నాఽహం దేహో నేంద్రియాణ్యంతరంగం
నాఽహంకారః ప్రాణవర్గో న చాఽహమ్ |
దారాపత్యక్షేత్రవిత్తాదిదూర-
స్సాక్షీ నిత్యః ప్రత్యగాత్మా శివోఽహమ్ || ౧ ||
రజ్జ్వజ్ఞానాద్భాతి రజ్జుర్యథా హి-
స్స్వాత్మాజ్ఞానాదాత్మనో జీవభావః |
ఆప్తోక్త్యా హి భ్రాంతినాశే స రజ్జు-
ర్జీవో నాఽహం దేశికోక్త్యా శివోఽహమ్ || ౨ ||
అభాతీదం విశ్వమాత్మన్యసత్యం
సత్యజ్ఞానానందరూపే విమోహాత్ |
నిద్రామోహా-త్స్వప్నవత్తన్న సత్త్యం
శుద్ధః పూర్ణో నిత్య ఏకశ్శివోఽహమ్ || ౩ ||
మత్తో నాన్యత్కించిదత్రాప్తి విశ్వం
సత్యం బాహ్యం వస్తుమాయోపక్లుప్తమ్ |
ఆదర్శాంతర్భాసమానస్య తుల్యం
మయ్యద్వైతే భాతి తస్మాచ్ఛివోఽహమ్ || ౪ ||
నాఽహం జాతో న ప్రవృద్ధో న నష్టో
దేహస్యోక్తాః ప్రాకృతాస్సర్వధర్మాః |
కర్తృత్వాది-శ్చిన్మయస్యాస్తి నాఽహం
కారస్యైవ హ్యాత్మనో మే శివోఽహమ్ || ౫ ||
నాఽహం జాతో జన్మమృత్యుః కుతో మే
నాఽహం ప్రాణః క్షుత్పిపాసే కుతో మే |
నాఽహం చిత్తం శోకమోహౌ కుతో మే
నాఽహం కర్తా బంధమోక్షౌ కుతో మే || ౬ ||
ఇతి శ్రీమచ్ఛంకరభవత్పాదాచార్య స్వామి విరచితాత్మపంచకమ్ ||