অখিলাগমসংস্তুতং অজাদিদেৱৱংদিতম্ |
অখংডমংডলাকারং অনেকজনসেৱিতম্ || ১ ||
অনাদ্যংতস্ৱযংভূতং আশাপাশৱিমোচকম্ |
আনংদকাননাধীশং চৈৱানংদপ্রদাযকম্ || ২ ||
ইহলোকস্পৃহানেকপরিপূরকস্ৱামিনম্ |
ঈশিত্ৱাদ্যষ্টসিদ্ধিনং ইংদ্রিযগ্রামদৈৱতম্ || ৩ ||
উরগরাজভূষণং উডুরাজৱিভূষিতম্ |
ঊর্ধ্ৱলিংগং উমাকাংতং উরুদুঃখৱিমোচকম্ || ৪ ||
মহোজ্জ্ৱলস্ৱরূপং চ ত্রিপুংড্রাংকিতমস্তকম্ |
অন্নপূর্ণাৱিশালাক্ষীনাথং গংগাধরং ৱিভুম্ || ৫ ||
ভাৱনামাত্রসংতুষ্টহৃদযং হৃদযেশ্ৱরম্ |
ভূতভৱ্যভৱন্নাথং ভৱরোগহরং হরম্ || ৬ ||
মহাশ্মশানদেৱেশং ভুক্তিমুক্তিফলপ্রদম্ |
মহোক্ষৱাহনারূঢং মৃগহস্তং মহেশ্ৱরম্ || ৭ ||
উগ্রং ভীমং মৃডং শর্ৱং সর্ৱৈশ্ৱর্যপ্রদাযকম্ |
নংদীশ্ৱরাদিসংস্তুতং ত্রিনেত্রং তাংডৱেশ্ৱরম্ || ৮ ||
ৱিশ্ৱেশং ৱিশ্ৱরূপং চ ৱিশ্ৱকারণমৱ্যযম্ |
ৱিষকংঠং ৱিরূপাক্ষং ৱীরভদ্রপ্রিযং শিৱম্ || ৯ ||
মহাদেৱং মহেশানং মহনীযগুণাকরম্ |
শ্রীমণিকর্ণিকেশং চ শ্রীমাধৱপ্রিযং প্রভুম্ || ১০ ||
মহাদেৱীসমাযুক্তশরীরং পরমেশ্ৱরম্ |
মৃত্যুংজযং মৃডানীশং মহাভযনিৱারকম্ || ১১ ||
ভক্তমানসরোৱরৱিহারাসক্তঃ শূলিনম্ |
ভৱদুঃখৱিভংজকং ভক্তৱরপ্রদাযকম্ || ১২ ||
গংগাস্নপিতসর্ৱাংগং বিল্ৱপত্রাদিপূজিতম্ |
নানালংকারসংযুক্তং দিৱ্যগংধানুলেপিতম্ || ১৩ ||
ত্রযীৱেদ্যং ত্রিলোকেশং তাপত্রযপ্রভংজকম্ |
ত্রিপুরসুংদরীরূপং ত্র্যংবকং ত্রিপুরাংতকম্ || ১৪ ||
ৱারাণসীপুরাধীশং ৱররুদ্রাক্ষধারিণম্ |
ৱ্যালযজ্ঞোপৱীতিনং ৱ্যাঘ্রচর্মৱিভূষিতম্ || ১৫ ||
সুরাসুরনমস্কৃতশ্রীমচ্চরণপংকজম্ |
সদৈকরসরূপং চ সদানটনতত্পরম্ || ১৬ ||
সত্যজ্ঞানাত্মকং সোমং সোমসূর্যাগ্নিলোচনম্ |
কালভৈরৱমীশানং কালাগ্নিরুদ্রমীশ্ৱরম্ || ১৭ ||
শুদ্ধকৈৱল্যরূপং চ শুদ্ধৱিদ্যাপ্রদাযকম্ |
শাংতং পদ্মাসনস্থং চ শ্রীকংঠং চংদ্রশেখরম্ || ১৮ ||
গিরীশং গিরিজাপতিং পশুপাশৱিমোচকম্ |
যজ্ঞেশং নীলগ্রীৱং চ যোগিহৃত্পদ্মৱাসিনম্ || ১৯ ||
কোটিসূর্যসমপ্রভং চংদ্রকোটিসুশীতলম্ |
জাগ্রত্স্ৱপ্নসুষুপ্তীনাং সাক্ষীভূতং চিদাত্মকম্ || ২০ ||
সর্ৱৱ্যাপকদেৱেশং ৱিশ্ৱনাথমহর্নিশম্ |
সদৈৱলিংগরূপং তং পরানংদপরাত্পরম্ || ২১ ||
অষ্টোত্তরৈকশিৱনাম সমন্ৱিতং যত্
স্তোত্রং পঠংতি মনুজা ভুৱি ভক্তিযুক্তাঃ |
সংপ্রাপ্য লৌকিকসুখানি পরং লভংতে
দেহাৱসানসমযে শিৱ সংপ্রসাদাত্ || ২২ ||
ইতি শ্রী কাশীৱিশ্ৱনাথ অষ্টোত্তরশতনাম স্তোত্রম্ ||