নংদিকেশ্ৱর উৱাচ |
কৈলাসস্যোত্তরে শৃংগে শুদ্ধস্ফটিকসন্নিভে |
তমোগুণৱিহীনে তু জরামৃত্যুৱিৱর্জিতে || ১ ||
সর্ৱতীর্থাস্পদাধারে সর্ৱজ্ঞানকৃতালযে |
কৃতাংজলিপুটো ব্রহ্মা ধ্যানাসীনং সদাশিৱম্ || ২ ||
পপ্রচ্ছ প্রণতো ভূত্ৱা জানুভ্যামৱনিং গতঃ |
সর্ৱার্থসংপদাধারো ব্রহ্মা লোকপিতামহঃ || ৩ ||
ব্রহ্মোৱাচ |
কেনোপাযেন দেৱেশ চিরাযুর্লোমশোঽভৱত্ |
তন্মে ব্রূহি মহেশান লোকানাং হিতকাম্যযা || ৪ ||
শ্রীসদাশিৱ উৱাচ |
শৃণু ব্রহ্মন্ প্রৱক্ষ্যামি চিরাযুর্মুনিসত্তমঃ |
সংজাতো কর্মণা যেন ৱ্যাধিমৃত্যুৱিৱর্জিতঃ || ৫ ||
তস্মিন্নেকার্ণৱে ঘোরে সলিলৌঘপরিপ্লুতে |
কৃতাংতভযনাশায স্তুতো মৃত্যুংজযঃ শিৱঃ || ৬ ||
তস্য সংকীর্তনান্নিত্যং মর্ত্যো মৃত্যুৱিৱর্জিতঃ |
ত্ৱমেৱ কীর্তযন্ ব্রহ্মন্ মৃত্যুং জেতুং ন সংশযঃ || ৭ ||
লোমশ উৱাচ |
দেৱাধিদেৱ দেৱেশ সর্ৱপ্রাণভৃতাং ৱর |
প্রাণিনামপি নাথস্ত্ৱং মৃত্যুংজয নমোঽস্তু তে || ৮ ||
দেহিনাং জীৱভূতোঽসি জীৱো জীৱস্য কারণম্ |
জগতাং রক্ষকস্ত্ৱং ৱৈ মৃত্যুংজয নমোঽস্তু তে || ৯ ||
হেমাদ্রিশিখরাকার সুধাৱীচিমনোহর |
পুংডরীক পরং জ্যোতির্মুত্যুংজয নমোঽস্তু তে || ১০ ||
ধ্যানাধার মহাজ্ঞান সর্ৱজ্ঞানৈককারণ |
পরিত্রাতাসি লোকানাং মৃত্যুংজয নমোঽস্তু তে || ১১ ||
নিহতা যেন কালেন সদেৱাসুরমানুষাঃ |
গংধর্ৱাপ্সরসশ্চৈৱ সিদ্ধৱিদ্যাধরাস্তথা || ১২ ||
সাধ্যাশ্চ ৱসৱো রুদ্রাস্তথাশ্ৱিনিসুতাৱুভৌ |
মরুতশ্চ দিশো নাগাঃ স্থাৱরা জংগমাস্তথা || ১৩ ||
অনংগেন মনোজেন পুষ্পচাপেন কেৱলম্ |
জিতঃ সোঽপি ত্ৱযা ধ্যানান্মৃত্যুংজয নমোঽস্তু তে || ১৪ ||
যে ধ্যাযংতি পরাং মূর্তিং পূজযংত্যমরাধিপ |
ন তে মৃত্যুৱশং যাংতি মৃত্যুংজয নমোঽস্তু তে || ১৫ ||
ত্ৱমোংকারোঽসি ৱেদানাং দেৱানাং চ সদাশিৱঃ |
আধারশক্তিঃ শক্তীনাং মৃত্যুংজয নমোঽস্তু তে || ১৬ ||
স্থাৱরে জংগমে ৱাপি যাৱত্তিষ্ঠতি মেদিনী |
জীৱত্ৱিত্যাহ লোকোঽযং মৃত্যুংজয নমোঽস্তু তে || ১৭ ||
সোমসূর্যাগ্নিমধ্যস্থ ৱ্যোমৱ্যাপিন্ সদাশিৱঃ |
কালত্রয মহাকাল মৃত্যুংজয নমোঽস্তু তে || ১৮ ||
প্রবুদ্ধে চাপ্রবুদ্ধে চ ত্ৱমেৱ সৃজসে জগত্ |
সৃষ্টিরূপেণ দেৱেশ মৃত্যুংজয নমোঽস্তু তে || ১৯ ||
ৱ্যোম্নি ত্ৱং ৱ্যোমরূপোঽসি তেজঃ সর্ৱত্র তেজসি |
প্রাণিনাং জ্ঞানরূপোঽসি মৃত্যুংজয নমোঽস্তু তে || ২০ ||
জগজ্জীৱো জগত্প্রাণঃ স্রষ্টা ত্ৱং জগতঃ প্রভুঃ |
কারণং সর্ৱতীর্থানাং মৃত্যুংজয নমোঽস্তু তে || ২১ ||
