দে| ১ পর্জন্যঃ, ২ মিত্রঃ, ৩ বরুণঃ, ৪ চন্দ্রঃ, ৫ সূর্যঃ, (১-৯ মূত্রমোচনং)| অনুষ্টুপ্, ১-৫ পথ্যাপঙ্ক্তিঃ|
বি॒দ্মা শ॒রস্য॑ পি॒তরং॑ প॒র্জন্যং॑ শ॒তবৃ॑ষ্ণ্যম্ |
তেনা॑ তে ত॒ন্বে॑(৩) শং ক॑রং পৃথি॒ব্যাং তে॑ নি॒ষেচ॑নং ব॒হিষ্টে॑ অস্তু॒ বালিতি॑ || ১||
বি॒দ্মা শ॒রস্য॑ পি॒তরং॑ মি॒ত্রং শ॒তবৃ॑ষ্ণ্যম্ |
তেনা॑ তে ত॒ন্বে॑(৩) শং ক॑রং পৃথি॒ব্যাং তে॑ নি॒ষেচ॑নং ব॒হিষ্টে॑ অস্তু॒ বালিতি॑ || ২||
বি॒দ্মা শ॒রস্য॑ পি॒তরং॒ বরু॑ণং শ॒তবৃ॑ষ্ণ্যম্ |
তেনা॑ তে ত॒ন্বে॑(৩) শং ক॑রং পৃথি॒ব্যাং তে॑ নি॒ষেচ॑নং ব॒হিষ্টে॑ অস্তু॒ বালিতি॑ || ৩||
বি॒দ্মা শ॒রস্য॑ পি॒তরং॑ চ॒ন্দ্রং শ॒তবৃ॑ষ্ণ্যম্ |
তেনা॑ তে ত॒ন্বে॑(৩) শং ক॑রং পৃথি॒ব্যাং তে॑ নি॒ষেচ॑নং ব॒হিষ্টে॑ অস্তু॒ বালিতি॑ || ৪||
বি॒দ্মা শ॒রস্য॑ পি॒তরং॒ সূর্যং॑ শ॒তবৃ॑ষ্ণ্যম্ |
তেনা॑ তে ত॒ন্বে॑(৩) শং ক॑রং পৃথি॒ব্যাং তে॑ নি॒ষেচ॑নং ব॒হিষ্টে॑ অস্তু॒ বালিতি॑ || ৫||
যদা॒ন্ত্রেষু॑ গবী॒ন্যোর্যদ্ব॒স্তাবধি॒ সংশ্রু॑তম্ |
এ॒বা তে॒ মূত্রং॑ মুচ্যতাং ব॒হির্বালিতি॑ সর্ব॒কম্ || ৬||
প্র তে॑ ভিনদ্মি॒ মেহ॑নং॒ বর্ত্রং॑ বেশ॒ন্ত্যা ই॑ব |
এ॒বা তে॒ মূত্রং॑ মুচ্যতাং ব॒হির্বালিতি॑ সর্ব॒কম্ || ৭||
বিষি॑তং তে বস্তিবি॒লং স॑মু॒দ্রস্যো॑দ॒ধেরি॑ব |
এ॒বা তে॒ মূত্রং॑ মুচ্যতাং ব॒হির্বালিতি॑ সর্ব॒কম্ || ৮||
যথে॑ষু॒কা প॒রাপ॑ত॒দব॑সৃ॒ষ্টাধি॒ ধন্ব॑নঃ |
এ॒বা তে॒ মূত্রং॑ মুচ্যতাং বহি॒র্বালিতি॑ সর্ব॒কম্ ||৯||