অস্য শ্রীরামরক্ষাস্তোত্রমংত্রস্য বুধকৌশিক ঋষিঃ শ্রীসীতারামচংদ্রো দেৱতা অনুষ্টুপ্ ছংদঃ সীতা শক্তিঃ শ্রীমান্ হনুমান্ কীলকং শ্রীরামচংদ্রপ্রীত্যর্থে রামরক্ষাস্তোত্রজপে ৱিনিযোগঃ ||
ধ্যানং |
ধ্যাযেদাজানুবাহুং ধৃতশরধনুষং বদ্ধপদ্মাসনস্থং
পীতং ৱাসো ৱসানং নৱকমলদলস্পর্ধিনেত্রং প্রসন্নম্ |
ৱামাংকারূঢসীতামুখকমলমিলল্লোচনং নীরদাভং
নানালংকারদীপ্তং দধতমুরুজটামংডলং রামচংদ্রম্ ||
অথ স্তোত্রং |
চরিতং রঘুনাথস্য শতকোটিপ্রৱিস্তরম্ |
একৈকমক্ষরং পুংসাং মহাপাতকনাশনম্ || ১ ||
ধ্যাত্ৱা নীলোত্পলশ্যামং রামং রাজীৱলোচনম্ |
জানকীলক্ষ্মণোপেতং জটামুকুটমংডিতম্ || ২ ||
সাঽসিতূণধনুর্বাণপাণিং নক্তংচরাংতকম্ |
স্ৱলীলযা জগত্ত্রাতুমাৱির্ভূতমজং ৱিভুম্ || ৩ ||
রামরক্ষাং পঠেত্প্রাজ্ঞঃ পাপঘ্নীং সর্ৱকামদাম্ |
শিরো মে রাঘৱঃ পাতু ফালং দশরথাত্মজঃ || ৪ ||
কৌসল্যেযো দৃশৌ পাতু ৱিশ্ৱামিত্রপ্রিযঃ শ্রুতী |
ঘ্রাণং পাতু মখত্রাতা মুখং সৌমিত্রিৱত্সলঃ || ৫ ||
জিহ্ৱাং ৱিদ্যানিধিঃ পাতু কংঠং ভরতৱংদিতঃ |
স্কংধৌ দিৱ্যাযুধঃ পাতু ভুজৌ ভগ্নেশকার্মুকঃ || ৬ ||
করৌ সীতাপতিঃ পাতু হৃদযং জামদগ্ন্যজিত্ |
মধ্যং পাতু খরধ্ৱংসী নাভিং জাংবৱদাশ্রযঃ || ৭ ||
সুগ্রীৱেশঃ কটী পাতু সক্থিনী হনুমত্প্রভুঃ |
ঊরূ রঘূত্তমঃ পাতু রক্ষঃকুলৱিনাশকৃত্ || ৮ ||
জানুনী সেতুকৃত্পাতু জংঘে দশমুখাংতকঃ |
পাদৌ ৱিভীষণশ্রীদঃ পাতু রামোঽখিলং ৱপুঃ || ৯ ||
এতাং রামবলোপেতাং রক্ষাং যঃ সুকৃতী পঠেত্ |
স চিরাযুঃ সুখী পুত্রী ৱিজযী ৱিনযী ভৱেত্ || ১০ ||
পাতালভূতলৱ্যোমচারিণশ্ছদ্মচারিণঃ |
ন দ্রষ্টুমপি শক্তাস্তে রক্ষিতং রামনামভিঃ || ১১ ||
রামেতি রামভদ্রেতি রামচংদ্রেতি ৱা স্মরন্ |
নরো ন লিপ্যতে পাপৈর্ভুক্তিং মুক্তিং চ ৱিংদতি || ১২ ||
জগজ্জৈত্রৈকমংত্রেণ রামনাম্নাভিরক্ষিতম্ |
যঃ কংঠে ধারযেত্তস্য করস্থাঃ সর্ৱসিদ্ধযঃ || ১৩ ||
ৱজ্রপংজরনামেদং যো রামকৱচং স্মরেত্ |
অৱ্যাহতাজ্ঞঃ সর্ৱত্র লভতে জযমংগলম্ || ১৪ ||
আদিষ্টৱান্যথা স্ৱপ্নে রামরক্ষামিমাং হরঃ |
তথা লিখিতৱান্প্রাতঃ প্রবুদ্ধো বুধকৌশিকঃ || ১৫ ||
আরামঃ কল্পৱৃক্ষাণাং ৱিরামঃ সকলাপদাম্ |
অভিরামস্ত্রিলোকানাং রামঃ শ্রীমান্ স নঃ প্রভুঃ || ১৬ ||
তরুণৌ রূপসংপন্নৌ সুকুমারৌ মহাবলৌ |
পুংডরীক ৱিশালাক্ষৌ চীরকৃষ্ণাজিনাংবরৌ || ১৭ ||
ফলমূলাশিনৌ দাংতৌ তাপসৌ ব্রহ্মচারিণৌ |
পুত্রৌ দশরথস্যৈতৌ ভ্রাতরৌ রামলক্ষ্মণৌ || ১৮ ||
শরণ্যৌ সর্ৱসত্ত্ৱানাং শ্রেষ্ঠৌ সর্ৱধনুষ্মতাম্ |
রক্ষঃ কুলনিহংতারৌ ত্রাযেতাং নো রঘূত্তমৌ || ১৯ ||
