑ಸ್ಯ॒ ಯಚ್ಛಿರಃ॑ | ಪರ್ವ॑ತೇ॒ಷ್ವಪ॑ಶ್ರಿತಂ | ತದ್ವಿ॑ದಚ್ಛಿರ್ಯ॒ಣಾವ॑ತಿ |
ಅತ್ರಾಹ॒ ಗೋರಮ॑ನ್ವತ | ನಾಮ॒ ತ್ವಷ್ಟು॑ರಪೀ॒ಚ್ಯಂ᳚ | ಇ॒ತ್ಥ ಚಂ॒ದ್ರಮ॑ಸೋ ಗೃ॒ಹೇ |
ಇಂದ್ರ॒ಮಿದ್ಗಾ॒ಥಿನೋ॑ ಬೃ॒ಹತ್ | ಇಂದ್ರ॑ಮ॒ರ್ಕೇಭಿರ॒ರ್ಕಿಣಃ॑ | ಇಂದ್ರಂ॒ ವಾನೀ॑ರನೂಷತ |
ಇಂದ್ರ॒ ಇದ್ಧರ್ಯೋಃ॒ ಸಚಾ᳚ | ಸಂಮಿ॑ಶ್ಲ॒ ಆವ॑ಚೋ ಯುಜಾ᳚ | ಇಂದ್ರೋ॑ ವ॒ಜ್ರೀಹಿ॑ರ॒ಣ್ಯಯಃ॑ |
ಇಂದ್ರೋ॑ ದೀ॒ರ್ಘಾಯ॒ ಚಕ್ಷ॑ಸೇ | ಆಸೂರ್ಯꣳ॑ ರೋಹಯದ್ದಿ॒ವಿ | ವಿಗೋಭಿ॒ರದ್ರಿ॑ಮೈರಯತ್ |
ಇಂದ್ರ॒ ವಾಜೇ॑ಷು ನೋ ಅವ | ಸ॒ಹಸ್ರ॑ಪ್ರಧನೇಷು ಚ | ಉ॒ಗ್ರ ಉ॒ಗ್ರಾಭಿ॑ರೂ॒ತಿಭಿಃ॑ |
ತಮಿಂದ್ರಂ॑ ವಾಜಯಾಮಸಿ | ಮ॒ಹೇ ವೃ॒ತ್ರಾಯ॒ ಹಂತ॑ವೇ | ಸಾ ವೃಷಾ॑ ವೃಷ॒ಭೋಽಭು॑ವತ್ |
ಇಂದ್ರಃ॒ ಸ ದಾಮ॑ನೇ ಕೃ॒ತಃ | ಓಜಿ॑ಷ್ಠಃ॒ ಸಬಲೇ॑ಹಿ॒ತಃ | ದ್ಯುಮ್ನೀ ಶ್ಲೋ॒ಕೀ ಸಸೌ॒ಮ್ಯಃ॑ |
ಗಿ॒ರಾ ವಜ್ರೋ॒ ನ ಸಂಭೃ॑ತಃ | ಸಬ॑ಲೋ॒ ಅನ॑ಪಚ್ಯುತಃ | ವ॒ವ॒ಕ್ಷುರು॒ಗ್ರೋ ಅಸ್ತೃ॑ತಃ |
|| ಪ್ರತ್ಯಂಗಿರಸಂ ||

ಚಕ್ಷು॑ಷೋ ಹೇತೇ॒ ಮನ॑ಸೋ ಹೇತೇ | ವಾಚೋ॑ಹೇತೇ॒ ಬ್ರಹ್ಮ॑ಣೋ ಹೇತೇ |
ಯೋಮಾ॑ಽಘಾ॒ಯುರ॑ಭಿದಾಸ॑ತಿ | ತಮ॑ಗ್ನೇ ಮೇ॒ನ್ಯಾಽಮೇ॒ನಿಂ ಕೃ॑ಣು |
ಯೋ ಮಾ॒ ಚಕ್ಷು॑ಷಾ॒ ಯೋ ಮನ॑ಸ | ಯೋ ವಾ॒ಚಾ ಬ್ರಹ್ಮ॑ಣಾಘಾ॒ಯುರ॑ಭಿ॒ದಾಸ॑ತಿ |
ತಯಾ᳚ಽಗ್ನೇ॒ ತ್ವಂ ಮೇ॒ನ್ಯಾ | ಅ॒ಮುಮ॑ಮೇ॒ನಿಂ ಕೃ॑ಣು |
ಯತ್ಕಿಂಚಾ॒ಸೌ ಮನ॑ಸಾ॒ ಯಚ್ಚ॑ ವಾ॒ಚಾ | ಯ॒ಜ್ಞೈರ್ಜು॒ಹೋತಿ॒ ಯಜು॑ಷ ಹ॒ವಿರ್ಭಿಃ॑ |
ತನ್ಮೃ॒ತ್ಯುರ್ನಿರೃ॑ತ್ಯಾ ಸಂವಿದಾ॒ನಃ | ಪು॒ರಾದಿ॒ಷ್ಟಾದಾಹು॑ತೀರಸ್ಯ ಹಂತು |
ಯಾ॒ತು॒ಧಾನಾ॒ ನಿರೃ॑ತಿ॒ರಾದು॒ ರಕ್ಷಃ॑ | ತೇ ಅ॑ಸ್ಯಘ್ನಂ॒ತ್ವನೃ॑ತೇನ ಸ॒ತ್ಯಂ |
ಇಂದ್ರೇ॑ಷಿತಾ॒ ಆಜ್ಯ॑ಮಸ್ಯ ಮಥ್ನಂತು | ಮಾ ತತ್ಸಮೃ॑ದ್ಧಿ॒ ಯದ॒ಸೌ ಕ॒ರೋತಿ॑ |
ಹನ್ಮಿ॑ ತೇ॒ಽಹಂ ಕೃ॒ತꣳಹ॒ವಿಃ | ಯೋ ಮೇ॑ ಘೋ॒ರಮಚೀ॑ಕೃತಃ |
ಅಪಾಂ᳚ ಚೌತ ಉ॒ಭೌ ಬಾ॒ಹೂ | ಅಪ॑ನಹ್ಯಾಮ್ಯಾ॒ಸ್ಯಂ᳚ |
ಅಪ॑ನಹ್ಯಾಮಿ ತೇ ಬಾ॒ಹೂ | ಅಪ॑ನಹ್ಯಾಮ್ಯಾ॒ಸ್ಯಂ᳚ |
ಅ॒ಗ್ನೇರ್ದೇ॒ವಸ್ಯ॒ ಬ್ರಹ್ಮ॑ಣಾ | ಸರ್ವಂ॑ ತೇಽವಧಿಷಂಕೃ॒ತಂ |
ಪು॒ರಾಽಮುಷ್ಯ॑ ವಷಟ್ಕಾ॒ರಾತ್ | ಯ॒ಜ್ಞಂ ದೇ॒ವೇಷು॑ ನಸ್ಕೃಧಿ |
ಸ್ವಿ॑ಷ್ಟಮ॒ಸ್ಮಾಕಂ॑ ಭ್ಯೂಯಾತ್ | ಮಾಽಸ್ಮಾನ್ ಪ್ರಾಪ॒ನ್ನರಾ॑ತಯಃ |
ಅಂತಿ॑ದೂ॒ರೇ ಸ॒ತೋ ಅ॒ಗ್ನೇ | ಭ್ರಾತೃ॑ವ್ಯಸ್ಯಾಭಿ॒ದಾಸ॑ತಃ |
ವ॒ಷ॒ಟ್ಕಾ॒ರೇಣ॒ ವಜ್ರೇ॑ಣ | ಕೃ॒ತ್ಯಾꣳಹ॑ನ್ಮಿ ಕೃ॒ತಾಮ॒ಹಂ |
ಯೋ ಮಾ॒ ನಕ್ತಂ॒ ದಿವಾ॑ ಸಾ॒ಯಂ | ಪ್ರಾ॒ತಶ್ಚಾಹ್ನೋ॑ ನಿ॒ಪೀಯ॑ತಿ |
ಅ॒ದ್ಯಾತಮಿಂ॑ದ್ರ॒ ವಜ್ರೇ॑ಣ | ಭ್ರಾತೃ॑ವ್ಯಂ ಪಾದಯಾಮಸಿ |
ಪ್ರಾ॒ಣೋ ರ॑ಕ್ಷತಿ॒ ವಿಶ್ವ॒ಮೇಜ॑ತ್ | ಇರ್ಯೋ॑ ಭೂ॒ತ್ವಾ ಬಹು॒ದಾ ಬ॒ಹೂನಿ॑ |
ಸ ಇತ್ಸರ್ವಂ॒ ವ್ಯಾ॑ನಶೇ | ಯೋ ದೇ॒ವೋ ದೇ॒ವೇಷು॑ ವಿ॒ಭೂರಂ॒ತಃ |
ಆವೃ॑ದೂ॒ದಾತ್ ಕ್ಷೇತ್ರಿಯ॑ಧ್ವ॒ಗದ್ವೃಷಾ᳚ | ತಮಿತ್ಪ್ರಾ॒ಣಂ ಮನ॒ಸೋಪ॑ಶಿಕ್ಷತ |
ಅಗ್ರಂ॑ ದೇ॒ವಾನಾ॑ಮಿ॒ದಮ॑ತ್ತು ನೋ ಹ॒ವಿಃ | ಮನ॑ಸ॒ಶ್ಚಿತ್ತೇ॒ದಂ |
ಭೂ॒ತಂ ಭವ್ಯಂ॑ ಚ ಗುಪ್ಯತೇ | ತದ್ಧಿದೇ॒ವೇಷ್ವ॑ಗ್ರಿ॒ಯಂ |
ಆ ನ॑ ಏತುಪುರಶ್ಚ॒ರಂ | ಸ॒ಹ ದೇ॒ವೈರಿ॒ಮꣳ ಹವಂ᳚ |
ಮನಃ॒ ಶ್ರೇಯ॑ಸಿ ಶ್ರೇಯಸಿ | ಕರ್ಮ॑ನ್ಯ॒ಜ್ಞಪ॑ತಿಂ॒ ದಧ॑ತ್ |
ಜು॒ಷತಾಂ᳚ ಮೇ॒ ವಾಗಿ॒ದꣳ ಹ॒ವಿಃ | ವಿ॒ರಾಡ್ ದೇ॒ವೀ ಪು॒ರೋಹಿ॑ತಾ |
ಹ॒ವ್ಯ॒ವಾಡನ॑ಪಾಯಿನೀ | ಯಯಾ॑ ರೂ॒ಪಾಣಿ॑ ಬಹು॒ದಾ ವದಂ॑ತಿ |
ಪೇಶಾꣳ॑ಸಿ ದೇ॒ವಾಃ ಪ॑ರ॒ಮೇ ಜ॒ನಿತ್ರೇ᳚ | ಸಾ ನೋ॑ ವಿ॒ರಾಡನ॑ಪಸ್ಫುರಂತಿ |
ವಾಗ್ದೇ॒ವೀ ಜು॑ಷತಾಮಿ॒ದꣳ ಹ॒ವಿಃ | ಚಕ್ಷು॑ರ್ದೇ॒ವಾನಾಂ॒ ಜ್ಯೋತಿ॑ರ॒ಮೃತೇ॒ ನ್ಯ॑ಕ್ತಂ |
ಅ॒ಸ್ಯ ವಿ॒ಜ್ಞಾನಾ॑ಯ ಬಹು॒ಧಾ ನಿಧೀ॑ಯತೇ | ತಸ್ಯ॑ ಸು॒ಮ್ನಮ॑ಶೀಮಹಿ |
ಮಾ ನೋ॑ ಹಾಸೀದ್ವಿಚಕ್ಷ॒ಣಂ | ಆಯು॒ರಿನ್ನಃ॒ ಪ್ರತೀ᳚ರ್ಯತಾಂ |
ಅನಂ॑ಧಾ॒ಶ್ಚಕ್ಷು॑ಷಾವ॒ಯಂ | ಜೀ॒ವಾ ಜ್ಯೋತಿ॑ರಶೀಮಹಿ |
ಸುವ॒ರ್ಜ್ಯೋತಿ॑ರು॒ತಾಮೃತಂ᳚ | ಶ್ರೋತ್ರೇ॑ಣ ಭ॒ದ್ರಮು॒ತ ಶೃ॑ಣ್ವಂತಿ ಸ॒ತ್ಯಂ |
ಶ್ರೋತ್ರೇ॑ಣ॒ ವಾಚಂ॑ ಬಹು॒ಧೋದ್ಯಮಾ॑ನಾಂ | ಶ್ರೋತ್ರೇ॑ಣ॒ ಮೋದ॑ಶ್ಚ॒ ಮಹ॑ಶ್ಚ ಶ್ರೂಯತೇ |
ಶ್ರೋತ್ರೇ॑ಣ॒ ಸರ್ವಾ॒ ದಿಶ॒ ಆಶೃ॑ಣೋಮಿ | ಯೇನ॒ ಪ್ರಾಚ್ಯಾ॑ ಉ॒ತ ದ॑ಕ್ಷಿ॒ಣಾ |
ಪ್ರ॒ತೀಚ್ಯೈ॑ದಿ॒ಶಃ ಶೃ॒ಣ್ವಂತ್ಯು॑ತ್ತ॒ರಾತ್ | ತದಿಚ್ಛ್ರೋತ್ರಂ॑ ಬಹು॒ಧೋದ್ಯಮಾ॑ನಂ |
ಅ॒ರಾನ್ನನೇ॒ಮಿಃ ಪರಿ॒ಸರ್ವಂ॑ ಬಭೂವ |

