ৱিক্রমপাংড্য উৱাচ-
কল্যাণাচলকোদংডকাংতদোর্দংডমংডিতম্ |
কবলীকৃতসংসারং কলযেঽট্টালসুংদরম্ || ১ ||
কালকূটপ্রভাজালকলংকীকৃতকংধরম্ |
কলাধরং কলামৌলিং কলযেঽট্টালসুংদরম্ || ২ ||
কালকালং কলাতীতং কলাৱংতং চ নিষ্কলম্ |
কমলাপতিসংস্তুত্যং কলযেঽট্টালসুংদরম্ || ৩ ||
কাংতার্ধং কমনীযাংগং করুণামৃতসাগরম্ |
কলিকল্মষদোষঘ্নং কলযেঽট্টালসুংদরম্ || ৪ ||
কদংবকাননাধীশং কাংক্ষিতার্থসুরদ্রুমম্ |
কামশাসনমীশানং কলযেঽট্টালসুংদরম্ || ৫ ||
সৃষ্টানি মাযযা যেন ব্রহ্মাংডানি বহূনি চ |
রক্ষিতানি হতান্যংতে কলযেঽট্টালসুংদরম্ || ৬ ||
স্ৱভক্তজনসংতাপপাপাপদ্ভংগতত্পরম্ |
কারণং সর্ৱজগতাং কলযেঽট্টালসুংদরম্ || ৭ ||
কুলশেখরৱংশোত্থভূপানাং কুলদৈৱতম্ |
পরিপূর্ণং চিদানংদং কলযেঽট্টালসুংদরম্ || ৮ ||
অট্টালৱীরশ্রীশংভোরষ্টকং ৱরমিষ্টদম্ |
পঠতাং শৃণ্ৱতাং সদ্যস্তনোতু পরমাং শ্রিযম্ || ৯ ||
ইতি শ্রীহালাস্যমাহাত্ম্যে ৱিক্রমপাংড্যকৃতং অট্টালসুংদরাষ্টকম্ |