ত্রিদলং ত্রিগুণাকারং ত্রিনেত্রং চ ত্রিযাযুধম্ |
ত্রিজন্মপাপসংহারং একবিল্ৱং শিৱার্পণম্ || ১ ||
ত্রিশাখৈর্বিল্ৱপত্রৈশ্চ হ্যচ্ছিদ্রৈঃ কোমলৈঃ শুভৈঃ |
শিৱপূজাং করিষ্যামি একবিল্ৱং শিৱার্পণম্ || ২ ||
অখংডবিল্ৱপত্রেণ পূজিতে নংদিকেশ্ৱরে |
শুদ্ধ্যংতি সর্ৱপাপেভ্যঃ একবিল্ৱং শিৱার্পণম্ || ৩ ||
সালগ্রামশিলামেকাং জাতু ৱিপ্রায যোঽর্পযেত্ |
সোমযজ্ঞমহাপুণ্যং একবিল্ৱং শিৱার্পণম্ || ৪ ||
দংতিকোটিসহস্রাণি ৱাজপেযশতানি চ |
কোটিকন্যামহাদানাং একবিল্ৱং শিৱার্পণম্ || ৫ ||
পার্ৱত্যাঃ স্ৱেদসংজাতং মহাদেৱস্য চ প্রিযম্ |
বিল্ৱৱৃক্ষং নমস্যামি একবিল্ৱং শিৱার্পণম্ || ৬ ||
দর্শনং বিল্ৱৱৃক্ষস্য স্পর্শনং পাপনাশনম্ |
অঘোরপাপসংহারং একবিল্ৱং শিৱার্পণম্ || ৭ ||
মূলতো ব্রহ্মরূপায মধ্যতো ৱিষ্ণুরূপিণে |
অগ্রতঃ শিৱরূপায একবিল্ৱং শিৱার্পণম্ || ৮ ||
বিল্ৱাষ্টকমিদং পুণ্যং যঃ পঠেচ্ছিৱসন্নিধৌ |
সর্ৱপাপৱিনির্মুক্তঃ শিৱলোকমৱাপ্নুযাত্ || ৯ ||
ইতি বিল্ৱাষ্টকম্ ||