ప్రాతః స్మరామి ఫణిరాజతనౌ శయానం
నాగామరాసురనరాదిజగన్నిదానమ్ |
వేదైః సహాగమగణైరుపగీయమానం
కాంతారకేతనవతాం పరమం నిధానమ్ || ౧ ||
ప్రాతర్భజామి భవసాగరవారిపారం
దేవర్షిసిద్ధనివహైర్విహితోపహారమ్ |
సందృప్తదానవకదంబమదాపహారం
సౌందర్యరాశి జలరాశిసుతావిహారమ్ || ౨ ||
ప్రాతర్నమామి శరదంబరకాంతికాంతం
పాదారవిందమకరందజుషాం భవాంతమ్ |
నానాఽవతారహృతభూమిభరం కృతాంతం
పాథోజకంబురథపాదకరం ప్రశాంతమ్ || ౩ ||
శ్లోకత్రయమిదం పుణ్యం బ్రహ్మానందేన కీర్తితమ్ |
యః పఠేత్ ప్రాతరుత్థాయ సర్వపాపైః ప్రముచ్యతే || ౪ ||
ఇతి శ్రీమత్పరమహంస స్వామి బ్రహ్మానంద విరచితం శ్రీ విష్ణు ప్రాతః స్మరణ స్తోత్రమ్ |