গ্রহাণামাদিরাদিত্যো লোকরক্ষণকারকঃ |
ৱিষমস্থানসংভূতাং পীডাং হরতু মে রৱিঃ || ১ ||
রোহিণীশঃ সুধামূর্তিঃ সুধাগাত্রঃ সুধাশনঃ |
ৱিষমস্থানসংভূতাং পীডাং হরতু মে ৱিধুঃ || ২ ||
ভূমিপুত্রো মহাতেজা জগতাং ভযকৃত্ সদা |
ৱৃষ্টিকৃদ্ৱৃষ্টিহর্তা চ পীডাং হরতু মে কুজঃ || ৩ ||
উত্পাতরূপো জগতাং চংদ্রপুত্রো মহাদ্যুতিঃ |
সূর্যপ্রিযকরো ৱিদ্ৱান্ পীডাং হরতু মে বুধঃ || ৪ ||
দেৱমংত্রী ৱিশালাক্ষঃ সদা লোকহিতে রতঃ |
অনেকশিষ্যসংপূর্ণঃ পীডাং হরতু মে গুরুঃ || ৫ ||
দৈত্যমংত্রী গুরুস্তেষাং প্রাণদশ্চ মহামতিঃ |
প্রভুস্তারাগ্রহাণাং চ পীডাং হরতু মে ভৃগুঃ || ৬ ||
সূর্যপুত্রো দীর্ঘদেহো ৱিশালাক্ষঃ শিৱপ্রিযঃ |
মংদচারঃ প্রসন্নাত্মা পীডাং হরতু মে শনিঃ || ৭ ||
মহাশিরা মহাৱক্ত্রো দীর্ঘদংষ্ট্রো মহাবলঃ |
অতনুশ্চোর্ধ্ৱকেশশ্চ পীডাং হরতু মে শিখী || ৮ ||
অনেকরূপৱর্ণৈশ্চ শতশোঽথ সহস্রশঃ |
উত্পাতরূপো জগতাং পীডাং হরতু মে তমঃ || ৯ ||
ইতি নৱগ্রহ পীডাহর স্তোত্রম্ ||