ಸಿ॒ꣳ॒ಹೇ ವ್ಯಾ॒ಘ್ರ ಉ॒ತ ಯಾ ಪೃದಾ॑ಕೌ | ತ್ವಿಷಿ॑ರ॒ಗ್ನೌ ಬ್ರಾ᳚ಹ್ಮ॒ಣೇ ಸೂರ್ಯೇ॒ಯಾ |
ಇಂದ್ರಂ ಯಾ ದೇ॒ವೀ ಸು॒ಭಗಾ॑ ಜ॒ಜಾನ॑ | ಸಾ ನ ಆಗ॒ನ್ವರ್ಚ॑ಸಾ ಸಂವಿದಾ॒ನಾ |
ಯಾ ರಾ॑ಜ॒ನ್ಯೇ॑ ದುಂದು॒ಭಾವಾಯ॑ತಾಯಾಂ | ಅಶ್ವ॑ಸ್ಯ॒ ಕ್ರಂದ್ಯೇ॒ಪುರು॑ಷಸ್ಯ ಮಾ॒ಯೌ |
ಇಂದ್ರಂ॒ ಯಾ ದೇ॒ವೀ ಸು॒ಭಗಾ॑ ಜ॒ಜಾನ॑ | ಸಾ ನ ಆಗ॒ನ್ವರ್ಚ॑ಸಾ ಸಂವಿದಾ॒ನಾ |
ಯಾ ಹ॒ಸ್ತಿನಿ ದ್ವೀ॒ಪಿನಿ॒ ಯಾ ಹಿರ॑ಣ್ಯೇ | ತ್ವಿಷಿ॒ರಶ್ವೇ॑ಷು॒ ಪುರು॑ಷೇಷು॒ ಗೋಷು॑ |
ಇಂದ್ರಂ ಯಾ ದೇ॒ವೀ ಸು॒ಭಗಾ॑ ಜ॒ಜಾನ॑ | ಸಾ ನ॒ ಆಗ॒ನ್ವರ್ಚ॑ಸಾ ಸಂವಿದಾ॒ನಾ |
ರಥೇ॑ಅ॒ಕ್ಷೇಷು॑ ವೃಷ॒ಭಸ್ಯ॒ ವಜೇ᳚ | ವಾತೇ॑ ಪ॒ರ್ಜನ್ಯೇ॒ ವರು॑ಣಸ್ಯ॒ ಶುಷ್ಮೇ᳚ |
ಇಂದ್ರಂ॒ ಯಾ ದೇ॒ವೀ ಸು॒ಭಗಾ॑ ಜ॒ಜಾನ॑ | ಸಾ ನ ಆಗ॒ನ್ವರ್ಚ॑ಸಾ ಸಂವಿದಾ॒ನಾ |
ರಾಡ॑ಸಿ ವಿ॒ರಾಡ॑ಸಿ | ಸ॒ಮ್ರಾಡ॑ಸಿ ಸ್ವ॒ರಾಡ॑ಸಿ |
ಇಂದ್ರಾ॑ಯ ತ್ವಾ॒ ತೇಜ॑ಸ್ವತೇ॒ ತೇಜ॑ಸ್ವಂತꣳ ಶ್ರೀಣಾಮಿ |
ಇಂದ್ರಾ॑ಯ॒ ತ್ವೌಜ॑ಸ್ವತ॒ ಓಜ॑ಸ್ವಂತꣳ ಶ್ರೀಣಾಮಿ |
ಇಂದ್ರಾ॑ಯ ತ್ವಾ॒ ಪಯ॑ಸ್ವತೇ॒ ಪಯ॑ಸ್ವಂತꣳ ಶ್ರೀಣಾಮಿ |
ಇಂದ್ರಾ॑ಯ ತ್ವಾಽಽಯು॑ಷ್ಮತ॒ ಆಯು॑ಷ್ಮಂತꣳ ಶ್ರೀಣಾಮಿ |
ತೇಜೋ॑ಽಸಿ | ತತ್ತೇ॒ ಪ್ರಯ॑ಚ್ಛಾಮಿ | ತೇಜ॑ಸ್ವದಸ್ತು ಮೇ॒ ಮುಖಂ᳚ |
ತೇಜ॑ಸ್ವ॒ಚ್ಛಿರೋ॑ ಅಸ್ತು ಮೇ | ತೇಜ॑ಸ್ವಾನ್ ವಿ॒ಶ್ವತಃ॑ ಪ್ರ॒ತ್ಯಙ್ |
ತೇಜ॑ಸಾ॒ ಸಂಪಿ॑ಪೃಗ್ಧಿ ಮಾ |
ಓಜೋ॑ಽಸಿ | ತತ್ತೇ॒ ಪ್ರಯ॑ಚ್ಛಾಮಿ | ಓಜ॑ಸ್ವದಸ್ತು ಮೇ॒ ಮುಖಂ᳚ |
ಓಜ॑ಸ್ವ॒ಚ್ಛಿರೋ॑ ಅಸ್ತು ಮೇ | ಓಜ॑ಸ್ವಾನ್ ವಿ॒ಶ್ವತಃ॑ ಪ್ರ॒ತ್ಯಙ್ |
ಓಜ॑ಸಾ॒ ಸಂಪಿ॑ಪೃಗ್ಧಿ ಮಾ |
ಪಯೋ॑ಽಸಿ | ತತ್ತೇ॒ ಪ್ರಯ॑ಚ್ಛಾಮಿ | ಪಯ॑ಸ್ವದಸ್ತು ಮೇ॒ ಮುಖಂ᳚ |
ಪಯ॑ಸ್ವ॒ಚ್ಛಿರೋ॑ ಅಸ್ತು ಮೇ | ಪಯ॑ಸ್ವಾನ್ ವಿ॒ಶ್ವತಃ॑ ಪ್ರ॒ತ್ಯಙ್ |
ಪಯ॑ಸಾ॒ ಸಂಪಿ॑ಪೃಗ್ಧಿ ಮಾ |
ಆಯು॑ರಸಿ | ತತ್ತೇ॒ ಪ್ರಯ॑ಚ್ಛಾಮಿ | ಆಯು॑ಷ್ಮದಸ್ತು ಮೇ॒ ಮುಖಂ᳚ |
ಆಯು॑ಷ್ಮ॒ಚ್ಛಿರೋ॑ ಅಸ್ತು ಮೇ | ಆಯು॑ಷ್ಮಾನ್ ವಿ॒ಶ್ವತಃ॑ ಪ್ರ॒ತ್ಯಙ್ |
ಆಯು॑ಷಾ॒ ಸಂಪಿ॑ಪೃಗ್ಧಿ ಮಾ |
ಇ॒ಮಮ॑ಗ್ನ॒ ಆಯು॑ಷೇ॒ ವರ್ಚ॑ಸೇ ಕೃಧಿ | ಪ್ರಿ॒ಯꣳರೇತೋ॑ ವರುಣ ಸೋಮ ರಾಜನ್ |
ಮಾ॒ತೇವಾ᳚ಸ್ಮಾ ಅದಿತೇ॒ ಶರ್ಮ॑ ಯಚ್ಛ | ವಿಶ್ವೇ॑ದೇವಾ॒ ಜರ॑ದಷ್ಟಿ॒ರ್ಯಥಾಽಸ॑ತ್ |
ಆಯು॑ರಸಿ ವಿ॒ಶ್ವಾಯು॑ರಸಿ | ಸ॒ರ್ವಾಯು॑ರಸಿ॒ ಸರ್ವ॒ಮಾಯು॑ರಸಿ |
ಯತೋ॒ ವಾತೋ॒ ಮನೋ॑ಜವಾಃ | ಯತಃ॒ ಕ್ಷರಂ॑ತಿ॒ ಸಿಂಧ॑ವಃ |
ತಾಸಾಂ᳚ತ್ವಾ॒ ಸರ್ವಾ॑ಸಾꣳ ರು॒ಚಾ | ಅ॒ಭಿಷಿಂ॑ಚಾಮಿ॒ ವರ್ಚ॑ಸಾ |
ಸ॒ಮು॒ದ್ರ ಇ॑ವಾಸಿ ಗ॒ಹ್ಮನಾ᳚ | ಸೋಮ॑ ಇವಾ॒ಸ್ಯದಾ᳚ಭ್ಯಃ |
ಅ॒ಗ್ನಿರಿ॑ವ ವಿ॒ಶ್ವತಃ॑ ಪ್ರ॒ತ್ಯಙ್ | ಸೂರ್ಯ॑ ಇವ॒ ಜ್ಯೋತಿ॑ಷಾ ವಿ॒ಭೂಃ |
ಅ॒ಪಾಂ ಯೋ ದ್ರವ॑ಣೇ॒ ರಸಃ॑ | ತಮ॒ಹಮ॒ಸ್ಮಾ ಆ॑ಮುಷ್ಯಾಯ॒ಣಾಯ॑ |
ತೇಜ॑ಸೇ ಬ್ರಹ್ಮವರ್ಚ॒ಸಾಯ॑ ಗೃಹ್ಣಾಮಿ |
ಅ॒ಪಾಂ ಯೋ ಊ॒ರ್ಮೌ ರಸಃ॑ | ತಮ॒ಹಮ॒ಸ್ಮಾ ಆ॑ಮುಷ್ಯಾಯ॒ಣಾಯ॑ |
ಓಜ॑ಸೇ ವೀ॒ರ್ಯಾ॑ಯ ಗೃಹ್ಣಾಮಿ |
ಅ॒ಪಾಂ ಯೋ ಮ॑ಧ್ಯ॒ತೋ ರಸಃ॑ | ತಮ॒ಹಮ॒ಸ್ಮಾ ಆ॑ಮುಷ್ಯಾಯ॒ಣಾಯ॑ |
ಪುಷ್ಟೈ᳚ ಪ್ರ॒ಜನ॑ನಾಯ ಗೃಹ್ಣಾಮಿ |
ಅ॒ಪಾಂ ಯೋ ಯ॒ಜ್ಞಿಯೋ॒ ರಸಃ॑ | ತಮ॒ಹಮ॒ಸ್ಮಾ ಆ॑ಮುಷ್ಯಾಯ॒ಣಾಯ॑ |
ಆಯು॑ಷೇ ದೀರ್ಘಾಯು॒ತ್ವಾಯ॑ ಗೃಹ್ಣಾಮಿ |
ಅ॒ಹಮ॑ಸ್ಮಿ ಪ್ರಥಮ॒ಜಾ ಋ॒ತಸ್ಯ॑ | ಪೂರ್ವಂ॑ ದೇ॒ವೇಭ್ಯೋ॑ ಅ॒ಮೃತ॑ಸ್ಯ॒ ನಾಭಿಃ॑ |
ಯೋ ಮಾ॒ ದದಾ॑ತಿ॒ ಸ ಇದೇ॒ವ ಮಾ ವಾಃ᳚ | ಅ॒ಹಮನ್ನ॒ಮನ್ನ॑ಮ॒ದಂತ॑ಮದ್ಮಿ |
ಪೂರ್ವ॑ಮ॒ಗ್ನೇರಪಿ॑ ದಹ॒ತ್ಯನ್ನಂ᳚ | ಯ॒ತ್ತೋ ಹಾ॑ಸಾತೇ ಅಹಮುತ್ತ॒ರೇಷು॑ |
ವ್ಯಾತ್ತ॑ಮಸ್ಯ ಪ॒ಶವ॑ಸ್ಸು॒ಜಂಭಂ᳚ | ಪಶ್ಯಂ॑ತಿ॒ ಧೀರಾ॒ ಪ್ರಚ॑ರಂತಿ॒ ಪಾಕಾಃ᳚ |
ಜಹಾ᳚ಮ್ಯ॒ನ್ಯನ್ನಜ॑ಹಾಮ್ಯ॒ನ್ಯಂ | ಅ॒ಹಮನ್ನಂ॒ ವಶ॒ಮಿಚ್ಚ॑ರಾಮಿ |
ಸ॒ಮಾ॒ನಮರ್ಥಂ॒ ಪರ್ಯೇ॑ಮಿ ಭುಂ॒ಜತ್ | ಕೋ ಮಾಮನ್ನಂ॑ ಮನು॒ಷ್ಯೋ॑ ದಯೇತ |
ಪರಾ॑ಕೇ॒ ಅನ್ನಂ॒ ನಿಹಿ॑ತಂ ಲೋ॒ಕ ಏ॒ತತ್ | ವಿಶ್ವೈ᳚ರ್ದೇ॒ವೈಃ ಪಿ॒ತೃಭಿ॑ರ್ಗು॒ಪ್ತಮನ್ನಂ᳚ |
ಯದ॒ದ್ಯತೇ॑ ಲು॒ಪ್ಯತೇ॒ ಯತ್ಪ॑ರೋ॒ಪ್ಯತೇ᳚ | ಶ॒ತ॒ತ॒ಮೀ ಸಾ ತ॒ನೂರ್ಮೇ॑ ಬಭೂವ |
ಮ॒ಹಾಂತೌ॑ ಚ॒ರೂ ಸ॑ಕೃದ್ದು॒ಗ್ಧೇನ॑ ಪಪ್ರೌ | ದಿವಂ॑ಚ ಪೃಶ್ಞಿ ಪೃಥಿ॒ವೀಂ ಚ॑ ಸಾ॒ಕಂ |
ತತ್ಸಂ॒ಪಿಬಂ॑ತೋ॒ ನ ಮಿ॑ನಂತಿ ವೇ॒ಧಸಃ॑ | ನೈತದ್ಭೂ॒ಯೋ ಭವ॑ತಿ॒ ನೋ ಕನೀ॑ಯಃ |
ಅನ್ನಂ॑ ಪ್ರಾ॒ಣಮನ್ನ॑ಮಪಾ॒ನಮಾ॑ಹುಃ | ಅನ್ನಂ॑ ಮೃ॒ತ್ಯುಂ ತಮು॑ ಜೀ॒ವಾತು॑ಮಾಹುಃ |
ಅನ್ನಂ॑ ಬ್ರ॒ಹ್ಮಾಣೋ॑ ಜ॒ರಸಂ॑ ವದಂತಿ | ಅನ್ನ॑ಮಾಹುಃ ಪ್ರ॒ಜನ॑ನಂ ಪ್ರ॒ಜಾನಾಂ᳚ |
ಮೋಘ॒ಮನ್ನಂ॑ ವಿಂದತೇ॒ ಅಪ್ರ॑ಚೇತಾಃ | ಸ॒ತ್ಯಂ ಬ್ರ॑ವೀಮಿ ವ॒ಧ ಇತ್ಸ ತಸ್ಯ॑ |
ನಾರ್ಯ॒ಮಣಂ॒ ಪುಷ್ಯ॑ತಿ॒ ನೋ ಸಖಾ॑ಯಂ | ಕೇವ॑ಲಾಘೋ ಭವತಿ ಕೇವ॒ಲಾದಿ |
ಅ॒ಹಂ ಮೇ॒ಘಸ್ತ॒ನಯ॒ನ್ವರ್ಷ॑ನ್ನಸ್ಮಿ | ಮಾಮ॑ದಂತ್ಯ॒ಹಮ॑ದ್ಯ॒ನ್ಯಾನ್ |
ಅ॒ಹꣳಸದ॒ಮೃತೋ॑ ಭವಾಮಿ | ಮದಾ॑ದಿ॒ತ್ಯಾ ಅಧಿ॒ ಸರ್ವೇ॑ ತಪಂತಿ |
ದೇ॒ವೀಂ ವಾಚ॑ಮಜನಯಂತ ದೇ॒ವಾಃ | ತಾಂ ವಿ॒ಶ್ವರೂ॑ಪಾಃ ಪ॒ಶವೋ॑ ವದಂತಿ |
ಸಾ ನೋ॑ ಮಂ॒ದ್ರೇಷ॒ಮೂರ್ಜಂ॒ ದುಹಾ॑ನಾ | ಧೇ॒ನುರ್ವಾಗ॒ಸ್ಮಾನುಪ॒ಸುಷ್ಟು॒ತೈತು॑ |
ಯದ್ವಾಗ್ವದಂ॑ತ್ಯವಿಚೇತ॒ನಾನಿ॑ | ರಾಷ್ತ್ರೀ॑ ದೇ॒ವಾನಾ᳚ನ್ನಿಷ॒ಸಾದ॑ಮಂ॒ದ್ರಾ |
ಚತ॑ಸ್ರ॒ ಊರ್ಜಂ॑ದುದುಹೇ॒ ಪಯಾꣳ॑ಸಿ|ಕ್ವ॑ಸ್ವಿದಸ್ಯಾಃ ಪರ॒ಮಂ ಜ॑ಗಾಮ |
ಅ॒ನಂ॒ತಾಮಂತಾ॒ದಧಿ॒ ನಿರ್ಮಿ॑ತಾಂ ಮ॒ಹೀಂ | ಯಸ್ಯಾಂ᳚ ದೇ॒ವಾ ಅ॒ದಧು॒ರ್ಭೋಜ॑ನಾನಿ |
ಏಕಾ᳚ಕ್ಷರಮಾಂ ದ್ವಿ॒ಪದಾ॒ꣳ॒ಷತ್ಪ॑ದಾಂಚ | ವಾಚಂ॑ ದೇ॒ವಾ ಉಪ॑ಜೀವಂತಿ॒ ವಿಶ್ವೇ᳚ |
ವಾಚಂ॑ ದೇ॒ವಾ ಉಪ॑ಜೀವಂತಿ॒ ವಿಶ್ವೇ᳚ | ವಾಚಂ॑ ಗಂಧ॒ರ್ವಾಃ ಪ॒ಶವೋ॑ ಮನು॒ಷ್ಯಾಃ᳚ |
ವಾ॒ಚೀಮಾವಿಶ್ವಾ॒ ಭುವ॑ನಾ॒ನ್ಯರ್ಪಿ॑ತಾ | ಸಾ ನೋ॒ ಹವಂ ಜುಷತಾ॒ಮಿಂದ್ರ॑ಪತ್ನೀ |
ವಾಗ॒ಕ್ಷರಂ॑ ಪ್ರಥಮ॒ಜಾ ಋ॒ತಸ್ಯ॑ | ವೇದಾ॑ನಾಂ ಮಾ॒ತಾಽಮೃತ॑ಸ್ಯ॒ ನಾಭಿಃ॑ |
ಸಾನೋ॑ ಜುಷಾ॒ಣೋಪ॑ ಯ॒ಜ್ಞಮಾಗಾ᳚ತ್ | ಅವಂ॑ತೀ ದೇ॒ವೀ ಸು॒ಹವಾ॑ಮೇ ಅಸ್ತು |
ಯಾಮೃಷ॑ಯೋ ಮಂತ್ರ॒ಕೃತೋ॑ ಮನೀ॒ಷಿಣಃ॑ | ಅ॒ನ್ವೈಚ್ಛಂ॑ದೇ॒ವಾಸ್ತಪ॑ಸಾ॒ ಶ್ರಮೇ॑ಣ |
ತಾಂ ದೇ॒ವೀಂ ವಾಚꣳ॑ಹ॒ವಿಷಾ॑ ಯಜಾಮಹೇ | ಸಾ ನೋ॑ ದಧಾತು ಸುಕೃ॒ತಸ್ಯ॑ ಲೋ॒ಕೇ |
ಚ॒ತ್ವಾರಿ॒ ವಾಕ್ಪರಿ॑ಮಿತಾ ಪ॒ದಾನಿ॑ | ತಾನಿ॑ ವಿದುರ್ಬ್ರಾಹ್ಮ॒ಣಾ ಯೇ ಮ॑ನೀ॒ಷಿಣಃ॑ |
ಗುಹಾ॒ ತ್ರೀಣಿ॒ ನಿಹಿ॑ತಾ॒ ನೇಂಗ॑ಯಂತಿ | ತು॒ರೀಯಂ॑ ವಾ॒ಚೋ ಮ॑ನು॒ಷ್ಯಾ॑ ವದಂತಿ |
ಶ್ರ॒ದ್ಧಯಾ॒ಗ್ನಿಃ ಸಮಿ॑ಧ್ಯತೇ | ಶ್ರ॒ದ್ಧಯಾ॑ ವಿಂದತೇ ಹ॒ವಿಃ |
ಶ್ರ॒ದ್ಧಾಂ ಭಗ॑ಸ್ಯ ಮೂ॒ರ್ಧನಿ॑|ವಚ॒ಯಾ ವೇ॑ದಯಾಮಸಿ |
ಪ್ರಿ॒ಯꣳಶ್ರ॑ದ್ಧೇ॒ ದದ॑ತಃ | ಪ್ರಿ॒ಯꣳಶ್ರ॑ದ್ಧೇ॒ ದಿದಾ॑ಸತಃ |
ಪ್ರಿ॒ಯಂ ಭೋ॒ಜೇಷು॒ ಯಜ್ವ॑ಸು | ಇ॒ದಂ ಮ॑ ಉದಿ॒ತಂ ಕೃ॑ಧಿ |
ಯಥಾ॑ ದೇ॒ವಾ ಅಸು॑ರೇಷು | ಶ್ರ॒ದ್ಧಾಮು॒ಗ್ರೇಷು॑ ಚಕ್ರಿ॒ರೇ |
ಏ॒ವಂ ಭೋ॒ಜೇಷು॒ ಯಜ್ವ॑ಸು | ಅ॒ಸ್ಮಾಕ॑ಮುದಿ॒ತಂ ಕೃ॑ಧಿ |
ಶ್ರ॒ದ್ಧಂ ದೇ॑ವಾ॒ ಯಜ॑ಮಾನಾಃ | ವಾ॒ಯುಗೋ॑ಪಾ॒ ಉಪಾ॑ಸತೇ |
ಶ್ರ॒ದ್ಧಾꣳ ಹೃ॑ದ॒ಯ್ಯ॑ಯಾಽಽಕೂ᳚ತ್ಯಾ | ಶ್ರ॒ದ್ಧಯಾ॑ ಹೂಯತೇ ಹ॒ವಿಃ |
ಶ್ರ॒ದ್ಧಾಂ ಪ್ರಾ॒ತರ್ಹವಾ॑ಮಹೇ | ಶ್ರ॒ದ್ಧಾಂ ಮ॒ಧ್ಯಂದಿ॑ನಂ॒ ಪರಿ॑ |
ಶ್ರ॒ದ್ಧಾꣳ ಸೂರ್ಯ॑ಸ್ಯ ನಿ॒ಮ್ರುಚಿ॑ | ಶ್ರದ್ಧೇ॒ ಶ್ರದ್ಧಾ॑ಪಯೇ॒ಹ ಮಾ᳚ |
ಶ್ರ॒ದ್ಧಾ ದೇ॒ವಾನಧಿ॑ವಸ್ತೇ | ಶ್ರ॒ದ್ಧ ವಿಶ್ವ॑ಮಿ॒ದಂ ಜಗ॑ತ್ |
ಶ್ರ॒ದ್ಧಾಂ ಕಾಮ॑ಸ್ಯ ಮಾ॒ತರಂ᳚ | ಹ॒ವಿಷ॑ ವರ್ಧಯಾಮಸಿ |
ಬ್ರಹ್ಮ॑ಜಜ್ಞಾ॒ನಂ ಪ್ರ॑ಥ॒ಮಂ ಪು॒ರಸ್ತಾ᳚ತ್ | ವಿಸೀಮ॒ತಸ್ಸು॒ರುಚೋ॑ ವೇ॒ನ ಆ॑ವಃ |
ಸ ಬು॒ಧ್ನಿಯಾ॑ ಉಪ॒ಮಾ ಅ॑ಸ್ಯ ವಿ॒ಷ್ಠಾಃ | ಸ॒ತಶ್ಚ॒ ಯೋನಿ॒ಮಸ॑ತಶ್ಚ॒ ವಿವಃ॑ |
ಪಿ॒ತಾ ವಿ॒ರಾಜಾ॑ಮೃಷ॒ಭೋ ರ॑ಯೀ॒ಣಾಂ | ಅಂತರಿ॑ಕ್ಷಂ ವಿ॒ಶ್ವರೂಪ॒ ಆವಿ॑ವೇಶ |
ತಮ॒ರ್ಕೈರ॒ಭ್ಯ॑ರ್ಚಂತಿ ವ॒ತ್ಸಂ | ಬ್ರಹ್ಮ॒ ಸಂತಂ॒ ಬ್ರಹ್ಮ॑ಣಾ ವ॒ರ್ಧಯಂ॑ತಃ |
ಬ್ರಹ್ಮ॑ ದೇ॒ವಾನ॑ಜನಯತ್ | ಬ್ರಹ್ಮ॒ ವಿಶ್ವ॑ಮಿ॒ದಂ ಜಗ॑ತ್ |
ಬ್ರಹ್ಮ॑ಣಃ ಕ್ಷ॒ತ್ರನ್ನಿರ್ಮಿ॑ತಂ | ಬ್ರಹ್ಮ॑ ಬ್ರಾಹ್ಮ॒ಣ ಆ॒ತ್ಮನಾ᳚ |
ಅಂ॒ತರ॑ಸ್ಮಿನ್ನೇ॒ಮೇ ಲೋ॒ಕಾಃ | ಅಂ॒ತರ್ವಿಶ್ವ॑ಮಿ॒ದಂ ಜಗ॑ತ್ |
ಬ್ರಹ್ಮೈ॒ವ ಭೂ॒ತಾನಾಂ॒ ಜ್ಯೇಷ್ಠಂ᳚ | ತೇನ॒ ಕೋ॑ಽರ್ಹತಿ॒ ಸ್ಪರ್ಧಿ॑ತುಂ |
ಬ್ರಹ್ಮಂ॑ದೇ॒ವಾಸ್ತ್ರಯ॑ಸ್ತ್ರಿꣳಶತ್ | ಬ್ರಹ್ಮ॑ನ್ನಿಂದ್ರಪ್ರಜಾಪ॒ತೀ |
ಬ್ರಹ್ಮ॑ನ್ ಹ॒ ವಿಶ್ವಾ॑ ಭೂ॒ತಾನಿ॑ | ನಾ॒ವೀವಾಂ॒ತಃ ಸ॒ಮಾಹಿ॑ತಾ |
ಚತ॑ಸ್ರ॒ ಆಶಾಃ॒ ಪ್ರಚ॑ರಂತ್ವ॒ಗ್ನಯಃ॑ | ಇ॒ಮಂ ನೋ॑ ಯ॒ಜ್ಞಂ ನ॑ಯತು ಪ್ರಜಾ॒ನನ್ |
ಘೃ॒ತಂ ಪಿನ್ವ॑ನ್ನ॒ಜರꣳ॑ ಸು॒ವೀರಂ᳚ | ಬ್ರಹ್ಮ॑ಸ॒ಮಿದ್ಭ॑ವ॒ತ್ಯಾಹು॑ತೀನಾಂ |
ಆಗಾವೋ॑ ಅಗ್ಮನ್ನು॒ತ ಭ॒ದ್ರಮ॑ಕ್ರನ್ | ಸೀ॑ದಂತು ಗೋ॒ಷ್ಠೇರ॒ಣಯಂ॑ತ್ವ॒ಸ್ಮೇ |
ಪ್ರ॒ಜಾವ॑ತೀಃ ಪುರು॒ರೂಪಾ॑ ಇ॒ಹ ಸ್ಯುಃ | ಇಂದ್ರಾ॑ಯ ಪೂ॒ರ್ವೀರು॒ಷಸೋ॒ ದುಹಾ॑ನಾಃ |
ಇಂದ್ರೋ॒ ಯಜ್ವ॑ನೇ ಪೃಣ॒ತೇ ಚ॑ಶಿಕ್ಷತಿ | ಉಪದ್ದ॑ದಾತಿ॒ ನ ಸ್ವಂ ಮು॑ಷಾಯತಿ |
ಭೂಯೋ॑ ಭೂಯೋ॑ ರ॒ಯಿಮಿದ॑ಸ್ಯ ವ॒ರ್ಧಯನ್ | ಅಭಿ॑ನ್ನೇ ಖಿ॒ಲ್ಲೇ ನಿದ॒ಧಾತಿ ದೇವ॒ಯುಂ |
ನ ತಾ ನ॑ಶಂತಿ॒ ನ ದ॑ಭಾತಿ॒ ತಸ್ಕ॑ರಃ | ನೈನಾ॑ ಅಮಿ॒ತ್ರೋ ವ್ಯಥಿ॒ರದ॑ಧರ್ಷತಿ |
ದೇ॒ವಾꣳಶ್ಚ॒ ಯಾಭಿ॒ರ್ಯಜ॑ತೇ॒ ದದಾ॑ತಿ ಚ | ಜ್ಯೋಗಿತ್ತಾಭಿ॑ಸ್ಸಚತೇ॒ ಗೋಪ॑ತಿಃ ಸ॒ಹ |
ನ ತಾ ಅರ್ವಾ॑ ರೇ॒ಣುಕ॑ ಕಾತೋ ಅಶ್ನುತೇ | ನ ಸ॑ꣳಸ್ಕೃತ॒ತ್ರಪುಪ॑ಯಂತಿ॒ ತಾ ಅ॒ಭಿ |
ಉ॒ರು॒ಗಾ॒ಯಮಭ॑ಯಂ॒ತಸ್ಯ॒ ತಾ ಅನು॑ | ಗಾವೋ॒ ಮರ್ತ್ಯ॑ಸ್ಯ॒ ವಿಚಿ॑ರಂತಿ॒ ಯಜ್ವ॑ನಃ |
ಗಾವೋ॒ ಭಗೋ॒ ಗಾವ॒ ಇಂದ್ರೋ॑ ಮೇ ಅಚ್ಛಾತ್ | ಗಾವಃ॒ ಸೋಮ॑ಸ್ಯ ಪ್ರಥ॒ಮಸ್ಯ॑ ಭ॒ಕ್ಷಃ |
ಇ॒ಮಾ ಯಾಗಾವ॒ಸ್ಸಜ॑ನಾ ಸ॒ ಇಂದ್ರಃ॑ | ಇ॒ಚ್ಛಾಮೀದ್ಧೃ॒ದಾ ಮನ॑ಸಾ ಚಿ॒ದಿಂದ್ರಂ᳚ |
ಯೂ॒ಯಂ ಗಾ॑ವೋ ಮೇದಯಥಾ ಕೃ॒ಶಂಚಿ॑ತ್ | ಅ॒ಶ್ಲೀ॒ಲಂ ಚಿ॑ತ್ಕೃಣುಥಾ ಸು॒ಪ್ರತೀ॑ಕಂ |
ಭ॒ದ್ರಂ ಗೃ॒ಹಂ ಕೃ॑ಣುಥ ಭದ್ರವಾಚಃ | ಬೃ॒ಹದ್ವೋ॒ ವಯ॑ ಉಚ್ಯತೇ ಸ॒ಭಾಸು॑ |
ಪ್ರ॒ಜಾವ॑ತೀಃ ಸೂ॒ಯವ॑ಸꣳರಿ॒ಶಂತೀಃ᳚ | ಶು॒ದ್ಧಾ ಅ॒ಪಸ್ಸು॑ ಪ್ರಪಾ॒ಣೇ ಪಿಬಂ॑ತೀಃ |
ಮಾವ॑ಸ್ತೇ॒ನ ಇ॑ಶತ॒ ಮಾಘಶꣳ॑ಸಃ | ಪರಿ॑ವೋಹೇ॒ತೀ ರು॒ದ್ರಸ್ಯ॑ ವೃಂಜ್ಯಾತ್ |
ಉಪೇ॒ದಮು॑ಪ॒ಪರ್ಚ॑ನಂ | ಆ॒ಸು ಗೋಷೂಪ॑ ಪೃಚ್ಯತಾಂ |
ಉಪ॑ಷ॒ಭಸ್ಯ॒ ರೇತ॑ಸಿ | ಉಪೇಂ᳚ದ್ರ॒ ತವ॑ ವೀ॒ರ್ಯೇ᳚ |
ತಾ ಸೂ᳚ರ್ಯಾಚಂದ್ರ॒ಮಸಾ॑ ವಿಶ್ವ॒ಭೃತ್ತ॑ಮಾಮ॒ಹತ್ |
ತೇಜೋ॒ ವಸು॑ ಮದ್ರಾಜತೋ ದಿ॒ವಿ | ಸಾಮಾ᳚ತ್ಮಾನಾಚರತಸ್ಸಾಮ ಚಾ॒ರಿಣಾ᳚ |
ಯಯೋ᳚ರ್ವ್ರ॒ತನ್ನಮ॒ಮೇ ಜಾತು॑ದೇ॒ವಯೋಃ᳚ | ಉ॒ಭಾವಂತೌ॒ ಪರಿ॑ಯಾತ॒ ಅರ್ಮ್ಯಾ᳚ |
ದಿ॒ವೋ ನರ॒ಶ್ಮೀꣳಸ್ತ॑ನು॒ತೋವ್ಯ॑ರ್ಣ॒ವೇ | ಉ॒ಭಾ ಭು॑ವಂ॒ತೀಭುವ॑ನಾ ಕ॒ವಿಕ್ರ॑ತೂ |
ಸೂರ್ಯಾ॒ ನ ಚಂ॒ದ್ರಾ ಚ॑ರತೋ ಹ॒ತಾಮ॑ತೀ | ಪತೀ᳚ದ್ಯು॒ಮದ್ವಿ॑ಶ್ವ॒ವಿದಾ॑ ಉ॒ಭಾ ದಿ॒ವಃ |
ಸೂರ್ಯಾ॑ ಉ॒ಭಾ ಚಂ॒ದ್ರಮ॑ಸಾ ವಿಚಕ್ಷ॒ಣಾ | ವಿ॒ಶ್ವವಾ॑ರಾ ವರಿವೋ॒ ಭಾವರೇ᳚ಣ್ಯಾ |
ತಾ ನೋ॑ಽವತಂ ಮತಿ॒ಮಂತಾ॒ ಮಹಿ॑ವ್ರತಾ | ವಿ॒ಶ್ವ॒ ವಪ॑ರೇ ಪ್ರ॒ತರ॑ಣಾ ತರಂ॒ತಾ |
ಸು॒ವ॒ರ್ವಿದಾ॑ ದೃಶಯೇ॒ ಭೂರಿ॑ ರಶ್ಮೀ | ಸೂರ್ಯಾ॒ ಹಿ ಚಂ॒ದ್ರಾ ವಸು॑ತ್ವೇ॒ಷ ದ॑ರ್ಶ॒ತಾ |
ಮ॒ನ॒ಸ್ವಿನೋ॒ ಭಾಽನು॑ಚರ॒ತೋನು॒ಸಂದಿವಂ᳚ | ಅ॒ಸ್ಯ ಶ್ರವೋ॑ ನ॒ದ್ಯಃ॑ ಸ॒ಪ್ತ ಬಿ॑ಭ್ರತಿ |
ದ್ಯಾವಾ॒ಕ್ಷಾಮಾ॑ ಪೃಥಿ॒ವೀ ದ॑ರ್ಶ॒ತಂ ವಪುಃ॑ | ಅ॒ಸ್ಮೇ ಸೂ᳚ರ್ಯಾಂ ಚಂದ್ರ॒ಮಸಾ॑ಽಭಿ॒ಚಕ್ಷೇ᳚ |
ಶ್ರ॒ದ್ಧೇಕಮಿಂ॑ದ್ರ ಚರತೋ ವಿಚರ್ತು॒ರಂ | ಪು॒ರ್ವಾ॒ಪ॒ರಂಚ॑ರತೋಮಾ॒ಯಯೈ॒ತೌ |
ಶಿಶೂ॒ ಕ್ರೀಡಂ॑ತೌ॒ ಪರಿ॑ಯಾತೋ ಅಧ್ವ॒ರಂ | ವಿಶ್ವಾ॑ನ್ಯ॒ನ್ಯೋ ಭುವ॑ನಾಽಭಿ॒ಚಷ್ಟೇ᳚ |
ಋ॒ತೂನ॒ನ್ಯೋ ವಿ॒ದಧ॑ಜ್ಜಾಯತೇ॒ ಪುನಃ॑ |