আত্তসজ্যধনুষাৱিষুস্পৃশাৱক্ষযাশুগনিষংগসংগিনৌ |
রক্ষণায মম রামলক্ষ্মণাৱগ্রতঃ পথি সদৈৱ গচ্ছতাম্ || ২০ ||
সন্নদ্ধঃ কৱচী খড্গী চাপবাণধরো যুৱা |
গচ্ছন্মনোরথান্নশ্চ রামঃ পাতু সলক্ষ্মণঃ || ২১ ||
রামো দাশরথিঃ শূরো লক্ষ্মণানুচরো বলী |
কাকুত্স্থঃ পুরুষঃ পূর্ণঃ কৌসল্যেযো রঘূত্তমঃ || ২২ ||
ৱেদাংতৱেদ্যো যজ্ঞেশঃ পুরাণপুরুষোত্তমঃ |
জানকীৱল্লভঃ শ্রীমানপ্রমেযপরাক্রমঃ || ২৩ ||
ইত্যেতানি জপেন্নিত্যং মদ্ভক্তঃ শ্রদ্ধযান্ৱিতঃ |
অশ্ৱমেধাধিকং পুণ্যং সংপ্রাপ্নোতি ন সংশযঃ || ২৪ ||
রামং দূর্ৱাদলশ্যামং পদ্মাক্ষং পীতৱাসসম্ |
স্তুৱংতি নামভির্দিৱ্যৈর্ন তে সংসারিণো নরাঃ || ২৫ ||
রামং লক্ষ্মণপূর্ৱজং রঘুৱরং সীতাপতিং সুংদরং
কাকুত্স্থং করুণার্ণৱং গুণনিধিং ৱিপ্রপ্রিযং ধার্মিকম্ |
রাজেংদ্রং সত্যসংধং দশরথতনযং শ্যামলং শাংতমূর্তিং
ৱংদে লোকাভিরামং রঘুকুলতিলকং রাঘৱং রাৱণারিম্ || ২৬ ||
রামায রামভদ্রায রামচংদ্রায ৱেধসে |
রঘুনাথায নাথায সীতাযাঃ পতযে নমঃ || ২৭ ||
শ্রীরাম রাম রঘুনংদন রাম রাম
শ্রীরাম রাম ভরতাগ্রজ রাম রাম |
শ্রীরাম রাম রণকর্কশ রাম রাম
শ্রীরাম রাম শরণং ভৱ রাম রাম || ২৮ ||
শ্রীরামচংদ্রচরণৌ মনসা স্মরামি
শ্রীরামচংদ্রচরণৌ ৱচসা গৃণামি |
শ্রীরামচংদ্রচরণৌ শিরসা নমামি
শ্রীরামচংদ্রচরণৌ শরণং প্রপদ্যে || ২৯ ||
মাতা রামো মত্পিতা রামচংদ্রঃ
স্ৱামী রামো মত্সখা রামচংদ্রঃ |
সর্ৱস্ৱং মে রামচংদ্রো দযালুঃ
নান্যং জানে নৈৱ জানে ন জানে || ৩০ ||
দক্ষিণে লক্ষ্মণো যস্য ৱামে চ জনকাত্মজা |
পুরতো মারুতির্যস্য তং ৱংদে রঘুনংদনম্ || ৩১ ||
লোকাভিরামং রণরংগধীরং
রাজীৱনেত্রং রঘুৱংশনাথম্ |
কারুণ্যরূপং করুণাকরং তং
শ্রীরামচংদ্রং শরণং প্রপদ্যে || ৩২ ||
মনোজৱং মারুততুল্যৱেগং
জিতেংদ্রিযং বুদ্ধিমতাং ৱরিষ্ঠম্ |
ৱাতাত্মজং ৱানরযূথমুখ্যং
শ্রীরামদূতং শরণং প্রপদ্যে || ৩৩ ||
কূজংতং রামরামেতি মধুরং মধুরাক্ষরম্ |
আরুহ্য কৱিতাশাখাং ৱংদে ৱাল্মীকিকোকিলম্ || ৩৪ ||
আপদামপহর্তারং দাতারং সর্ৱসংপদাম্ |
লোকাভিরামং শ্রীরামং ভূযো ভূযো নমাম্যহম্ || ৩৫ ||
ভর্জনং ভৱবীজানামর্জনং সুখসংপদাম্ |
তর্জনং যমদূতানাং রামরামেতি গর্জনম্ || ৩৬ ||
রামো রাজমণিঃ সদা ৱিজযতে রামং রমেশং ভজে
রামেণাভিহতা নিশাচরচমূ রামায তস্মৈ নমঃ |
রামান্নাস্তি পরাযণং পরতরং রামস্য দাসোঽস্ম্যহং
রামে চিত্তলযঃ সদা ভৱতু মে ভো রাম মামুদ্ধর || ৩৭ ||
শ্রীরাম রাম রামেতি রমে রামে মনোরমে |
সহস্রনাম তত্তুল্যং রামনাম ৱরাননে || ৩৮ ||
ইতি শ্রীবুধকৌশিকমুনি ৱিরচিতং শ্রীরামরক্ষা স্তোত্রম্ |