శృణుధ్వం మునయః సర్వే గోపాలస్య మహాత్మనః |
అనంతస్యాప్రమేయస్య నామద్వాదశకం స్తవమ్ || ౧ ||
అర్జునాయ పురా గీతం గోపాలేన మహాత్మనా |
ద్వారకాయాం ప్రార్థయతే యశోదాయాశ్చ సన్నిధౌ || ౨ ||
ధ్యానమ్ –
జానుభ్యామపి ధావంతం బాహుభ్యామతిసుందరమ్ |
సకుండలాలకం బాలం గోపాలం చింతయేదుషః || ౪ ||
స్తోత్రమ్ –
ప్రథమం తు హరిం విద్యాద్ద్వితీయం కేశవం తథా |
తృతీయం పద్మనాభం తు చతుర్థం వామనం తథా || ౫ ||
పంచమం వేదగర్భం చ షష్ఠం తు మధుసూదనమ్ |
సప్తమం వాసుదేవం చ వరాహం చాఽష్టమం తథా || ౬ ||
నవమం పుండరీకాక్షం దశమం తు జనార్దనమ్ |
కృష్ణమేకాదశం ప్రోక్తం ద్వాదశం శ్రీధరం తథా || ౭ ||
ఏతద్ద్వాదశనామాని మయా ప్రోక్తాని ఫల్గున |
కాలత్రయే పఠేద్యస్తు తస్య పుణ్యఫలం శృణు || ౮ ||
చాంద్రాయణసహస్రస్య కన్యాదానశతస్య చ |
అశ్వమేధసహస్రస్య ఫలమాప్నోతి మానవః || ౯ ||
ఇతి శ్రీ గోపాల ద్వాదశనామ స్తోత్రమ్ ||