ಹಿರ॑ಣ್ಯವರ್ಣಾಃ॒ ಶುಚ॑ಯಃ ಪಾವ॒ಕಾ ಯಾಸು॑ ಜಾ॒ತಃ ಕ॒ಶ್ಯಪೋ॒ ಯಾಸ್ವಿಂದ್ರಃ॑ |
ಅ॒ಗ್ನಿಂ ಯಾ ಗರ್ಭಂ॑ ದಧಿ॒ರೇ ವಿರೂ॑ಪಾ॒ಸ್ತಾನ॒ ಆಪ॒ಶ್ಶꣳ ಸ್ಯೋ॒ನಾ ಭ॑ವಂತು ||

ಯಾಸಾ॒ꣳ॒ ರಾಜಾ॒ ವರು॑ಣೋ॒ ಯಾತಿ॒ ಮಧ್ಯೇ॑ ಸತ್ಯಾನೃ॒ತೇ ಅ॑ವ॒ಪಶ್ಯಂ॒ ಜನಾ॑ನಾಂ |
ಮ॒ಧು॒ಶ್ಚುತ॒ಶ್ಶುಚ॑ಯೋ॒ ಯಾಃ ಪಾ॑ವ॒ಕಾಸ್ತಾ ನ॒ ಆಪ॒ಶ್ಶꣳ ಸ್ಯೋ॒ನಾ ಭ॑ವಂತು ||

ಯಾಸಾಂ᳚ ದೇ॒ವಾ ದಿ॒ವಿ ಕೃ॒ಣ್ವಂತಿ॑ ಭ॒ಕ್ಷಂ ಯಾ ಅಂ॒ತರಿ॑ಕ್ಷೇ ಬಹು॒ಧಾ ಭವಂ॑ತಿ |
ಯಾಃ ಪೃ॑ಥಿ॒ವೀಂ ಪಯ॑ಸೋಂ॒ದಂತಿ ಶು॒ಕ್ರಾಸ್ತಾ ನ॒ ಆಪ॒ಶ್ಶꣳ ಸ್ಯೋ॒ನಾ ಭ॑ವಂತು ||

ಶಿ॒ವೇನ॑ ಮಾ॒ ಚಕ್ಷು॑ಷಾ ಪಶ್ಯತಾಪಶ್ಶಿ॒ವಯಾ॑ ತ॒ನುವೋಪ॑ ಸ್ಪೃಶತ॒ ತ್ವಚಂ॑ ಮೇ |
ಸರ್ವಾꣳ॑ ಅ॒ಗ್ನೀꣳ ರ॑ಪ್ಸು॒ಷದೋ॑ ಹುವೇ ವೋ॒ ಮಯಿ॒ ವರ್ಚೋ॒ ಬಲ॒ಮೋಜೋ॒ ನಿಧ॑ತ್ತ ||

ಆಪೋ॑ಭ॒ದ್ರಾ ಗೃ॒ತಮಿದಾಪ॑ ಆಸುರ॒ಗ್ನೀಷೋಮೌ॑ ಬಿಭ್ರಾ॒ತ್ಯಾಪ॒ ಇತ್ತಾಃ |
ತೀ॒ವ್ರೋ ರಸೋ॑ ಮಧು॒ಪೃಚಾ॑ಮರಂಗ॒ಮ ಆ ಮಾ᳚ ಪ್ರಾ॒ಣೇನ॑ ಸ॒ಹ ವರ್ಚ॑ ಸಾಗನ್ ||

ಆದಿತ್ಪ॑ಶ್ಯಾಮ್ಯು॒ತ ವಾ॑ ಶೃಣೋ॒ಮ್ಯಾಮಾ॒ ಘೋಷೋ॑ ಗಚ್ಛತಿ॒ ವಾಙ್ ನ॑ ಆಸಾಂ |
ಮನ್ಯೇ॑ಭೇಜಾ॒ನೋ ಅ॒ಮೃತ॑ಸ್ಯ॒ ತರ್ಹಿ॒ ಹಿರ॑ಣ್ಯವರ್ಣಾ॒ ಅತೃಪಂ ಯ॒ದಾವಃ॑ ||

