ఓం
వాస్తో॑ష్పతే॒ ప్రతి॑ జానీహ్య॒స్మాన్స్వా॑వే॒శో అ॑నమీ॒వో భ॑వా నః |
యత్త్వేమ॑హే॒ ప్రతి॒ తన్నో॑ జుషస్వ॒ శం నో॑ భవ ద్వి॒పదే॒ శం చతు॑ష్పదే || ౭.౦౫౪.౦౧
వాస్తో॑ష్పతే ప్ర॒తర॑ణో న ఏధి గయ॒స్ఫానో॒ గోభి॒రశ్వే॑భిరిన్దో |
అ॒జరా॑సస్తే స॒ఖ్యే స్యా॑మ పి॒తేవ॑ పు॒త్రాన్ప్రతి॑ నో జుషస్వ || ౭.౦౫౪.౦౨
వాస్తో॑ష్పతే శ॒గ్మయా॑ సం॒సదా॑ తే సక్షీ॒మహి॑ ర॒ణ్వయా॑ గాతు॒మత్యా॑ |
పా॒హి క్షేమ॑ ఉ॒త యోగే॒ వరం॑ నో యూ॒యం పా॑త స్వ॒స్తిభిః॒ సదా॑ నః || ౭.౦౫౪.౦౩
అ॒మీ॒వ॒హా వా॑స్తోష్పతే॒ విశ్వా॑ రూ॒పాణ్యా॑వి॒శన్ |
సఖా॑ సు॒శేవ॑ ఏధి నః || ౭.౦౫౫.౦౧
వాస్తో॑ష్పతే ధ్రు॒వా స్థూణాంస॑త్రం సో॒మ్యానా॑మ్ |
ద్ర॒ప్సో భే॒త్తా పు॒రాం శశ్వ॑తీనా॒మిన్ద్రో॒ మునీ॑నాం॒ సఖా॑ || ౮.౦౧౭.౧౪
మరిన్ని వేదసూక్తములు చూడండి.