(ఋ.వే.౧.౧౮౭.౧)
పి॒తుం ను స్తో॑షం మ॒హో ధ॒ర్మాణ॒o తవి॑షీమ్ |
యస్య॑ త్రి॒తో వ్యోజ॑సా వృ॒త్రం విప॑ర్వమ॒ర్దయ॑త్ || ౧ ||
స్వాదో॑ పితో॒ మధో॑ పితో వ॒యం త్వా॑ వవృమహే |
అ॒స్మాక॑మవి॒తా భ॑వ || ౨ ||
ఉప॑ నః పిత॒వా చ॑ర శి॒వః శి॒వాభి॑రూ॒తిభి॑: |
మ॒యో॒భుర॑ద్విషే॒ణ్యః సఖా॑ సు॒శేవో॒ అద్వ॑యాః || ౩ ||
తవ॒ త్యే పి॑తో॒ రసా॒ రజా॒oస్యను॒ విష్ఠి॑తాః |
ది॒వి వాతా॑ ఇవ శ్రి॒తాః || ౪ ||
తవ॒ త్యే పి॑తో॒ దద॑త॒స్తవ॑ స్వాదిష్ఠ॒ తే పి॑తో |
ప్ర స్వా॒ద్మానో॒ రసా॑నాం తువి॒గ్రీవా॑ ఇవేరతే || ౫ ||
త్వే పి॑తో మ॒హానా॑o దే॒వానా॒o మనో॑ హి॒తమ్ |
అకా॑రి॒ చారు॑ కే॒తునా॒ తవాహి॒మవ॑సావధీత్ || ౬ ||
యద॒దో పి॑తో॒ అజ॑గన్వి॒వస్వ॒ పర్వ॑తానామ్ |
అత్రా॑ చిన్నో మధో పి॒తోఽర॑o భ॒క్షాయ॑ గమ్యాః || ౭ ||
యద॒పామోష॑ధీనాం పరి॒oశమా॑రి॒శామ॑హే |
వాతా॑పే॒ పీవ॒ ఇద్భ॑వ || ౮ ||
యత్తే॑ సోమ॒ గవా॑శిరో॒ యవా॑శిరో॒ భజా॑మహే |
వాతా॑పే॒ పీవ॒ ఇద్భ॑వ || ౯ ||
క॒ర॒మ్భ ఓ॑షధే భవ॒ పీవో॑ వృ॒క్క ఉ॑దార॒థిః |
వాతా॑పే॒ పీవ॒ ఇద్భ॑వ || ౧౦ ||
తం త్వా॑ వ॒యం పి॑తో॒ వచో॑భి॒ర్గావో॒ న హ॒వ్యా సు॑షూదిమ |
దే॒వేభ్య॑స్త్వా సధ॒మాద॑మ॒స్మభ్య॑o త్వా సధ॒మాద॑మ్ || ౧౧ ||
మరిన్ని వేదసూక్తములు చూడండి.