ನಾಸ॑ದಾಸೀ॒ನ್ನೋ ಸದಾ॑ಸೀತ್ತ॒ದಾನೀಂ᳚ | ನಾಸೀ॒ದ್ರಜೋ॒ ನೋ ವ್ಯೋ॑ಮಾ ಪ॒ರೋ ಯತ್ |
ಕಿಮಾವ॑ರಿವಃ॒ ಕುಹ॒ ಕಸ್ಯ॒ ಶರ್ಮನ್॑ | ಅಂಭಃ॒ ಕಿಮಾ॑ಸೀ॒ದ್ಗಹ॑ನಂ ಗಭೀ॒ರಂ |
ನ ಮೃ॒ತ್ಯುರ॒ಮೃತಂ॒ ತರ್ಹಿ॒ ನ | ರಾತ್ರಿ॑ಯಾ॒ ಅಹ್ನ॑ ಆಸೀತ್ ಪ್ರಕೇ॒ತಃ |
ಆನೀ॑ದವಾ॒ತꣳ ಸ್ವ॒ಧಯಾ॒ ತದೇಕಂ᳚ | ತಸ್ಮಾ॑ದ್ಧಾ॒ನ್ಯಂ ನ ಪ॒ರಃ ಕಿಂಚ॒ನಾಸ॑ |
ತಮ॑ ಆಸೀ॒ತ್ತಮ॑ಸಾ ಗೂ॒ಢಮಗ್ರೇ᳚ ಪ್ರಕೇ॒ತಂ | ಸ॒ಲಿ॒ಲꣳ ಸರ್ವ॑ ಮಾ ಇ॒ದಂ |
ತು॒ಚ್ಛೇನಾ॒ಭ್ವಪಿ ಹಿತಂ॒ ಯದಾಸೀ᳚ತ್ | ತಮ॑ಸ॒ಸ್ತ॑ನ್ಮಹಿ॒ನಾ ಜಾ॑ಯ॒ತೈಕಂ᳚ |
ಕಾಮ॒ಸ್ತದಗ್ರೇ॒ ಸಮ॑ವರ್ತ॒ತಾಧಿ॑ | ಮನ॑ಸೋ॒ ರೇತಃ॑ ಪ್ರಥ॒ಮಂ ಯದಾಸೀ᳚ತ್ |
ಸ॒ ತೋ ಬಂಧು॒ಮಸ॑ತಿ॒ ನಿರ॑ವಿಂದನ್ | ಹೃ॒ದಿಪ್ರ॒ತೀಷ್ಯಾ॑ ಕ॒ವಯೋ॑ ಮನೀ॒ಷಾ |
ತಿ॒ರ॒ಶ್ಚೀನೋ॒ ವಿತ॑ತೋ ರ॒ಶ್ಮಿರೇ॑ಷಾಂ | ಅ॒ಧಸ್ವಿ॑ದಾ॒ಸೀ 3 ದು॒ಪರಿ॑ಸ್ವಿದಾಸೀ 3 ತ್ |
ರೇ॒ತೋ॒ಧಾ ಆ॑ಸನ್ಮಹಿ॒ಮಾ ನ ಆಸನ್ | ಸ್ವ॒ಧಾ ಅ॒ವಸ್ತಾ॒ತ್ ಪ್ರಯ॑ತಿಃ ಪ॒ರಸ್ತಾ᳚ತ್ |
ಕೋ ಅ॒ದ್ಧಾ ವೇ॑ದ॒ ಕ ಇ॒ಹ ಪ್ರವೋ॑ಚತ್ | ಕುತ॒ ಆ ಜಾ॑ತಾ॒ ಕುತ॒ ಇ॒ಯಂ ವಿಸೃ॑ಷ್ಟಿಃ |
ಅ॒ರ್ವಾಗ್ದೇ॒ವಾ ಅ॒ಸ್ಯ ವಿ॒ಸರ್ಜ॑ನಾಯ | ಅಥಾ॒ ಕೋ ವೇ॑ದ॒ಯತ॑ ಆ ಬ॒ಭೂವ॑ |
ಇ॒ಯಂ ವಿಸೃ॑ಷ್ಟಿ॒ರ್ಯತ॑ ಆಬ॒ಭೂವ॑ | ಯದಿ॑ ವಾ ದ॒ಧೇ ಯದಿ॑ ವಾ॒ ನ |
ಯೋ ಅ॒ಸ್ಯಾಧ್ಯ॑ಕ್ಷಃ ಪರ॒ಮೇ ವ್ಯೋ॑ಮನ್ | ಸೋ ಅಂ॒ಗ ವೇ॑ದ॒ ಯದಿ॑ ವಾ॒ ನ ವೇದ॑ |
ಕಿꣳಸ್ವಿ॒ದ್ವನಂ॒ ಕ ಉ॒ ಸ ವೃ॒ಕ್ಷ ಆ॑ಸೀತ್ | ಯತೋ॒ ದ್ಯಾವಾ॑ಪೃಥಿ॒ವೀ ನಿ॑ಷ್ಟತ॒ಕ್ಷುಃ |
ಮನೀ॑ಷಿಣೋ॒ ಮನ॑ಸಾಪೃ॒ಚ್ಛತೇ ದುತತ್ | ಯದ॒ಧ್ಯತಿ॑ಷ್ಟದ್ಭುವ॑ನಾನಿ ಧಾ॒ರಯನ್॑ |
ಬ್ರಹ್ಮ॒ ವನಂ॒ ಬ್ರಹ್ಮ॒ ಸವೃ॒ಕ್ಷ ಆ॑ಸೀತ್ | ಯತ್ತೋ॒ ದ್ಯಾವಾ॑ಪೃಥಿ॒ವೀ ನಿ॑ಷ್ಟತ॒ಕ್ಷುಃ |
ಮನೀ॑ಷಿಣೋ॒ ಮನ॑ಸಾ॒ ವಿಬ್ರ॑ವೀಮಿ ವಃ | ಬ್ರಹ್ಮಾ॒ಧ್ಯತಿಷ್ಟ॒ದ್ಭುವನಾನಿ ಧಾ॒ರಯನ್॑ |
ಪ್ರಾ॒ತರ॒ಗ್ನಿಂ ಪ್ರಾ॒ತರಿಂದ್ರꣳ॑ ಹವಾಮಹೇ | ಪ್ರಾ॒ತರ್ಮಿ॒ತ್ರಾವರು॑ಣಾ ಪ್ರಾ॒ತರ॒ಶ್ವಿನಾ᳚ |
ಪ್ರಾ॒ತರ್ಭಗಂ॑ ಪೂ॒ಷಣಂ॒ ಬ್ರಹ್ಮ॑ಣ॒ಸ್ಪತಿಂ᳚ | ಪ್ರಾ॒ತಃ ಸೋಮ॑ಮು॒ತ ರು॒ದ್ರꣳ ಹು॑ವೇಮ |
ಪ್ರಾ॒ತ॒ರ್ಜಿತಂ॒ ಭಗ॑ಮು॒ಗ್ರꣳ ಹು॑ವೇಮ | ವ॒ಯಂ ಪು॒ತ್ರಮದಿ॑ತೇ॒ರ್ಯೋ ವಿ॑ಧ॒ರ್ತಾ |
ಆ॒ಘ್ರಶ್ಚಿ॒ದ್ಯಂ ಮನ್ಯ॑ಮಾನಸ್ತು॒ರಶ್ಚಿ॑ತ್ | ರಾಜಾ॑ಚಿ॒ದ್ಯಂ ಭಗಂ॑ ಭ॒ಕ್ಷೀತ್ಯಾಹ॑ |
ಭಗ॒ ಪ್ರಣೇ॑ತ॒ರ್ಭಗ॒ ಸತ್ಯ॑ರಾಧಃ | ಭಗೇ॒ಮಾಂ ಧಿಯ॒ಮುದ॑ವ॒ದದ॑ನ್ನಃ |
ಭಗ॒ ಪ್ರಣೋ॑ ಜನಯ॒ ಗೋಭಿ॒ರಶ್ವೈಃ᳚ | ಭಗ॒ ಪ್ರನೃಭಿ॑ರ್ನೃ॒ವಂತಃ॑ ಸ್ಯಾಮ |
ಉ॒ತೇದಾನೀಂ॒ ಭಗ॑ವಂತಃ ಸ್ಯಾಮ | ಉ॒ತ ಪ್ರಪಿ॒ತ್ವ ಉ॒ತ ಮಧ್ಯ॒ ಅಹ್ನಾಂ᳚ |
ಉ॒ತೋದಿ॑ತಾ ಮಘವಂ॒ತ್ಸೂರ್ಯ॑ಸ್ಯ | ವ॒ಯಂ ದೇ॒ವಾನಾꣳ॑ ಸುಮ॒ತೌ ಸ್ಯಾ॑ಮ |
ಭಗ॑ ಏ॒ವ ಭಗ॑ವಾꣳ ಅಸ್ತು ದೇವಾಃ | ತೇನ॑ ವ॒ಯಂ ಭಗ॑ವಂತಃ ಸ್ಯಾಮ |
ತಂತ್ವಾ॑ ಭಗ॒ ಸರ್ವ॒ ಇಜ್ಜೋ॑ಹವೀಮಿ | ಸನೋ ಭಗ ಪುರ ಏ॒ತಾ ಭ॑ವೇ॒ಹ |
ಸಮ॑ಧ್ವ॒ರಾಯೋ॒ಷಸೋ॑ನಮಂತ | ದ॒ಧಿ॒ಕ್ರಾವೇ॑ವ॒ ಶುಚ॑ಯೇ ಪ॒ದಾಯ॑ |
ಅ॒ರ್ವಾ॒ಚೀ॒ನಂ ವ॑ಸು॒ವಿದಂ॒ ಭಗ॑ನ್ನಃ | ರಥ॑ಮಿ॒ವಾಶ್ವಾ॑ ವಾ॒ಜಿನ॒ ಆವ॑ಹಂತು |
ಅಶ್ವಾ॑ವತೀ॒ರ್ಗೋಮ॑ತೀರ್ನ ಉ॒ಷಾಸಃ॑ | ವೀ॒ರವ॑ತೀಃ॒ ಸದ॑ಮುಚ್ಛಂತು ಭ॒ದ್ರಾಃ |
ಘೃ॒ತಂ ದುಹಾ॑ನಾ ವಿ॒ಶ್ವತಃ॒ ಪ್ರಪೀ॑ನಾಃ | ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ |

ಅ॒ಗ್ನಿರ್ನಃ॑ ಪಾತು॒ ಕೃತ್ತಿ॑ಕಾಃ | ನಕ್ಷ॑ತ್ರಂ ದೇ॒ವಮಿಂ॑ದ್ರಿ॒ಯಂ |
ಇ॒ದಮಾ॑ಸಾಂ ವಿಚಕ್ಷ॒ಣಂ | ಹ॒ವಿರಾ॒ಸಂ ಜು॑ಹೋತನ |
ಯಸ್ಯ॒ ಭಾಂತಿ॑ ರ॒ಶ್ಮಯೋ॒ ಯಸ್ಯ॑ ಕೇ॒ತವಃ॑ | ಯಸ್ಯೇ॒ಮಾ ವಿಶ್ವಾ॒ ಭುವ॑ನಾನಿ॒ ಸರ್ವಾ᳚ |
ಸ ಕೃತ್ತಿ॑ಕಾಭಿರ॒ಭಿಸಂ॒ವಸಾ॑ನಃ | ಅ॒ಗ್ನಿರ್ನೋ॑ ದೇ॒ವಸ್ಸು॑ವಿ॒ತೇ ದ॑ಧಾತು ||

ಪ್ರ॒ಜಾಪ॑ತೇ ರೋಹಿ॒ಣೀವೇ॑ತು॒ ಪತ್ನೀ᳚ | ವಿ॒ಶ್ವರೂ॑ಪಾ ಬೃಹ॒ತೀ ಚಿ॒ತ್ರಭಾ॑ನುಃ |
ಸಾ ನೋ॑ ಯ॒ಜ್ಞಸ್ಯ॑ ಸುವಿ॒ತೇ ದ॑ಧಾತು | ಯಥಾ॒ ಜೀವೇ॑ಮ ಶ॒ರದ॒ಸ್ಸವೀರಾಃ॑ |
ರೋ॒ಹಿ॒ಣೀ ದೇ॒ವ್ಯುದ॑ಗಾತ್ಪು॒ರಸ್ತಾ᳚ತ್ | ವಿಶ್ವಾ॑ ರೂ॒ಪಣಿ॑ ಪ್ರತಿ॒ಮೋದ॑ಮಾನಾ |
ಪ್ರ॒ಜಾಪ॑ತಿꣳ ಹ॒ವಿಷಾ॑ ವ॒ರ್ಧಯಂ॑ತೀ | ಪ್ರಿ॒ಯಾ ದೇ॒ವಾನಾ॒ಮುಪ॑ಯಾತು ಯ॒ಜ್ಞಂ ||

ಸೋಮೋ॒ ರಾಜಾ॑ ಮೃಗಶೀ॒ರ್॒ಷೇಣ॒ ಆಗನ್ನ್॑ | ಶಿ॒ವಂ ನಕ್ಷ॑ತ್ರಂ ಪ್ರಿ॒ಯಮ॑ಸ್ಯ॒ ಧಾಮ॑ |
ಆ॒ಪ್ಯಾಯ॑ಮಾನೋ ಬಹು॒ಧಾ ಜನೇ॑ಷು | ರೇತಃ॑ ಪ್ರ॒ಜಾಂ ಯಜ॑ಮಾನೇ ದಧಾತು |
ಯತ್ತೇ॒ ನಕ್ಷ॑ತ್ರಂ ಮೃಗಶೀ॒ರ್॒ಷಮಸ್ತಿ॑ | ಪ್ರಿ॒ಯꣳ ರಾ॑ಜನ್ ಪ್ರಿ॒ಯತ॑ಮಂ ಪ್ರಿ॒ಯಾಣಾಂ᳚ |
ತಸ್ಮೈ॑ ತೇ ಸೋಮ ಹ॒ವಿಷಾ॑ ವಿಧೇಮ | ಶನ್ನ॑ ಏಧಿ ದ್ವಿ॒ಪದೇ॒ ಶಂ ಚತು॑ಷ್ಪದೇ ||

ಆ॒ರ್ದ್ರಯಾ॑ ರು॒ದ್ರಃ ಪ್ರಥ॑ಮಾ ನ ಏತಿ | ಶ್ರೇಷ್ಠೋ॑ ದೇ॒ವಾನಾಂ॒ ಪತಿ॑ರಘ್ನಿ॒ಯಾನಾಂ᳚ |
ನಕ್ಷ॑ತ್ರಮಸ್ಯ ಹ॒ವಿಷಾ॑ ವಿಧೇಮ | ಮಾ ನಃ॑ ಪ್ರ॒ಜಾꣳ ರೀ॑ರಿಷ॒ನ್ಮೋತ ವೀ॒ರಾನ್ |
ಹೇ॒ತಿ ರು॒ದ್ರಸ್ಯ॒ ಪರಿ॑ಣೋ ವೃಣಕ್ತು | ಆ॒ರ್ದ್ರಾ ನಕ್ಷ॑ತ್ರಂ ಜುಷತಾꣳ ಹ॒ವಿರ್ನಃ॑ |
ಪ್ರ॒ಮುಂ॒ಚಮಾ॑ನೌ ದುರಿ॒ತಾನಿ॒ ವಿಶ್ವಾ᳚ | ಅಪಾ॒ಘಶꣳಸನ್ನುದತಾ॒ಮರಾ॑ತಿಂ |||

ಪುನ॑ರ್ನೋ ದೇ॒ವ್ಯದಿ॑ತಿಸ್ಪೃಣೋತು | ಪುನ॒ರ್ವಸೂನಃ॒ ಪುನ॒ರೇತಾಂ᳚ ಯ॒ಜ್ಞಂ |
ಪುನ॑ರ್ನೋ ದೇ॒ವಾ ಅ॒ಭಿಯಂ॑ತು॒ ಸರ್ವೇ᳚ | ಪುನಃ॑ ಪುನರ್ವೋ ಹ॒ವಿಷಾ॑ ಯಜಾಮಃ |
ಏ॒ವಾ ನ ದೇ॒ವ್ಯದಿ॑ತಿರನ॒ರ್ವಾ | ವಿಶ್ವ॑ಸ್ಯ ಭ॒ರ್ತ್ರೀ ಜಗ॑ತಃ ಪ್ರತಿ॒ಷ್ಠಾ |
ಪುನ॑ರ್ವಸೂ ಹ॒ವಿಷಾ॑ ವ॒ರ್ಧಯಂ॑ತೀ | ಪ್ರಿ॒ಯಂ ದೇ॒ವಾನಾ॒ಮಪ್ಯೇ॑ತು॒ ಪಾಥಃ॑ ||

ಬೃಹ॒ಸ್ಪತಿಃ॑ ಪ್ರಥ॒ಮಂ ಜಾಯ॑ಮಾನಃ | ತಿ॒ಷ್ಯಂ॑ ನಕ್ಷ॑ತ್ರಮ॒ಭಿ ಸಂಬ॑ಭೂವ |
ಶ್ರೇಷ್ಠೋ॑ ದೇ॒ವಾನಾಂ॒ ಪೃತ॑ನಾಸುಜಿ॒ಷ್ಣುಃ | ದಿ॒ಶೋಽನು॒ ಸರ್ವಾ॒ ಅಭ॑ಯನ್ನೋ ಅಸ್ತು |
ತಿ॒ಷ್ಯಃ॑ ಪು॒ರಸ್ತಾ॑ದು॒ತ ಮ॑ಧ್ಯ॒ತೋ ನಃ॑ | ಬೃಹ॒ಸ್ಪತಿ॑ರ್ನಃ॒ ಪರಿ॑ಪಾತು ಪ॒ಶ್ಚಾತ್ |
ಬಾಧೇ॑ತಾಂ॒ದ್ವೇಷೋ॒ ಅಭ॑ಯಂ ಕೃಣುತಾಂ | ಸು॒ವೀರ್ಯ॑ಸ್ಯ॒ ಪತ॑ಯಸ್ಯಾಮ ||

ಇ॒ದꣳ ಸ॒ರ್ಪೇಭ್ಯೋ॑ ಹ॒ವಿರ॑ಸ್ತು॒ ಜುಷ್ಟಂ᳚ | ಆ॒ಶ್ರೇ॒ಷಾ ಯೇಷಾ॑ಮನು॒ಯಂತಿ॒ ಚೇತಃ॑ |
ಯೇ ಅಂ॒ತರಿ॑ಕ್ಷಂ ಪೃಥಿ॒ವೀಂ ಕ್ಷಿ॒ಯಂತಿ॑ | ತೇ ನ॑ಸ್ಸ॒ರ್ಪಾಸೋ॒ ಹವ॒ಮಾಗ॑ಮಿಷ್ಠಾಃ |
ಯೇ ರೋ॑ಚ॒ನೇ ಸೂರ್ಯ॒ಸ್ಯಾಪಿ॑ ಸ॒ರ್ಪಾಃ | ಯೇ ದಿವಂ॑ ದೇ॒ವೀಮನು॑ಸಂ॒ಚರಂ॑ತಿ |
ಯೇಷಾ॑ಮಶ್ರೇ॒ಷಾ ಅ॑ನು॒ಯಂತಿ॒ ಕಾಮಂ᳚ | ತೇಭ್ಯ॑ಸ್ಸ॒ರ್ಪೇಭ್ಯೋ॒ ಮಧು॑ಮಜ್ಜುಹೋಮಿ ||

ಉಪ॑ಹೂತಾಃ ಪಿ॒ತರೋ॒ ಯೇ ಮ॒ಘಾಸು॑ | ಮನೋ॑ಜವಸಸ್ಸು॒ಕೃತ॑ಸ್ಸುಕೃ॒ತ್ಯಾಃ |
ತೇ ನೋ॒ ನಕ್ಷ॑ತ್ರೇ॒ ಹವ॒ಮಾಗ॑ಮಿಷ್ಠಾಃ | ಸ್ವ॒ಧಾಬಿ॑ರ್ಯ॒ಜ್ಞಂ ಪ್ರಯ॑ತಂ ಜುಷಂತಾಂ |
ಯೇ ಅ॑ಗ್ನಿದ॒ಗ್ಧಾ ಯೇಽನ॑ಗ್ನಿದಗ್ಧಾಃ | ಯೇ॑ಽಮುಲ್ಲೋ॒ಕಂ ಪಿ॒ತರಃ॑ ಕ್ಷಿ॒ಯಂತಿ॑ |
ಯಾꣳಶ್ಚ॑ ವಿ॒ದ್ಮಯಾꣳ ಉ॑ ಚ॒ ನ ಪ್ರ॑ವಿ॒ದ್ಮ | ಮ॒ಘಾಸು॑ ಯ॒ಜ್ಞꣳ ಸುಕೃ॑ತಂ ಜುಷಂತಾಂ ||

ಗವಾಂ॒ ಪತಿಃ॒ ಫಲ್ಗು॑ನೀನಾಮಸಿ॒ ತ್ವಂ | ತದ॑ರ್ಯಮನ್ ವರುಣಮಿತ್ರ॒ ಚಾರು॑ |
ತಂ ತ್ವಾ॑ ವ॒ಯꣳ ಸ॑ನಿ॒ತಾರꣳ॑ ಸನೀ॒ನಾಂ | ಜೀ॒ವಾ ಜೀವಂ॑ತ॒ಮುಪ॒ ಸಂವಿ॑ಶೇಮ |
ಯೇನೇ॒ಮಾ ವಿಶ್ವಾ॒ ಭುವ॑ನಾನಿ॒ ಸಂಜಿ॑ತಾ | ಯಸ್ಯ॑ ದೇ॒ವಾ ಅ॑ನುಸಂ॒ಯಂತಿ॒ ಚೇತಃ॑ |
ಅ॒ರ್ಯ॒ಮಾ ರಾಜಾ॒ಽಜರ॑ಸ್ತು ವಿ॑ಷ್ಮಾನ್ | ಫಲ್ಗು॑ನೀನಾಮೃಷ॒ಭೋ ರೋ॑ರವೀತಿ ||

ಶ್ರೇಷ್ಠೋ॑ ದೇ॒ವಾನಾಂ᳚ ಭಗವೋ ಭಗಾಸಿ | ತತ್ತ್ವಾ॑ ವಿಧುಃ॒ ಫಲ್ಗು॑ನೀ॒ಸ್ತಸ್ಯ॒ ವಿತ್ತಾತ್ |
ಅ॒ಸ್ಮಭ್ಯಂ॑ ಕ್ಷ॒ತ್ರಮ॒ಜರꣳ॑ ಸು॒ವೀರ್ಯಂ᳚ | ಗೋಮ॒ದಶ್ವ॑ವ॒ದುಪ॒ಸನ್ನು॑ದೇ॒ಹ |
ಭಗೋ॑ಹ ದಾ॒ತಾ ಭಗ ಇತ್ಪ್ರ॑ದಾ॒ತಾ | ಭಗೋ॑ ದೇ॒ವೀಃ ಫಲ್ಗು॑ನೀ॒ರಾವಿ॑ವೇಶ |
ಭಗ॒ಸ್ಯೇತ್ತಂ ಪ್ರ॑ಸ॒ವಂ ಗ॑ಮೇಮ | ಯತ್ರ॑ ದೇ॒ವೈಸ್ಸ॑ಧ॒ಮಾದಂ॑ ಮದೇಮ |||

ಆಯಾ॒ತು ದೇ॒ವಸ್ಸ॑ವಿ॒ತೋಪ॑ಯಾತು | ಹಿ॒ರ॒ಣ್ಯಯೇ॑ನ ಸು॒ವೃತಾ॒ ರಥೇ॒ನ |
ವಹ॒ನ್॒ ಹಸ್ತꣳ॑ ಸುಭꣳ॑ ವಿದ್ಮ॒ನಾಪ॑ಸಂ | ಪ್ರಯಚ್ಛಂ॑ತಂ॒ ಪಪು॑ರಿಂ॒ ಪುಣ್ಯ॒ಮಚ್ಛ॑ |
ಹಸ್ತಃ॒ ಪ್ರಯ॑ಚ್ಛ ತ್ವ॒ಮೃತಂ॒ ವಸೀ॑ಯಃ | ದಕ್ಷಿ॑ಣೇನ॒ ಪ್ರತಿ॑ಗೃಭ್ಣೀಮ ಏನತ್ |
ದಾ॒ತಾರ॑ಮ॒ದ್ಯ ಸ॑ವಿ॑ತಾ ವಿ॑ದೇಯ | ಯೋ ನೋ॒ ಹಸ್ತಾ॑ಯ ಪ್ರಸು॒ವಾತಿ॑ ಯ॒ಜ್ಞಂ ||

