নমশ্চংদ্রায সোমাযেংদৱে কুমুদবংধৱে |
ৱিলোহিতায শুভ্রায শুক্লাংবরধরায চ || ১ ||
ত্ৱমেৱ সর্ৱলোকানামাপ্যাযনকরঃ সদা |
ক্ষীরোদ্ভৱায দেৱায নমঃ শংকরশেখর || ২ ||
যুগানাং যুগকর্তা ত্ৱং নিশানাথো নিশাকরঃ |
সংৱত্সরাণাং মাসানামৃতূনাং তু তথৈৱ চ || ৩ ||
গ্রহাণাং চ ত্ৱমেকোঽসি সৌম্যঃ সোমকরঃ প্রভুঃ |
ওষধীপতযে তুভ্যং রোহিণীপতযে নমঃ || ৪ ||
ইদং তু পঠতে স্তোত্রং প্রাতরুত্থায যো নরঃ |
দিৱা ৱা যদি ৱা রাত্রৌ বদ্ধচিত্তো হি যো নরঃ || ৫ ||
ন ভযং ৱিদ্যতে তস্য কার্যসিদ্ধির্ভৱিষ্যতি |
অহোরাত্রকৃতং পাপং পঠনাদেৱ নশ্যতি || ৬ ||
দ্ৱিজরাজো মহাপুণ্যস্তারাপতির্ৱিশেষতঃ |
ওষধীনাং চ যো রাজা স সোমঃ প্রীযতাং মম || ৭ ||
ইতি চংদ্র স্তোত্রম্ |