అజ్ఞానమేతద్ద్వైతాఖ్యమద్వైతం శ్రేయసామ్పరమ్
మమ త్వహమితి ప్రజ్ఞావియుక్తమితి కల్పవత్ || ౧ ||
అవికార్యమనాఖ్యేయమద్వైతమనుభూయతే
మనోవృత్తిమయం ద్వైతమద్వైతం పరమార్థతః || ౨ ||
మనసో వృత్తయస్తస్మాద్ధర్మాధర్మనిమిత్తజాః
నిరోద్ధవ్యాస్తన్నిరోధేనాద్వైతం నోపపద్యతే || ౩ ||
మనోదృష్టమిదం సర్వం యత్కించిత్సదరాచరమ్
మనసో హ్యమనీభావేఽద్వైతభావం తదాప్నుయాత్ || ౪ ||
బహిః ప్రజ్ఞాం సదోత్సృజ్యాప్యన్తః ప్రజ్ఞాం చ యో బుధః
కయాపి ప్రజ్ఞయోపేతః ప్రజ్ఞావానితి కథ్యతే || ౫ ||
కర్మణో భావనాచేయం సా బ్రహ్మపరిపన్థినీ
కర్మభావనయా తుల్యం విజ్ఞానముపజాయతే || ౬ ||