ತ್ವಷ್ಟಾ॒ ನಕ್ಷ॑ತ್ರಮ॒ಭ್ಯೇ॑ತಿ ಚಿ॒ತ್ರಾಂ | ಸು॒ಭꣳ ಸ॑ಸಂಯುವ॒ತಿꣳ ರೋಚ॑ಮಾನಾಂ |
ನಿ॒ವೇ॒ಶಯ॑ನ್ನ॒ಮೃತಾ॒ನ್ಮರ್ತ್ಯಾꣳ॑ಶ್ಚ | ರೂ॒ಪಾಣಿ॑ ಪಿ॒ꣳ॒ಶನ್ ಭುವ॑ನಾನಿ॒ ವಿಶ್ವಾ᳚ |
ತನ್ನ॒ಸ್ತ್ವಷ್ಟಾ॒ ತದು॑ ಚಿ॒ತ್ರಾ ವಿಚ॑ಷ್ಟಾಂ | ತನ್ನಕ್ಷ॑ತ್ರಂ ಭೂರಿ॒ದಾ ಅ॑ಸ್ತು॒ ಮಹ್ಯಂ᳚ |
ತನ್ನಃ॑ ಪ್ರ॒ಜಾಂ ವೀ॒ರವ॑ತೀꣳ ಸನೋತು | ಗೋಭಿ॑ರ್ನೋ॒ ಅಶ್ವೈ॒ಸ್ಸಮ॑ನಕ್ತು ಯಜ್ಞಂ ||

ವಾ॒ಯುರ್ನಕ್ಷ॑ತ್ರಮ॒ಭ್ಯೇ॑ತಿ॒ ನಿಷ್ಟ್ಯಾಂ᳚ | ತಿ॒ಗ್ಮಶೃಂ॑ಗೋ ವೃಷ॒ಭೋ ರೋರು॑ವಾಣಃ |
ಸ॒ಮೀ॒ರಯ॒ನ್ ಭುವ॑ನಾ ಮಾತ॒ರಿಶ್ವಾ᳚ | ಅಪ॒ ದ್ವೇಷಾꣳ॑ಸಿ ನುದತಾ॒ಮರಾ॑ತೀಃ |
ತನ್ನೋ॑ ವಾ॒ಯಸ್ತದು॒ ನಿಷ್ಟ್ಯಾ॑ ಶೃಣೋತು | ತನ್ನಕ್ಷ॑ತ್ರಂ ಭೂರಿ॒ದಾ ಅ॑ಸ್ತು॒ ಮಹ್ಯಂ᳚ |
ತನ್ನೋ॑ ದೇ॒ವಾಸೋ॒ ಅನು॑ಜಾನಂತು॒ ಕಾಮಂ᳚ | ಯಥಾ॒ ತರೇ॑ಮ ದುರಿ॒ತಾನಿ॒ ವಿಶ್ವಾ᳚ ||

ದೂ॒ರಮ॒ಸ್ಮಚ್ಛತ್ರ॑ವೋ ಯಂತು ಭೀ॒ತಾಃ | ತದಿಂ॑ದ್ರಾ॒ಗ್ನೀ ಕೃ॑ಣುತಾಂ॒ ತದ್ವಿಶಾ॑ಖೇ |
ತನ್ನೋ᳚ ದೇ॒ವಾ ಅನು॑ಮದಂತು ಯ॒ಜ್ಞಂ | ಪ॒ಶ್ಚಾತ್ ಪು॒ರಸ್ತಾ॒ದಭ॑ಯನ್ನೋ ಅಸ್ತು |
ನಕ್ಷ॑ತ್ರಾಣಾ॒ಮಧಿ॑ಪತ್ನೀ॒ ವಿಶಾ॑ಖೇ | ಶ್ರೇಷ್ಠಾ॑ವಿಂದ್ರಾ॒ಗ್ನೀ ಭುವ॑ನಸ್ಯ ಗೋ॒ಪೌ |
ವಿಷೂ॑ಚ॒ಶ್ಶತ್ರೂ॑ನಪ॒ಬಾಧ॑ಮಾನೌ | ಅಪ॒ಕ್ಷುಧ॑ನ್ನುದತಾ॒ಮರಾ॑ತಿಂ |||

ಪೂ॒ರ್ಣಾ ಪ॒ಶ್ಚಾದು॒ತ ಪೂ॒ರ್ಣಾ ಪು॒ರಸ್ತಾ᳚ತ್ | ಉನ್ಮ॑ಧ್ಯ॒ತಃ ಪೌ᳚ರ್ಣಮಾ॒ಸೀ ಜಿ॑ಗಾಯ |
ತಸ್ಯಾಂ᳚ ದೇ॒ವಾ ಅಧಿ॑ಸಂ॒ವಸಂ॑ತಃ | ಉ॒ತ್ತ॒ಮೇ ನಾಕ॑ ಇ॒ಹ ಮಾ॑ದಯಂತಾಂ |
ಪೃ॒ಥ್ವೀ ಸು॒ವರ್ಚಾ॑ ಯುವ॒ತಿಃ ಸ॒ಜೋಷಾಃ᳚ | ಪೌ॒ರ್ಣ॒ಮಾ॒ಸ್ಯುದ॑ಗಾ॒ಚ್ಛೋಭ॑ಮಾನಾ |
ಆ॒ಪ್ಯಾ॒ಯಯಂ॑ತೀ ದುರಿ॒ತಾನಿ॒ ವಿಶ್ವಾ᳚ | ಉ॒ರುಂ ದುಹಾಂ॒ ಯಜ॑ಮಾನಾಯ ಯ॒ಜ್ಞಂ |
ಋ॒ದ್ಧ್ಯಾಸ್ಮ॑ ಹ॒ವ್ಯೈರ್ನ॑ಮಸೋ॒ಪಸದ್ಯ॑ | ಮಿ॒ತ್ರಂ ದೇ॒ವಂ ಮಿ॑ತ್ರ॒ಧೇಯಂ॑ ನೋ ಅಸ್ತು |
ಅ॒ನೂ॒ರಾ॒ಧಾನ್ ಹ॒ವಿಷಾ॑ ವ॒ರ್ಧಯಂ॑ತಃ | ಶ॒ತಂ ಜೀ॑ವೇಮ॒ ಶ॒ರದಃ॒ ಸವೀ॑ರಾಃ |
ಚಿ॒ತ್ರಂ ನಕ್ಷ॑ತ್ರ॒ಮುದ॑ಗಾತ್ಪು॒ರಸ್ತಾ᳚ತ್ | ಅ॒ನೂ॒ರಾ॒ಧಾ ಸ॒ ಇತಿ॒ ಯದ್ವದಂ॑ತಿ |
ತನ್ಮಿ॒ತ್ರ ಏ॑ತಿ ಪ॒ಥಿಭಿ॑ರ್ದೇವ॒ಯಾನೈಃ᳚ | ಹಿ॒ರ॒ಣ್ಯಯೈ॒ರ್ವಿತ॑ತೈರಂ॒ತರಿ॑ಕ್ಷೇ ||

ಇಂದ್ರೋ᳚ ಜ್ಯೇ॒ಷ್ಠಾಮನು॒ ನಕ್ಷ॑ತ್ರಮೇತಿ | ಯಸ್ಮಿ॑ನ್ ವೃ॒ತ್ರಂ ವೃ॑ತ್ರ॒ ತೂರ್ಯೋ॑ ತ॒ತಾರ॑ |
ತಸ್ಮಿ॑ನ್ವ॒ಯಮ॒ಮೃತಂ॒ ದುಹಾ॑ನಾಃ | ಕ್ಷುಧಂ॑ತರೇಮ॒ ದುರಿ॑ತಿಂ॒ ದುರಿ॑ಷ್ಟಿಂ |
ಪು॒ರಂ॒ದ॒ರಾಯ॑ ವೃಷ॒ಭಾಯ॑ ಧೃ॒ಷ್ಣವೇ᳚ | ಅಷಾ᳚ಢಾಯ॒ ಸಹ॑ಮಾನಾಯ ಮೀ॒ಢುಷೇ᳚ |
ಇಂದ್ರಾ॑ಯ ಜ್ಯೇ॒ಷ್ಠಾ ಮಧು॑ಮ॒ದ್ದುಹಾ॑ನಾ|ಉ॒ರುಂ ಕೃ॑ಣೋತು॒ ಯಜ॑ಮಾನಾಯ ಲೋ॒ಕಂ |||

ಮೂಲಂ॑ ಪ್ರ॒ಜಾಂ ವೀ॒ರವ॑ತೀಂ ವಿದೇಯ | ಪರಾ᳚ಚ್ಯೇತು॒ ನಿರೃ॑ತಿಃ ಪರಾ॒ಚಾ |
ಗೋಭಿ॒ರ್ನಕ್ಷ॑ತ್ರಂ ಪ॒ಶುಭಿ॒ಸ್ಸಮ॑ಕ್ತಂ | ಅಹ॑ರ್ಭೂಯಾ॒ದ್ಯಜ॑ಮಾನಾಯ॒ ಮಹ್ಯಂ᳚ |
ಅಹ॑ರ್ನೋ ಅ॒ದ್ಯ ಸು॑ವಿ॒ತೇ ದ॑ದಾತು | ಮೂಲಂ॒ ನಕ್ಷ॑ತ್ರ॒ಮಿತಿ॒ ಯದ್ವದಂ॑ತಿ |
ಪರಾ॑ಚೀಂ ವಾ॒ಚಾ ನಿರೃ॑ತಿಂ ನುದಾಮಿ | ಶಿ॒ವಂ ಪ್ರ॒ಜಯೈ॑ ಶಿ॒ವಮ॑ಸ್ತು॒ ಮಹ್ಯಂ᳚ ||

ಯಾ ದಿ॒ವ್ಯಾ ಆಪಃ॒ ಪಯ॑ಸಾ ಸಂಬಭೂ॒ವುಃ | ಯಾ ಅಂ॒ತರಿ॑ಕ್ಷ ಉ॒ತ ಪಾರ್ಥಿ॑ವೀ॒ರ್ಯಾಃ |
ಯಾಸಾ॑ಮಷಾ॒ಢಾ ಅ॑ನು॒ಯಂತಿ॒ ಕಾಮಂ᳚ | ತಾ ನ॒ ಆಪಃ॒ ಶꣳ ಸ್ಯೋ॒ನಾ ಭ॑ವಂತು |
ಯಾಶ್ಚ॒ ಕೂಪ್ಯಾ॒ ಯಾಶ್ಚ॑ ನಾ॒ದ್ಯಾ᳚ಸ್ಸಮು॒ದ್ರಿಯಾಃ᳚ | ಯಾಶ್ಚ॑ ವೈಶಂ॒ತೀರುತ ಪ್ರಾ॑ಸ॒ಚೀರ್ಯಾಃ |
ಯಾಸಾ॑ಮಷಾ॒ಢಾ ಮಧು॑ ಭ॒ಕ್ಷಯಂ॑ತಿ | ತಾ ನ॒ ಆಪಃ॒ ಶꣳ ಸ್ಯೋ॒ನಾ ಭ॑ವಂತು ||

ತನ್ನೋ॒ ವಿಶ್ವೇ॒ ಉಪ॑ ಶೃಣ್ವಂತು ದೇ॒ವಾಃ | ತದ॑ಷಾ॒ಢಾ ಅ॒ಭಿಸಂಯಂ॑ತು ಯ॒ಜ್ಞಂ |
ತನ್ನಕ್ಷ॑ತ್ರಂ ಪ್ರಥತಾಂ ಪ॒ಶುಭ್ಯಃ॑ | ಕೃ॒ಷಿರ್ವೃ॒ಷ್ಟಿರ್ಯಜ॑ಮಾನಾಯ ಕಲ್ಪತಾಂ |
ಶು॒ಭ್ರಾಃ ಕ॒ನ್ಯಾ॑ ಯುವ॒ತಯ॑ಸ್ಸು॒ಪೇಶ॑ಸಃ | ಕ॒ರ್ಮ॒ಕೃತ॑ಸ್ಸು॒ಕೃತೋ॑ ವೀ॒ರ್ಯಾ॑ವತೀಃ |
ವಿಶ್ವಾ᳚ನ್ ದೇ॒ವಾನ್ ಹ॒ವಿಷಾ॑ ವ॒ರ್ಧಯಂ॑ತೀಃ | ಅ॒ಷಾ॒ಢಾಃ ಕಾಮ॒ಮುಪಾ॑ಯಂತು ಯ॒ಜ್ಞಂ ||

ಯಸ್ಮಿ॒ನ್ ಬ್ರಹ್ಮಾಽ॒ಭ್ಯಜ॑ಯ॒ತ್ಸರ್ವ॑ಮೇ॒ತತ್ | ಅ॒ಮುಂಚ॑ ಲೋ॒ಕಮಿ॒ದಮೂ॑ಚ॒ ಸರ್ವಂ᳚ |
ತನ್ನೋ॒ ನಕ್ಷ॑ತ್ರಮಭಿ॒ಜಿದ್ವಿ॒ಜಿತ್ಯ॑ | ಶ್ರಿಯಂ॑ ದಧಾ॒ತ್ವಹೃ॑ಣೀಯಮಾನಂ |
ಉ॒ಭೌ ಲೋ॒ಕೌ ಬ್ರಹ್ಮ॑ಣಾ॒ ಸಂಜಿ॑ತೇ॒ಮೌ | ತನ್ನೋ॒ ನಕ್ಷ॑ತ್ರಮಭಿ॒ಜಿದ್ವಿಚ॑ಷ್ಟಾಂ |
ತಸ್ಮಿ॑ನ್ವ॒ಯಂ ಪೃತ॑ನಾ॒ಸ್ಸಂಜ॑ಯೇಮ | ತನ್ನೋ॑ ದೇ॒ವಾಸೋ॒ ಅನು॑ಜಾನಂತು॒ ಕಾಮಂ᳚ ||

ಶೃ॒ಣ್ವಂತಿ॑ ಶ್ರೋ॒ಣಾಮ॒ಮೃತ॑ಸ್ಯ ಗೋ॒ಪಾಂ | ಪುಣ್ಯಾ॑ಮಸ್ಯಾ॒ ಉಪ॑ಶೃಣೋಮಿ॒ ವಾಚಂ᳚ |
ಮ॒ಹೀಂ ದೇ॒ವೀಂ ವಿಷ್ಣು॑ಪತ್ನೀಮಜೂ॒ರ್ಯಾಂ | ಪ್ರ॒ತೀಚೀ॑ ಮೇನಾꣳ ಹ॒ವಿಷಾ॑ ಯಜಾಮಃ |
ತ್ರೇ॒ಧಾ ವಿಷ್ಣು॑ರುರುಗಾ॒ಯೋ ವಿಚ॑ಕ್ರಮೇ | ಮ॒ಹೀಂ ದಿವಂ॑ ಪೃಥಿ॒ವೀಮಂ॒ತರಿ॑ಕ್ಷಂ |
ತಚ್ಛ್ರೋ॒ಣೈತಿ॒ಶ್ರವ॑ ಇ॒ಚ್ಛಮಾ॑ನಾ | ಪುಣ್ಯ॒ꣳ॒ ಶ್ಲೋಕಂ॒ ಯಜ॑ಮಾನಾಯ ಕೃಣ್ವ॒ತೀ ||

ಅ॒ಷ್ಟೌ ದೇ॒ವಾ ವಸ॑ವಸ್ಸೋ॒ಮ್ಯಾಸಃ॑ | ಚತ॑ಸ್ರೋ ದೇ॒ವೀರ॒ಜರಾಃ॒ ಶ್ರವಿ॑ಷ್ಠಾಃ |
ತೇ ಯ॒ಜ್ಞಂ ಪಾಂ᳚ತು॒ ರಜ॑ಸಃ ಪು॒ರಸ್ತಾ᳚ತ್ | ಸಂ॒ವ॒ತ್ಸ॒ರೀಣ॑ಮ॒ಮೃತꣳ॑ ಸ್ವ॒ಸ್ತಿ |
ಯ॒ಜ್ಞಂ ನಃ॑ ಪಾಂತು॒ ವಸ॑ವಃ ಪು॒ರಸ್ತಾ᳚ತ್ | ದ॒ಕ್ಷಿ॒ಣ॒ತೋ॑ಽಭಿಯಂ॑ತು॒ ಶ್ರವಿ॑ಷ್ಠಾಃ |
ಪುಣ್ಯ॒ನ್ನಕ್ಷ॑ತ್ರಮ॒ಭಿ ಸಂವಿ॑ಶಾಮ | ಮಾ ನೋ॒ ಅರಾ॑ತಿರ॒ಘಶ॒ꣳ॒ಸಾಽಗನ್ನ್॑ ||

ಕ್ಷ॒ತ್ರಸ್ಯ॒ ರಾಜಾ॒ ವರು॑ಣೋಽಧಿರಾ॒ಜಃ | ನಕ್ಷ॑ತ್ರಾಣಾꣳ ಶ॒ತಭಿ॑ಷ॒ಗ್ವಸಿ॑ಷ್ಠಃ |
ತೌ ದೇ॒ವೇಭ್ಯಃ॑ ಕೃಣುತಿ ದೀ॒ರ್ಘಮಾಯುಃ॑ | ಶ॒ತꣳ ಸ॒ಹಸ್ರಾ॑ ಭೇಷ॒ಜಾನಿ॑ ಧತ್ತಃ |
ಯ॒ಜ್ಞನ್ನೋ॒ ರಾಜಾ॒ ವರು॑ಣ॒ ಉಪ॒ಯಾತು | ತನ್ನೋ॒ ವಿಶ್ವೇ॑ ಅ॒ಭಿ ಸಂಯಂ॑ತು ದೇ॒ವಾಃ |
ತನ್ನೋ॒ ನಕ್ಷ॑ತ್ರꣳ ಶ॒ತಭಿ॑ಷಗ್ಜುಷಾ॒ಣಂ | ದೀ॒ರ್ಘಮಾಯುಃ॒ ಪ್ರತಿ॑ರದ್ಭೇಷ॒ಜಾನಿ॑ ||

ಅ॒ಜ ಏಕ॑ಪಾ॒ದುದ॑ಗಾತ್ಪು॒ರಸ್ತಾ᳚ತ್ | ವಿಶ್ವಾ॑ ಭೂ॒ತಾನಿ॑ ಪ್ರತಿ॒ ಮೋದ॑ಮಾನಃ |
ತಸ್ಯ॑ ದೇ॒ವಾಃ ಪ್ರ॑ಸ॒ವಂ ಯಂ॑ತಿ॒ ಸರ್ವೇ᳚ | ಪ್ರೋ॒ಷ್ಠ॒ಪ॒ದಾಸೋ॑ ಅ॒ಮೃತ॑ಸ್ಯ ಗೋ॒ಪಾಃ |
ವಿ॒ಭ್ರಾಜ॑ಮಾನಸ್ಸಮಿಧಾ॒ ನ ಉ॒ಗ್ರಃ | ಆಽನ್ತರಿ॑ಕ್ಷಮರುಹ॒ದಗಂ॒ದ್ಯಾಂ |
ತꣳ ಸೂರ್ಯಂ॑ ದೇ॒ವಮ॒ಜಮೇಕ॑ಪಾದಂ | ಪ್ರೋ॒ಷ್ಠ॒ಪ॒ದಾಸೋ॒ ಅನು॑ಯಂತಿ॒ ಸರ್ವೇ᳚ ||

