জয কামেশি চামুংডে জয ভূতাপহারিণি |
জয সর্ৱগতে দেৱি কামেশ্ৱরি নমোঽস্তু তে || ১ ||
ৱিশ্ৱমূর্তে শুভে শুদ্ধে ৱিরূপাক্ষি ত্রিলোচনে |
ভীমরূপে শিৱে ৱিদ্যে কামেশ্ৱরি নমোঽস্তু তে || ২ ||
মালাজযে জযে জংভে ভূতাক্ষি ক্ষুভিতেঽক্ষযে |
মহামাযে মহেশানি কামেশ্ৱরি নমোঽস্তু তে || ৩ ||
ভীমাক্ষি ভীষণে দেৱি সর্ৱভূতক্ষযংকরি |
কালি চ ৱিকরালি চ কামেশ্ৱরি নমোঽস্তু তে || ৩ ||
কালি করালৱিক্রাংতে কামেশ্ৱরি হরপ্রিযে |
সর্ৱশাস্ত্রসারভূতে কামেশ্ৱরি নমোঽস্তু তে || ৪ ||
কামরূপপ্রদীপে চ নীলকূটনিৱাসিনি |
নিশুংভশুংভমথনি কামেশ্ৱরি নমোঽস্তু তে || ৫ ||
কামাখ্যে কামরূপস্থে কামেশ্ৱরি হরিপ্রিযে |
কামনাং দেহি মে নিত্যং কামেশ্ৱরি নমোঽস্তু তে || ৬ ||
ৱপানাঢ্যমহাৱক্ত্রে তথা ত্রিভুৱনেশ্ৱরি |
মহিষাসুরৱধে দেৱি কামেশ্ৱরি নমোঽস্তু তে || ৭ ||
ছাগতুষ্টে মহাভীমে কামাখ্যে সুরৱংদিতে |
জয কামপ্রদে তুষ্টে কামেশ্ৱরি নমোঽস্তু তে || ৮ ||
ভ্রষ্টরাজ্যো যদা রাজা নৱম্যাং নিযতঃ শুচিঃ |
অষ্টম্যাং চ চতুর্দশ্যামুপৱাসী নরোত্তমঃ || ৯ ||
সংৱত্সরেণ লভতে রাজ্যং নিষ্কংটকং পুনঃ |
য ইদং শৃণুযাদ্ভক্ত্যা তৱ দেৱি সমুদ্ভৱম্ |
সর্ৱপাপৱিনির্মুক্তঃ পরং নির্ৱাণমৃচ্ছতি || ১০ ||
শ্রীকামরূপেশ্ৱরি ভাস্করপ্রভে
প্রকাশিতাংভোজনিভাযতাননে |
সুরারিরক্ষঃস্তুতিপাতনোত্সুকে
ত্রযীমযে দেৱনুতে নমামি || ১১ ||
সিতাসিতে রক্তপিশংগৱিগ্রহে
রূপাণি যস্যাঃ প্রতিভাংতি তানি |
ৱিকাররূপা চ ৱিকল্পিতানি
শুভাশুভানামপি তাং নমামি || ১২ ||
কামরূপসমুদ্ভূতে কামপীঠাৱতংসকে |
ৱিশ্ৱাধারে মহামাযে কামেশ্ৱরি নমোঽস্তু তে || ১৩ ||
অৱ্যক্তৱিগ্রহে শাংতে সংততে কামরূপিণি |
কালগম্যে পরে শাংতে কামেশ্ৱরি নমোঽস্তু তে || ১৪ ||
যা সুষুম্নাংতরালস্থা চিংত্যতে জ্যোতিরূপিণী |
প্রণতোঽস্মি পরাং ৱীরাং কামেশ্ৱরি নমোঽস্তু তে || ১৫ ||
দংষ্ট্রাকরালৱদনে মুংডমালোপশোভিতে |
সর্ৱতঃ সর্ৱগে দেৱি কামেশ্ৱরি নমোঽস্তু তে || ১৬ ||
চামুংডে চ মহাকালি কালি কপালহারিণী |
পাশহস্তে দংডহস্তে কামেশ্ৱরি নমোঽস্তু তে || ১৭ ||
চামুংডে কুলমালাস্যে তীক্ষ্ণদংষ্ট্রে মহাবলে |
শৱযানস্থিতে দেৱি কামেশ্ৱরি নমোঽস্তু তে || ১৮ ||
ইতি শ্রী কামাখ্যা স্তোত্রম্ |