নেতা ত্ৱমিংদ্রিযাণাং চ সর্ৱজ্ঞানপ্রবোধকঃ |
সাংখ্যযোগশ্চ হংসশ্চ মৃত্যুংজয নমোঽস্তু তে || ২২ ||
রূপাতীতঃ সুরূপশ্চ পিংডস্থা পদমেৱ চ |
চতুর্যুগকলাধার মৃত্যুংজয নমোঽস্তু তে || ২৩ ||
রেচকে ৱহ্নিরূপোঽসি সোমরূপোঽসি পূরকে |
কুংভকে শিৱরূপোঽসি মৃত্যুংজয নমোঽস্তু তে || ২৪ ||
ক্ষযং করোঽসি পাপানাং পুণ্যানামপি ৱর্ধসম্ |
হেতুস্ত্ৱং শ্রেযসাং নিত্যং মৃত্যুংজয নমোঽস্তু তে || ২৫ ||
সর্ৱমাযাকলাতীত সর্ৱেংদ্রিযপরাৱর |
সর্ৱেংদ্রিযকলাধীশ মৃত্যুংজয নমোঽস্তু তে || ২৬ ||
রূপং গংধো রসঃ স্পর্শঃ শব্দঃ সংস্কার এৱ চ |
ত্ৱত্তঃ প্রকাশ এতেষাং মৃত্যুংজয নমোঽস্তু তে || ২৭ ||
চতুর্ৱিধানাং সৃষ্টীনাং হেতুস্ত্ৱং কারণেশ্ৱর |
ভাৱাভাৱপরিচ্ছিন্ন মৃত্যুংজয নমোঽস্তু তে || ২৮ ||
ত্ৱমেকো নিষ্কলো লোকে সকলং ভুৱনত্রযম্ |
অতিসূক্ষ্মাতিরূপস্ত্ৱং মৃত্যুংজয নমোঽস্তু তে || ২৯ ||
ত্ৱং প্রবোধস্ত্ৱমাধারস্ত্ৱদ্বীজং ভুৱনত্রযম্ |
সত্ত্ৱং রজস্তমস্ত্ৱং হি মৃত্যুংজয নমোঽস্তু তে || ৩০ ||
ত্ৱং সোমস্ত্ৱং দিনেশশ্চ ত্ৱমাত্মা প্রকৃতেঃ পরঃ |
অষ্টত্রিংশত্কলানাথ মৃত্যুংজয নমোঽস্তু তে || ৩১ ||
সর্ৱেংদ্রিযাণামাধারঃ সর্ৱভূতগণাশ্রযঃ |
সর্ৱজ্ঞানমযানংত মৃত্যুংজয নমোঽস্তু তে || ৩২ ||
ত্ৱমাত্মা সর্ৱভূতানাং গুণানাং ত্ৱমধীশ্ৱরঃ |
সর্ৱানংদমযাধার মৃত্যুংজয নমোঽস্তু তে || ৩৩ ||
ত্ৱং যজ্ঞঃ সর্ৱযজ্ঞানাং ত্ৱং বুদ্ধির্বোধলক্ষণা |
শব্দব্রহ্ম ত্ৱমোংকারো মৃত্যুংজয নমোঽস্তু তে || ৩৪ ||
শ্রীসদাশিৱ উৱাচ |
এৱং সংকীর্তযেদ্যস্তু শুচিস্তদ্গতমানসঃ |
ভক্ত্যা শৃণোতি যো ব্রহ্মন্ ন স মৃত্যুৱশো ভৱেত্ || ৩৫ ||
ন চ মৃত্যুভযং তস্য প্রাপ্তকালং চ লংঘযেত্ |
অপমৃত্যুভযং তস্য প্রণশ্যতি ন সংশযঃ || ৩৬ ||
ৱ্যাধযো নোপপদ্যংতে নোপসর্গভযং ভৱেত্ |
প্রত্যাসন্নাংতরে কালে শতৈকাৱর্তনে কৃতে || ৩৭ ||
মৃত্যুর্ন জাযতে তস্য রোগান্মুংচতি নিশ্চিতম্ |
পংচম্যাং ৱা দশম্যাং ৱা পৌর্ণমাস্যামথাপি ৱা || ৩৮ ||
শতমাৱর্তযেদ্যস্তু শতৱর্ষং স জীৱতি |
তেজস্ৱী বলসংপন্নো লভতে শ্রিযমুত্তমাম্ || ৩৯ ||
ত্রিৱিধং নাশযেত্পাপং মনোৱাক্কাযসংভৱম্ |
অভিচারাণি কর্মাণি কর্মাণ্যাথর্ৱণানি চ |
ক্ষীযংতে নাত্র সংদেহো দুঃস্ৱপ্নং চ ৱিনশ্যতি || ৪০ ||
ইদং রহস্যং পরমং দেৱদেৱস্য শূলিনঃ |
দুঃখপ্রণাশনং পুণ্যং সর্ৱৱিঘ্নৱিনাশনম্ || ৪১ ||
ইতি শ্রীশিৱব্রহ্মসংৱাদে শ্রীমৃত্যুংজয স্তোত্রম্ |