ಅಹಿ॑ರ್ಬು॒ಧ್ನಿಯಃ॒ ಪ್ರಥ॑ಮಾ ನ ಏತಿ | ಶ್ರೇಷ್ಠೋ॑ ದೇ॒ವಾನಾ॑ಮು॒ತ ಮಾನು॑ಷಾಣಾಂ |
ತಂ ಬ್ರಾ᳚ಹ್ಮ॒ಣಾಸ್ಸೋ॑ಮ॒ಪಾಸ್ಸೋ॒ಮ್ಯಾಸಃ॑ | ಪ್ರೋ॒ಷ್ಠ॒ಪ॒ದಾಸೋ॑ ಅ॒ಭಿರ॑ಕ್ಷಂತಿ॒ ಸರ್ವೇ᳚ |
ಚ॒ತ್ವಾರ॒ ಏಕ॑ಮ॒ಭಿ ಕರ್ಮ॑ ದೇ॒ವಾಃ | ಪ್ರೋ॒ಷ್ಠ॒ಪ॒ದಾ ಸ॒ ಇತಿ॒ ಯಾನ್ ವದಂ॑ತಿ |
ತೇ ಬು॒ಧ್ನಿಯಂ॑ ಪರಿ॒ಷದ್ಯꣳ॑ ಸ್ತು॒ವಂತಃ॑ | ಅಹಿꣳ॑ ರಕ್ಷಂತಿ॒ ನಮ॑ಸೋಪ॒ಸದ್ಯ॑ ||

ಪೂ॒ಷಾ ರೇ॒ವತ್ಯನ್ವೇ॑ತಿ॒ ಪಂಥಾಂ᳚ | ಪು॒ಷ್ಟಿ॒ಪತೀ॑ ಪಶು॒ಪಾ ವಾಜ॑ಬಸ್ತ್ಯೌ |
ಇ॒ಮಾನಿ॑ ಹ॒ವ್ಯಾ ಪ್ರಯ॑ತಾ ಜುಷಾ॒ಣಾ | ಸು॒ಗೈರ್ನೋ॒ ಯಾನೈ॒ರುಪ॑ಯಾತಾಂ ಯ॒ಜ್ಞಂ |
ಕ್ಷು॒ದ್ರಾನ್ ಪ॒ಶೂನ್ ರ॑ಕ್ಷತು ರೇ॒ವತೀ॑ ನಃ | ಗಾವೋ॑ ನೋ॒ ಅಶ್ವಾ॒ꣳ॒ ಅನ್ವೇ॑ತು ಪೂ॒ಷಾ |
ಅನ್ನ॒ꣳ॒ ರಕ್ಷಂ॑ತೌ ಬಹು॒ದಾ ವಿರೂ॑ಪಂ | ವಾಜꣳ॑ ಸನುತಾಂ॒ ಯಜ॑ಮಾನಾಯ ಯ॒ಜ್ಞಂ ||

ತದ॒ಶ್ವಿನಾ॑ವಶ್ವ॒ಯುಜೋಪ॑ಯಾತಾಂ | ಶುಭಂ॒ಗಮಿ॑ಷ್ಠೌ ಸು॒ಯಮೇ॑ಭಿ॒ರಶ್ವೈಃ᳚ |
ಸ್ವಂ ನಕ್ಷ॑ತ್ರꣳ ಹ॒ವಿಷಾ॒ ಯಜಂ॑ತೌ | ಮಧ್ವಾ॒ಸಂಪೃ॑ಕ್ತೌ॒ ಯಜು॑ಷಾ॒ ಸಮ॑ಕ್ತೌ |
ಯೌ ದೇ॒ವಾನಾಂ᳚ ಭಿ॒ಷಜೌ᳚ ಹವ್ಯವಾ॒ಹೌ | ವಿಶ್ವ॑ಸ್ಯ ದೂ॒ತವ॒ಮೃತ॑ಸ್ಯ ಗೋ॒ಪೌ |
ತೌ ನಕ್ಷ॒ತ್ರಂ ಜುಜುಷಾ॒ಣೋಪ॑ಯಾತಾಂ | ನಮೋ॒ಽಶ್ವಿಭ್ಯಾಂ᳚ ಕೃಣುಮೋಽಶ್ವ॒ಯುಗ್ಭ್ಯಾಂ᳚ ||

ಅಪ॑ ಪಾ॒ಪ್ಮಾನಂ॒ ಭರ॑ಣೀರ್ಭರಂತು | ತದ್ಯ॒ಮೋ ರಾಜಾ॒ ಭಗ॑ವಾ॒ನ್॒ ವಿಚ॑ಷ್ಟಾಂ |
ಲೋ॒ಕಸ್ಯ॒ ರಾಜಾ॑ ಮಹ॒ತೋ ಮ॒ಹಾನ್ ಹಿ | ಸು॒ಗಂ ನಃ॒ ಪಂಥಾ॒ಮಭ॑ಯಂ ಕೃಣೋತು |
ಯಸ್ಮಿ॒ನ್ನಕ್ಷ॑ತ್ರೇ ಯ॒ಮ ಏತಿ॒ ರಾಜಾ᳚ | ಯಸ್ಮಿ॑ನ್ನೇನಮ॒ಭ್ಯಷಿಂ॑ಚಂತ ದೇ॒ವಾಃ |
ತದ॑ಸ್ಯ ಚಿ॒ತ್ರꣳ ಹ॒ವಿಷಾ॑ ಯಜಾಮ | ಅಪ॑ ಪಾ॒ಪ್ಮಾನಂ॒ ಭರ॑ಣೀರ್ಭರಂತು ||

ನಿ॒ವೇಶ॑ನೀ ಸಂ॒ಗಮ॑ನೀ॒ ವಸೂ॑ನಾಂ॒ ವಿಶ್ವಾ॑ ರೂ॒ಪಾಣಿ॒ ವಸೂ᳚ನ್ಯಾವೇ॒ಶಯಂ॑ತೀ |
ಸ॒ಹ॒ಸ್ರ॒ಪೋ॒ಷꣳ ಸು॒ಭಗಾ॒ ರರಾ॑ಣಾ॒ ಸಾ ನ॒ ಆಗ॒ನ್ವರ್ಚ॑ಸಾ ಸಂವಿದಾ॒ನಾ ||

ಯತ್ತೇ॑ ದೇ॒ವಾ ಅದ॑ಧುರ್ಭಾಗ॒ಧೇಯ॒ಮಮಾ॑ವಾಸ್ಯೇ ಸಂ॒ವಸಂ॑ತೋ ಮಹಿ॒ತ್ವಾ |
ಸಾ ನೋ॑ ಯ॒ಜ್ಞಂ ಪಿ॑ಪೃಹಿ ವಿಶ್ವವಾರೇ ರ॒ಯಿನ್ನೋ॑ ಧೇಹಿ ಸುಭಗೇ ಸು॒ವೀರಂ᳚||

ನವೋ॑ ನವೋ ಭವತಿ॒ ಜಾಯ॑ಮಾ॒ನೋಽಹ್ನಾಂ᳚ ಕೇ॒ತುರು॒ಷಸಾ॑ಮೇ॒ತ್ಯಗ್ರೇ᳚ |
ಭಾ॒ಗಂ ದೇ॒ವೇಭ್ಯೋ॒ ವಿದ॑ಧಾತ್ಯಾ॒ಯನ್ ಪ್ರಚಂ॒ದ್ರಮಾ᳚ಸ್ತಿರಿತಿ ದೀ॒ರ್ಘಮಾಯುಃ॑ ||

ಯಮಾ॑ದಿ॒ತ್ಯಾ ಅ॒ꣳಶು॒ಮಾ᳚ಪ್ಯಾ॒ಯಯಂ॑ತಿ॒ ಯಮಕ್ಷಿ॑ತ॒ಮಕ್ಷಿ॑ತಯಃ॒ ಪಿಬಂ॑ತಿ |
ತೇನ॑ ನೋ॒ ರಾಜಾ॒ ವರು॑ಣೋ॒ ಬೃಹ॒ಸ್ಪತಿ॒ರಾಪ್ಯಾಯಯಂತು ಭುವ॑ನಸ್ಯ ಗೋ॒ಪಾಃ ||

ಯೇ ವಿರೂ॑ಪೇ॒ ಸಮ॑ನಸಾ ಸಂ॒ವ್ಯಯಂ॑ತೀ | ಸ॒ಮಾ॒ನಂ ತಂತುಂ॑ ಪರಿತಾತ॒ನಾತೇ᳚ |
ವಿ॒ಭೂ ಪ್ರ॒ಭೂ ಅ॑ನು॒ಭೂ ವಿ॒ಶ್ವತೋ॑ ಹುವೇ | ತೇ ನೋ॒ ನಕ್ಷ॑ತ್ರೇ॒ ಹವ॒ಮಗ॑ಮೇತಂ |
ವ॒ಯಂ ದೇ॒ವೀ ಬ್ರಹ್ಮ॑ಣಾ ಸಂವಿದಾ॒ನಾಃ | ಸು॒ರತ್ನಾ॑ಸೋ ದೇ॒ವವೀ॑ತಿಂ॒ ದಧಾ॑ನಾಃ |
ಅ॒ಹೋ॒ರಾ॒ತ್ರೇ ಹ॒ವಿಷಾ॑ ವ॒ರ್ಧಯಂ॑ತಃ | ಅತಿ॑ ಪಾ॒ಪ್ಮಾನ॒ಮತಿ॑ಮುಕ್ತ್ಯಾಗಮೇಮ |
ಪ್ರತ್ಯು॑ವದೃಶ್ಯಾಯ॒ತೀ॑ | ವ್ಯು॒ಚ್ಛಂತೀ॑ ದುಹಿ॒ತಾ ದಿ॒ವಃ |
ಅ॒ಪೋ ಮ॒ಹೀ ವೃ॑ಣುತೇ॒ ಚಕ್ಷು॑ಷಾ | ತಮೋ॒ ಜ್ಯೋತಿಷ್ಕೃಣೋತಿ ಸೂ॒ನರೀ᳚ |
ಉ॑ದು॒ಸ್ತ್ರಿಯಾ᳚ಸ್ಸಚತೇ॒ ಸೂರ್ಯಃ॑ | ಸ ಚಾ॑ ಉ॒ದ್ಯನ್ನಕ್ಷ॑ತ್ರಮರ್ಚಿ॒ಮತ್ |
ತವೇ॑ದುಷೋ॒ ವ್ಯುಷಿ॒ ಸೂರ್ಯ॑ಸ್ಯ ಚ | ಸಂಭ॒ಕ್ತೇನ ಗಮೇಮಹಿ |
ತನ್ನೋ॒ ನಕ್ಷ॑ತ್ರಮರ್ಚಿ॒ಮತ್ | ಭಾ॒ನುಮತ್ತೇಜ॑ ಉ॒ಚ್ಚರ॑ತ್ |
ಉಪ॑ಯ॒ಜ್ಞಮಿ॒ಹಾಗ॑ಮತ್ |
ಪ್ರನಕ್ಷ॑ತ್ರಾಯದೇ॒ವಾಯ॑ | ಇಂದ್ರಾ॒ಯೇಂದುꣳ॑ ಹವಾಮಹೇ |
ಸ ನಃ॑ ಸವಿ॒ತಾ ಸು॑ವತ್ಸ॒ನಿಂ | ಪು॒ಷ್ಟಿ॒ದಾಂ ವೀ॒ರವ॑ತ್ತಮಂ |
ಉದು॑ತ್ಯಂ ಜಾ॒ತವೇ॑ದಸಂ ದೇ॒ವಂ ವ॑ಹಂತಿ ಕೇ॒ತವಃ॑ | ದೃ॒ಶೇ ವಿಶ್ವಾ॑ಯ॒ ಸೂರ್ಯಂ᳚ |
ಚಿ॒ತ್ರಂ ದೇ॒ವಾನಾ॒ಮುದ॑ಗಾ॒ದನೀ॑ಕಂ ಚಕ್ಷು॑ರ್ಮಿ॒ತ್ರಸ್ಯ॒ ವರು॑ಣಸ್ಯಾ॒ಗ್ನೇಃ |
ಆಽಪ್ರಾ॒ದ್ಯಾವಾ॑ ಪೃಥಿ॒ವೀ ಅಂ॒ತರಿ॑ಕ್ಷ॒ꣳ॒ ಸೂರ್ಯ॑ ಆ॒ತ್ಮಾ ಜಗ॑ತಸ್ತ॒ಸ್ಥುಷ॑ಶ್ಚ |
ಆದಿ॑ತಿರ್ನ ಉರುಷ್ಯ॒ತ್ವದಿತಿಃ॒ ಶರ್ಮ॑ ಯಚ್ಛತು | ಅದಿ॑ತಿಃ ಪಾ॒ತ್ವꣳಹ॑ಸಃ |
ಮ॒ಹೀಮೂ॒ಷು ಮಾ॒ತರꣳ॑ಸುವ್ರ॒ತಾನಾ॑ಮೃ॒ತಸ್ಯ॒ ಪತ್ನೀ॒ಮವ॑ಸೇ ಹುವೇಮ |
ತು॒ವಿ॒ಕ್ಷ॒ತ್ರಾಮ॒ಜರಂ॑ತೀಮುರೂ॒ಚೀꣳ ಸು॒ಶರ್ಮಾ॑ಣ॒ಮದಿ॑ತಿꣳ ಸು॒ಪ್ರಣೀ॑ತಂ |
ಇ॒ದಂ ವಿಷ್ಣು॒ರ್ವಿಚ॑ಕ್ರಮೇ ತ್ರೇ॒ಧಾ ನಿದ॑ಧೇ ಪ॒ದಂ | ಸಮೂ॑ಢಮಸ್ಯ ಪಾꣳಸು॒ರೇ |
ಪ್ರತದ್ವಿಷ್ಣು॑ಸ್ಸ್ತವತೇ ವೀ॒ರ್ಯಾ॑ಯ | ಮೃ॒ಗೋ ನ ಭೀ॒ಮಃ ಕು॑ಚ॒ರೋ ಗಿ॑ರಿ॒ಷ್ಠಾಃ |
ಯಸ್ಯೋ॒ರುಷು॑ ತ್ರಿ॒ಷು ವಿ॒ಕ್ರಮ॑ಣೇಷು | ಅಧಿ॑ಕ್ಷಿ॒ಯಂತಿ॒ ಭುವ॑ನಾನಿ॒ ವಿಶ್ವಾ᳚ |
ಅ॒ಗ್ನಿರ್ಮೂ॒ರ್ಧಾ ದಿ॒ವಃ ಕ॒ಕುತ್ಪತಿಃ॑ ಪೃಥಿ॒ವ್ಯಾ ಅ॒ಯಂ | ಅ॒ಪಾꣳ ರೇತಾꣳ॑ಸಿ ಜಿನ್ವತಿ |
ಭುವೋ॑ ಯ॒ಜ್ಞಸ್ಯ॒ ರಜ॑ಸಶ್ಚ ನೇ॒ತಾ ಯತ್ರಾ॑ನಿ॒ಯುದ್ಭಿಃ॒ ಸಚ॑ಸೇ ಶಿ॒ವಾಭಿಃ॑ |
ದಿ॒ವಿ ಮೂ॒ರ್ಧಾನಂ॑ ದಧಿಷೇ ಸುವ॒ಷಾಂ ಜಿ॒ಹ್ವಾಮ॑ಗ್ನೇ ಚಕೃಷೇ ಹವ್ಯ॒ವಾಹಂ᳚ |
ಅನು॑ನೋ॒ಽದ್ಯಾನು॑ಮತಿರ್ಯ॒ಜ್ಞಂ ದೇ॒ವೇಷು॑ ಮನ್ಯತಾಂ |
ಅ॒ಗ್ನಿಶ್ಚ॑ ಹವ್ಯ॒ವಾಹ॑ನೋ॒ ಭವ॑ತಾಂ ದಾ॒ಶುಷೇ॒ ಮಯಃ॑ |
ಅನ್ವಿದ॑ನುಮತೇ॒ ತ್ವಂ ಮನ್ಯಾ॑ಸೈ॒ ಶಂಚ॑ ಕೃಧಿ |
ಕ್ರತ್ವೇ॒ ದಕ್ಷಾ॑ಯ ನೋಹಿ ನು॒ ಪ್ರಣ॒ ಆಯೂꣳ॑ಷಿ ತಾರಿಷಃ |
ಹ॒ವ್ಯ॒ವಾಹ॑ಮಭಿಮಾತಿ॒ಷಾಹಂ᳚ | ರ॒ಕ್ಷೋ॒ಹಣಂ॒ ಪೃತ॑ನಾಸು ಜಿ॒ಷ್ಣುಂ |
ಜ್ಯೋತಿ॑ಷ್ಮಂತಂ॒ ದೀದ್ಯ॑ತಂ॒ ಪುರಂಧಿಂ | ಅ॒ಗ್ನಿꣳ ಸ್ವಿ॑ಷ್ಟ॒ಕೃತ॒ ಮಾಹು॑ವೇಮ |
ಸ್ವಿ॑ಷ್ಟಮಗ್ನೇ ಅ॒ಭಿತತ್ಪೃ॑ಣಾಹಿ | ವಿಶ್ವಾ॑ ದೇವ॒ ಪೃ॑ತನಾ ಅ॒ಭಿಷ್ಯ |
ಉ॒ರುನ್ನಃ॒ ಪಂಥಾಂ᳚ ಪ್ರದಿ॒ಶನ್ವಿಭಾ॑ಹಿ | ಜ್ಯೋತಿ॑ಷ್ಮದ್ಧೇಹ್ಯ॒ಜರ॑ನ್ನ॒ ಆಯುಃ॑ ||

