পিতামহশিরচ্ছেদপ্রৱীণকরপল্লৱ |
নমস্তুভ্যং নমস্তুভ্যং নমস্তুভ্যং মহেশ্ৱর || ১ ||
নিশুংভশুংভপ্রমুখদৈত্যশিক্ষণদক্ষিণে |
নমস্তুভ্যং নমস্তুভ্যং নমস্তুভ্যং মহেশ্ৱরি || ২ ||
শৈলরাজস্য জামাতঃ শশিরেখাৱতংসক |
নমস্তুভ্যং নমস্তুভ্যং নমস্তুভ্যং মহেশ্ৱর || ৩ ||
শৈলরাজাত্মজে মাতঃ শাতকুংভনিভপ্রভে |
নমস্তুভ্যং নমস্তুভ্যং নমস্তুভ্যং মহেশ্ৱরি || ৪ ||
ভূতনাথ পুরারাতে ভুজংগামৃতভূষণ |
নমস্তুভ্যং নমস্তুভ্যং নমস্তুভ্যং মহেশ্ৱর || ৫ ||
পাদপ্রণতভক্তানাং পারিজাতগুণাধিকে |
নমস্তুভ্যং নমস্তুভ্যং নমস্তুভ্যং মহেশ্ৱরি || ৬ ||
হালাস্যেশ দযামূর্তে হালাহললসদ্গল |
নমস্তুভ্যং নমস্তুভ্যং নমস্তুভ্যং মহেশ্ৱর || ৭ ||
নিতংবিনি মহেশস্য কদংবৱননাযিকে |
নমস্তুভ্যং নমস্তুভ্যং নমস্তুভ্যং মহেশ্ৱরি || ৮ ||
ইতি শ্রীহালাস্যমাহাত্ম্যে সংঘিলকৃতং উমামহেশ্ৱরাষ্টকম্ |