নামস্মরণাদন্যোপাযং ন হি পশ্যামো ভৱতরণে |
রাম হরে কৃষ্ণ হরে তৱ নাম ৱদামি সদা নৃহরে ||
ৱেদোদ্ধারৱিচারমতে সোমকদানৱসংহরণে
মীনাকারশরীর নমো হরি ভক্তং তে পরিপালয মাম্ || ১ ||
মংথানাচলধারণহেতো দেৱাসুর পরিপাল ৱিভো
কূর্মাকারশরীর নমো হরি ভক্তং তে পরিপালয মাম্ || ২ ||
ভূচোরকহর পুণ্যমতে ক্রীঢোদ্ধৃতভূদেশহরে
ক্রোঢাকার শরীর নমো হরি ভক্তং তে পরিপালয মাম্ || ৩ ||
হিরণ্যকশিপুচ্ছেদনহেতো প্রহ্লাদাঽভযধারণহেতো
নরসিংহাচ্যুতরূপ নমো হরি ভক্তং তে পরিপালয মাম্ || ৪ ||
বলিমদভংজন ৱিততমতে পাদোদ্ৱযকৃতলোককৃতে
ৱটুপটুৱেষ মনোজ্ঞ নমো হরি ভক্তং তে পরিপালয মাম্ || ৫ ||
ক্ষিতিপতিৱংশসংভৱমূর্তে ক্ষিতিপতিরক্ষাক্ষতমূর্তে
ভৃগুপতিরামৱরেণ্য নমো হরি ভক্তং তে পরিপালয মাম্ || ৬ ||
সীতাৱল্লভ দাশরথে দশরথনংদন লোকগুরো
রাৱণমর্দন রাম নমো হরি ভক্তং তে পরিপালয মাম্ || ৭ ||
কৃষ্ণানংত কৃপাজলধে কংসারে কমলেশ হরে
কালিযমর্দন কৃষ্ণ নমো হরি ভক্তং তে পরিপালয মাম্ || ৮ ||
ত্রিপুরসতী মানৱিহরণা ত্রিপুরৱিজযমার্গনরূপা
শুদ্ধজ্ঞানৱিবুদ্ধ নমো ভক্তাং তে পরিপালয মাম্ || ৯ ||
শিষ্টজনাৱন দুষ্টহর খগতুরগোত্তমৱাহন তে
কল্কিরূপপরিপাল নমো ভক্তাং তে পরিপালয মাম্ || ১০ ||
নামস্মরণাদন্যোপাযং ন হি পশ্যামো ভৱতরণে
রাম হরে কৃষ্ণ হরে তৱ নাম ৱদামি সদা নৃহরে || ১১ ||