ಅ॒ಗ್ನಯೇ॒ ಸ್ವಾಹಾ॒ ಕೃತ್ತಿ॑ಕಾಭ್ಯಃ॒ ಸ್ವಾಹಾ᳚ |
ಅಂ॒ಬಾಯೈ॒ ಸ್ವಾಹಾ॑ ದು॒ಲಾಯೈ॒ ಸ್ವಾಹಾ᳚ |
ನಿ॒ತಂ॒ತ್ಯೈ ಸ್ವಾಹಾ॒ಽಭ್ರಯಂ॑ತೈ॒ ಸ್ವಾಹಾ᳚ |
ಮೇ॒ಘಯಂ॑ತ್ಯೈ॒ ಸ್ವಾಹಾ॑ ವ॒ರ್ಷ॒ಯಂ॑ತ್ಯೈ॒ ಸ್ವಾಹಾ᳚ |
ಚು॒ಪು॒ಣೀಕಾ॑ಯೈ॒ ಸ್ವಾಹಾ᳚ |
ಪ್ರ॒ಜಾಪ॑ತಯೇ॒ ಸ್ವಾಹಾ॑ ರೋಹಿ॒ಣ್ಯೈ ಸ್ವಾಹಾ᳚ |
ರೋಚ॑ಮಾನಾಯೈ॒ ಸ್ವಾಹಾ॑ ಪ್ರ॒ಜಾಭ್ಯಃ॒ ಸ್ವಾಹಾ᳚ |
ಸೋಮಾ॑ಯ॒ ಸ್ವಾಹಾ॑ ಮೃಗಶೀ॒ರ್ಷಾಯ॒ ಸ್ವಾಹಾ᳚ |
ಇ॒ನ್ವ॒ಕಾಭ್ಯಃ॒ ಸ್ವಾಹೌಷ॑ಧೀಭ್ಯಃ॒ ಸ್ವಾಹಾ᳚ |
ರಾ॒ಜ್ಯಾಯ॒ ಸ್ವಾಹಾ॒ಽಭಿಜಿ॑ತ್ಯೈ॒ ಸ್ವಾಹಾ᳚ |
ರು॒ದ್ರಾಯ॒ ಸ್ವಾಹಾ॒ಽಽರ್ದ್ರಾಯೈ॒ ಸ್ವಹಾ᳚ |
ಪಿನ್ವ॑ಮಾನಾಯೈ॒ ಸ್ವಾಹಾ॒ ಪ॒ಶುಭ್ಯಃ॒ ಸ್ವಾಹಾ᳚ |
ಅದಿ॑ತ್ಯೈ॒ ಸ್ವಾಹಾ॒ ಪುನ॑ರ್ವಸುಭ್ಯಾಂ |
ಸ್ವಾಹಾ ಭೂ᳚ತ್ಯೈ॒ ಸ್ವಾಹಾ॒ ಪ್ರಜಾ᳚ತ್ಯೈ॒ ಸ್ವಾಹಾ᳚ |
ಬೃಹ॒ಸ್ಪತ॑ಯೇ॒ ಸ್ವಾಹಾ॑ ತಿ॒ಷ್ಯಾ॑ಯ॒ ಸ್ವಾಹಾ᳚ |
ಬ್ರ॒ಹ್ಮ॒ವ॒ರ್ಚ॒ಸಾಯ॒ ಸ್ವಾಹಾ᳚ |
ಸ॒ರ್ಪೇಭ್ಯಃ॒ ಸ್ವಾಹಾ᳚ಽಽಶ್ರೇ॒ಷಾಭ್ಯಃ॒ ಸ್ವಾಹಾ᳚ |
ದಂ॒ತ॒ಶೂಕೇ॑ಭ್ಯಃ॒ ಸ್ವಾಹಾ᳚ |
ಪಿ॒ತೃಭ್ಯಃ॒ ಸ್ವಾಹಾ॑ ಮ॒ಘಾಭ್ಯಃ॑ |
ಸ್ವಾಹಾ॑ಽನ॒ಘಾಭ್ಯಃ॒ ಸ್ವಾಹಾ॑ಽಗ॒ದಾಭ್ಯಃ॑ |
ಸ್ವಾಹಾ॑ಽರುಂಧ॒ತೀಭ್ಯಃ॒ ಸ್ವಾಹಾ᳚ |
ಅ॒ರ್ಯ॒ಮ್ಣೇ ಸ್ವಾಹಾ॒ ಫಲ್ಗು॑ನೀಭ್ಯಾ॒ꣳ॒ ಸ್ವಾಹಾ᳚ |
ಪ॒ಶುಭ್ಯಃ॒ ಸ್ವಾಹಾ᳚ |
ಭಗಾ॑ಯ॒ ಸ್ವಾಹಾ॒ ಫಲ್ಗು॑ನೀಭ್ಯಾ॒ꣳ॒ ಸ್ವಾಹಾ᳚ |
ಶ್ರೇಷ್ಟಾಯಾ॑ಯ॒ ಸ್ವಾಹಾ᳚ |
ಸ॒ವಿ॒ತ್ರೇಸ್ವಾಹಾ॒ ಹಸ್ತಾ॑ಯ |
ಸ್ವಾಹಾ॑ದದ॒ತೇ ಸ್ವಾಹಾ॑ ಪೃಣ॒ತೇ |
ಸ್ವಾಹಾ᳚ ಪ್ರ॒ಯಚ್ಛ॑ತೇ॒ ಸ್ವಾಹಾ᳚ ಪ್ರತಿಗೃಭ್ಣ॒ತೇ ಸ್ವಾಹಾ᳚ |
ತ್ವಷ್ಟ್ರೇ॒ ಸ್ವಾಹಾ॑ ಚಿ॒ತ್ರಾಯೈ॒ ಸ್ವಾಹಾ᳚ |
ಚೈತ್ರಾ॑ಯ॒ ಸ್ವಾಹಾ᳚ ಪ್ರ॒ಜಾಯೈ॒ ಸ್ವಾಹಾ᳚ |
ವಾ॒ಯವೇ॒ ಸ್ವಾಹಾ॒ ನಿಷ್ಟ್ಯಾ॑ಯೈ॒ ಸ್ವಾಹಾ᳚ |
ಕಾ॒ಮ॒ಚಾರಾ॑ಯ॒ ಸ್ವಾಹಾ॒ಽಭಿಜಿ॑ತ್ಯೈ॒ ಸ್ವಾಹಾ᳚ |
ಇಂ॒ದ್ರಾ॒ಗ್ನಿಭ್ಯಾ॒ꣳ॒ ಸ್ವಾಹಾ॒ ವಿಶಾ॑ಖಾಭ್ಯಾ॒ꣳ॒ ಸ್ವಾಹಾ᳚ |
ಸ್ರೇಷ್ಟಯಾ॑ಯ॒ ಸ್ವಾಹಾ॒ಽಭಿಜಿ॑ತ್ಯೈ॒ ಸ್ವಾಹಾ᳚ |
ಪೌ॒ರ್ಣ॒ಮಾ॒ಸ್ಯೈ ಸ್ವಾಹಾ॒ ಕಾಮಾ॑ಯ॒ ಸ್ವಾಹಾ ಗ॑ತ್ಯೈ॒ ಸ್ವಾಹಾ᳚ |
ಮಿ॒ತ್ರಾಯ॒ ಸ್ವಾಹಾ॑ಽನೂರಾ॒ಧೇಭ್ಯಃ॒ ಸ್ವಾಹಾ᳚ |
ಮಿ॒ತ್ರ॒ಧೇಯಾ॑ಯ॒ ಸ್ವಾಹಾ॒ಽಭಿಜಿ॑ತ್ಯೈ॒ ಸ್ವಾಹಾ᳚ |
ಇಂದ್ರಾ॑ಯ॒ಸ್ವಾಹಾ᳚ ಜ್ಯೇ॒ಷ್ಠಾಯೈ॒ ಸ್ವಾಹಾ᳚ |
ಜ್ಯೇ॒ಷ್ಠಯಾ॑ಯ॒ ಸ್ವಾಹಾ॒ಽಭಿಜಿ॑ತ್ಯೈ॒ ಸ್ವಾಹಾ᳚ |
ಪ್ರ॒ಜಾಪ॑ತಯೇ॒ ಸ್ವಾಹಾ॒ ಮೂಲಾ॑ಯ॒ ಸ್ವಾಹಾ᳚ |
ಪ್ರ॒ಜಾಯೈ॒ ಸ್ವಾಹಾ᳚ |
ಅ॒ದ್ಭ್ಯಃ ಸ್ವಾಹಾ॑ಽಷಾ॒ಢಾಭ್ಯಃ॒ ಸ್ವಾಹಾ᳚ |
ಸ॒ಮು॒ದ್ರಾಯ॒ ಸ್ವಾಹಾ॒ ಕಾಮಾ॑ಯ॒ ಸ್ವಾಹಾ᳚ |
ಅ॒ಭಿಜಿ॑ತ್ಯೈ॒ ಸ್ವಾಹಾ᳚ |
ವಿಶ್ವೇ᳚ಭ್ಯೋ ದೇ॒ವೇಭ್ಯಃ॒ ಸ್ವಾಹಾ॑ಽಷಾ॒ಢಾಭ್ಯಃ॒ ಸ್ವಾಹಾ᳚ |
ಅ॒ನ॒ಪ॒ಜ॒ಯ್ಯಾಯ॒ ಸ್ವಾಹಾ॒ ಜಿತ್ಯೈ॒ ಸ್ವಾಹಾ᳚ |
ಬ್ರಹ್ಮ॑ಣೇ॒ ಸ್ವಾಹಾ॑ಽಭಿ॒ಜಿತೇ॒ ಸ್ವಾಹಾ᳚ |
ಬ್ರ॒ಹ್ಮ॒ಲೋ॒ಕಾಯ॒ ಸ್ವಾಹಾ॒ಽಭಿಜಿ॑ತ್ಯೈ॒ ಸ್ವಾಹಾ᳚ |
ವಿಷ್ಣ॑ವೇ॒ ಸ್ವಾಹಾ᳚ ಶ್ರೋ॒ಣಾಯೈ॒ ಸ್ವಾಹಾ᳚ |
ಶ್ಲೋಕಾ॑ಯ॒ ಸ್ವಾಹಾ᳚ ಶ್ರು॒ತಾಯ॒ಸ್ಸ್ವಾಹಾ᳚ |
ವಸು॑ಭ್ಯಃ॒ ಸ್ವಾಹಾ॒ ಶ್ರವಿ॑ಷ್ಠಾಭ್ಯಃ॒ ಸ್ವಾಹಾ᳚ |
ಅಗ್ರಾ॑ಯ॒ ಸ್ವಾಹಾ॒ ಪರೀ᳚ತ್ಯೈ॒ ಸ್ವಾಹಾ᳚ |
ವರು॑ಣಾಯ॒ ಸ್ವಾಹಾ॒ ಶ॒ತಭಿ॑ಷಜೇ॒ ಸ್ವಾಹಾ᳚ |
ಭೇ॒ಷ॒ಜೇಭ್ಯಃ॒ ಸ್ವಾಹಾ᳚ |
ಅ॒ಜಾಯೈಕ॑ಪದೇ॒ ಸ್ವಾಹಾ᳚ ಪ್ರೋಷ್ಠಪ॒ದೇಭ್ಯಃ॒ ಸ್ವಾಹಾ᳚ |
ತೇಜ॑ಸೇ॒ ಸ್ವಾಹಾ᳚ ಬ್ರಹ್ಮವರ್ಚ॒ಸಾಯ॒ ಸ್ವಾಹಾ᳚ |
ಅಹ॑ಯೇ ಬು॒ಧ್ನಿಯಾ॑ಯ॒ ಸ್ವಾಹಾ᳚ ಪ್ರೋಷ್ಠಪ॒ದೇಭ್ಯಃ॒ ಸ್ವಾಹಾ᳚ |
ಪೂ॒ಷ್ಣೇ ಸ್ವಾಹಾ॑ ರೇ॒ವತ್ಯೈ॒ ಸ್ವಾಹಾ᳚ |
ಪ॒ಶುಭ್ಯಃ॒ ಸ್ವಾಹಾ᳚ |
ಅ॒ಶ್ವಿಭ್ಯಾ॒ꣳ॒ ಸ್ವಾಹಾ᳚ಽಶ್ವ॒ಯುಗ್ಭ್ಯಾ॒ꣳ॒ ಸ್ವಾಹಾ᳚ |
ಶ್ರೋತ್ರಾ॑ಯ॒ ಸ್ವಾಹಾ॒ ಶ್ರುತ್ಯೈ॒ ಸ್ವಾಹಾ᳚ |
ಯ॒ಮಾಯ॒ ಸ್ವಾಹಾ॑ಽಪಭ॒ರಣೀಭ್ಯಃ॒ ಸ್ವಾಹಾ᳚ |
ರಾ॒ಜ್ಯಾಯ॒ ಸ್ವಾಹಾ॒ಽಭಿಜಿ॑ತ್ಯೈ॒ ಸ್ವಾಹಾ᳚ |
ಅ॒ಮಾ॒ವಾ॒ಸ್ಯಾ॑ಯೈ॒ ಸ್ವಾಹಾ॒ ಕಾಮಾ॑ಯ॒ ಸ್ವಾಹಾ ಗ॑ತ್ಯೈ॒ ಸ್ವಾಹಾ᳚ |
ಚಂ॒ದ್ರಮ॑ಸೇ॒ ಸ್ವಾಹಾ᳚ ಪ್ರತೀ॒ದೃಶ್ಯಾ॑ಯೈ॒ ಸ್ವಾಹಾ᳚ |
ಅ॒ಹೋ॒ರಾ॒ತ್ರೇಭ್ಯಃ॒ ಸ್ವಾಹಾ᳚ಽರ್ಧಮಾ॒ಸೇಭ್ಯಃ॒ ಸ್ವಾಹಾ᳚ |
ಮಾಸೇ᳚ಭ್ಯಃ॒ ಸ್ವಾಹ॒ರ್ತುಭ್ಯಃ॒ ಸ್ವಾಹಾ᳚ |
ಸಂ॒ವ॒ತ್ಸ॒ರಾಯ॒ ಸ್ವಾಹಾ᳚ |
ಅಹ್ನೇ॒ ಸ್ವಾಹಾ॒ ರಾತ್ರಿ॑ಯೈ॒ ಸ್ವಾಹಾ᳚ |
ಅತಿ॑ಮುಕ್ತ್ಯೈ॒ ಸ್ವಾಹಾ᳚ |
ಉ॒ಷಸೇ॒ ಸ್ವಾಹಾ॒ ವ್ಯು॑ಷ್ಟಯೈ॒ ಸ್ವಾಹಾ᳚ |
ವ್ಯೂ॒ಷುಷ್ಯೈ॒ ಸ್ವಾಹಾ॒ ವ್ಯು॒ಚ್ಛಂತ್ಯೈ॒ ಸ್ವಾಹಾ᳚ |
ವ್ಯು॑ಷ್ಟಾಯೈ॒ ಸ್ವಾಹಾ᳚ |
ನಕ್ಷ॑ತ್ರಾಯ॒ ಸ್ವಾಹೋ॑ದೇಷ್ಯ॒ತೇ ಸ್ವಾಹಾ᳚ |
ಉ॒ದ್ಯ॒ತೇ ಸ್ವಾಹೋದಿ॑ತಾಯ॒ ಸ್ವಾಹಾ᳚ |
ಹರ॑ಸೇ॒ ಸ್ವಾಹಾ॒ ಭರ॑ಸೇ॒ ಸ್ವಾಹಾ᳚ |
ಭ್ರಾಜ॑ಸೇ॒ ಸ್ವಾಹಾ॒ ತೇಜ॑ಸೇ॒ ಸ್ವಾಹಾ᳚ |
ತಪ॑ಸೇ॒ ಸ್ವಾಹಾ॒ ಬ್ರಹ್ಮವರ್ಚ॒ಸಾಯ॒ ಸ್ವಾಹಾ᳚ |
ಸೂರ್ಯಾ॑ಯ॒ ಸ್ವಾಹಾ॒ ನಕ್ಷ॑ತ್ರೇಭ್ಯಃ॒ ಸ್ವಾಹಾ᳚ |
ಪ್ರ॒ತಿ॒ಷ್ಠಾಯೈ॒ ಸ್ವಾಹಾ᳚ |
ಆದಿ॑ತ್ಯೈ॒ ಸ್ವಾಹಾ᳚ ಪ್ರತಿ॒ಷ್ಠಯೈ॒ ಸ್ವಾಹಾ᳚ |
ವಿಷ್ಣ॑ವೇ॒ ಸ್ವಾಹಾ॑ ಯ॒ಜ್ಞಾಯ॒ ಸ್ವಾಹಾ᳚ |
ಪ್ರ॒ತಿ॒ಷ್ಠಾಯೈ॒ ಸ್ವಾಹಾ᳚||

ದ॒ಧಿ॒ಕ್ರಾವಿಣ್ಣೋ॑ ಅಕಾರಿಷಂ ಜಿ॒ಷ್ಣೋರಶ್ವ॑ಸ್ಯ ವಾ॒ಜಿನಃ॑ |
ಸು॒ರ॒ಭಿ ನೋ॒ ಮುಖಾ॑ಕರ॒ತ್ ಪ್ರಣ॒ ಆಯೂꣳ॑ಷಿ ತಾರಿಷತ್ ||

ಆಪೋ॒ಹಿಷ್ಠಾ ಮ॑ಯೋ॒ ಭುವ॒ಸ್ತಾನ॑ ಊ॒ರ್ಜೇ ದ॑ಧಾತನ | ಮ॒ಹೇರಣಾ॑ಯ ಚಕ್ಷ॑ಸೇ ||

ಯೋವಃ॑ ಶಿ॒ವತ॑ಮೋ॒ ರಸ॒ಸ್ತಸ್ಯ॑ ಭಾಜಯತೇ॒ಹನಃ॑ | ಉ॒ಶ॒ತೀರಿ॑ವ ಮಾ॒ತರಃ॑ ||

ತಸ್ಮಾ॒ ಅರಂ॑ ಗಮಾಮ ವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ | ಆಪೋ॑ ಜ॒ನಯ॑ಥಾ ಚ ನಃ ||

ಉದು॑ತ್ತ॒ಮಂ ವ॑ರುಣ॒ಪಾಶ॑ಮ॒ಸ್ಮದವಾ॑ಧ॒ಮಂ ವಿಮ॑ಧ್ಯ॒ಮꣳ ಶ್ರ॑ಥಾಯ |
ಅಥಾ॑ ವ॒ಯಮಾ॑ದಿತ್ಯವ್ರ॒ತೇ ತವಾನಾ॑ಗಸೋ॒ ಅದಿ॑ತಯೇ ಸ್ಯಾಮ |
ಅಸ್ತ॑ಭ್ನಾ॒ದ್॒ ದ್ಯಾಮೃ॑ಷ॒ಭೋ ಅಂ॒ತರಿ॑ಕ್ಷ॒ಮಮಿ॑ಮೀತ ವರಿ॒ಮಾಣಂ॑ ಪೃಥಿ॒ವ್ಯಾ
ಆಸೀ॑ದ॒ದ್ವಿಶ್ವಾ॒ ಭುವ॑ನಾನಿ ಸ॒ಮ್ರಾಡ್ವಿಶ್ವೇತ್ತನಿ॒ ವರು॑ಣಸ್ಯ ವ್ರ॒ತಾನಿ॑ |
ಯತ್ಕಿಂಚೇ॒ದಂ ವ॑ರುಣ॒ದೈವ್ಯೈ॒ ಜನೇ॑ಽಭಿದ್ರೋ॒ಹಂ ಮ॑ನು॒ಷ್ಯಾ᳚ಶ್ಚರಾಮಸಿ |
ಅಚಿ॑ತ್ತೀಯತ್ತವ॒ ಧರ್ಮಾ॑ ಯುಯೋಪಿ॒ಮ ಮಾ ನ॒ಸ್ತಸ್ಮಾ॒ದೇನ॑ಸೋ ದೇವ ರೀರಿಷಃ ||

ಕಿ॒ತ॒ವಾಸೋ॒ ಯದ್ರಿ॑ರಿ॒ಪುರ್ನ ದೀ॒ವಿ ಯದ್ವಾ॑ಘಾ ಸ॒ತ್ಯಮು॒ತಯನ್ನ ವಿ॒ದ್ಮ |
ಸರ್ವಾ॒ ತಾ ವಿಷ್ಯ॑ ಶಿಥಿ॒ರೇವ॑ ದೇ॒ವಥಾ॑ ತೇ ಸ್ಯಾಮ ವರುಣಪ್ರಿ॒ಯಾಸಃ॑ ||

ಅವ॑ ತೇ॒ ಹೇಡೋ॑ ವರುಣ॒ ನಮೋ॑ಭಿ॒ರವ॑ಯ॒ಜ್ಞೇಭಿ॑ರೀಮಹೇ ಹ॒ವಿರ್ಭಿಃ॑ |
ಕ್ಷಯ॑ನ್ನ॒ಸ್ಮಭ್ಯ॑ಮಸುರಪ್ರಚೇತೋ॒ ರಾಜ॒ನ್ನೇನಾꣳ॑ಸಿಶಿಶ್ರಥಃ ಕೃ॒ತಾನಿ॑||

