নমামীশমীশান নির্বাণরূপং
বিভুং ব্যাপকং ব্রহ্মবেদস্বরূপম্ |
নিজং নির্গুণং নির্বিকল্পং নিরীহং
চিদাকাশমাকাশবাসং ভজেঽহম্ || ১ ||
নিরাকারমোঙ্কারমূলং তুরীযং
গিরাজ্ঞানগোতীতমীশং গিরীশম্ |
করালং মহাকালকালং কৃপালুং
গুণাগারসংসারপারং নতোঽহম্ || ২ ||
তুষারাদ্রিসঙ্কাশগৌরং গভীরং
মনোভূতকোটিপ্রভাসী শরীরম্ |
স্ফুরন্মৌলিকল্লোলিনী চারুগঙ্গা
লসদ্ভালবালেন্দু কণ্ঠে ভুজঙ্গম্ || ৩ ||
চলত্কুণ্ডলং শুভ্রনেত্রং বিশালং
প্রসন্নাননং নীলকণ্ঠং দযালুম্ |
মৃগাধীশচর্মাম্বরং মুণ্ডমালং
প্রিযং শঙ্করং সর্বনাথং ভজামি || ৪ ||
প্রচণ্ডং প্রকৃষ্টং প্রগল্ভং পরেশং
অখণ্ডং ভজে ভানুকোটিপ্রকাশম্ |
ত্রযীশূলনির্মূলনং শূলপাণিং
ভজেঽহং ভবানীপতিং ভাবগম্যম্ || ৫ ||
কলাতীতকল্যাণকল্পান্তকারী
সদাসজ্জনানন্দদাতা পুরারী |
চিদানন্দসন্দোহমোহাপহারী
প্রসীদ প্রসীদ প্রভো মন্মথারী || ৬ ||
ন যাবদুমানাথপাদারবিন্দং
ভজন্তীহ লোকে পরে বা নরাণাম্ |
ন তাবত্সুখং শান্তি সন্তাপনাশং
প্রসীদ প্রভো সর্বভূতাধিবাসম্ || ৭ ||
ন জানামি যোগং জপং নৈব পূজাং
নতোঽহং সদা সর্বদা দেব তুভ্যম্ |
জরাজন্মদুঃখৌঘতাতপ্যমানং
প্রভো পাহি শাপান্নমামীশ শম্ভো || ৮ ||
রুদ্রাষ্টকমিদং প্রোক্তং বিপ্রেণ হরতুষ্টযে |
যে পঠন্তি নরা ভক্ত্যা তেষাং শম্ভুঃ প্রসীদতি || ৯ ||
ইতি শ্রীগোস্বামি তুলসীদাস কৃতং শ্রীরুদ্রাষ্টকম্ |