কুলশেখরপাংড্য উৱাচ –
মহানীপারণ্যাংতর কনকপদ্মাকরতটী
মহেংদ্রানীতাষ্টদ্ৱিপধৃতৱিমানাংতরগতম্ |
মহালীলাভূতপ্রকটিতৱিশিষ্টাত্মৱিভৱং
মহাদেৱং ৱংদে মধুরশফরাক্ষীসহচরম্ || ১ ||
নমন্নালীকাক্ষাংবুজ ভৱসুনাশীর মকুটী
ৱমন্মাণিক্যাংশুস্ফুরদরুণপাদাব্জযুগলম্ |
অমংদানংদাব্ধিং হরিনযনপদ্মার্চিতপদং
মহাদেৱং ৱংদে মধুরশফরাক্ষীসহচরম্ || ২ ||
মহামাতংগাসৃগ্ৱরৱসনমদীংদ্রতনযা
মহাভাগ্যং মত্তাংধককরটিকংঠীরৱৱরম্ |
মহাভোগীংদ্রোদ্যত্ফণগণিগণালংকৃততনুং
মহাদেৱং ৱংদে মধুরশফরাক্ষীসহচরম্ || ৩ ||
সমীরাহারেংদ্রাংগদমখিললোকৈকজননং
সমীরাহারাত্মা প্রণতজনহৃত্পদ্মনিলযম্ |
সুমীনাক্ষী ৱক্ত্রাংবুজ তরুণসূরং সুমনসং
মহাদেৱং ৱংদে মধুরশফরাক্ষীসহচরম্ || ৪ ||
নতাঘৌঘারণ্যানলমনিলভুঙ্নাথৱলযং
সুধাংশোরর্ধাংশং শিরসি দধতং জহ্নুতনযাম্ |
ৱদান্যানামাদ্যং ৱরৱিবুধৱংদ্যং ৱরগুণং
মহাদেৱং ৱংদে মধুরশফরাক্ষীসহচরম্ || ৫ ||
মহাদুগ্ধাংবোধৌমথনজৱসংভূতমসিতং
মহাকালং কংঠে সকলভযভংগায দধতম্ |
মহাকারুণ্যাব্ধিং মধুমথন দৃগ্দূরচরণং
মহাদেৱং ৱংদে মধুরশফরাক্ষীসহচরম্ || ৬ ||
দশাস্যাহংকার দ্রুম কুলিশিতাংগুষ্ঠনখরং
নিশানাথ শ্রীজিন্নিজৱদনবিংবং নিরৱধিম্ |
ৱিশালাক্ষং ৱিশ্ৱপ্রভৱ ভরণোপাযকরণং
মহাদেৱং ৱংদে মধুরশফরাক্ষীসহচরম্ || ৭ ||
অনাকারংহারিকৃতভুজগরাজং পুরহরং
সনাথং শর্ৱাণ্যা সরসিরুহপত্রাযতদৃশম্ |
দিনারংভাদিত্যাযুতশতনিভানংদৱপুষং
মহাদেৱং ৱংদে মধুরশফরাক্ষীসহচরম্ || ৮ ||
উমাপীনোত্তুংগ স্তনতটল সত্কুংকুমরজ-
স্সমাহারাত্যংতারুণৱিপুলদোরংতরতলম্ |
রমা ৱাণীংদ্রাণীরতিৱিরচিতারাধনৱিধিং
মহাদেৱং ৱংদে মধুরশফরাক্ষীসহচরম্ || ৯ ||
ধরাপাথস্স্ৱাহাসহচর জগত্প্রাণশশভৃ-
ত্সুরাধ্ৱাহর্নাদাধ্ৱর করশরীরং শশিধরম্ |
সুরাহারাস্ৱাদাতিশয নিজৱাচং সুখকরং
মহাদেৱং ৱংদে মধুরশফরাক্ষীসহচরম্ || ১০ ||
ধরাপীঠং ধারাধরকলশমাকাশৱপুষং
ধরাভৃদ্দোদ্দংডং তপন শশি ৱৈশ্ৱানরদৃশম্ |
ৱিরাজন্নক্ষত্র প্রসৱমুদরীভূত জলধিং
মহাদেৱং ৱংদে মধুরশফরাক্ষীসহচরম্ || ১১ ||
সুপর্ণাংকাংভোজাসন দৃগতি দূরাংঘ্রিমকুটং
সুৱর্ণাহার স্রক্সুরৱিটপিশাখাযুতভুজম্ |
অপর্ণাপাদাব্জাহতি চলিত চংদ্রার্থিত জটং
মহাদেৱং ৱংদে মধুরশফরাক্ষীসহচরম্ || ১২ ||
মখারাতিং মংদস্মিত মধুরবিংবাধর লস-
ন্মুখাংভোজং মুগ্ধামৃতকিরণচূডামণিধরম্ |
নখাকৃষ্টেভত্ৱক্পরিৱৃত শরীরং পশুপতিং
মহাদেৱং ৱংদে মধুরশফরাক্ষীসহচরম্ || ১৩ ||
সহস্রাব্জৈকোনে নিজনযনমুদ্ধৃত্য জযতে
সহস্রাখ্যাপূর্ত্যৈ সরসিজদৃশে যেন কৃপযা |
সহস্রারং দত্তং তপন নিযুতাভং রথপদং
মহাদেৱং ৱংদে মধুরশফরাক্ষীসহচরম্ || ১৪ ||
রথাৱন্যাম্নাযাশ্ৱমজরথকারং রণপটুং
রথাংগাদিত্যেংদুং রথপদ ধরাস্ত্রং রথিৱরম্ |
রথাধারেষ্ৱাসং রথধর গুণং রম্যফলদং
মহাদেৱং ৱংদে মধুরশফরাক্ষীসহচরম্ || ১৫ ||
ধরাকর্ষাপাস্ত প্রচুর ভুজকংডূযন জলং
ধরাহার্যদ্ৱৈধী করণহৃতলোকত্রযভযম্ |
স্মরাকারাহারাৱৃতচটুল পালানলকণং
মহাদেৱং ৱংদে মধুরশফরাক্ষীসহচরম্ || ১৬ ||
সোমসুংদরনাথস্য স্তোত্রং ভক্ত্যা পঠংতি যে |
শ্রিযাপরমযা যুক্তাশ্শিৱমংতে ভজংতি তে || ১৭ ||
ইতি শ্রীহালাস্যমহাত্ম্যে কুলশেখরপাংড্যকৃতা শ্রীশিৱস্তুতিঃ |