ತತ್ತ್ವಾ॑ಯಾಮಿ॒ ಬ್ರಹ್ಮ॑ಣಾ॒ ವಂದ॑ಮಾನ॒ಸ್ತದಾಶಾ᳚ಸ್ತೇ॒ ಯಜ॑ಮಾನೋ ಹ॒ವಿರ್ಭಿಃ॑ |
ಅಹೇ॑ಡಮಾನೋ ವರುಣೇ॒ಹ ಬೋ॒ಧ್ಯುರು॑ಶꣳಸ॒ ಮಾ ನ॒ ಆಯುಃ॒ ಪ್ರಮೋ॑ಷೀಃ ||

(ಪವಮಾನಂ)
ಹಿರ॑ಣ್ಯವರ್ಣಾಃ॒ ಶುಚ॑ಯಃ ಪಾವ॒ಕಾ ಯಾಸು॑ ಜಾ॒ತಃ ಕ॒ಶ್ಯಪೋ॒ ಯಾಸ್ವಿಂದ್ರಃ॑ |
ಅ॒ಗ್ನಿಂ ಯಾ ಗರ್ಭಂ॑ ದಧಿ॒ರೇ ವಿರೂ॑ಪಾ॒ಸ್ತಾನ॒ ಆಪ॒ಶ್ಶꣳ ಸ್ಯೋ॒ನಾ ಭ॑ವಂತು ||

ಯಾಸಾ॒ꣳ॒ ರಾಜಾ॒ ವರು॑ಣೋ॒ ಯಾತಿ॒ ಮಧ್ಯೇ॑ ಸತ್ಯಾನೃ॒ತೇ ಅ॑ವ॒ಪಶ್ಯಂ॒ ಜನಾ॑ನಾಂ |
ಮ॒ಧು॒ಶ್ಚುತ॒ಶ್ಶುಚ॑ಯೋ॒ ಯಾಃ ಪಾ॑ವ॒ಕಾಸ್ತಾ ನ॒ ಆಪ॒ಶ್ಶꣳ ಸ್ಯೋ॒ನಾ ಭ॑ವಂತು ||

ಯಾಸಾಂ᳚ ದೇ॒ವಾ ದಿ॒ವಿ ಕೃ॒ಣ್ವಂತಿ॑ ಭ॒ಕ್ಷಂ ಯಾ ಅಂ॒ತರಿ॑ಕ್ಷೇ ಬಹು॒ಧಾ ಭವಂ॑ತಿ |
ಯಾಃ ಪೃ॑ಥಿ॒ವೀಂ ಪಯ॑ಸೋಂ॒ದಂತಿ ಶು॒ಕ್ರಾಸ್ತಾ ನ॒ ಆಪ॒ಶ್ಶꣳ ಸ್ಯೋ॒ನಾ ಭ॑ವಂತು ||

ಶಿ॒ವೇನ॑ ಮಾ॒ ಚಕ್ಷು॑ಷಾ ಪಶ್ಯತಾಪಶ್ಶಿ॒ವಯಾ॑ ತ॒ನುವೋಪ॑ ಸ್ಪೃಶತ॒ ತ್ವಚಂ॑ ಮೇ |
ಸರ್ವಾꣳ॑ ಅ॒ಗ್ನೀꣳ ರ॑ಪ್ಸು॒ಷದೋ॑ ಹುವೋ ವೋ॒ ಮಯಿ॒ ವರ್ಚೋ॒ ಬಲ॒ಮೋಜೋ॒ ನಿಧ॑ತ್ತ ||

ಪವ॑ಮಾನ॒ಸ್ಸುವ॒ರ್ಜನಃ॑ | ಪ॒ವಿತ್ರೇ॑ಣ॒ ವಿಚ॑ರ್ಷಣಿಃ |
ಯಃ ಪೋತಾ॒ ಸ ಪು॑ನಾತು ಮಾ | ಪು॒ನಂತು॑ ಮಾ ದೇವಜ॒ನಾಃ |
ಪು॒ನಂತು॒ ಮನ॑ವೋ ಧಿ॒ಯಾ | ಪು॒ನಂತು॒ ವಿಶ್ವ॑ ಆ॒ಯವಃ॑ |
ಜಾತ॑ವೇದಃ ಪವಿತ್ರ॑ವತ್ | ಪ॒ವಿತ್ರೇ॑ಣ ಪುನಾಹಿ ಮಾ |
ಶು॒ಕ್ರೇಣ॑ ದೇವ॒ದೀದ್ಯ॑ತ್ | ಅಗ್ನೇ॒ ಕ್ರತ್ವಾ॒ ಕ್ರತೂ॒ꣳ॒ ರನು॑ |
ಯತ್ತೇ॑ ಪ॒ವಿತ್ರ॑ಮ॒ರ್ಚಿಷಿ॑ | ಅಗ್ನೇ॒ ವಿತ॑ತಮಂತ॒ರಾ |
ಬ್ರಹ್ಮ॒ ತೇನ॑ ಪುನೀಮಹೇ | ಉ॒ಭಾಭ್ಯಾಂ᳚ ದೇವಸವಿತಃ |
ಪ॒ವಿತ್ರೇ॑ಣ ಸ॒ವೇನ॑ ಚ | ಇ॒ದಂ ಬ್ರಹ್ಮ॑ ಪುನೀಮಹೇ |
ವೈ॒ಶ್ವ॒ದೇ॒ವೀ ಪು॑ನ॒ತೀ ದೇ॒ವ್ಯಾಗಾ᳚ತ್ | ಯಸ್ಯೈ॑ ಬ॒ಹ್ವೀಸ್ತ॒ನುವೋ॑ ವೀ॒ತಪೃ॑ಷ್ತಾಃ |
ತಯಾ॒ ಮದಂ॑ತಃ ಸಧ॒ಮಾದ್ಯೇ॑ಷು | ವ॒ಯꣳ ಸ್ಯಾ॑ಮ॒ ಪತ॑ಯೋ ರಯೀ॒ಣಾಂ |
ವೈ॒ಶ್ವಾ॒ನ॒ರೋ ರ॒ಶ್ಮಿಭಿ॑ರ್ಮಾ ಪುನಾತು | ವಾತಃ॑ ಪ್ರಾ॒ಣೇನೇ॑ಷಿ॒ರೋ ಮ॑ಯೋ॒ ಭೂಃ |
ಧ್ಯಾವಾ॑ಪೃಥಿ॒ವೀ ಪಯ॑ಸಾ॒ ಪಯೋ॑ಭಿಃ | ಋ॒ತಾವ॑ರೀ ಯ॒ಜ್ಞಿಯೇ॑ ಮಾ ಪುನೀತಾಂ |
ಬೃ॒ಹದ್ಭಿಃ॑ ಸವಿತ॒ಸ್ತೃಭಿಃ॑ | ವರ್ಷಿ॑ಷ್ಠೈರ್ದೇವ॒ಮನ್ಮ॑ಭಿಃ |
ಅಗ್ನೇ॒ ದಕ್ಷೈಃ᳚ ಪುನಾಹಿ ಮಾ | ಯೇನ॑ ದೇ॒ವಾ ಅಪು॑ನತ |
ಯೇನಾಪೋ॑ ದಿ॒ವ್ಯಂಕಶಃ॑ | ತೇನ॑ ದಿ॒ವ್ಯೇನ॒ ಬ್ರಹ್ಮ॑ಣಾ |
ಇ॒ದಂ ಬ್ರಹ್ಮ॑ ಪುನೀಮಹೇ | ಯಃ ಪಾ॑ವಮಾ॒ನೀರ॒ಧ್ಯೇತಿ॑ |
ಋಷಿ॑ಭಿ॒ಸ್ಸಂಭೃ॑ತ॒ꣳ॒ ರಸಂ᳚ | ಸರ್ವ॒ꣳ॒ ಸ ಪೂ॒ತಮ॑ಶ್ನಾತಿ |
ಸ್ವ॒ದಿ॒ತಂ ಮಾ॑ತ॒ರಿಶ್ವ॑ನಾ | ಪಾ॒ವ॒ಮಾನೀರ್ಯೋ ಅ॒ಧ್ಯೇತಿ॑ |
ಋಷಿ॑ಭಿ॒ಸ್ಸಂಭೃ॑ತ॒ꣳ॒ ರಸಂ᳚ | ತಸ್ಮೈ॒ ಸರ॑ಸ್ವತೀ ದುಹೇ |
ಕ್ಷೀ॒ರꣳ ಸ॒ರ್ಪಿರ್ಮಧೂ॑ದ॒ಕಂ | ಪಾ॒ವ॒ಮಾ॒ನೀಸ್ಸ್ವ॒ಸ್ತಯ॑ನೀಃ |
ಸು॒ದುಘಾ॒ಹಿ ಪಯ॑ಸ್ವತೀಃ | ಋಷಿ॑ಭಿ॒ಸ್ಸಂಭೃ॑ತೋ॒ ರಸಃ॑ |
ಬ್ರಾ॒ಹ್ಮ॒ಣೇಷ್ವ॒ಮೃತꣳ॑ ಹಿ॒ತಂ | ಪಾ॒ವ॒ಮಾ॒ನೀರ್ದಿ॑ಶಂತು ನಃ |
ಇ॒ಮಂ ಲೋ॒ಕಮಥೋ॑ ಅ॒ಮುಂ | ಕಾಮಾಂ॒ಥ್ಸಮ॑ರ್ಧಯಂತು ನಃ |
ದೇ॒ವೀರ್ದೇ॒ವೈಃ ಸ॒ಮಾಭೃ॑ತಾಃ | ಪಾ॒ವ॒ಮಾ॒ನೀಸ್ಸ್ವ॒ಸ್ತ್ಯಯ॑ನೀಃ |
ಸು॒ದುಘಾ॒ಹಿ ಘೃ॑ತ॒ಶ್ಚುತಃ॑ | ಋಷಿ॑ಭಿ॒ಸ್ಸಂಭೃ॑ತೋ॒ ರಸಃ॑ |
ಬ್ರಾ॒ಹ್ಮ॒ಣೇಷ್ವ॒ಮೃತꣳ॑ ಹಿ॒ತಂ | ಯೇನ॑ ದೇ॒ವಾಃ ಪ॒ವಿತ್ರೇ॑ಣ |
ಆ॒ತ್ಮಾನಂ॑ ಪು॒ನತೇ॒ ಸದಾ᳚ | ತೇನ॑ ಸ॒ಹಸ್ರ॑ಧಾರೇಣ |
ಪಾ॒ವ॒ಮಾ॒ನ್ಯಃ ಪು॑ನಂತು ಮಾ | ಪ್ರಾ॒ಜಾ॒ಪ॒ತ್ಯಂ ಪ॒ವಿತ್ರಂ᳚ |
ಶ॒ತೋಧ್ಯಾ॑ಮꣳ ಹಿರ॒ಣ್ಮಯಂ᳚ | ತೇನ॑ ಬ್ರಹ್ಮ॒ ವಿದೋ॑ ವ॒ಯಂ |
ಪೂ॒ತಂ ಬ್ರಹ್ಮ॑ ಪುನೀಮಹೇ | ಇಂದ್ರ॑ಸ್ಸುನೀ॒ತೀ ಸ॒ಹಮಾ॑ ಪುನಾತು |
ಸೋಮ॑ಸ್ಸ್ವ॒ಸ್ತ್ಯಾ ವರು॑ಣಸ್ಸ॒ಮೀಚ್ಯಾ᳚ | ಯಮೋ॒ ರಜಾ᳚ ಪ್ರಮೃ॒ಣಾಭಿಃ॑ ಪುನಾತು ಮಾ |
ಜಾ॒ತವೇ॑ದಾ ಮೋ॒ರ್ಜಯಂ॑ತ್ಯಾ ಪುನಾತು | ಭೂರ್ಭುವ॒ಸ್ಸುವಃ॑ |

ತಚ್ಛಂ॒ ಯೋರಾವೃ॑ಣೀಮಹೇ | ಗಾ॒ತುಂ ಯ॒ಜ್ಞಾಯ॑ |
ಗಾ॒ತುಂ ಯಜ್ಞಪ॑ತಯೇ | ದೈವೀ᳚ಸ್ಸ್ವ॒ಸ್ತಿರ॑ಸ್ತು ನಃ |
ಸ್ವ॒ಸ್ತಿರ್ಮಾನು॑ಷೇಭ್ಯಃ | ಊ॒ರ್ಧ್ವಂ ಜಿ॑ಗಾತು ಭೇಷ॒ಜಂ |
ಶನ್ನೋ॑ ಅಸ್ತು ದ್ವಿ॒ಪದೇ᳚ | ಶಂ ಚತು॑ಷ್ಪದೇ |
ಓಂ ಶಾಂತಿ॒ಶ್ಶಾಂತಿ॒ಶ್ಶಾಂತಿಃ॑ |

ನಮೋ॒ ಬ್ರಹ್ಮ॑ಣೇ॒ ನಮೋ॑ ಅಸ್ತ್ವ॒ಗ್ನಯೇ॒ ನಮಃ॑ ಪೃಥಿ॒ವ್ಯೈ ನಮ॒ ಓಷ॑ಧೀಭ್ಯಃ |
ನಮೋ॑ ವಾ॒ಚೇ ನಮೋ॑ ವಾ॒ಚಸ್ಪತ॑ಯೇ॒ ವಿಷ್ಣ॑ವೇ ಬೃಹ॒ತೇ ಕ॑ರೋಮಿ ||

ಓಂ ಶಾಂತಿ॒ಶ್ಶಾಂತಿ॒ಶ್ಶಾಂತಿಃ॑ |

|| ಪ್ರೋಕ್ಷಣ ಮಂತ್ರಾಃ ||

ಆಪೋ॒ಹಿಷ್ಠಾ ಮ॑ಯೋ॒ ಭುವ॒ಸ್ತಾನ॑ ಊ॒ರ್ಜೇ ದ॑ಧಾತನ | ಮ॒ಹೇರಣಾ॑ಯ ಚಕ್ಷ॑ಸೇ ||

ಯೋವಃ॑ ಶಿ॒ವತ॑ಮೋ॒ ರಸ॒ಸ್ತಸ್ಯ॑ ಭಾಜಯತೇ॒ಹನಃ॑ | ಉ॒ಶ॒ತೀರಿ॑ವ ಮಾ॒ತರಃ॑ ||

ತಸ್ಮಾ॒ ಅರಂ॑ ಗಮಾಮ ವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ | ಆಪೋ॑ ಜ॒ನಯ॑ಥಾ ಚ ನಃ ||

ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇ | ಅ॒ಶ್ವಿನೋ᳚ರ್ಬಾ॒ಹುಭ್ಯಾಂ᳚ | ಪೂ॒ಷ್ಣೋ ಹಸ್ತಾ᳚ಭ್ಯಾಂ |
ಅ॒ಶ್ವಿನೋ॒ರ್ಭೈಷ॑ಜ್ಯೇನ | ತೇಜ॑ಸೇ ಬ್ರಹ್ಮವರ್ಚ॒ಸಾಯಾ॒ಭಿಷಿಂ॑ಚಾಮಿ ||

ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇ | ಅ॒ಶ್ವಿನೋ᳚ರ್ಬಾ॒ಹುಭ್ಯಾಂ᳚ | ಪೂ॒ಷ್ಣೋ ಹಸ್ತಾ᳚ಭ್ಯಾಂ |
ಸರ॑ಸ್ವತ್ಯೈ॒ ಭೈಷ॑ಜ್ಯೇನ | ವೀ॒ರ್ಯಾ॑ಯಾ॒ನ್ನಾದ್ಯಾ॑ಯಾ॒ಭಿಷಿಂ॑ಚಾಮಿ ||

ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇ | ಅ॒ಶ್ವಿನೋ᳚ರ್ಬಾ॒ಹುಭ್ಯಾಂ᳚ | ಪೂ॒ಷ್ಣೋ ಹಸ್ತಾ᳚ಭ್ಯಾಂ |
ಇಂದ್ರ॑ಸ್ಯೇಂದ್ರಿ॒ಯೇಣ॑ | ಶ್ರಿ॒ಯೇ ಯಶ॑ಸೇ॒ ಬಲಾ॑ಯಾ॒ಭಿಷಿಂ॑ಚಾಮಿ ||

ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇ᳚ಽಶ್ವಿನೋ᳚ರ್ಬಾ॒ಹುಭ್ಯಾಂ᳚ ಪೂ॒ಷ್ಣೋ ಹಸ್ತಾ᳚ಭ್ಯಾ॒ꣳ॒
ಸರ॑ಸ್ವತ್ಯೈ॒ ವಾ॒ಚೋ ಯಂ॒ತುರ್ಯಂ॒ತ್ರೇಣಾ॒ಗ್ನೇಸ್ತ್ವಾ॒ ಸಾಮ್ರಾ᳚ಜ್ಯೇನಾ॒॒ಭಿಷಿಂ॑ಚಾಮಿ ||

ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇ᳚ಽಶ್ವಿನೋ᳚ರ್ಬಾ॒ಹುಭ್ಯಾಂ᳚ ಪೂ॒ಷ್ಣೋ ಹಸ್ತಾ᳚ಭ್ಯಾ॒ꣳ॒
ಸರ॑ಸ್ವತ್ಯೈ॒ ವಾ॒ಚೋ ಯಂ॒ತುರ್ಯಂ॒ತ್ರೇಣ॒ ಬೃಹ॒ಸ್ಪತೇ᳚ಸ್ತ್ವಾ॒ ಸಾಮ್ರಾ᳚ಜ್ಯೇನಾ॒॒ಭಿಷಿಂ॑ಚಾಮಿ ||

ದ್ರು॒ಪ॒ದಾದಿ॑ವ॒ ಮುಂಚ॑ತು | ದ್ರು॒ಪ॒ದಾದಿ॒ವೇನ್ಮು॑ಮುಚಾ॒ನಃ |
ಸ್ವಿ॒ನ್ನಃ ಸ್ನಾ॒ತ್ವೀ ಮಲಾ॑ದಿವ | ಪೂ॒ತಂ ಪ॒ವಿತ್ರೇ॑ಣೇ॒ವಾಜ್ಯಂ᳚ |
ಆಪ॑ಶ್ಶುಂಧಂತು॒ ಮೈನ॑ಸಃ |

ಆಪೋ॒ ವಾ ಇ॒ದꣳ ಸರ್ವಂ॒ ವಿಶ್ವಾ॑ ಭೂ॒ತಾನ್ಯಾಪಃ॑ ಪ್ರಾ॒ಣಾ ವಾ ಆಪಃ॑
ಪ॒ಶವ॒ ಆಪೋಽನ್ನ॒ಮಾಪೋಽಮೃ॑ತ॒ಮಾಪಃ॑ ಸ॒ಮ್ರಾಡಾಪೋ॑ ವಿ॒ರಾಡಾಪಃ॑
ಸ್ವ॒ರಾಡಾಪ॒ಶ್ಛಂದಾ॒ꣳ॒ಸ್ಯಾಪೋ॒ ಜ್ಯೋತೀ॒ꣳ॒ಷ್ಯಾಪೋ॒
ಯಜೂ॒ꣳ॒ಷ್ಯಾಪ॑ಸ್ಸ॒ತ್ಯಮಾಪ॒ಸ್ಸರ್ವಾ॑ ದೇ॒ವತಾ॒ ಆಪೋ॒
ಭೂರ್ಭುವ॒ಸ್ಸುವ॒ರಾಪ॒ ಓಂ ||

|| ಉದಕಶಾಂತಿ – ಮಂತ್ರಪಾಠಃ ಸಮಾಪ್ತಃ ||